------>我的相簿icq
no :166423410
/ E-mail add : trami_ling@mail.hongkong.com------>我的相簿
同上年一樣去咗Time Sq睇梁生做show ,原本以為冇得去㗎~但最後好好彩有得去 .呢日亦係sunnyzone開網一週年 .
希望今晚會見到彭晴同佢映相 ,咁張就做sunnyzone嘅版面 ,成年就唔洗煩la~~
今日下晝就放咗工去Time Sq ,仲好輕鬆地去嗰隻 .去咗百佳買嘢食 ,又去文具店買波波扭個"R",因為Time Sq唔俾舉
牌ma~呢樣嘢係我哋一年前喺Time Sq count down嗰陣又係唔俾舉牌就諗咗呢條橋出嚟 ,可惜我哋因為揾唔到"pump",所以冇做
到 ,今年可以做番lor~連梁生喺個台度都見到我哋嘅波波添呀!!成晚個show好過舊年好多 ,上年?!成日揾mtv隔場 ,今年至少一
直出歌星唔停先la~
2002年嘅最後一日lu~咁快又一年喎~喺呢一年裡面 ,當然有開心有唔開心 .開心嘅我會記住佢 ,等第日有個開心回
憶俾自己 ;唔開心嘅我會盡量忘記 ,要記住d唔開心嘢好辛苦㗎 !不過......到咗last day ,都要諗番吓呢一年裡面有d咩事發生過la~
等自己知道有d咩要改進 ,有d咩係要keep住ma~~
今年十件最難忘事件 :
(1) 1/1------Sunny Zone正式開網
其實Sunny Zone開網日應該係31/12/01嘅 ,不過我過咗12點至post上網嘅 .個網真係唔易整 ,差唔多要用3個月時間至搞掂 ,
希望Sunny Zone會有好多個週年紀念la~呢日仲係我第一次同倫住嚟試隊喺Time Sq count down ,之後喺銅鑼灣行咗幾個圈
為咗揾地方坐抵食嘢 ,途中嘗試打電話俾law仔 ,又打得通喎 ,我同佢hea咗幾句 ,同佢講Happy New Year ,佢梗係唔知我係
邊個la~我將呢段對話錄咗音添 !我哋最後喺Time Sq附近一間麵鋪坐抵食嘢 ,跟住凡seven買完嘢飲就行到去灣仔碼頭吹
水 ,傾咗好多嘢呀 ,傾到4點幾一齊揾toilet v v 就各自番屋企嘞 .
(2) 18/1------睇金曲嘅同時唔見咗部mobile
懷住一份好開心嘅心情去睇梁生+彭晴做中文金曲mc ,個位仲她正 ,係200嘅第一行 ,好近個台添 .但就係因為唔見咗部手
提 ,令我唔開心咗成個禮拜 .唔開心唔係因為個電話好貴 ,而係我真係好鐘意個電話 ,個電話係好平啫 ,Panasonic GD93舊
款機嚟嘅......但我就由佢啱啱出嗰陣我已經好鐘意 ,但就因為嗰陣kamchoi已經買咗第二部機俾我 ,所以冇買到. 終於買到
嘞 ,對咗一個月都唔夠就唔見鬼咗 ,唉......部電話錄咗梁生&law仔嘅嘢ga~我晚晚都會聽吓嘅 .所以攞咗我部機嘅人一實冇
好死㗎 ,因為由呢日開始我間唔中就會咀咒佢 !
(3) 20/4------Kamchoi+Grace注冊結婚
kamchoi終於娶老婆lu~為咗去觀禮 ,我請咗半日假 ,但最後我都係冇番工 .而開心嘅程度多過amy結婚嗰陣 ,可能嗰陣我仲
細 ,同佢年紀又相差咁遠 .而kamchoi就唔同 ,我同佢年紀最相近 ,又傾得埋 ,咪開心好多囉......
(4) 7/7------太陽計劃opening
喺Time Sq搞 ,8點幾就到 ,twins & shine d fans好早就到場霸位 ,我哋都算叻ga la~可以霸到個頗近嘅位 .呢日好辛苦 ,又熱
又焗 ,突然好曬 ,突然落雨 ,我哋有好多人都冇帶遮 ,咪用d banner遮住先囉 ,非常狼狽 .大家為咗幫ricky同roland做勢舉牌 ,
根本唔係好睇到佢哋做緊乜 ,好在喺排嗰陣睇左陣 ,仲見到otto添 .
(5) 21/7------買電腦
呢個俊我年頭嘅新年願望 ,真係實現咗 .我好滿意而家部腦 .因為佢 ,彭晴呢日喺會展做閱讀閱友營我都只係hea咗一陣 ,
因為約咗kamchoi去買囉 ,亦因為佢 ,令我"的"起心肝搞好個網 .
(6) 19/8------好友會成立日
其實係倫住嚟試嘅fans club ,講真咪係做勢~ricky同roland當晚喊 ,ricky喊先 .當我見到ricky喊嗰陣我都有d想喊 ,因為我係
一個好易喊嘅人 ,叫人唔好喊一定喊先嗰隻 ,但諗起要跟住佢哋大聲唱喊濕枕頭做勢就喊唔出lu~完show嘅時候同佢哋
握手 ,見到梁生喊我就真係忍唔住眼濕濕lu~不過好快就抹咗 ,樣衰ma~
呢日亦係我第一次用一粒鐘左右扎2扎花 ,我都覺得自己幾叻 ,喺麥記喎....
(7) 30/9-----三合會成立
我+yo+kara三個人組成嘅三合會第一次function就係bbq .原本唔只三條友嘅 ,但當中因為一d語言問題令我哋最後淨
番三條友 .俾我知道三個人bbq係點 ,原來都幾舒服喎~
燒完嘢食我哋撘小巴出到灣仔碼頭 ,又喺嗰度吹水吹到6點幾 .
唔知三合會可以有幾耐呢 ?!
(8) 4/10------kamchoi+Grace擺酒
唔.......第一次做迎賓囉 ,又要同d我唔知係乜水但又係我親戚嘅人吹水 ,我覺得好似番工對住d客咁 ,好攰 .
(9) 今年有兩個朋友離開人世
以前從來冇諗過呢d事會咁快發生 ,令我知道自己真係要大個 ,要學識面對生老病死 ,其實我一早就面對過 ,但呢兩個係
自己朋友就真係難d接受 ,希望佢哋早日安息 ,我會記住佢哋ga~~~
(10) 朋友問題
呢個問題的確難搞 ,我都束手無策 .當然知道邊個人有問題la~~但可以點呀 ?!聽佢講嘅有 ;立場唔堅定嘅有; 跟大圍嘅有
(大把)我只係一倘旁觀者 ,件事與我冇關 ,我可以幫咩口 ?!可能我一開始就知呢d係bouns ,唔洗為咗d原本冇嘅嘢易煩啫 !
anyway ,我當然好希望呢個問題喺03年會消失la~始終賺過嘅冇人會想失去番嘅 ,更何況賺嘅係朋友 ?!
原本諗住整曲奇餅嘅 ,打算唱完k行陣就番屋企整囉 ,同個朋友仔2點左右就要分手㗎啦 ,但最後我都冇時間整 ,因為
去咗幫人手 .算啦......1/1號同小B一齊整囉 ,橫掂嗰日阿爸生忌唔出得街嘅 ,又應承咗佢一齊整俾佢d同學仔 ,仲好la.......
唱完k嗰陣我個朋友仔好似唔係好想俾其他人知我哋一齊去唱k .其實唔洗驚呀 ,有咩咁大不了呀 ?!行得正企我正 .所
以最後我哋都一齊光明正大行 .同佢分手之後 ,自己一條友行去十蚊店買咗d嘢 ,但係又買唔到我想買嘅嘢 ,好在最後都揾到其他
嘢代替 ,唔係就麻煩lu~我個新年小搞作就實搞唔成 .
照尋日個計劃 ,我哋以打邊爐做lunch .不過今日原本以為冇乜人嚟嘅 ,點知朝頭早一番工d電話就不停咁嚟book
時間 ,開頭我仲以為wendy話會唔打la~點知佢話打 ,等eva嚟完咯先食囉~~~結果 ,我哋都有打到 ,我哋一邊打 ,一邊傾計 .其實
識咗咁耐 ,我哋都冇乜嘢係唔講得嘅~可能我哋性格似la....有嘢睇唔過眼就一定會講晒出嚟 ,唔收得埋 ,所以至可以做到朋友 ,
如果要我估估吓 / 猜忌對方想點 ,我一定唔會同呢個人做到朋友 ,因為我冇咁多時間用個腦同佢交往 ,用d時間放喺工作 / 同d
friend聚吓 ,增進感情好過la~做friend做到你估我我估你 ,好辛苦啫 ?!少個呢d朋友好過lu~~~
小B約咗dora今日去街 ,佢哋第一個目的地係"錦華行"---我公司 ,因為dora嚟做facial囉 ,小B嚟我度探我 ,真係幾開心
ga~今晚佢喺我哋度過夜 ,放假咯 ,咪冇所為囉 .
尋晚好凍 ,凍到訓唔着 ,最後要落去dora張床攞多張衫先可以暖d 訓得到 ,今朝又因為太凍而唔知醒起身 ,成十點
至醒 ,我唯有飛的+番到公司先洗面 ,好在10 :10就番到去......
亦因為太凍 ,我哋打邊爐做lunch ,雖然唔多嘢食 ,但好玩呀 !Wendy對仔女sharon+daniel都一齊食 ,好搞笑~~佢兩個
唔食得辣㗎 ,不過又因為想試吓用個咁細嘅爐打邊爐 ,都走去食 ,寧願飲多d水 ,哈哈......今日比尋日多人嚟 ,唔知係咪因為天氣
乾燥呢 ,我都好想今日做facial ga~不過又有嘢做喎 ,點得呀 ?!
Dora去完碧桂園番嚟 ,不過冇番屋企食飯呀~我問佢知唔知大陸d保鮮盒賣幾錢呢 ,可惜佢冇留意到 .仲諗住新年
嗰陣玩d特別嘢送俾d friend添~~~佢話喺香港買最平都係十蚊三個 ,喺香港買咪得囉 ,但係如果可以再平d就梗係最好la~~喺香
港買到d咁平嘅咪又係大陸貨......我同Rebacca商量新年玩d特別嘢送俾d friend呢件事 ,佢提醒咗我一樣嘢 ,就係我有冇時間 ,係
喎~新年嗰陣我會上大陸又點有時間整呀 ?真係要再plan好個Schudle至得~~~~~
今日有個朋友仔去咗鋪頭揾我 ,因為佢喺附近去完街 ,咪嚟揾我囉 ,仲買咗d禮物嚟 ,不過唔係俾我 ,只係俾我幫佢
包禮物送俾人咋~雖然今日係紅假 ,不過都要番工 ,因為只係公眾假期而唔係勞工假 ,不過今日全日都係得一個客 ,如果唔係帶
咗本書返鋪頭睇 ,一定悶到癲......好在早收工 ,行咗陣至番屋企 ,不過太凍la~~~
原本今晚會出去打邊爐 ,但係最後cancel咗 ,因為其中有個朋友仔唔想去 ,算la~~~不過佢d主意都變得幾快喎...喺屋
企online時突然收到一個好耐冇打俾我嘅同學朋友仔電話 ,係岑詠儀呀.....真係好耐都冇contact過佢 ,開頭我以為佢想sell我買保
險or傳消 ,但後來feel到唔係囉 .其實我都應該學佢咁得閒contact番d同學仔 ,但係"得閒"呢兩個字喺呢兩個月我真係唔見得到有
喺我身上出現過囉....真係無奈~~~~
朝早去完街之後就番咗屋企煮飯+食飯 ,因為實在太攰啦 ,今朝四點幾至訓 ,真係令我冇可能有足夠能量夜晚都仲
喺條街囉 !番屋企之前去咗十蚊店買咗個瓦煲 ,因為我要整我想整咗好耐嘅煲仔飯 ,可以親今日整ma~一手一腳整 ,連甜豉油都
自己煮 ,第一次整都經已咁好味 ,我嘅廚藝真係冇得頂呀!!!當然 ,冇可能淨食煲仔飯la~仲整咗粟米湯+蒜蓉鮮茹炒西蘭花添......
而我喺行街嗰陣買咗本教整點心嘅書 ,因為dora拎咗個焗爐番嚟 ,我想整嘅嘢 ,e.g :cookie ; cheese cake等等 ,全部都要
用焗爐整嘅 .死la~~又應承咗個朋友仔要整曲奇餅+cheese cake佢食 ,見到佢的話一定要整俾佢食囉 ,唔係又話我得個講字....
聽日係Wendy生日 ,尋晚十一點幾嗰陣我先整個Tramisu送俾佢 ,一來我真係諗唔到送乜俾佢; 二來上年送咗個MD
機俾佢, 今年玩吓心意嘢都好ma~vivian+sharon+brenda+wendy都話好味 ,不過甜咗些少 ,下次唔咁重手囉~佢哋鍾意食 ,連wendy
不嬲唔食甜嘢都話好味 ,我真係好開心㗎!!!
今日係星期日
,原本有街去嘅 ,不過今日屋企做冬唔去得 ,但係都冇得唔早起身la~小B喺我哋到過夜
,晨咁早就
攞住本書喺到讀 ,佢大個之後都咁勤力就好囉~尋晚佢裝飾間屋搞到成2點 ,可以咁早起自都服咗佢ar~~橫掂都起咗身 ,咪起D
落街食早餐買餸囉 ,今年做冬呢餐對我哋嚟講好特別 ,因為今年以打邊爐形式進行 ,我同dora唔洗煮餐死 ,幾好呀 !而今晚細舅
父 ,阿瑩 ,潤庭 ,泳欣 ,拉姨 ,阿姨...都有嚟 .喺打邊爐之前 ,我哋打咗4圈麻雀 ,一向克住我嘅星爺都有落場 ,當然 ,為咗打麻雀 ,我
又唔信邪地打la~點知我真係唔可以打破呢個宿命 ,都係輸....後來kamchoi叫阿嫂俾佢打 ,梗係死啦~高手喎~~打咗冇幾耐 ,小B
坐咗喺我隔籬 ,我就同佢講 ,要旺住我呀 !kamchoi食糊我哋又話"叉住你" ,呢招又真係好有效喎~又原本輸俾星爺嘅我 ,倒羸番 ,
仲係連續食幾添 ,不過kamchoi都有羸呀~佢羸咗星爺D$啫 ,攞些少輸俾我咋~~而今場麻雀輸嘅係dora+星爺 ,我同kamchoi都羸 ,
終於都打破到星爺呢個宿敵囉~~~
今日收到今年第一張聖誕咭 ,kara送嘅 .咭裏面問咗我一個問題 ,我都唔知點答好 ,因為我根本唔知個答案 ,個答
案變得太快la~快到我都唔知幾時已經變咗 ,我諗如果個答案唔係變咗嘅話 ,佢唔會亦唔洗問我嚟個問題囉 ,唉~太複雜啦.........
小B今晚喺我哋到過夜 ,因為聽晚我哋屋企開X'mas party ma .佢攞d紙剪咗好多圖形貼喺牆上 ,又幾得意嘅 ,不過
我哋清理就有排搞囉~~而我la.....我就喺公司攞咗d貨番嚟抽獎 ,d貨都唔平㗎!!! 小B的佈置
食lunch嗰陣見到你 ,相處咗五分鐘左右啫 ,你就話我嬲咗你 ,你d想像力都幾好喎~如果我真係嬲你就唔會等到
你成兩點至食lunch la~你一輪咀咁話我唔啱 ,你有冇諗清楚究竟我有冇嬲你㗎 ?!不過喺你話我嘅其間我冇出聲 ,唔係我默認自
己嬲 ,而係唔想越鬧越薑啫 ,而且我講咩你都聽唔入耳㗎啦~有邊次你會覺得我啱呀 ?!
我放工嗰陣你話送我返屋企 ,救命呀!!!你俾D時間我靜吓好唔好 ,我已經同你講我有嘢買啦~~又話車我到百佳
門口 ,又話等我 ,最後我咪諗住做戲做全套 ,行去百佳求其買D嘢囉 ,點知又收工咯....上番車之後 ,我同你一粒聲都冇出 ,唉.......
唔上車咪好囉~~到我落車聽嗰陣,你同我講 :「小心D啦~」我就同你講 :「落雨呀 ,你小心D揸車呀!」好似冇乜事咁 ,但係真係
冇事呀 ?定係大家都唔想再咁落去呢 ?Anyway ,過咗去咪算囉 ,我又冇話要嬲番你屈我 ,唔通計到清清楚楚呀 ?!希望聽日唔好再
係咁la~~~~
由未上畫就經巳恨睇嘅<<無間道>>今晚睇咗lu...一d都冇令我失望
,真係好好睇,好緊張 ,好正...而個結局都幾
好 ,幾滿意 ,仲幾意外添~~~劉德華勁型 ,梁朝偉面上勁多墨屎 ,Edison+余文樂出得勁少 .
入場前Jason趕唔切同我哋食飯 ,我就同wendy去大家樂打邊爐 ,我第一次去呢d打邊爐咋 ,$39都ok ,再貴d我都
一定唔食 ,煲勁都唔猛火嘅~就係因為咁 ,我哋先要啦啦林食完走~早知係咁就食嗰個新出嘅龍蝦芝士火鍋算la~~~
而今日俾我知道有樣嘢係事實 ,我唔知仲信唔信佢好呀 ??佢係對我好 ,咁又點呀 ??佢以前夠對佢好啦 ,最後
咪又係不歡而散~~我同佢應唔應該繼續落去蒼呢 ?我又應該點樣處理呢 ?雖然我同佢一齊已經唔係短時間 ,但係有好多嘢
我都唔知咁 ,我真係想問佢㗎 ,但係又唔知點開口 ,始終係past tense ,又何必逼佢講 ,問咗佢會講真話咩 ?!
今日做咗樣好有意義嘅事----做義工 ,喺騰龍墟義賣許願咭 .喺開工嘅時候我見到上一手班人賣咗五十幾張 ,
我就同自己講 : 一定要嬴佢哋 ,賣得多過佢哋 .結果我當然贏啦 !Total賣咗111張 ,其中有兩張係我同wendy 買咗 ,因為財政司
司長梁錦松同佢助手嚟騰龍墟參觀 ,仲入嚟我哋攤位買咗張許願咭寫願望 ,佢原本俾$20我哋話唔洗找 ,但後來我話:「唔得
㗎 !一定要找㗎~一係你買夠十張啦~」不過佢話要唔到咁多 ,咁咪算囉....佢哋寫完之後行咗去許願樹到掛起張許願咭 ,d遊
人就圍住佢請佢簽名+映相 ,我就同wendy講 :「不如我哋每人買張俾佢簽名呀 !」當然最後我哋都攞到梁錦松簽名許願咭
留念啦~可惜帶咗部冇電相機去啦 ,唔係可以映相啦......
做完義工之後 ,我+Dora+阿媽去咗旺角揾拉姨+阿姨去大角咀食豬骨煲 ,真係幾好味呀 !由旺角行去大角咀嘅
途中 ,我哋遇到個死人七叔 ,我真係唔太認得佢 ,講真嗰句呀~~就算認得咁又點呀 ?!我都唔會叫佢呢d人做七叔㗎啦 .食完之
後 ,我哋又要行番過去旺角搭1號巴士返屋企 ,但由於本人natural call ,我哋最終都搭的士返屋企 .一去到屋企樓下就沖上樓去
toilet ,唉....我都唔想咁忍㗎~~鬼叫習慣咗一定要乾淨toilet至去到咩~~~~
唉...今日真係超忙 ,連lunch都要成五點幾至有時間食 ,如果唔係寶鶯喺"鴻星"飲完茶買咗d點心俾我哋食 ,真係會監生
餓死我哋 ,佢買俾我哋食嗰d點心又真係幾好味喎~嗰d款式我都未試過嘅~
下午時分Dora打俾我問我聽日係咪跟佢去騰龍墟做義工幫手義賣 ,我幾時思覺失調地應承咗佢我自己唔知呀?!不過
算啦 ,4個鐘啫 ,應該唔會太辛苦嘅 ,而且可以行開陣嘅 ,當去hea吓打吓時間囉 ,橫掂聽日又冇得去見梁生+彭晴 .
連日嚟為咗整Sunny Zone嘅嘢己經夠忙 ,今晚終於搞掂 ,可以鬆一口氣囉 !不過要等到31/12/02先可以post上網 ,快d到
嗰日la~~其實每次提起彭晴都會有一種責任 / 壓力 ,一做起佢d嘢上嚟會停唔到手 ,會好想快d搞掂晒佢 ;好想做好d ,呢個現象
由Sunny Zone開網第一日開始經已出現 ,而且日益嚴重 ,咁係好定唔好嘅呢 ???
近期有好多問題發生 ,雖然有好多嘢唔係三言兩語就解決得到 ,不過希望快d解決la~~
今晚係我由29/10至今第一次見番Roland ,感覺好似好奇怪 ,唔係好期待出function ,唔知點解呢 ?!可能隔太耐 ,要
warm up 番至得 .原本諗住唔去㗎 .但最後都去咗 ,我同自己講 ,如果早收工就去la ~癲癲三母子之首今晚著得好騎呢 ,藍色牛
仔jacket +藍色牛仔三個骨褲 + 一對似板仔嘅灰色波鞋 ,我只能說"觀音頭掃打脚"嚟形容囉 ~扮後生唔係要著到鬼五馬六㗎 !
成場show見到Yumiko ,克勤 ,juno ,shine ,ROLAND+RICKY都有嗌 ,咁耐冇嗌都冇事喎 ~(touch wood講句) .完show後 ,佢哋嗌住
靚乸仔映相 ,冇幾耐癲癲三母子又過嚟 ,我就大嗌一句:「走啦 ,夜啦 !夜ma ma見到污糟嘢會發惡夢㗎 !」唔知呢句說話有冇
人知道到我meaning呢 ?!
今日頗得閒 ,所以同wendy傾咗好多嘢 ,親情la ~愛情la ~友情la ~乜都有傾一餐 ,令我諗到d嘢......好似佢話唔應
該對親人有所介懷 ;我真係非常同意 ,邊個啱邊個唔啱又點呀 ?!唔通唔洗做兄弟姊妹咩 ?!就算親人都要揾你笨 ,都冇得怨la ~
要怨咪怨命囉 ,同埋一齊生話咁多年都睇唔清楚一個人 ,咁仲唔抵死 ?!拍過拖嘅情侶如果可以做番朋友會非常好傾 ;我又同
意喎~拍拖嗰陣當然會想俾好個面對方睇 ,耐咗開始了解嗰陣就會知夾唔夾 ,但分手過後仲做到朋友 ,就等如識咗個朋友但
有個小問題發坐生咗 ,過得關嘅咪會了解多d啫 .佢仲話人大咗會有好多關於屋企人問題要應付 ,會唔同而家咁好 ,我希望唔
好好似咁la~~~
今日好邪 : 食lunch嗰陣見到癲癲三母子其中一個(最細嗰個) ,迎面而來 ,讀"禮賢會"呀!!
今朝早就要同d死嘢鬧交 ,就係同隔籬個老闆娘鬧交 ,內容+對白如下 :
我好有禮 ,好elegant地說 :「唔好意思呀 ,老闆娘 ,你地"山"門時細力些少 ,因為有時"bob bob"聲好大聲 .」
死嘢勁串又不理會我 ,之後絲絲然拎個死人頭過嚟問 :「咩話 ?」
我見到佢嘅態度 ,度火就由個心升上嚟 ,但我叫自己冷靜d重複講多一次佢聽 .
死嘢勁串地講 :「我哋裡面冇門喎 .」
我一邊望入去佢間鋪 ,一邊反問「冇門?!」然後話 :「ok~d"bob bob"聲唔知喺邊度嚟 ,但都請你細聲d啦~」
死嘢就勁我一句:「樓上裝修你叫佢細聲D嘛....」
我依然keep image地說 :「若然佢哋可以細聲d我都會講 ,但係人哋唔想亦唔係成日 ,而你哋係成日咁嘛~」
死嘢自打嘴巴地說 :「我"山"門係咁㗎喎~」
我終於有位入 ,即反問 :「你又話裡面冇門?!」
死嘢知衰咗 ,就話 :「我一"山"門就係咁㗎喎~」
我就豪不客氣話 :「啊 !咁你盡量la~你唔識細力嘅 ,我地都唔識將毛巾唔遮住你部泠氣㗎 !」
經過今次之後 ,發現有d人唔可以同佢玩串 ,係要用EQ同佢玩 ,始終泠靜d諗清楚下一步點行 ,一定有位上嘅 .
況且 ,同我玩串嘴都前世未死呀!!!
Rebecca嚟做facia ,之後我咪約佢一齊去旺角食飯囉 .一出到旺角我哋就去咗PCCW ,因為我要買個電話俾Wendy ma~
話咗好耐送俾佢都冇時間去買 .但係我始終只買到個電話仔 ,要再去買過 ,唉~~睇極都唔啱心水ma~~佢間屋就白色 + 啡
色為主 ,但我覺得靚嗰d都唔襯 ,一係就好兒戲 ,都係同佢一齊出去睇好過 .
跟住我哋就煩諗食乜好 ,我哋兩個都係病人嘛~最後我哋去咗花園餐廳食鐵板餐 ,我第一次去花園餐廳食咋 ,次次
想食身邊d人都會反對嘅 ,今次終於可以試吓囉 !幾好味呀又抵食 .今餐我請Rebecca食呀 ,佢生日我都冇送禮物俾佢 ,買就
買咗 ,可惜我又唔記得放定喺公司 ,佢又咁耐冇嚟 + 失驚無神嚟喎 ,咪諗住呢餐保數囉~~
食飽梗係行陣消化吓先la~扒喎!!我哋由街頭行到街尾 ,又由街尾行番去街頭 ,再由街頭行番去街中間嗰間老行家
買即食蘆薈 ,$20一樽咋 ,一人買兩樽 ,佢就買蜜糖味 ,我就買一樽蜜糖一樹香草 ,試吓嘛~又幾好味ar !!
一年一次嘅"Family
BBQ"又到 ,自從細佬出世之後 ,每年"Family BBQ"就定喺佢生日前嗰個星期日舉行
,因為
可以順手慶祝埋佢生日ma~~原本咳到九級肺癆嘅我唔應該去燒野食嘅 ,不過"Family BBQ"無理由唔去㗎?!去到又無理由
只係睇住佢哋燒而自己咁慘乜都唔食㗎?!死就死la~橫掂都睇醫生咯...雖然我哋霸唔到枱放啊 ,仲要坐喺地下燒 ,但反而幾
好玩喎~燒咗冇幾耐Dora就走嘞 ,佢約咗個中學miss ,而我哋燒完野食都五點幾lu~上咗去阿哥屋企抖咗陣就去咗同阿媽買
鞋 ,阿哥俾$買+食晚呀 ,佢贏馬ma~~
終於有張新書枱. 原本諗住早D搬到番屋企早D搞掂早D整完去唱K+行街, 點知Dora又話要咁又話要點, 結果
咪遲晒大到囉...不過有張自己鐘意嘅書枱, 有自己空間, 就算今日8:00a.m起身、8:45去到九龍城等姐夫+阿哥+阿嫂、用
$120租車都係值得嘅~~所以真係要好多謝Ada+Wendy送部電視+書枱俾我(雖然要自己搬),當然要鄭重多謝姐夫+阿哥+
阿嫂肯咁早由沙田出嚟九龍城幫我搬嘢la~~~
喺今日, 我發現kamchoi變咗, 佢越嚟越似大舅父, 乜都話要整埋先收手,唉...難為阿嫂肚餓ma~早餐都未食, 我
同Dora咪起勢話去食嘢先囉...不過姐夫番咗屋企冇去, 我咪送咗部電視機仔佢當多謝囉. 人哋肯冇條件幫我啫, 自己都要
識做至得㗎......
終於搞掂咪去銅鑼灣會Kara+yo唱K囉. 而我冇聽到梁生新節目---熱血青年, 因為我感覺佢似"香港小姐".唱完
K諗住去開灣仔就買宝鶯話非常好味非常大粒嘅雲吞番屋企打邊爐 ,最後揾唔到, 去番街市買算嘞! 撘103番屋企途中,
諗吓剛才揾雲吞嘅情況 ,突然諗起大佬 ,佢喺律敦治醫院離開我哋、諗起佢臨走之前嗰幾日發生嘅事、 諗起kamchoi喺
我上緊堂打俾我話大佬危險叫我去醫院 ,我就急趕地搭的士去醫院 ,上到的士淨係識喊乜都唔知點算、諗起kamchoi同
我話大佬唔喺度la ,我一見到阿Joe+蘭姨就喺街係咁喊~~~好在呢個時候Kara打俾我 ,如果唔係我實喺巴士度喊咗出嚟就
醜死lu.....
今朝返工之前去咗買個蛋糕 for 阿Kane生日, 係 Tiramisu瓈, 佢鐘意食ma~ 佢唔知我哋同佢慶祝㗎! 係做做吓嘢
嗰陣我哋拎個蛋糕出嚟佢先知. 食完蛋糕當然又要做嘢la...唔洗做咩!? 但係都要祝佢生日快樂、心想事成嘅......
唉...Wendy今日入伙 ,公司仲係得我一個人囉---悶到暈! 好在帶咗本成語書睇、同Rebacca傾電話、幫自己做
手+脚treatment先冇咁悶咋!
到咗夜晚 ,飛的去高山劇場. 原本以為一係唔去, 一係要飛起"倫住嚟試隊"自己去, 點知梁生又會俾飛我哋,
又可以同佢哋一齊去lu~ 去到高山劇場, 首先見到梁生, 間一秒後再見到范生+Plato俾班人圍住, 我冇落車呀---我唔想行上斜
路, 有車剷上去門口唔好?! 落車後, 我想會報俾阿yo知見到梁生們, 未開聲阿yo經已講我知見到佢哋, 吓...我盲咗?!我淨係見
到梁生唔見佢哋嘅?!喺等佢哋行上嚟會我時, 我已經見到彭晴啦! 不過我見佢做緊嘢咪唔行過去揾佢囉, 到阿yo上到嚟就叫
我行過去, 咁影咗幾張相囉! 彭晴仲俾咗支南瓜頭棒棒糖我呀, yeah!!!
我哋坐第三行呀,嘩 !勁正勁近呀! 不過入場時, 阿yo幫我攞番張飛, 點知唔見咗, 我就起勢咁揾 ,連個袋口嘢
全部倒晒出瓈揾都揾唔到, 究竟去咗邊呀??冇得keep啦.....
到開場嘞, 蘭子出先已經笑死, 而我哋亦開始分牌, 冇幾耐, 范生+Plato坐喺我哋前面, 我哋冇理佢, 費事la~~
一齊睇show咪好囉! 雖然成個show只有個半鐘左右, 而且唔係好match生人勿近個唐樓嘅劇情, 但冇悶場, 冇一part唔笑囉, 好
正好好睇!
完場lu~ 原來梁生唔會參與演出, 只係出謝幕, 咁都要我哋舉牌, 梁生真係...咁都要個勢, 連EO2、Yumiko、
BoBo都冇人舉牌la~~當中Yumiko見到我哋咁舉牌+咁叫"ROLAND"個名, 咪焗住選梁生係最正造型dj囉, 相信梁生都會滿意
喇嘛?! 而我有帶相機, 當然有映梁生, 但成晚我映得最多反而係Otto, 唉.....梁生有kara映, 但Otto我唔會買佢d相, 我咪爭取映
相囉, 但Otto喺梁生隔籬, 梁生以為我映佢, 可能我拎住"ROLAND"牌啦! 雖然我都有映佢, 但我係閃Otto, 梁生會唔會以為我
閃佢㗎?!唔好呀, 佢會嫌煩㗎 !不過梁生好搞嘢地拎咗BoBo絛假髮"fing"落台下 ,我有少少唔願意地出位"汁"咗 ,唉...扮搶住
要嘛~fans係要做D樣衰嘢㗎la !!!
出去之後, 佢哋圍住個男仔, 咩"Tommy仔"喎! 無可否認係靚仔, 但係乸囉! 佢哋圍住個"Tommy仔"傾計,但
"癲癲三母子"就遠距離望過嚟, 又唔知同元彬講咩啦?!我提醒佢哋放人囉, 癲嘅真係癲, 人哋自願留喺度hea, 關人鬼事咩?!其
中范生+Plato部車再駛上去, 原來要接梁生. 之後Roland、小白、范生、Plato都真係走咗我哋走lu~ 雖然我都想等彭晴, ,不過
費事la ,佢哋又唔鐘意彭晴, 走咪一齊走囉!
一行到巴士站就有車, 去到屋企附近經已10:30先食dinner, 想唔食㗎, 但我由放工開始已經餓, 唔食我驚半
夜至胃痛就成晚唔洗訓囉, 肥都食la~~~
今日人公司得自己一條友喺度 ,唉....Wendy搬屋ma~咪叫咗d人幫手囉 ,如果冇咗個收音機都唔知點過 .仲以為
今晚會好早收工 ,點鬼知個阿Pat嚟 ,反而遲收 ,原本諗住慳d搭巴士㗎嘛 ,又要搭返的士 ,$24.80呀 ,巴士頂多$4.40咋!!!個司機
又冇錢找要找少錢俾我 ,算啦搭得都要預俾tips啦 ,佢都好有禮貌咁同我講唔夠散紙 ,又好努力數大餅睇吓夠唔夠錢 ,找$70
而家都係少$2就算啦 ,佢d 禮貌都抵番啦~~
睇完Kara叫我睇嘅嘢之後有d無奈 ,我好似冇迫過其他人做佢唔鍾意做嘅嘢ar ?!點解講到焗佢咁呀 !?同Kara傾咗
一陣 ,原來我哋睇完嘅反應一樣 ,唉.......佢話佢唔係成日發火 ,我哋有時誤會咗以為佢發陴氣喎 ,我覺得每個人嘅性格、思維
都唔同 ,冇可能强迫自己改變就人 ,相對地人哋要點諗都冇計㗎 .一向都認為 ,朋友隨咗攞個心交之外 ,最緊要用個口先 ,唔
俾時間同對方傾d個人問題 ,唔問清楚對方諗乜/點諗 ,誤會就會越積越多 ,又一次証明呢個係事實 .今次証明之後嘅結果 ,一
個係無奈 ,一個係得著囉~~~
終於到咗星期日有得休息 ,同Dora食完早餐就分手 ,佢話要溫書嘛 ,咪出街囉~自己一個人唔知去邊好 ,去
銅鑼灣$10店+睇衫 ?!去紅磡睇開倉大減價有冇嘢啱買 ?!去到巴士站 ,見到邊部車開先就去邊la~~ ,最後１號車開先去咗旺角 .
去咗IKEA買嘢 、去商務睇書、好耐都冇行嘅花園街+電腦城...總之平時冇時間行嘅地方今日一次過行晒 ,又幾舒服喎!!可以
睇清楚D嘢至過 ,又唔驚掛住睇嘢悶親朋友 ,間唔中一個人行街都幾好呀!!
而今晚又打邊爐呀 ,Grace +kamchoi提議嘅 ,都好唔洗煮 ,不過我哋羊肉煲做湯底又真你熱氣D~~但又幾好
味喎 ,我雖然唔食羊肉 ,但係D嘢食"索"咗D羊肉汁又真係好正喎 !我哋經已飲涼茶㗎la ,我諗唔會咳多幾成呱?!不過wendy話我
係寒咳 ,教我用燒熱咗嘅薑"初"吓條喉嚨 ,又真係冇咳得咁勁喎 !至少尋晚訓覺都冇再咳醒 ,唉......好囉!!打完邊爐之後我哋又
食我整嘅cheese cake ,今次真真正正成功lu~軟硬啱啱好 ,可以見得人 ,俾得朋友食嘞...
今日呢個長輩同我睇相 ,話我28歲先有真姻緣 ,30歲前就結婚 ,但如果28歲前嫁就會離婚 ;又話我有福氣 ,又有能
力養Dora & 阿媽 ,我就講笑地同佢講 :「吓 !我要養埋Dora ,佢嫁得出㗎?!」佢就話 :「會嫁得出 ,就算唔係你都會肯養佢啦! 」
講真 ,我望都望佢有老公養啦 !女人有個男人依偎好過老姑婆過世帕la~佢仲話我唔洗憂 ,係就好呀 !又睇吓準唔準 ?!不過 ,佢
不嬲都幾準喎~~~
梁生又有Function ,唉...又冇份去 .點解去尖沙咀咁正location就要星期六至有 ,星期日唔得咩??星期日條街有人暗殺
佢咩?!我真係好想見到梁生呀!!接星期日la D show 好嘛?! 我真係好掛住你呀!!
終於到打邊爐嘅時侯啦...今晚同Dora ,阿媽 ,阿姨&拉姨打邊爐 ,又幾抵喎 ,每人都係$80 .如果我哋8:30至入座就可
以享有特價啦~$6.8一碟仲平呀 ,不過又驚阿媽會胃痛 ,又唔係貴好多 ,算啦~~喺等位咋嗰陣 ,我拿住份報紙睇 ,突然感覺到個
鼻有嘢流出嚟 ,我就估係流鼻血 ,唉...真係 .可能熱氣啦...好在唔係流好多 ,唔係就唔知點囉 !
今日我哋一家連埋大舅父 ,舅母
,拉姨 ,婆婆去咗食飯 ,除咗因為Kamchoi擺酒多咗一圍要去食埋之外
,最重要就
係阿媽生日囉~~今年我一樣係送金戒指俾佢 ,唉...唔洗諗ma~ 而公分嘅就黃晶手鍊 ,佢恨好耐㗎啦 ,拉姨話次次同佢出街都去
睇 ,又話想街咪送呢樣嘢過佢囉 .不過Dora又真係揀得幾靚喎 ,條鍊喺批發買嘅 ,開價成$14xx ,講價後都要$800 ,佢話佢之前去咗
平時去開嗰間睇過 ,要成$2xxx ,咁又真係抵啦 ,平成千蚊 .而Dora仲買條紫晶俾我 ,我都恨好耐㗎 ,不過睇極都唔合心水 ,人哋話
買水晶都要講同啲水晶有冇緣份 ,咁又係喎 !Dora呢條我一見到已經好鐘意 ,真係好靚 ,啲紫晶好通透 ,好難揾嘅......
今日終於頗成功地整到個cheese cake出嚟啦 ,雖然有些少缺憾---軟咗D ,不過幾好味呀 .希望下次整俾佢食嗰陣佢會
鐘意啦 .整新嘅cheese cake 係阿ra買俾我嘅 ,佢知我想整但係上次買錯咗 ,上星期去銅鑼灣打完波就去Citysuper買過盒個我 ,不
嬲我都知佢錫我嘅 ,thx......
倫住嚟試好友會function---BBQ
,完咗lu~而我亦真係冇去
.原本今日話去開倉大減價嘅 ,阿ra又話下個禮拜去
,話星期
四已經開始咗,Ｄ平嘢實俾人掃晒啦,又話last day D嘢最平喎 ,咪俾佢引咗去唱K囉 .都好 ,反正有"爭氣"唱 ,我哋仲玩錄個人大鍱
,haha...我哋仲第一次去一間K係有燕窩食 ,雖然係即食燕窩 ,但$12咋 ,仲好pro地有埋椰汁撈嚟食 ,好正呀!!!而且D嘢食又熱辣辣
又好味又食得人飽 ,我真係冇試過因為食飽而食唔晒嘅 ,D service 仲勁好 ,去兩間都咁正 ,即係呢間K有保証 la~之咪又係energy
囉 ,又平$25一個餐(不過要加一)非常抵 .
不過話唔掛住梁生就假嘅......唱完K都特登行去Teens Station睇吓仲有冇佢D相賣 ,ha...佢哋D相又去得幾快喎 !仲好啦 ,
幾驚真係仲有呀 .Teens Station 度D staff又幾好service 呀 ,我問佢哋有冇梁生D相咋 ,又話幫我揾又話抄吓係咪未放上架 ,又借隻大
bear熊我哋玩+映相令我不禁讚佢哋服務好 .之後我哋行咗去sogo$10店 ,呢度係新開嗰一part ,原來喺Teens Station隔籬 ,好大㗎 ,上
次行sogo我經已見到有張memo寫有新一part $10店開咗 ,但係我又揾唔到 .不過呢間都唔夠jusco嗰間大 ,而且D嘢唔係太多種類 ,
行完都冇賣嘢就走lu~跟住又去jusco$10店行 ,上次唔夠時間 ,今次當然要望清楚la .都話多嘢睇Ｄ啦 ,我哋三個人買咗十多樣嘢 ,
又抵喎 ,咁Q今日係20號我哋有J card 有5%less ,又可以儲分換Jusco $50 coupon ,又有5%less ,而且排我前面位太太問我哋手揸住張
J card係咪有得平D ,我話係之後咪借佢用囉 ,佢買好多嘢呀 ,平咗唔少 ;我又可以儲分 ,一家便宜兩家著 .不過我發現除咗打麻雀
嗰陣黑住我令我一定要全力以赴地打外 ,同親星爺一齊都幾好運喎 .
梁生今日又有function ,係我恨佢做好耐嘅商場mc show ,不過好可惜呀 ,禮拜六鬼去得咩 ?!唔洗做呀 ?!呢D我恨咁耐
嘅function點解成日安排喺星期六搞等我冇得去㗎 !?反而BBQ呢D咁辛苦嘅就有我份 ,當然可以自由地選擇去/唔去(我哋好民主
嘅!! ),但唔去就要俾外人喎 ,no way!! 梗係去啦吓嘛 ?!當話去之後 ,都真係驚會好辛苦 ,又晒 ,又熱 ,又熱氣 .好在整理緊個袋預備
帶咩去BBQ嗰陣 ,收到朋友消息 :「喂 ,我幫你揾到人頂你個位啦 !」當時都頗開心㗎 ,唔洗去 .雖然梁生對我好重要 ,我都好掛
住佢 ,但一諗起辛苦就......希望梁生下星期日會又有function啦!!!而我聽日又可以做名緩喎 ,正呀 !我等好耐嘅開倉大減價又嚟啦 ,
希望買到我想買嘅嘢啦.......
終於做完嘢得閒睇雜誌啦 ,每次睇親任何雜誌都會快鏡地睇吓有冇梁生 ,每次有佢我都會好開心㗎 !緊住就成日揭
有佢嗰頁嚟睇 ,好似本嘢只有嗰幾頁咁 .今期teens又有佢啦 ,teens station仲有佢哋相賣添 ,獨家相喎!一向勁易喊嘅我 ,一睇到有
佢哋D相賣嗰陣 ,眼裡真係澭咗些少眼淚出嚟 .同第一次喺信和D相鋪見到一個topic寫住梁奕倫三個字 ,行埋去揭開見到成版
係佢嘅相 ;Teens station第一次有佢哋嘅相賣嗰陣嘅感覺一樣 ,第一件諗到嘅只係終於有人覺得佢有市 ;D相有人買 ;有人知佢乜
水 .不過呢兩次都有friend喺隔籬知咁都喊會勁樣衰 ,所以死忍咪俾D眼淚澭出嚟 ,但今次得自己一個 ,咪衰咗囉~~~
諗番自己為梁生做嘅嘢當然唔係好多 ,但諗番真係有好多嘢我以前一定 + 絕對唔會做嘅 ,為梁生做會覺得冇所為 ,
覺得好閒 ,e.g :4點幾起身死去港台排隊為咗買隻CD ,佢喺隻CD度只有一張postcard ,一張只映佢對眼嘅poster ,一首歌仲要係合唱
歌咁大把都肯去 ; 一個人冇friend陪地出function ;明知信和D相鋪冇佢topic都唔怕樣衰問人"有冇梁奕倫嘅相"; 知佢有function就算
幾眼訓 / 幾想行街shopping買嘢都等遲D至訓 / 遲D至買 ;記住佢檀function有邊個idol出第二曰去D相鋪到抄吓閃唔閃到佢 ,有時抄
完一張相都冇買就走 ,又係樣衰嘢 ; 明知自己要返工一定見唔到佢都肯4點幾一個人死去港台排隊等其他人嚟接更.....呢Ｄ一切
一切我真係冇做過 ,一句到尾 ,覺得冇所為 ,覺得好閒最大原因真係為咗佢 .有一次我訓喺港台門口起番身 ,剛好佢打的番天光小
倫 ,我同佢你眼望我眼 ,雖然佢唔知我係乜水 ,但我知佢認得我係佢fans已經夠 ,況且嗰嘢我都冇諗過會見到佢嘅 ,見到一眼 ,而嗰
一眼仲有埋eye contact已經有so啦 ,我有時無聊諗吓 ,咁樣可能俾我出到個function仲開心 ,由預咗冇得見突然見到 ,比預咗見得到嚟
得開心嘅.......
我今日放假都9:00起身 ,咪就係為梁生囉 ,上星期五嗰集<至net小人類>梁生同范生做嘉賓 ,今朝重播梗係要錄啦 ,都
係嗰句 ,為梁生可以做好多平時唔會做嘅嘢嘅......中間有段時間播卡通片 ,我就去咗整尋日買嗰盒cheese cake啦 ,點知阿ra再睇多
次整法時 ,先發現原來唔係我平時買開加牛奶搞均再放入雪櫃雪兩粒鐘就ok嗰隻 ,而係搞好後要放入焗爐爐嗰隻 ,唉......屋企都
冇焗爐 ,試過用微波爐睇吓得唔得啦 ,點知仲叮燶咗 ,我第一次用微波爐叮燶嘢咋 ,嚇死~~~原本諗住整好之後拎去俾Kara食試
吓味嘅 ,而家咪要買過囉 ,一係就等一個月 ,因為阿ra下個月拎個焗爐返嚟 ,到時至整 ,唉...............
連續兩日去唱K ,同樣係開"英皇3週年演唱會"囉 ,冇計 ,Twins同Joey 係我最鐘意嘅 .只可惜我發現唔係貴啲出名啲就
會服務好啲 ,嘢食好味啲 ,好似尋日去energy ,每位只需$28 ,D服務都OK ,D嘢食幾好味呀 !但今日去Green Box ,服務一般 ,D嘢食認
真麻麻 ,仲有呀 ,Joey D歌成日上唔到 ,仲要每位$36 ,真係扯火 ,我咪連tips都慳番唔俾囉 .唱完K ,又做我呢個名緩成日做事------->
Shopping .不過唔係睇衫喎 ,而係行Jusco $10店 ,嘩...好大好多嘢賣 ,D嘢又靚又多款又實用 ,我去之前仲諗住呢間應該冇Sogo $10
店咁正 ,但真係正好多喎 ,最衰唔夠時間行晒全場啦 ,有時間一定要行耐D望清楚D至得 .喺嗰度 ,我同Kara呢兩個"三合會"會員諗
咗樣嘢 ,就係"UNIBEAR"嘞 ,其實係一條電話繩上面掛住隻黑色bear 嘅 ,而家我哋三個都有呢條電話繩啦 .諗住攞我部"有近視"
嘅數碼相機(因為佢只有33萬解象咋)映"UNIBEAR"啦 ,點知部機可能尋晚俾我跌到佢失明(映出嚟嘅嘢好矇) ,我用咗頗多時間醫
佢 ,終於整好 ,但係而家變咗"有遠視"呢(只能映遠嘅嘢) ,不過咁都好 ,我都想佢"遠視",唔洗野野映其他人都要好似玩自拍咁要好
近距離至映到嘛....
雖然梁生今晚有function ,可惜我唔可以去呀 ,成兩個禮拜冇見梁生啦 ,我真係好掛住佢 .今晚佢同范生仲係埋mc嚟 ,
真係可以對佢成晚添㗎 !唉~~~~
發生喺今日嘅第一件事 ,就係本人 + 兩個朋友仔(Kara + Yo)成立咗個"三合會"呀! 會旨係 :
(1)每次function三個人都要話去就要去
(2)每次都諗D一般人應為好多人至成事嘅活動 / 我哋未試過三個一齊玩過嘅嘢玩 ,e.g : BBQ 啦......
(3)盡量每個月都有一檀function
所以呢個"三合會"都幾正㗎~~~
今日同朋友去咗energy唱K ,由於呢間K係sell Joey ,Gigi ,Sammi多 ,但我哋只鐘意Joey ,由其是在下 ,所以一開頭
我哋開咗個"容祖兒演唱會" ,喺11:30 -15:00呢段時間裡面 ,我哋總共唱咗3次<啜泣> ,成隻拉闊音樂播晒 ,不知幾正 ,而之後又
唱 Twins & Eason ,就由"容祖兒演唱會"變為"英皇3週年演唱會",而最開心係可以唱<孤兒仔> + <五星級迫爆> ,我第一次唱咋~
仲有呀 ,我哋唱Joey嘅<Mad about u>我又第一次唱咋 ,都唱咗3次喎 , 不過我哋係因為唱唔到呢首歌嘅勁高key所以至唱多幾次
嘗試挑戰吓啫 ,但最後我哋都係唔得 ,唉~~~難怪Joey會咁紅D鍱又咁賣得嘅!!
唱完K ,我哋去咗元綠食嘢 ,我哋做咗樣好師奶嘅嘢 :因為我哋有一張$50 coupon + 一張元綠member card ,有九折
㗎 ,咁我哋就分咗兩張單嘞 ,一張單$55 ,用咗$50 coupon補$5 ;另一張單用九折就俾$72 ,3個人$77咋 ,勁抵呀!!!之後又去citysuper ,
我成兩個月冇去過啦 ,但我只買咗盒cheese cake番去整 ,唔知好唔好味啦 ?!今晚試吓整先.....
食完lunch去咗7仔買軟雪糕食 ,我已經話要扭紋啦 ,佢都仲係俾雲呢拿味我 ,原本我諗我可以接受嘅 ,但你食咗
兩啖之後 ,我都係唔要lu~~我咪買過個朱古力味囉 ,我對呢個"收錢阿嬸"已經冇好感 ,餐餐買嘢佢都叫我等等 ,佢叫我等就只因
為傾電話 ,死嘢 !!今次仲sorry都唔講就隊杯貨不對板嘅雪糕我 ,我已經保住我一向elegant嘅image唔鬧佢 ,最多D心聲不斷地講緊
粗口嚟咀咒佢 ,點知佢遞杯雪糕俾我個陣 ,D火令我攞嘅時候幾冇禮貌 ,但個死嘢話我 :「嘩 !咁悔氣嘅」我D火就令我忍唔住回
應番佢 :「我悔氣都係因為你錢就識收 ,仲識求其俾杯雪糕我 ,悔氣對你而唔鬧你係我有禮貌咋 ,唔係俾面你呀 !」原本諗住開
心地去買完雪糕就買六合彩 ,但就因為個死嘢令我開心指數向下調 ,正死嘢 ....
番到屋企食完飯就打麻雀 ,雖然只係幾圈 ,已經好好囉 ,我真係勁耐冇打真麻雀lu~~幾圈都好呀 !!!
我今日第一次食7仔嘅叮叮飯"金針雲耳滑雞飯",如果唔係Wendy話想試吓 ,我都唔知7仔有D咁正嘅叮叮嘢食 .
買嗰陣 ,我仲諗"好唔好食㗎 ?!咁多𡃁妹仔買嘅 ?!當試吓囉 ,橫掂$10啫 ....."買咗叮埋嘞 ,嘩 !又幾正喎 ,好味過某酒樓添呀 !可能
我哋倆個都勁肚餓啦 ,不過$10又真係幾抵呀 .
今日我總共訓得五個鐘 .冇計 ,上完頭都點半 ,但kamchoi六點就起身整嘢
,話晒人生大事 ,就算平時做嘢幾冇所
為 ,整結緍嘢就要好details啦 !由於本人今日唔洗+冇得飲新娘茶 ,但又想攝鏡嘅關係 ,所以我做遞茶嗰個 ,原來每個飲過茶嘅人
都會俾利是我㗎 !去到酒樓 ,除咗做我平時會做嘅嘢----公關去招待一D唔識又未見過嘅親戚外 ,今晚我做埋 receptionist 添 ,不過
好heavy囉 ,我真係mark唔切嘛 .
見到kamchoi & Grace咁開心 ,我都好開心 ,就算之前有D唔係幾開心嘅事,都係小事啫.....到婚宴高潮---玩新娘
&新郎 ,真係好搞笑 :(1)佢兩個要咬住奶咀去各圍酬錢(2)要kamchoi做satup食新娘胸口掛住嘅提子(3)要kamchoi扮Hello Kitty同姆
明mixer去各圍行一轉 ,但以kamchoi咁鍾意玩 ,不知幾開心添 ,一D都難唔到佢啦 .我仲keep咗張菜單同迎賓嗰扣花喺度留念㖭 .
好緊張呀 !我阿哥聽日擺酒啦 ,雖然之前經已注咗冊 ,不過我哋成家都好緊張呢件事 ,話晒我哋屋企第一次又
係唯一一次娶媳婦 ,當然隆重其事啦 !講我先呀 ,買衫 ,褲 ,都已經行咗成個禮拜買 ,又要買頗多件襯 ,時間同金錢都比平時買去
街 / 番工衫浪費百倍 ,冇計啦 ,做兄妹有今生冇來世嘛 .講到我阿媽仲勁 ,做facial唔在講 ,連我出世至今我都未見過佢會做嘅事--
查甲油都做 ;仲每晚敷mask ,平時佢最多一星期一次咋 ;而Dora呢 ,佢平時經已好貪靚 ,但仲要多十倍 ,例如去set頭 ,買一大堆make
up嘢話試𥺁等......至於其他人 :大舅母咁 ,成晚上一點都肯嚟我屋企幫kamchoi上頭 ;拉姨 ,佢收工就嚟我到話要映+拍咗kamchoi上
頭嘅嘢 .而男主角(我阿哥kamchoi) ,佢要我幫佢做facial 喎 ,平時我叫佢佢成日話唔洗 ,但今晚要我幫佢推死皮 ,做超聲波 ,敷mask
仲要係紙嗰隻 ,平時又去話晒時間 .仲有呀 ,平時話D摘日 ,摘時晨 ,拜神等傳統嘢麻煩 ,點知家吓乜都話摘咗幾點 ,哈哈........不過 ,
個個都為呢件喜事開心 ,我都希望佢倆個白頭到老 ,永結同心 ,連生貴子la ......
今日發生咗好多第一次 :
(1)三個人BBQ----一直都認為 ,BBQ一定係十個或以上嘅集體活動 ,最後得三個人去BBQ時 ,真係有啲唔想去 ,話得三個人去BBQ
其實都幾"騎呢" !但又諗 "唔洗我哋自己去買嘢 ,去到只需攞嘢燒嚟食 ,咁同三個人去餐廳食飯冇分別ar ,咪去
囉 !但最後 ,我反而覺得三個人去BBQ都幾好feel呀 !
(2)俾人爆樽-------話說我哋燒完野食就去灣仔碼頭吹水啦 ,去之前買咗幾支樽裝飲品飲啦 ,人哋已經問"開唔開呀?"但我話"去到
自己開好啲 , 唔係未去到都飲晒啦",所以我哋冇開到 .去到嘞 ,我哋開極都開唔到 ,我只係叫個朋友仔踩個樽蓋
啫 ,估唔到最後踩爆樽囉 !好在 ,揸住個樽嘅我冇損傷 ,唔係就會變 咗(第一次俾人爆樽整親) 啦 !
(3)撘第一班車---我哋玩完+吹完水都已經6點幾 ,住得最遠嘅我一個人行去巴士站嗰陣係到諗"第一班車幾點開呢 ?我好似未試
過撘第一班車喎?!"點知呢個第一次因為勁眼訓而冇珍惜到 ,冇留意到第一班車沿途嘅風景呀......
(4)冇沖涼訓覺----對我呢個訓覺王嚟講 ,喺車訓得個鐘又邊到夠呀 .番到屋企 ,刷完牙 ,洗完面我已經用咗之前訓得半個鐘得到嘅
能量啦 !所以咪忍住周身汗味 + 油煙味咁訓囉 .(不過我好醒 ,我冇帶住呢啲味訓番落自己張床)