trami_ling@mail.hongkong.com
------>我的相簿icq
no :166423410
/
trami_ling@mail.hongkong.com------>我的相簿
lunch之後又有大把嘢做. 但做做吓嘢嗰陣, dora打嚟震晒喊晒口話要去醫院, 我聽到當然嚇死la~ 做乜番番吓工要去醫院呀?!
原來佢被熱水"陸"親, 都抵佢ga, 攞個透明玻璃樽載熱水, 仲話自己日日都係咁, 咁日日都係錯ma, 上得山多咪終遇虎囉......
去完急症室揾佢接佢番屋企, 我就諗我仲番唔番公司呢? 唔番好似好衰, 雖然唔係好想番, 但我都係番咗去, 咁番去前就梗係
行陣街先la~ 去擺番隻無間道II 珍藏版DVD先la~ 前幾日訂今日至有得攞. 好靚呀! 不過睇佢本嘢寫有書籤送, 但點解冇嘅?! 收工後
我行咗陣街, 入咗去百事達睇有乜戲租, 見到佢哋放喺架上嘅無間道II DVD盒裡面有書籤, 我有諗過攞鬼咗佢ga~ 但我又做唔出呢d
cheap嘢, 最後我都買多咗隻VCD, 就係為咗張書籤, 我都覺得自己幾晒錢, 不過隻VCD好靚ga~ 靚過隻DVD就算la~
同kara去唱k, 之後去睇"忘不了". wa~~~劉青雲lor....我當然要去睇la~ 好正呀! d人話張柏芝做得好好, 但我覺我ok la~ 話好好又
唔得, 劉青雲我一定話正ga lor~
原本打算去紅梅谷燒嘢食嚟慶祝細佬4歲生日, 點知落雨冇得去la~ 我哋就將原本攞去燒嘢食嘅食物用嚟打邊爐, 仲上去阿哥
屋企打麻雀.
叫咗Rebacca, Winnie, 星爺嚟打麻雀. 哈哈......我一個贏三家呀~
今晚會一家人去食齋, 因為阿媽生日ma~
而原本我同dora諗住遊巴士河+去行街嘅. 但後來我哋撘住部42號巴士到總站, 見到有巴士去機場, 我就同dora講去機場呀, 教
我要點樣自由行ma~ 佢逐個point話我知, 我就好留心聽住, 梗係la.....我第一次自己一個人出門lor~ 諗起都好緊張亦好期待, 去一
個自己從來未去過嘅地方, 漫無目的地"咩"住個背囊揸住張地圖四周去, 四周映相, 呢種旅行方式我恨咗好耐la~ 因為我知我係時
候實現呢個夢想lu......
7點幾就起身同岑詠儀去飲茶, 我都唔想ga~ 但係佢又約咗我好多次, 咪當還佢心願囉, 如果佢真係想sell我嘅咁就可以同
佢講清楚我唔會join, 佢可以慳番d時間揾第二個la~雖然如我所諗佢真係想sell我做傳銷, 好在我都識hea佢, 但係我諗都可以同
佢有番交往聯絡嘅, 因為我覺得佢個人有d變咗, 當然我都會好堅定地拒絕佢sell我做傳銷la~
之後就約咗kara去唱k, 行咗陣街就番屋企, 講咗d自己呢幾日嘅感覺佢知.
喺車度終於頂唔順訓咗陣, 太攰la......
今日開工就慘lu~ ;部蒸面機"壯士斷臂", 梗係又要我諗方法la~ 另一部又壞咗. 最後, 我唯有用條繩懸天花條鐵tone吊住個
"斷支", d客見到都笑~~~
我又番去碧桂園la~ 今次得我同Rebacca、拉E、阿E &佢個朋友Elas, 所以今次我哋個行程好緊湊. 尋日我哋只係去咗佛山.
叫做見識過la~ 下次都唔洗晒時間行lu...... 又冇嘢食, d嘢又唔特別吸引你要買.
而今日簡直經典. 我同Rebacca因為遲過佢哋搭車番香港, 所以一早就搭車去廣州. 其實去廣州我係一心諗住去書城睇吓,
我都冇諗過自己&Rebacca會留喺嗰度咁耐, 因為嗰度係一個6層都係賣書嘅商場, 我哋各人都買咗d書, 我哋都仲未睇均買夠未
就要走, 因為唔夠時間law~ 早知我哋尋日落廣州去書城先la~ 臨走前我哋仲去做脚底按摩, d時間可以話一d都唔晒呀......
不過今次洗咗好多$ 呀! 要慳d la~ 唔係新年冇彈藥去北京ga la......
9:30就要返到公司做嘢, 冇計la...有客, 仲係生客, 點可以唔接呀?!
成朝都停過, 連EVA都落埋嚟做wedding, 我梗係接咗先la, 點知佢幾時至再落嚟俾錢呀?! 佢可以病la~ 等咗一陣啫就發脾氣,
又話要走, 又話至唔鐘意等, 仲要俾佢鬧, 唉~~~! 最衰都係部EPS機.
兩個好耐冇見嘅人今日都見咗lu~ 1個係約好咗會見,有基本planing做乜嘅....另1個係完全冇諗過竟然仲會見,會喺嗰個情況
見,真奇怪........
約好咗會見嘅係kara, 我哋又確係long time no c lu~ 佢成日話我個期難book, 咁又係...之前個個sunday都同alice哋行山, 我就俾
個佢la~ 始終同佢唱twins最夾. 之後去咗睇"大丈夫", 又真係幾好睇喎~ 散場時就見到另1個係完全冇諗過竟然仲會見嘅law仔. 嘩!
佢黑咗好多ar........
連續放2日假當然又係去咗5星級的家la~ 雖然時間短咗D, 但我哋都玩得好開心呀! 至少我第1次咁夜喺深圳食飯, 搭車去碧
桂園. 而且亦令教過葉生嗰種慢條斯理、大安主義, wendy嗰種對佢嘅無可奈何, 因為喺等佢嘅時候, 我不斷叫自己冷靜, 冷靜........
唔好扯火. 我當時亦絕對相信我再等多過5分鐘我就一定鬧到佢狗血淋頭.
今晚我哋同Rebacca慶祝生日,
而今朝佢被老板炒, 佢好火呀, 仲同個boss炒大鑊, 唉~~~
我哋3個去咗灣仔食法國私房菜, $280 1個, 冇加1D嘢都幾好食, 都正ga la~
唔得la~ 情況冇好轉, 反而我覺得嚴重咗添. 痛到我流晒冷汗, 仲開始feel到有d頭痛, 鬼咩......兩晚都痛到訓得唔好. 我當然又再
call個牙醫check下la~ 原來隻牙發緊炎, 佢就即刻幫我換過粒藥落去, 嘩! 即刻冇事lu~
痛真係會痛到攰. 放工後我同wendy去做body massage. 嘩! 好正呀!
尋日整完牙, 今日好痛呀! 3點幾嗰陣我真係幾頂唔順, 就call個牙醫馬上hold時間俾我check下有冇事la~ 佢話冇事叫我食消炎
丸&止痛丸, 但都冇用嘅!!! 仲係痛到死!!!
一早起身睇牙醫真辛苦~ 不過算la, 快d整好d牙唔洗夜場夢多.
我諗唔似係我多心la~ 佢今日又係咁, 我睇聽日一定要同佢好好傾吓.
今日終於去咗Eva屋企, 佢屋企真係好靚ga~ 啡色&木製家俬為主, 好靚好特別. 又大lor~ 成二千幾呎呀!!!當然, 去佢到當然
係賺錢la~ 呢份part time job都真係幾正, 係個咁靚嘅工作環境下工作, 好多人恨都恨唔到, 何況收入又咁可觀呢......如果唔係聽過
Rebacca分析, 我諗我又會推咗唔做, 好在冇再推, 先俾我有咁正part time job做.
一年一度嘅美食博覧又嚟la~ 今年我同Rebacca一齊去, 皆因佢有免費飛ma~ 我買咗好多嘢, 當然係抵嘢我至買, 唔係我一定
唔會老遠攞番屋企. 可能行得太攰lu~ 所以一上車就訓到落車.
我同Wendy由尋日巳經開始嘅冷戰今日好似仲繼續緊, 我都唔知係我多心以為我哋冷戰緊呀?! 定係我有嘢得罪佢. 我只知
佢冇乜同我講嘢囉......可能今日好多嘢做冇時間講嘢呱?!
到做哂嘢等放工嗰陣, 情况又好似好D, 都有D嘢講吓, 唉......自己多心啫.........
唔記得咗邊一年嘅生日/新年願望係可以收到一個心形蛋糕, 今日終於達成願望收到lu~ 係阿Kane送係我. 我真係好開心呀!
過咗生日都仲收到生日蛋糕, 話時話, 呢個係我今年切第一個蛋糕, 我當然有許願la~~~
下個月就到Rebacca生日, 今日我就book咗枱lu~ 冇法la~ 嗰間餐廳嘅view site好難book ga, 唔咁早book點得lor......唔知到時佢鐘
唔鐘意呢?!!?
Wendy今晚請咗我去會展嘅會景餐廳食buffet. 我真係好開心呀! 我第1次喺嗰度食晚飯,
而嗰度最正係有得睇今晚皇
馬vs港聯ma~ 佢仲叫咗daniel、shron、Rebacca. Rebacca就咗套杯俾我, 第日佢哋上我屋企打麻雀就可以用嚟招呼佢哋la~ 我仲驚今
晚會冇得睇波想同佢哋講約星期一, 原來唔洗. 呢個idea係Wendy諗, 佢果然了解我. 哈哈~~~~
22歲生日lu~
今年我終於實現到我由18歲開始定嘅生日願望, 就係去住一晚酒店.
幾個月前我巳經喺網上book咗酒店.
係灣
仔嘅利景酒店, $498+13%就有一雙人房、2人buffet dinner & breakfast, 雖然只係4星酒店, 但間酒店都好乾淨, 好舒服.
攞咗間房後我第1時間就四圍映間房, 之後就去浴缸浴, 我同dora各人沖咗3次涼, 我想住酒店其中一個原因都係為咗個浴缸
咋~ 原本我諗住自己一個去住一晚ga~ 但諗落2人都係抵d, 咪叫埋dora去囉. 不過都好在有佢, 唉....話說6/8晚我哋落去食buffet dinner
嗰陣, 我第一眼就見到d生蠔好新鮮又啱啱攞出嚟, 咪攞兩隻食囉, 當食完第一隻嗰陣就醒起自己未食d熱嘢打底就食生嘢好而肚痾,
就諗住落多d檸檬汁落第2隻到食可以減d細菌冇咁易痾, 但最後到3點幾至走嚟胃痛+肚痾, 成晚都訓得唔好. 到9點左右, dora就叫醒
我落去食早餐, 個早餐雖然係free, 但我自己都覺得自己浪費, 價值$88嘅buffet breakfast我只係食咗1碗白粥、1片牛油多士、1片熱香
餅、1/4杯咖啡, 我都好想食其他啊嘢, 但真係冇胃口呀.
返番上房我+dora就再訓過, 一直訓到2點拾嘢check out. check out後dora約咗人, 我就因為太唔舒服自己番屋企先. 上車前我
都醒目地買咗個包, 因為我想嘔, 買個包就有個膠袋俾我嘔la~ 但上到車我又再昏迷, 到落咗車就真係嘔.唉......
今年生日開心+辛苦嘅經歷, 希望以後只有開心1part就算la~唔該!!!!!!
一早就同細佬+小B去Toys R Us買咩神奇彩沙, 不但呢份係小B嘅獎品, 而細佬我就冇買到俾佢, 唔係唔買俾佢, 而係下次先
買, 因為跟住去書展我驚唔夠$$, 佢咪唔開心囉......
第一次一家人去食私房菜, 要去到銅鑼灣食當然趕死我la~ 呢個時候當然撘的去, 點知同撘巴士嘅時間差唔多, 但價錢相差
8倍, 真係極度唔抵.
細佬+小B就慘lu~ 我哋食泰國私房菜, 佢哋點食得辣呀?! 我哋巳經叫D唔辣嘅餸佢哋食, 但間唔中都會中招, 哈哈.....
都好耐冇見佢哋啦, 點解佢哋D問題又關我事嘅?! 都係嗰句:「好在暫別幾個月咋！唔係可能連我同會被拉埋落水......」
今日我哋去咗山頂,
但今次沿薄扶林郊野公園行落山, 真係好熱呀!! 行埋今次可能要等成個月至再同Alice行lu~
因為佢飛
去上海. 食完喺香港仔老字號魚旦麵後, 我同Alice就搭車出銅鑼灣行咗陣, 佢要買對鞋ma......
撘車番屋企嗰陣我諗咗好多嘢. 諗吓我將會又好唔得閒, 又諗星期二見到Loletta嗰陣要點, 會唔會俾佢講多兩講心軟呢?!
今次一定要硬d對佢, 唔係損失只會係我自己. 記住呀,TRAMI!!!!!!
8號風球現正懸掛, 求吓你打到聽日一點至好落波, 我真係好想放假ar~
今次我哋嘅行程同上次一樣, 但再遠d, 行到西環, 而我終於都去到嚒囉街la~ 都冇嘢睇嘅, 得d舊嘢. Alice仲帶咗個男仕出瓈, 叫
David, 但係唔多講嘢嘅. 我將今日David呢個人嘅出現話俾Dora、Wendy、Rebacca等聽, 同樣都問我Alice同佢係咪拍拖, 我鬼知咩?!
但以我分析&觀察就唔似, 至少以外表計唔似Alice like嗰隻先law......
Winnie、Alice、Rebacca上咗嚟我屋企打麻雀, 由朝打到晚, 由贏打到輸, 再由輸打到贏. 真係過癮. Alice雖然係客, 但佢卻親自
下廚整豉油雞翼俾我哋食, 嘩!好正呀.
我哋嘅行程目的地原定係灣仔峽道嘅警察博物館, 但呢個地方好似同我哋冇乜緣wor~ 上次就因為落雨去咗行街, 今次就因
為行錯路去唔到, 但我冇錯ar....明明話喺灣仔舊郵政局為起點, 行都係行灣仔峽道, 但條路係依山路行去中環咋ma~ 不過我哋都達
到目的----出汗. 我哋最後行到去上環, 食完嘢alice就走先, 我&Rebacca原本想行去嚒囉街ga~ 但我哋倆個都唔知條嚒囉街喺邊, 咪行
番去中環law. 見仲有時間我哋就撘叮叮去銅鑼灣行街. 我同佢都有收獲添......
下年就有人叫我做姑姐lu~ 阿媽話阿嫂去驗過有咗wor......不過我又諗「始終叫我阿姨嗰d好過叫我姑姐嗰d嘅~」好正常啫,
俾著我都會番多d自己阿媽屋企多過奶奶la~ 正如小B&細佬都見我哋多過佢哋d叔叔la......
今日得我一個人喺公司, 不過好忙呀!!!仲諗住會冇乜嘢做, 攞晒d書番去睇, 我諗除咗啱啱番到去個半個鐘外, 我都冇停過.
都好........
今晚同law太去唱K, 都唔知d人喺邊度嚟ga~ 等成個幾鐘至有房, 仲唱得2個鐘又冇嘢食, 只有2杯drink, 極度唔抵.
尋日游完水嘅後遺症出現咗lu~ 有d地方開始feel到晒傷咗, 有少少痛, 死la~ 聽日又應承小BB去游水, 今次皮都裂law~~~
今日同wendy一家4口去咗南灣游水,
sharon真係個好乖嘅女仔. 我話俾佢知我唔識游水就話拖住我游,
玩嗰陣又尊登唔捉
我, 真係好乖好純. 而DANIEL就唔係la~ 出矛招引sharon過去捉佢, 又話驚行沙人抱, 麻煩........
我仲第一次游到浮臺, 仲第一次跳水. 我哋喺個南灣hair咗4-5粒鐘, 喺個灘拾蜆, d蜆sharon攞咗番去話烹蜆粥, 拾d靚石番
公司, 坐喺岸邊拾蜆嗰陣我又成機利用d浪沖沙上嚟磨body, 真係滑好多wor....... 個南灣的確係正, 水清沙幼, 又唔多人; 又多人著
3點色; 又多靚仔, 但就多基佬law~
下個星期日就係小B生日,
但佢可能唔出嚟, 我哋咪今晚同佢切蛋糕law~ 又大一歲lu~
今日真係經典又驚險呀! 公司發生小火警呀! 好在發現得早, 唔係後果都好嚴重, sauna room 裡面有幾條毛巾著火喎~ 我見到後
第1時間攞水救熄佢, 然後即刻熄咗個電制, 跟住好大煙呀, 咪開晒d門走減d煙囉, 都嚇親隔籬ar sam同孖膶腸. 原來面對住呢d危急
關頭, 我都可以保持冷靜地去handle , 雖然有驚, 冇險咪ok囉.......
大佬生忌, 我哋去咗寶福山拜佢. 又一年lu~~~
拜完佢仲諗住去kamchoi屋企打麻雀, 但佢為咗跑馬唔打, 算la......我就同dora去咗深水埗行黃金, 為咗我將要買嘅LCD Mon格吓
價ma~ 我鐵定買有理TV turner嘅LCD mon, 可以睇埋電視lor~ 唔洗我又要買張turner card放落部機lor~
夜晚我哋就約ar 媽去九龍城元祿食, 見行完仲有成2個鐘, 咪求其上咗部巴士遊巴士河囉, 點知回程時等車等鬼咁死耐, 結果梗
係遲到la~ ar媽咪發脾氣打嚟話我哋耐未到就番屋企唔食lor~ 好在當時我哋已經到九龍城, 見到佢嗰陣咪話我哋入咗去阿嫂度攞條
褲俾佢, 佢條氣即刻順晒. 此舉當然要阿嫂幫手講大話la~
都唔知做乜, 今日成日心情都唔係好靚. 返到公司見到我今日嘅工作就更加la~ 再加上嗰個死嘢喺我忙到七手八腳嘅時候打
嚟, 都明知我番緊工, 又知我今日鬼咁多嘢做la~ 多鬼餘! 唔靚嘅心情一直到放工冇停過, Dora嚟到嗰段時間我有嘗試過提起精神,
扮吓開心, 輕鬆d, 放鬆d個人, 但真係唔太得, 佢走之後又係咁. 放工嗰陣wendy話車我番屋企, 我都話唔好, 我好想一個人靜吓, 喺番
屋企嘅途中, 我喊咗出嚟, 我都唔知為乜喊ga~ 總知想喊囉, 可能為咗佢呱?! 但我講過唔會再為佢喊ga, 又喊~~~!
真掃興, 諗住行灣仔峽嘅, 終於有一次因天雨關係去唔成, 我哋已經去鵝頸街市食清真雲吞河食咗成粒鐘等停雨, 但都係等
唔到, 結果我哋去行街, Time Sq、Sogo、298電腦商場......呢幾個月都嘅星期日都去郊外, 難得有一週俾藉口自己做d唔太健康但又
好開心 嘅嘢. 去到Sogo又去試食, 見乜就攞乜試, 又買朱古力、奶茶味窩夫(新口味, 不過都係原味好食d)、麵包、蛋糕, 雖然無食
lunch, 但都經已好飽lu~ 今日雖然無乜出汗, 但對腳都幾攰ga~
忍咗咁耐終於都係忍唔住同佢講咗, 佢原來同我諗法一樣, 都係認為嗰2條友有問題, 只因為生意至同佢哋有來往. 聽完佢
講我都放心d~ 開頭同佢講嗰陣仲驚佢唔信我講ga.....
2个死人頭一日內見齊,
一個被我暗寸一嘢, 一個就被我半黑面對代, 條氣都順D. 前者:
我唔知佢知唔知我寸緊佢; 後者:
原本我諗過咁樣對佢, 我亦絕對冇為私人問題而咁做, 只係睇佢唔順眼, 明知多嘢做就唔好叫佢傾電話la~ 唔係得佢一個客呀?!
個嫂阿仔派到華德, 都派咗la~ 我唔信講遲一陣佢阿嫂個仔會去間再衰d嘅學校!! 點解係都要即刻停晒所有工作專登聽個非緊急
電話呢?! 我做完晒嘢靜咗喺度諗: 佢同呢2個死嘢會唔會重滔Aunt Alice覆切呢????
好激氣呀! 個死八婆又嚟, 我都知佢又瓈攞著數la~ 都唔知佢究竟知唔知俾人打朋友牌嚟揾笨, 我有陣會諗: 唔關自己事, 可
能佢鐘意咁樣對朋友覺得冇所為呢? 但我又會好睇唔過眼, 又會好想同佢講提醒吓佢, 但又怕自己被佢誤會為造謠者, 真係煩! 好
心佢唔好成日心口只有個"勇"字去對朋友la, 朋友有好多我level ga~
好耐冇見kara la~ 今日終於出去唱k. 諗住去皇室堡嗰間green box唱, 但冇位要去番伊利, 好衰ga...... 同佢唱Ｋ確係好feel d, 可
能佢都係寬頻, 知我講乜先呀! 而且夾twins又真係同佢最夾. 今日梁生有function, 佢都要去ga, 但我冇去, 因為端午節要番屋企食飯.
唱完k同佢行咗一陣就分手, 自己行去買埋嘢就番屋企.
當然, 今日最重要係kamchoi番嚟同我搞番掂部腦等我唔洗為咗佢訓得唔好la~
今日又係黑仔日,
晨早起諗住save D字款落部腦la~ 一齊一開始嗰陣好正常ga, 而通常每當save完一樣嘢之後都會叫"重
新開啟", 我就照做la, 點知部機"乃"晒A lor~ 一入到桌面唔夠2秒就出藍色畫面, 叫press Enter, 但只會黑晒畫面得個箭咀, 唉......我整
咗好Q耐都唔得, 又要等kamchoi番嚟搞掂佢, 咁我又要等2日至有得用lu~
黑仔情況未有改善ga~ 我哋呢個星期嘅sunday meeting加入咗Rebacca, location係大潭郊野公園, 我哋原定由大潭水塘行去陽
明山莊, 再又陽明山莊行番去起點, 大約2小時, 點知回程時我哋諗住行第2條路la, 一行就行咗2個鐘, 又陽明山莊行咗去赤柱, 雖然
條路係平路唔算難行, 但當見到自己行得越嚟越高又冇風景睇, 手提電話都收唔到, 人影都唔多個嗰陣, 確係有D "R D"ga~ 問d西人
問佢哋條路通去邊, 行幾耐, 佢哋個個都話通去淺水灣, 15分鐘左右到, 係鬼?!
真黑仔, 前所未有咁黑仔. 我竟然又將d熱臘倒瀉, 唉......又要洗餐死. 最慘係我對鞋、對襪、條褲都high到d臘, 全部唔要得,
真係慘!!!!
真經典,
今次我哋嘅sunday meeting加入咗wendy一家四口,
而地點又係聖士提反灣, 原本想去大潭ga~
但wendy話聖
士提反灣好d, 因為可以俾d細路游水ma......因為有佢哋渣車嘅原固, 我哋好快就去到, 又好舒服地拎嘢過去.
開始時都好曬命ga~ 但當wendy大家姐---syvia一家3口話嚟咋, 就天變la! 仲落雨, 好在頗細雨, 之後dora叫我同佢去
toilet, 番到去就見到d報紙濕晒, 原來喺我哋去咗toilet嘅時候落咗場過雲雨, 嘩!!!真係貴人出門招風雨lor......
到我哋話走先, wendy又話車番我哋出去, 但因為佢哋要等埋syvia佢哋, 所以Stephen車我哋走先. 又好在我哋早走, 因
為當我哋上咗車之後開始傾盆大雨, 喺個深水灣&淺水灣都塞車, 因為落雨好多人要渣車走ma......喺車到, dora問起嗰個經典人,
其實我都唔係咁想喺嗰個時候講呢個人, 但係我最後都有講, 我想為佢做件事呱~ 佢幫過我咁多, 都叫做係我百樂, 而且佢都對
我好好, 我唔想佢俾d咁嘅人成日嚟揾著數, 我唔知Stephen明唔明我哋講咩, 但我只可以做到咁, 再多可能我只會變成造謠者.唉...
希望佢會明la~
原本諗住聽日有機會見梁生, 隔咗成4個月la~ 但夜晚當我睇住十萬頓情緣嘅時候, Kara打俾我話我知聽日壇嘢cancal, 改星
期日舉行, 唔係呀?! 又要我諗去BBQ好定join佢哋一齊見梁生好......我當然想兩樣都有我份la!~
梁生終於有function喺星期日啦!
不過我冇去, 唔係我唔想去, 而係一早應承咗Alice ma?!
我哋今次去咗赤柱. 當我去赤柱
'嘅途中, Kara打俾我, 佢話我知佢喺銅鑼灣, 當其時我都係喎.......咁啱嘅~
今次去赤柱行咗好耐, 可能一邊行一邊傾計la~ 一d都唔覺行咗好耐, 反而好似仲有好多地方未行添. 我哋仲話下個禮拜
去大潭燒野食, 好呀! 好想燒野食.
原本仲驚自己見唔成份工, 仲一路喺途中諗晒經求自己見得成, 點知一in就得, 不過我諗我都係唔會做呢份工lu~ 因為唔
係我target囉......
今朝同平時差唔多時間起身, 可能仲早過平時添, 或者緊張la~ 著到一d都唔似平時嘅我咁去見工, 見工lor~ 梗係著得斯文
d啦! 平時我一定唔會著尖頭鞋, 但係要斯文ma~ 平時著慣波鞋嘅我舒服慣, 所以對脚攰到有d唔似自己嘅咁, 唉.......見完工就搭車
去咗觀塘一陣, 想去買CDR, 但最後都冇買到, 因為Rebacca call我同我傾咗陣, 都冇乜注意力放喺睇嘢到, 所以好快就走, 搭車番工.
當然食埋個lunch先la~~ 番到去wendy就問我見工見成點, o唔ok, 我就一五一十同佢講番我點諗, 之後佢又同我講叫我以後早d走,
唔好做到咁夜, 以後我早d番工早d走, 佢就遲d番工夜d走, 話我應該有自己d時間, 唔好成日咁夜走lor~ 其實我都知佢想我留喺度
所以至咁講啫........
今日去咗梅窩,
間咗好多年冇去過, 今日再去番不論當地嘅風景,
就連自己都唔同咗好多.
我哋沿住銀鑛灣行, 本來打算行山ga~ 但係我真係好驚, 唔係驚行得辛苦, 而係d蛇蟲鼠蟻, 我一行到去我已經feel到會有,
可能因為行入去嗰陣遇到隻蜜蜂la~ 喺我耳邊飛過, 嚇死呀!!! 不過喺走之前都見到變色蜴&野葛菜, 都話同Alice一齊唔會悶, 因為
佢會好留意身邊嘅事物, 亦都識好多嘢, 會冇時冇刻講你知呢d係咩嗰d係咩.
因為今日係母親節, 我哋都比平時早走, 4點就搭船番香港lu~ 其中因為Alice要去新界陪媽咪食飯, 如果遲咗真係成村人
等佢㗎......
我番到屋企就馬上開始煮, 當然啦! 要煮得好食就要負出代價嘅~ 今晚我整咗冷麵、炆鴨舌、茶葉雞翼, 佢哋都話正呀,
其中炆鴨舌係佢哋至鐘意添, 真係多謝晒, 一碟數十隻我只食得5隻咋, 不過佢哋話好食都抵嘅........
今晚預早慶祝母親節, 但收禮物嘅竟然係我------小B+細佬預早送咗份生日禮物俾我, 係個m&m嘅放糖器, 好得意ga~ 我一
收到就愛不釋手, 當然la~ 我鐘意m&m ma~~~
雖然好早就收工, 但我冇番屋企食飯, 因為去咗倍wendy買電腦, 原本只係諗住睇吓先, 格吓價. 但而家佢買呢部好抵又啱
佢用, 又有得免息分期, 咁就唔洗諗la~ 而我就買咗個背囊, 我好鐘意呀. 雖然我都覺得貴, 但鬼叫鐘意咩?!
今次嘅週日活動我哋去咗山頂,
我哋冇咁好體力行上山頂, 只係喺中環天星碼頭搭15號巴士上去啫.
一路坐喺車一路望
出去, 係好靚呀! 但越嚟越大霧, 大霧到睇唔到風景, 只望到出面白色一片. 上到去行咗陣山頂廣場同食完嘢d霧就開始散, 我哋就
開始行嗰條緩步徑. 由山頂望去, 香港原來真係好靚, 但我哋好多時冇用少少時間望清楚咋; 又見到好多山頂豪宅la~ 但係如果要
我住嗰度就惨囉, 人影都冇隻, 死咗都冇人知la~
沿途alice又講好多我哋唔知嘅嘢我哋知, e.g: 木耳點有, 同佢一齊一d都唔悶ga~ 行咗一個鐘左右就行完, 我哋再由山頂行
番落中環, 沿中雖然勁俾蚊咬同行嗰條斜路落山行到脚軟, 但又見到好多我未見過嘅嘢, e.g: 陸地蟹(有毒㗎!)/ 手掌咁大嘅蜘蛛(又
係有毒㗎!)仲有霆鋒/ 楊恭茹/ 吳綺莉住喺邊我都知啦! 因為一經過上述人物嘅住宅alice就會話我哋知ma~
放假. 去咗一個我想去好耐嘅地方玩, 仲有星爺同dora倍. 玩完之後我哋又倍番dora去敲針, 終於都知佢一直講嘅敲針咩lu...
原來佢個朋友會用一紮7枝嘅針嚟喺佢身到不停輕輕力敲落去佢個身, 我就問係咪有穴位嘅地方就可以咁敲, 佢話唔係ga~ 係有
皮膚嘅地方就敲得㗎啦. 整完之後見到dora個身紅晒就知有幾痛lu~~~
香港寬頻嚟咗整啦, 都ok喎.....
kara話好想去唱k, 我都想, 但我又驚sars喎~ 喺間k房乜人都去過, d咪乜人都攞嚟對住唱過, d口水~~~我就驚lu.....所以我
唔驚唔得........
請咗半日假同dora、kamchoi、grace、阿姨&拉姨一齊去碧桂園, 可能今次阿媽冇嚟, 我哋特別自在, 唔係厭佢麻煩, 而
係成日都擔心佢跟住我哋四圍去會好攰但又唔出聲, 所以之前去我都係去咗好少地方玩. 但今次就唔同囉......玩到我攰到不得
了呀! 去咗我未去過嘅市橋、好又多, 當然買咗好多零食番嚟la~ 但今次我同咗阿姨&拉姨同房, 原本同dora訓ga, 但佢話唔開冷
氣訓, 嘩~~熱到暈la~我當然唔能夠懚受, 所以我寧願訓地下.
好多人問我呢個時候上大陸唔驚sara呀?! ,但我真係唔驚喎~ 要是有病, 就算足不出戶都會有la~ 何況上面d空好咁, 只
要唔好去d人多地方就ok啦......番嚟香港搭車嗰陣, 我哋都有帶口罩, 但一知道部車全部都係香港人搭就一d都唔驚, 仲除口罩食
嘢, 帶咗個口罩真係好唔舒服, 由其是我有鼻敏感㖭......
孫太今日送咗樣嘢俾我, 我好鐘意ga~ 係一個m&m咕𠱸, 黃色ga, 我真係估唔到佢會送俾我, 亦估唔到我會收到呢樣嘢, 原本
我好想今晚就拎番屋企, 但因為今晚要去買我恨咗好耐嘅嘢------數碼相機 : 310萬像; 有中文字幕, 呢兩樣嘢係我嘅基本要求, 再
加埋價錢非常合理, 我當然買啦, 上碧桂園用嘅.
今日真係好開心呀~~~!
又去南丫島la~ 但今次有埋Alice + 細佬 + 小B, 雖然帶埋佢兩個係幾辛苦, 但冇所為la~ 我見Amy近期真係幾辛苦吓, 又要去
睇姐夫, 又要照顧佢兩個, 不如我哋帶佢兩個出嚟玩等佢休息吓咪幾好. 同佢哋喺洪聖爺灣拾貝殼、行山、買頭飾.......都幾開心
ga~ 除咗佢兩個眼訓起上嚟乜都唔理就訓同間唔中唔知做乜就扭計之外, 都冇乜原因令我下次會唔帶佢兩個去嘅
12點幾至由屋企出發, 撘103($9.4)去銅鑼灣轉小巴($9)去赤柱. 我都好耐冇去過嗰度, 連部車都唔同路線lu~ 我記得以前行
山路去赤柱ga~ 而家就經香港仔隧道去, 快係快好多, 以前要成半個鐘以上至去到, 而家只需20min就到, 但就冇咁多靚風景睇lu~
有好有唔好la~ 幾年冇去啫, 估唔到變咗咁多喎! 至少以前冇美利樓la~ 除咗赤柱大街冇變之外, 乜都變, 就連d bar都變埋. 而我仲
發現一個景點---就係惠康嘞........因為間惠康係舊赤柱警察局嚟, 所以裡面好靚、好有舊香港feel, 我哋仲喺裡面偷拍, 因為真係太
靚la~就算俾人話都抵嘅........
金像獎---每年我都一定睇, 但今年d賽果有d太我失望囉~ 勁想我偶像之一嘅曾志偉攞男配角, 點知真係俾黃秋生攞、好唔
想李心潔攞女主角但又俾個獎佢, 唉.........
愚人節呀ma~我知......食lunch嗰陣我出去買嘢食, wendy就打嚟話Eva佢哋話2個鐘頭後香港會宣佈為疫埠, 我聽到之後就諗
「係唔係呀?! 疫埠?! 係的話點解新聞唔講嘅??」我理智地同自己講「唔會嘅!!」我諗諗吓, 打俾Amy聽先la, 等佢自己衡量哋佢
自己屋企有冇需要買嘢la~ 萬一係真嘅都叫有單聲俾佢知呀~當佢聽到就竟然話信, 佢話打去俾姐夫打唔通, 話可能係真嘅所以
民處發緊消息出去令姐夫office個電話打唔通, 我至象徵性地買咗排蛋, 但阿媽緊住又打俾我話佢嗰邊都有人咁講, 佢話買少少
囉, 我咪連個lunch都唔食住去百佳買嘢先囉.
當我坎到百佳, 我有d唔相信, d人以為d嘢唔洗錢ga?! 十樣有九樣都俾人買晒, 4/5罐油放落車, 唔洗呀!? 我見到呢個情況, 都
已經買唔落, 心諗「就算真係宣佈為疫埠又點呀?! 我唔信有錢買唔到嘢食. 而且而家買咁多嘢食唔晒過期的話, 就唔係買嘢貴, 而
係晒錢.」但應承咗阿媽話買, 又象徵性地買d啦~我只係攞咗3罐午餐肉、2包公仔麵同3磅雞翼咋. 去到cashier見到條長龍, 我都係
放棄嘞, 因為我相信我要等成粒鐘或以上至可以俾到錢走, 唔洗番工呀?! 但最後我都買多咗2個生菜、2包雪藏魚、1包鴨利, 我原
本冇諗過買ga~但wendy去大昌買咗好多嘢, 我又覺得幾抵咪買囉.
由於今日又係水靜鵝飛嘅關係, 好早就收工lu~番到屋企食食吓飯, dora打番嚟話張國榮跳樓死咗, y? 為咗唐生??? 就算係點,
個天仲未要收番你條命就點都唔應該放棄自己, 可能佢有佢嘅苦衷, 但係咪件事大到一定要死先?! 每件事都有解決辦法ma~我一
直以為佢係一個好勇敢嘅人, 諗吓: 佢係大明星, 但又係同性戀者都唔mind d傳媒點寫, 但估唔到佢會用一個最傻最冇用嘅方法了
結自己生命, 唉..........
去咗大嶼山嘅大澳行.
原本阿媽話唔去ga~但dora又唔記得帶電話要番屋企攞,
我咪問多次佢去唔去囉, 我都知佢想去嘅,
不過驚我哋玩行山至話唔去啫, 我咪同佢保證唔會行山佢咪去囉.
搭住部E22($18)原本去到東涌市中心ga, 但我哋掛住睇風景唔記得落車, 咪喺機場落車再搭番S1($3.5出市中心囉... 出到番
去我哋就食埋嘢至搭11($19)去大澳, 簡直揾笨呀! 部11係收冷空巴價錢, 但d乘客個個都開晒窗, 根本唔算係冷空巴. 但都冇計呀,
唔通行路咩?!沿途嘅風景真係一流, 咩叫一望無際, 咩叫高崇入雲我知la.
去到大澳又可以食到喺市區食唔到咁好味嘅雞蛋仔, $8咋, 但用山灰爐整, 個餡成個蛋糕咁, 好味到我哋總共食咗3底, 又
去捉蟹仔, 不過d村民話唔食得㗎, 因為經已受污染, 而且好濕熱ga~玩咗幾個鐘就走lu~但我就玩到好攰la, 喺回程嗰陣劫得濟, 喺部
車度訓着覺㖭......
非典型肺炎真係好勁, 我當然都有帶口罩出街唔得la~個個人都帶~其實都啱ga, 保障人哋保障自己啫, 病喎!好好玖呀?!
呢個非典型肺炎唔只令我哋要帶口罩出街, 仲令我好得閒, 鬼咩, 個個都驚出街la, 何況做facial呀, d人話驚我哋鋪頭空氣唔
夠流通; 驚多人; 驚d毛巾好多人用過......唉~都係要諗吓計等d人放心嚟或者有冇其他揾錢方法至得, 唔係食穀種lu~
除咗映响我哋, 我諗董建華都幾慘ga~好似今日我聽個客講, 話佢唔講話停課, 但個孫女就冇番到學, 佢咁做係自傷矛盾, 我
聽到之後真係想問番佢「你個女番唔番學會唔會問吓你阿爸或者老爺呀?!」多鬼餘, 無理取鬧. 成日話個政府呢樣唔好嗰樣唔
好, 不如幫手殺菌, 做d預防嘢, 等d菌咪再擴散好過la~
今日去咗個我今日第一次去嘅地方------南丫島. 搭103去中環($9.4), 去4號碼頭搭船($20), 半個鐘咋, 就去到南丫島lu~去到
榕樹灣我哋太肚餓啦, 就食咗碗雲吞麵, 之後我哋就開始出發, 行我哋嘅行程. 行咗成粒鐘, 由榕樹灣行山行到去索罟灣搭船番香
港仔($12), 食完個tea就搭7號巴士($5.3)行山路沿薄扶林道去蒲飛路, 再搭番103($9.4)番屋企, 由總站搭番總站.
今日洗嘅錢多數洗喺車費同食嘢度, 我都係買咗個茶壺同一條電話繩. 個茶壺好靚ga~用段泥做, 做到好似竹咁. 我買都係
因為公司嗰個茶壺個蓋俾個死嘢打爛咗, 雖然同套茶杯唔係一套, 但就因為做到好似竹, 所以應該同d杯幾親嘅. 而條電話繩好得
意ga, 係個所願符, 用木刻仲係handmake ga~同個電話都好親㖭!!!
今日都唔知做乜鬼死咁多嘢做, 勁攰. 不過都好, 唔通而家咁嘅時勢冇嘢做好咩?!但可能近排為咗睇<天地豪情>要等到12點
幾至做, 睇完都成1點半至訓嘅關係, 今日做得耐嘢有d頭痛, 一定要訓番夠本至得.
做咗決定之後都仲未有後悔, 我諗我唔會後悔la....但我好好彩, 有貴人相助, 令我唔洗咁擔心.
但另一個憂心又接住嚟, 今晚放工番到屋企一入門就見到dora, 但再行到去廳, 我就見到自己封月結單喺張枱度, 我當然馬
上收起佢la~費事佢哋話我洗得多錢, 但我又諗:明明尋晚我放咗喺床ga~點解會喺張枱呢??我不斷諗, 諗會唔會係今朝自己拎咗
落嚟唔記得放番好呢!?又會唔會係我訓覺嗰陣整跌咗落地下dora番到見到拾起呢?!但我諗係我拎咗唔記得放好會合理d, 因為如
果dora拾咗放嗰度的話, 佢唔會放喺嗰度呀, 放番喺我張床之啱ga~但如果真係我自己放喺嗰度的話, 咁dora有冇攞嚟睇過呢??希
望冇la~唔係就有排煩lu......
終於, 我拎出勇氣同佢講我嘅決定, 佢聽完之後冇太大反映, 但我諗佢係有d反對, 我感覺...不過我又諗, 我唔通為咗一刻怯
而做我想做嘅嘢?!我知我嘅決定會令一d關心我嘅人同自己帶來憂心, 但我更希望而家唔洗佢哋粗心, 我仲未知啱定錯, 但我只
係唔想到我冇能力改嘅時候至番轉頭, 我希望我冇選擇錯la~~
個個都好支持我嘅決定, 偏偏有一個唔贊成, 問佢意見仲hea我, 我真係唔係好想理佢, 不過鬼叫佢係我家姐咩?!我可以
點?!對佢black face?!可能佢有佢道理嘅, 我接受唔到啫~雖然一早估死佢唔贊成, 但我都冇諗過佢用hea嚟對我囉.....沖完涼之後,
佢行過嚟同我講要練多d打字, 又話幫我點點點......我覺得好唔舒服, 我覺得佢玩我多d囉.......講真, 我冇要佢幫, 佢肯的話, 佢最
好唔好幫, 我唔想我每一方面都會有佢哋介入, 而且我冇諗過一定要做佢諗嘅嘢, 我唔知自己咁諗啱唔啱, 但至少我會開心d, 我
只係想有個空位俾自己啫~~~~
唉....呢幾日都有事令我好煩 ,真係唔知點好 ,所以今晚收咗工約咗Rebacca食飯散吓心 ,又真係好咗d喎~而我咪又係為
咗工作而煩惱~佢今晚俾咗好多咁洗嘅意見俾我 ,令我釋懷好多 .講真呀 ,可能我一直都係想揾個人支持我諗法同俾到意見我 ,
所以聽到佢嘅意見同我諗法差不多嗰陣個人真係鬆咗口氣 .
今晚同佢傾咗好多嘢呀 !乜都傾一餐 ,結果我哋喺元綠dot由九點左右入座 ,一坐就坐到12點幾 .佢終於揾到工la~雖然
佢唔係太鐘意份工 ,但總好過冇嘢做住整懶咗個人呀 !!希望佢快d揾到份好工la....
去完旅行番嚟lu~真係好開心
,可能因為今次係我同一個朋友只靠一張地圖、一本旅遊書就四圍去
,見到車就上 ,諗住跟
住張地圖逐個地方落車而接近我哋要去嘅目的地 ,但我哋去到至知我哋想去嘅地方係晒時間 ,因為太把鬼 ,雖然用頗多時間搭車 ,
但係我哋都同樣應為喺坐車嗰段時間好玩過個目的地好多 ,又刺激又可以見多D景色ma......
喺呢個旅程 ,我哋買咗好多嘢又食咗好多嘢 ,除咗食整餐喺行街嗰陣又食當地小食 ,同個朋友一齊孖鋪時又傾咗好多嘢 ,
最衰唔夠時間la~如果唔係仲可以去多d地方買多d嘢 ,見識多d ,睇多d啦........
今日見到Dora個friend---wendy+佢個仔 ,我好少咁有心機同細佬仔玩㗎 ,但係佢真係好乖 ,又主動又好玩又肯聽人講
嘢 ,得個4歲就識讀好多未真係好叻仔 .所以同佢玩咗都幾耐吓 ,仲有D唔捨得佢添 ,因為佢聽日就番加拿大la~
之後去咗wendy屋企拜年 ,佢搬咗入去2/3個月 ,今日係第一次上去參觀咋 ,不過豪宅真係豪宅 ,係靚好多嘅 .上到去
因為葉生d屋企人喺度 ,意外地收到佢屋企人d利是 ,又收到syvia嘅利是 ,今年係第一次收佢封利是咋~但因為多人我濟 ,我就同
dora落商場行咗陣 ,一嚟抖吓 ,二嚟買嘢送俾alice 嘛....話晒都知佢嚟 ,唔送禮物我會覺得唔係太好意思嘅 .wendy屋企可以睇到
煙花㗎 ,雖然隔好遠 ,一個尖沙咀一個美乎 ,但都可以聽到煙花d "bob bob"聲 ,雖然有時會因為個煙花放得低遮咗d但都好清楚 .
睇完咪出咗去酒樓食晚飯囉 ,wendy請我哋 ,原本我都以為喺佢屋企食嘅 ,但係佢話咁多人食會迫d ,咪book枱出街食算囉 .
今年有d唔同 ,因為阿媽要番工 ,所以我哋嘅團拜遲咗 ,4點幾至開始 ,我整咗d春卷 ,蘿蔔糕 ,同終於都成功嘅曲奇餅
俾佢哋食 ,而唔少得嘅當然係打麻雀啦 ,但拉姨竟然肯打 ,可能因為佢知細舅父想打呱?!我當然keep住水準贏錢la~仲狼意外收
穫-----拉姨輸咗給100俾我呀 .話說我哋睇番𢥫夫成龍尾嗰幾集la ,點知一開嚟睇就係講宣萱跳落海救阿旺 ,我同拉姨就喺到講
呢集究竟係唔係大結局 ,佢好肯定係大結局 ,而我就話唔係 ,佢就話賭劇100 ,我知羸梗就當地同佢賭la ,眾人都話係大結局 ,我
都有少少懷疑自己記錯 ,但係呢個動搖1分鐘就消失 ,因為電視劇對我嚟講係過目不忘嘅 ,我又洗乜驚呀?!我哋就一路打牌一
路睇 ,但因為我哋台麻雀開喺電視機後面 ,我只可以聽聲 ,當我聽到結尾出歌出字幕嗰究陣 ,開心到跳起呀 ,好難得係拉姨度
贏錢㗎 ,佢都唔賭錢嘅 ,之後仲要贏佢麻雀錢 ,今年真係好兆頭呀!!!!
打咗冇幾耐 ,kamchoi同阿嫂就到嘞 ,見佢兩個面口唔多好都知佢兩個又鬧交la~不過唔知為乜啫 ,佢哋間唔中就整
一兩句語帶相關嘅說話出嚟 ,繼而拉姨同dora都揾佢兩個頂位 ,我都真係有點汗顏 ,佢兩個d火都幾厲害 ,點着是但一個咪死 ,
好在都可算平安 ,其實兩公婆 ,算la~~~
終於到年廿九la !娟姐今日最後一日喺到做嘢都有d唔捨得佢 ,佢臨走都不忘俾利是我呀 ,今日又逗多3封利是lu~而
我做埋今日就休息+去旅行 ,真係等好耐la !呢幾日冇2/3點都唔洗訓 ,真係好辛苦 ,鬼咩 ,全年最忙都係呢幾日咋 ,年尾唔辛苦就
慘囉 !今朝一返到去就有嘢做 ,一直冇得停 ,到可以有時間食lunch都已經係5點 ,都返屋企食團年飯咯 ,又點會食得好豐富呀?!
求其去咗7仔買叮叮點心食就算lu~食完之後我真係頂唔順喺公司訓咗陣 ,又出街行吓至番去拾洗埋d嘢 ,我驚賣童裝嘅鋪頭會
早收ma .原本買衫俾埋小Ｂ同細佬嘅 ,咁大家姐又話同佢哋買咗咯 ,咪淨係買俾wendy對仔女囉 ,橫掂我又唔知買乜去佢屋企拜
年 ,呢樣佢就實鐘意la~
食完團年飯拾好晒嘢 ,我哋就梗係行花市啦 !但因為要等埋alice ,佢話1點至可以出門口(因為係吉時喎~)我同dora咪
去咗sogo行陣囉 .等到alice嚟到就一齊行維園 .佢好勁㗎 !知晒咩花咩名 ;有乜好意頭 ;點種 ,同佢一齊行真係幾好 .行到成3點幾
先開始慢慢行出去等車番屋企 ,仲諗住可以等埋阿媽起身同佢拜完年逗埋佢封利是至訓 ,但真係唔掂 ,勁眼訓都係訓咗先 .
尋晚成2點至返到屋企 ,今朝又咁早起身返工做嘢就梗係攰啦~今晚仲要去買年花 ,真係眼訓到嘔 .今年我哋唔再買
銀柳 ,話風水唔好唔插得喎 ,要買就要買五代同堂 ,我哋第一年買咋 ,見到d果冇花冇黑 ,d樹枝又大就買lu~希望真係一年好過一
年la~~~
今晚公司要食團年飯 ,我哋選擇唱k當今年團年飯 ,因為抵囉 !何況candy同啤梨今晚都嚟 ,當然唔可以令佢哋兩個咁
驚la~不過我第一次見嗰個啤梨 ,都唔覺得佢有幾好喎~可能睇唔清楚佢啦....唔知candy對佢有冇feel呢 ?但嗰個啤梨就話對candy
冇feel ,唉!做唔成媒人添......
唉.....星期日要我咁早起身真係有少少想死 ,新年前最後一個星期日要番工就梗㗎啦！不過好彩 ,d人朝早嚟晒好早
就可以收工 .放咗工諗住幫手買新年d嘢食la ,我而家先知d磅磅糖都幾貴 ,唔係好多粒咋~都成$31 ,我去city super買都唔洗咁貴 ,
個樣仲靚好多又好味呀 ,最衰冇時間la~~
好好運呀 !今日已經收到今年第一封利是 ,仲成$100 ,係個客俾嘅~佢5/2要入院開刀生BB ,佢話俾定我先喎 .佢原本只
係入嚟借toilet ,臨走嗰陣佢就話"阿妹 ,俾封利是過你",當時我諗 ,咁快就封定利是?!但跟住佢喺個銀包到攞張$100紙出嚟 ,同我講
"冇利是封呀 ,係咁易la~"我除咗講多謝之外 ,d心聲就話"都紅色la~有冇封都唔緊要囉 ,志在個餡啫..."希望咁係好兆頭 ,今年會破
歷年利是錢記錄 ,過$5000就好lu~~~
好彩今日冇乜嘢做 ,焗咗陣sauna .可能尋晚太夜訓 ,平時我焗sauna嗰陣我都訓唔著嘅 ,今日攪低咗溫度 ,竟然喺sauna
室訓咗一陣 ,出咗好多汗 ,個人舒服咗好多 ,好似冇咁攰 .
今晚有得睇十大中文金曲 ,梁生做mc ,又攞到組合新人銅獎喎~真係好開心 .不過死la~~睇落去梁生仲老過阿旺 ,佢
真係要食太太口服液回復青春囉!!至少人哋頭髮依然好濃密呀!佢真係要揾d咩首烏洗頭水晚晚焗住個頭至得囉~~
十大中文金曲頒獎禮喺今晚舉行 .上一年嘅今晚我原本好開心地去睇金曲show ,但點知唔見咗個電話 ;而今年嘅呢
一晚 ,我破例地冇去現場睇梁生做金曲mc而去咗唱k ,我都想去睇~但係費事la~
唔見電話嘅呢個陰影 ,成晚都好驚會又唔見嘢 ,好彩冇又嚟~2點左右就番到屋企 ,鬼咩!wendy眼訓ma~
又打麻雀啦....不過今日嬴得最多係我 ,當然開心啦!
九點幾就起身同阿媽食早餐 ,跟住入去寶福山拜大佬 ,就嚟過年嘛 ,咪去燒D新衫佢過年囉 .阿嫂問我點解一年拜幾
次 ,冇得解㗎喎 !
放工嘅時候去"攞"咗一部唔洗自己錢買嘅手提電話---GD55 ,心情當然靚番好多啦.....其實佢係知我唔開心先俾我 ,
我一定樂意接受㗎~不過點都好 ,都唔會改變到我嘅決定 ,以前嘅我太易變la~令人哋冇所適從 ,又令自己唔開心 ,因為迫自己
接受番人嘛~但係自己d心聲同面部表情又不受控制喎 ,既然相方都唔開心 ,不如一早做好決定令人早d知結果好過......可能已
經冇feel ,真係唔想拖啦 ,再咁落去我真係會頂唔順 ,到第日連朋友都冇得做仲死?!
晏晝食完飯wendy捉咗我同佢傾計 ,咪又係講工作上嘅嘢~但係聽完佢講之後我開始真係知自己要點決定而唔再係
一時意氣用事 .我本來仲未知想點 ,因為有好多嘢令我怯 ,令我唔敢亂決定 ,但佢講得啱...針冇兩頭利 ,唔通我可以驚一世咩?!
其實個"難關"有幾難過我三年前就要知 ,只不過我當時好彩 ,唔洗面對住 .既然而家有機會 ,就連一d我諗唔通嘅嘢都好似安排
好唔洗我諗點算 ,咁點解唔試吓喎?!我唔通真係可以一世唔變咩?!好似阿joe都話得我啱㗎 ,聽咗我講好耐啦 ,咪一樣冇做到......
我唔可以再啱落去啦 !一於放胆試吓囉 !要自己開心d梗係要自己幫自己la~就算嗰度真係唔得 ,我都會有自己目標lu~如果要我
再因為一d小問題而浪費咗一個令我改變嘅機會 ,我諗而家嘅我一定會好後悔 ,因為而家嘅我已經唔係三年前嘅我咁咁冇所為 ,
我已經好介意唔把握d機會la~~不過點都好 ,都會過埋呢個新年之後至實行 ,我覺得到時至係最好時機呱?!?!
今日終於開心番d ,可能尋晚經已令我釋懷la~
晏晝嗰陣拉姨打俾我 ,話買咗上碧桂園嘅車飛 ,仲話嗰日去埋婆婆屋企帶埋佢去 ,難怪嘅~佢都唔知我有幾唔鐘意婆
婆 ,算la~我同阿媽講 ,如果真係上去婆婆屋企接佢 ,4:30一定要出到旺角嘅話 ,我就要1:00度去到佢屋企從旁叫佢快d先得 ,唔係
呀~!沖個涼先至慢慢行都似~!
我今日又知道份雙糧會出得好金 ,真係好嘞 !諗吓買d咩先.........
以為今日會同dora去旺角攞printer ,但最後我哋入咗沙田四哥屋企打麻雀 ,夜晚打邊爐 ,咁就成日la~打咗成日牌 ,最後
嬴咗$2咋....雖然$2 ,但都令我好開心 ,可以忘記d唔開心嘅嘢先 .
出番九龍番屋企嗰陣 ,見住部巴士走有排等 ,咪索性搭的士la~等咗好耐都係冇車喎~但最後都搭到的士 ,仲好快番到
屋企添....事關我哋部車開到110h/km ,雖然快 ,但我一d都唔驚喎 ,個的士司機揸得都幾定 ,而且冇成日dou車ma~但為安全我都
係叫阿媽扣好安全帶 ,因為我知佢最興唔扣安全帶ga~厭條安全帶"cool"住唔舒服ma~
勁歌總選 ,eo2攞到新組合銀獎 ,真係開心 .佢哋真係唔差 ,係欠一個機會啫 ,唔係有錢 / 靚仔就得㗎嘛~~~佢哋唱歌又
唔差 ;跳舞就直頭一流添啦 !真係抵攞㗎!!!
好唔開心 ,好想喊 ,我終於知道俾人出賣嘅感覺係點lu~真係好難受㗎!,尋日我仲要考慮吓 ,但我知真係唔可以再咁落
去 .我唔想d唔關佢事嘅嘢都要同佢交代 ;唔想d我信得過嘅人喺佢面前講我嘅嘢俾佢知 ,太唔知咩係專重啦~係咪我嘅事咩都
關佢事㗎?!我都有自己私人空間㗎~洗唔洗請個私家偵探跟蹤埋我ar!!同你一齊啫 ,唔洗每樣嘢都要俾你知+同你講呱?!我點可
能同你一齊過呀~
我又親冇嘢做嘅時候訓陣覺 ,真係太眼訓嘞......我一訓就訓咗成個鐘 ,好在呢段時間冇你嚟可以訓耐d ,唔係真係唔
夠喉㗎~費事做做吓嘢睡魔急call啦!!
放工嗰陣amy打電話俾我話又有份job想俾我做 ,講真呀!而家嘅我真係有d唔想接 ,可能而家嘅我有好多嘢做 ,突然話
我知有第二樣嘢要我做 ,我諗我會唔知點去handle或者要用好多時間至可以適應 ,我太惰性la~~習慣咗就好難改變 ,因為我唔想
用時間適應 ,唔想迫自己改變 .不過當初係我叫amy幫我揾嘅 ,所以我交戲話"好",而家唔知點收科添ga~萬一真係掂嘅就要做㗎
啦...我只可以講"我最需要有新發展嗰陣冇俾機會我 ,到我肯定到自己嘞又要我選擇 ,玩我咩?!"
Wendy去咗海洋公園 ,所以今日得我一個人 .喺公司以為唔會有D咩做 ,但係都要去銀行 ;計番D數 ;寫番Record ;又有
客嚟 ,都做咗好多嘢 .但喺冇人嘅時候 ,我都頂唔順走去訓咗陣 ,唉......前晚就晨早6點幾至訓 ,又打咗成日麻雀 ,尋晚就為咗睇
"叱吒"2點幾訓 ,唔訓番陣點得喎~
而家係早上11:04 ,只係訓咗4個鐘 ,番屋企嗰陣非常眼訓 ,搭地鐵都冇嘔 ,因為經已訓到車都唔記得落 .count down完
之後 ,我哋又打電話俾law仔 ,又去咗揾toilet ,又去咗灣仔碼頭吹水 .
通常count down完d電話一定打唔通嘅 ,我都預打唔通 ,但係我竟然打得通喎~不過就飛咗去call台 ,打咗幾次之後 ,law
仔聽呀 !
以下係電話內容 :
ling :Hi ,Happy New Year .
law仔 :Happy New Year .
ling :係我呀 !
law仔 :你係邊個呀 ?
ling :我?!我咪係上年嗰個囉 .(之後我將個電話隊俾alice ,佢好奇怪+突然 ,跟住我哋就一齊講happy new year ,我攞番起個電話同
law仔講"聽到嗎?"law仔答聽到 ,我又將電話隊俾kara ,佢同alice係同一個反應 ,我哋又再集體講happy new year .)
law仔 :你係邊個啫?(有d唔耐煩)
ling :你又唔知我係邊個呀?!咁算la ,冇嘢喇 ,bye bye .