trami_ling@mail.hongkong.com
------>我的相簿icq no :166423410
/trami_ling@mail.hongkong.com
------>我的相簿
冇得去玩, 都係要多謝wendy大小姐la~ 1/1冇假放, 要放3/1, 咁點出去玩呀?! 放工嗰陣差d忍唔住同佢炒, 但我唔想新年
都要唔開心, 所以我忍, 亦當冇件事.
又到要總結呢一年所發生過喺我自己身上嘅事嘅時候la~ 其實今年都幾風平浪靜, 不過當中一定有開心同唔開心ga la,
每樣嘢都好就唔會識得珍惜兩個字......
(1) 13/1------睇鬼馬狂想曲首映
(2) 3/3------李定朗出世
(3) 7/3------同dora喺麥記鬧交
(4)16-19/5------我、dora & 孻姨碧桂園、廣州自由行
(5)1/7------都要開工
(6)7/8------第一次去聯誼會打麻雀
(7)14-17/11------因為天國的階梯而去韓國旅行
Irene去完大板返嚟, 送咗盒白朱古力餅俾我, 好好味呀! 試過之後我放咗喺枱, 諗住走嗰陣攞番匡企俾dora同阿媽試
吓, wendy問都冇問就放咗喺枱仔度諗住俾d客食, 好老實講我冇諗過要請其他人食, 得嗰10塊左右, 請得客食我都唔洗拎番屋企
俾佢哋食la~ 我真係好唔鐘意佢d自把自為.
X'mas
Holiday我又返5星級的家, 加埋Amy一家4口, dora.
上去其實最大原因就係幫Amy照顧小B&細佬, 俾佢兩公婆
拍下拖, 等佢哋感情同關係都好d.
小B&細佬有我哋睇住當然猜問題la~ 我哋租堡主d三輪電單車四圍去不知幾嘆! 呢兩日俾我哋識咗對夫婦, 佢哋喺
碧桂園長住ga~ 兩個一人一部單車四圍去. 仲有濤叔, 佢喺豪園嗰邊開cafe, 但唔志在賺錢, 只志在打發時間, 成日去旅行, 聽佢講
又去清遠呀! 佢間cafe最好味亦係唯一食得飽就係咖哩, 真係好好味, 連細佬唔食得辣都食到唔停, d嘢又新鮮, 因為唔係好多貨,
有時有order至去supermarket買, 如果我第時退休都可以好似佢哋咁就最正la~
落番嚟香港至記得冇放抵孻姨d巨款, 咪唯有要dora幫忙law, 當然要俾佢串幾嘢la~
Carman佢講過佢成日帶泰國團ga~ 唔知佢點呢?! 聽日打俾佢睇下佢點至得.
Tracy今晚擺酒, 當中有好多我睇唔過眼嘅嘢, 不過唔可以講, 但我好担心佢, 唔知點解我覺得佢呢個老公同佢唔會長久, 可能
我多心啫~ 幾時都係望人好好過想人哀ga~!?
間呢鋪阿wing真係冇做la~ 今朝見到佢喺獅子石道做, 仲俾咗mobile no.俾我, 都好呀! 佢話間呢鋪老闆娘唔好所以自己唔
做, 都啱呀!
今晚同wendy慶祝生日,
Rebacca, Jojo都有嚟, 我哋就去咗Fat Anglelo's食, 都唔貴la~ 4個人食咗$744,
每人$186, 但就好多
嘢食lor~ 最後我哋要打包4盒至得. 好在我冇食到好飽, 所以就算之後話去食甜品我都ok.
Jojo之前都已經送咗嘢俾wendy ga la. 但當佢嚟到又送盤聖誕花俾佢, wendy好開心呀. 而我同Rebacca支香水當然都令佢開心
la~
搭的士嗰陣, 小平話我知原來肥哥哥之前都問過志偉借錢, 令我更加覺我呢條友想唔還錢. 正死剷呀!
死la~ 同Becky電眼睫毛電得唔好添......佢打嚟話對眼腫咗, 我驚佢會對我冇信心咋~ 我之前同佢整都冇事嘅, 佢講講吓要
叫wendy聽, wendy就安撫佢話冇事嘅, 有咩就打俾佢. 希望佢真係冇事la~
lunch食完之後就有d喉嚨痛, 跟住仲流鼻水, 死la~ 感冒呀~!
放工之後同Rebacca去咗朗豪坊西武買生日禮物俾WENDY, 最後亦好快地買支GUCCI ENVY ME香水俾佢, 無法la~ 都唔
知送咩俾佢好.
去咗睇"緣份的天梯"lu~ 都幾好睇呀! 原本諗住去百老匯睇就可以攞月曆ga ma~ 死得佢我買咗飛至話派晒, 如果喺我買
飛前就知, 我一定去UA朗豪坊睇呀, 雖然我未去過UA朗豪坊睇戲, 但至起碼新過旺角百老匯呱~~!?
不過, 買飛送"THE FACE SHOP"日曆咭, 有權相佑ga~ 我唔係志在張權相佑日曆咭lor~ 而係知道"THE FACE SHOP"喺朗
豪坊開咗第一間鋪, 咁我要買"THE FACE SHOP" d嘢都易d, 唔洗麻煩朋友寄俾我呀! 但係d嘢貴過韓國一倍ga~ 好在"THE FACE
SHOP"d嘢平咋......
放工嘅時候都好趕住返屋企食飯la~ 阿老闆就好玩唔玩玩仆街. 成個人跌落地, 我原本截緊的士, 聽到佢"呀"一聲咪轉
頭望佢做咩law~ 扶起佢之後佢話車我返屋企, 都好~
呢幾日嘅行程真係多到數唔晒, 但真係好好玩, 兩個導遊都好好,
就連個攝影師TONY都好, 原本預咗俾幾多小
費嘅, 但就係因為佢哋太好我就俾多咗好多. 開心咪得law~
而呢個tour亦識咗谹個新朋友, ANDREW、嘉嘉、JERRY等......希望秭時有機會再一齊去旅行就好lu~
今晚10:00我就要去到機場去韓國la~ 搭00:30機, 我都驚唔夠精神. 但唔緊要呀, 有得玩就得la~
坐喺候機室時, 有個地勤同兩個韓國人講要佢哋look過張visa, 因為look錯咗銀碼, 但個地勤只識得用英文同佢兩個講, 大部
份韓國人都唔識聽英文嘅, 我一直睇住呢個過程, 嗰兩個就以為我識韓文, 問我可唔可以幫佢哋. 嘩~! 我鬼識咩, 聽就識聽, 講lor~
好彩最後有個識英文嘅韓國人行過幫到佢哋.
上到機, 坐喺我哋前面兩個人都係食素, 但好得意law~ 上機前唔講, 要個空姐即刻去拎多兩份素食餐俾佢哋, 我都已經覺
得佢兩個會係幾煩嘅人, 但估唔到佢兩個都係我d團友. 唉~~~~~~
尋晚WENDY成12點至打嚟搵我, 當時我係EVA屋企, 梗係冇聽到la~ 但我都知佢冇好死, 原來係想我今朝早d返工. 可惜,
我今朝都要同佢飲茶, 佢話佢請lor~ 因為佢冇帶鎖匙law~ 唉...... 我都知飲完佢呢餐荼之後都知冇好ga la~ 咪因為飲飲吓荼葉生就
話今晚要夜d走, 因為有嘢做ma~ 早知我就一定唔會飲佢呢餐荼, 費事飲完背脊骨落呀!!!
我聽晚就出發去旅行la~ 但肥哥哥仲未還番個$3000俾我. 我都唔想諗佢係唔想還ga~ 但係佢都應該call我話我知佢到底
要幾時還呀......
放咗工就去KAMCHOI屋企打邊爐, 慶祝細佬生日ma~ 但姐夫冇嚟, 仲好la~ 都唔想見到佢. 大家都開開心心打邊爐, 有講
有笑. 但當就嚟走時姐夫突然打俾大家姐, 大家姐係阿哥間房講電話, 睇佢個樣都知係姐夫la~ 原來佢去完佢阿媽度打俾家姐, 但
唔係好聲氣問佢幾時返屋企, 而係問佢係唔係要係我哋度過夜, 哈~~~! 痴Q線!!
就算我唔講阿媽同DORA都知佢兩個鬧交la~ 我咪唯有講出嚟law~ 佢兩個都好嬲, 我就反而好擔心阿B+細佬+大家姐返
到屋企唔知姐夫又會發咩癲, 我好驚大家姐會打番嚟話要返外家, 咁就又好大鑊la...... 我雖然好嬲姐夫, 但想人好多過想人哀ga?!
唔通佢兩個真係分開好咩?!
番到屋企除咗第一件事係要捉四腳蛇嚇到我死外, 當然仲係講大家姐件事la~ 而家阿媽就話以後都唔想見到佢, 我亦係,
我仲知道咗好多我唔知嘅事, 我仲一直係DORA面前幫佢講好說話, 想DORA唔好對姐夫有偏見, 但我知錯la, 呢d人根本就唔係人,
人面獸心、衣冠禽獸就係呢d la~
都係擔心大家姐la~ 咪打多幾次電話俾佢睇吓佢點law~ 原來佢兩個都仲未好番, 姐夫仲越嚟越過份, 話咩唔鐘意就分開,
最唔好就係攞呢d說話用係鬧交上. 但最主要原來姐夫唔鐘意大家姐問我借錢, 又話我哋睇唔起佢. 哈~! 唔通我家姐要我幫手, 我
唔幫就係睇得起你咩~?? 咁耐我都冇講過出去呀! 我都冇追過一句! 點叫睇唔起呀, 我哋屋企好有錢呀!? 識得睇唔起!!! 要做大男
人就唔好打女人la~ 不知所謂!!!
逢星期四都要帶阿B返學, 但今日阿B就話咗件事我知------大家姐同姐夫鬧交. 兩公婆鬧吓交好平常啫...但阿B話姐夫又
再打大家姐, 都唔至一次la~ 以為佢經過上次唔會再係咁, 隔咗至係3-4年就又嚟過, 根本就唔係男人嚟, 就算點嬲都唔可以用打嚟
解決, 仲要係d細佬仔面前, 太過份la~
我真係有個衝動打電話俾姐夫鬧佢一大餐, 但當然冇咁做. 我唯一可以做嘅, 咪係叫大家姐好好地同姐夫傾吓&同阿B講
呢d都係爸爸同媽媽嘅問題, 唔好理佢哋law~
唉......我好記得大家姐嫁俾姐夫個陣, 個個都話大家姐好彩嫁到個唔煙唔酒唔嫖唔爛賭嘅好佬, 但而家我又諗, 姐夫可唔
可以仲算係個好佬, 外表正正經經, 但一嬲起上嚟就忍唔住自己d脾氣. 我終於知道點解DORA咁唔鐘意佢lu~
EVA今日番, 佢一番到嚟就打俾我, 話我知個日CALL肥哥哥車嘅嘢我知, 原來肥哥哥個parter要EVA俾多d錢, 雖然係收
少咗佢錢, 但接得張order就要做la, 你agree咗呢個price ga ma~ 點可能要講d說話要人俾番多d錢ga?!
冇乜事做, 去咗銅鑼灣行街, 都買咗d嘢la~ 諗住轉季睇吓衫, 但都冇乜特別. 之後又搭叮叮去咗西環, 睇咗一陣就搭車
去番九龍城做body massage, 好正呀!
今日一家人同阿媽慶祝,
我哋打邊爐呀, 用紙杯紙碟, 係就係唔環保, 但我同DORA唔洗洗餐死呀!
今日林小姐打嚟, 佢話想我接佢order嚟做, 一向都係WENDY自己攪掂, 我聽完唔知點同WENDY講呀, 睇吓下次點先
再諗law~
逢星期回朝早都要入去大家姐度帶小B番學, 但我今朝搭錯車去咗新城市廣場, 唯有轉的士去帶小B番學la~ 真係唔
抵, 諗住早起身就唔洗搭的士la~ 早知係咁我就寧願訓多幾個字至起身la......
今日係阿如媽生日, 個個都掛住去碧桂園而唔記得要喺星期六同佢慶祝, 所以我就請佢同DORA去南海漁村食飯, 3個
人食咗$520, 都ok呀! 有蝦有蟹lor~ 又冇味精, 如果唔係話我請, 佢就實唔去la~ 我當然事前唔話佢知會食d咩la, 費事佢話貴唔食, 有
幾何呀?! 好彩記得佢生日, 唔係佢又更年期, 我哋又要對牆講嘢呀~~!
Irene話俾佢公司d同事激親唔想做lor~ 佢就係因為佢同事同佢講咗一句說話就嬲到咁, 我都好明佢點解會咁嬲, 當自
己好俾心機為間公司, 其實點辛苦都唔覺, 亦唔會埋怨, 都係想大家好啫, 但一聽到d否定自己努力嘅說話, 真係唔識形容個種傷心
ga~
宋太今晚嚟, 好夜至收工呀, 仲而為今晚可以早d走添......
我同DORA遊巴士河去咗屯門, 跟住搭船去咗東涌, 原本想去大澳ga~ 但d時間唔match ma~ 去到東涌就當然去機場la~
去到我仲買咗隻BB高飛毛毛袋, 我諗住用嚟product部i-pod mini ma~ 買咗之後仲諗可以帶埋佢去旅行, 去邊都帶埋佢, 好似"天使愛
美麗"咁用佢做我model, 每張風景相都有佢.
又去咗碧桂園呀!
原本都冇諗住去, 但阿B想同埋我去就是但la~ 我、DORA、孻姨3個人坐堡主車上去,
為咗唔想堡主
揸揸吓車眼訓訓著, 我哋3個就好似收音機不斷同佢講嘢, 但我真係好攰呀.
上到去當然搵阿飛做腳底按摩la~! 但係佢做緊嘢, 唯有搵第二個la, 但都好似冇咁好, 可能就係欠咗一份親切感, 每次
阿飛都會同我不斷吹水, 但今次呢個就唔多講嘢, 悶到死.
第二朝我哋去咗飲茶同買嘢, 因為佢哋lunch time至上到嚟ma~ 我哋10點去豪園食早餐, 12點就同佢哋食lunch, 飽到呀!
之後我、DORA、小B 、大舅母4個人去咗市橋, 大舅母總共拾到$100.20, 佢真係好嘢, 而佢拾到d錢又俾咗我冇要到, 我就出搭車
錢, 食嘢錢, 買嘢錢law~
因為星期六我一定要番工, 我同DORA又坐堡主車車番香港, 當然又要好似收音機咁la~ 而呢個半鐘頭中, 我哋堡主八
到好多堡主嘅嘢, 當中我都好想講我嘅睇法出嚟, 但我知唔講得, 因為會好hurt佢.
好準時番到公司, 我唔知WENDY係唔係特登打番嚟呀, 但佢好少星期六咁早打番嚟law~ 好難唔令我諗佢想check我ga!
以為今日都會幾開心過呢一日la~ 點知臨收工, wendy都要打番嚟令我發火......佢話要我做好份report 俾佢, 要11月底交番俾
office, 我一早就話我唔識, 叫咗佢幫我問阿寶攞個example嚟照做la~ 佢就死要面唔問, 而家仲話我掛住做irene d嘢, 頂佢呀~ 係佢扮
大方話冇所謂ga~ 我都冇掛住做irene d嘢呀! 佢真係以為我賺好多, irene係佢姑奶, 我都係唔好意思推至應承irene咋! 要咁mind就唔
好同人講冇所謂la, 原本有所謂. cheap精!!!
唉~! 又胃痛la~ 5點幾就痛醒, 好彩wendy今日都唔會番嚟, 我食完lunch之後就一直訓到6點, 訓咗成3粒鐘先至好番d, 但個頭
都係好痛, 冇計la~ 我一痛個人就會痛到好攰, 又會發冷, 真係想唔番工, 話知佢死. 但諗諗吓, 都係算la~
WENDY呢兩日都唔番工呀! 因為佢個女要測驗ma~ 咪要番屋企同佢溫書law. 我就自己一個喺公司, 好在早有準備, 帶咗套
<天國的階梯>番去睇. WENDY一唔番工, 我就發覺我比佢喺公司嘅時候更大壓力, 因為佢會成日打番嚟問有冇生意, 想有生意就
唔好自己係老闆都成日唔喺度la~
真係唔好彩呀, 我唔見咗阿嫂送俾我個散銀包, Vivienne Westwood ga~
「先小人, 後君子」呢句說話我從來都唔信, 更加唔會講, 因為呢句說話太矛盾la~ 既然一開始就做咗小人, 又點可以話要
做番君子呀?!?! 小人就係小人, 一開始就識得以小人心諗人, 君子極都有限la~
Irene請我去佢間公司做parttime IT嘢, 我答應呀! wendy都知呢件事, 而佢今日就借機同我講, 話唔好帶埋番公司做, 我唔知
wendy講呢句說話嘅時候係諗乜, 但我聽完就好扯火law~ 係人面前就扮冇所謂, 係我面前就俾個老闆款我睇. 佢end up就係同我講:
「我而家先小人, 後君子同你講咗先, 我唔想到有問題至嚟講就大家都唔開心」,我真係唔知會有d咩可以帶埋番公司做law~ 公司
部機真係乜Q都做到咩???!!
都算la~ 佢同我咁講有佢道理嘅~ 但我最嬲係今朝我一番到去佢就同我講d form佢覺得唔好, 要我做過, 話要跟廠份form
出, 我就話我一嚟唔熟excel, 二嚟我都未見過廠個份form個樣我點跟呀! ? 我就話不如問廠個邊send份form我睇一次, 我咪跟住佢個
format做law~ 但wendy就話只係俾我睇我都唔識, 要我問廠個條友, 我問都唔只問一兩次la~ 得個問但又冇sample我睇我點可能同佢
想要嘅一樣呀?! 唔係佢諗到我就做到ga~! 我冇話過我對excel好熟, 熟我就唔做呢到la~! 所以為呢兩件事, 我今日都冇乜同佢講過
嘢, 冇乜心情同佢講任何嘢, 除咗公事.
小B、細佬 &朗朗嚟我屋企住今日就要走la~ 聽日一早佢哋要番晝班ma~ 佢哋走咗, 成間屋都靜晒. 由其是冇大家姐把
聲就真3係好好多, 又可以睇番連續幾日冇睇到嘅金枝慾孽, 唔睇番點知聽晚大結局講咩lor~
去咗EVA屋企做嘢, 佢其實個人係霸道d, 又對佢嘅感覺唔同咗. 阿dark佢欠人錢成4萬幾, 佢都話肯借俾佢, 當然要有金錢上
嘅能力至可以做到呢個動作, 但有幾多個有呢個條件嘅人肯借錢俾一個冇親戚關係嘅人呀?! 仲要4萬幾lor~
「你有冇做嘢ga?」Wendy話我. 我聽到呢句說話真係聽得我好嬲. 一句說話可以抺殺人地付出嘅努力, 我真係要多謝佢敎
識我呢樣嘢, 等我知道除咗粗口仲有d說話係會令人嬲之餘仲會令人hurt.
但佢最要叫我學嘅係點樣可以冤枉完人再發人脾氣, 真係好嘢. 我當然隨得佢發la~ 又唔係我做錯.
做老闆要有樣嘢好緊要嘅條件, 就係識得扮嘢. 今朝我準時11:30返到office, 個死人WENDY講完早晨之後就即刻同我講,
要我返11點, 我都覺得ok, 我朝早又冇乜嘢做, 但我諗諗吓, 同佢講定有時要返嚟之前幫公司去呢度去嗰度但又用我自己時間好唔
抵啫, 我就話如果有d咁嘅情況我就會遲少少至返到, 佢就即刻話我要同佢計住計住, 我心諗: 你唔係就喺度同我計住計住咩?! 要
我幫佢跟手尾佢自己走先嗰陣就同我講我自己話返幾點, 好la~ 我肯之後就話我返11點至叫公平. 我都冇所謂, 我可以上網上到收
工啫, 但佢又再同我講「要俾d心機做嘢, d客會feel到你有冇俾心機做.」咁唔信得過我咪唔好話要早走law~~~ 成日都係呢句, 想
我俾心機都難la~ 我有時會覺得, 佢有冇諗過佢自己都有問題ga?!
我又有新手機用lu~ 係Motorola V750, dora條魚換俾佢, 佢就賣俾我, 都好, $600, 我又唔洗上新世界個死人台. 我都好
鐘意部機, 不過有少少煩就係唔知點解冇辦法download歌, 我試過打上台要d人教我, 唔得; 用手機上網download, 唔得; 用電腦上3個
網download, 唔得; 用紅外線過, 唔得, 我都唔知要點至得. 紅外線過的話要用番Motorola機至得, 真係好煩, 所以我會download完"楝篤
神探"首歌之後我就唔會再download任何歌, 我發誓!!!
由星期一開始, 我返工返11:30, 放工冇乜變, 因為我平時有時都唔會準時放工. 而家仲好, 唔洗我成日趕頭趕命, 又要最後
都要打的返工. 返11:30係Wendy意思, 佢話想早d返屋企睇吓sharon & daniel d功課, 陪吓佢哋, 都啱嘅......
放工之後去咗Eva屋企, 同佢傾計先知道佢好多嘢. 經過今晚之後我同佢嘅友情再深厚d, 因為我成日都覺得一個人肯同
令一個人講自己唔開心嘅嘢係好難, 唔係人人都肯講自己唔開心嘅嘢ga~ 亦唔係肯講就得, 都要搵啱人, 而個聆聽者亦願意俾時
間俾耐性去聽, 呢d條件都有齊就足以令雙方嘅友情進一步ga~ 我聽完Eva嘅嘢之後我好想好想幫佢, 但點至幫到佢呢?! 佢嘅唔開
心係經過好耐日子累積番嚟, 唔係我三言兩語就開解到佢, 但我會盡我能力, 講到尾佢都已經成為我好朋友之一ma~
Wendy一家上咗大陸lu~ 所以今日早走好多, 但最哀我冇off到部電腦而又off咗部冷氣la, 食完飯咪要返去熄law~~~
原本諗住今日應該只會係寫d開心嘢la, e.g: ,下午出咗去佐敦做嘢, 順手行咗一陣、Wendy上大陸我就早走、倍小B + 細
佬 + 朗朗玩、<<楝篤神探>>播另一個大結局, 係happy ending 嚟ga~ 連d照計冇可能發生而又會令我開心嘅嘢都發生埋, 仲以為我
今日咁好運添, 但我估唔到唔好唔開心嘅嘢就夜晚至嚟, e.g : 要返去熄電腦、我成12點至用得部電腦, 因為dora lee要用, 又話好Q
快、最唔開心係當我將<<楝篤神探>>個happy ending save落部電腦個陣, dora就話我成日掛住d idol嘢, 又話阿哥成日話佢叫佢話吓
我, 我都唔只一次聽過佢咁講la, 如果我係覺得我自己係有問題我就會控制自己la, 我都咁大個人la~ 而且我都冇再乜成日掛住d
idol嘢la. 但追電視劇係我由細到大(而家)都keep住嘅興趣, 我唔覺得有咩問題呀, 每個人都會有自己最鐘意做嘅嘢, 我又唔係做d咩
壞事, 我唔會因為佢哋(or 佢---只有dora lee)講個幾句而改變, 就算真係kam choi有咁同dora lee講過我都唔會有任何改變, 我又唔係為
咗d興趣而唔做嘢, 我有自己嘅工作, 有自己嘅固定收入, 我由出嚟做嘢到而家都從來冇問返屋企攞錢, 仲會攞返家用俾阿媽, 我嘅
基本責任都有做到呀, 我唔覺得有咩問題要佢哋(or 佢)去講去話lor......我又唔係未成年, 都過咗18歲成5年la~ 而令我最激氣係我好
耐都冇出過function但dora lee就講到我仲有成日去, 我唔係因為佢哋而唔出function, 而係而家會考慮location同其他嘢至出, 我都有
同dora講過好耐冇出過function la~ 我唔知佢想我點至合佢意law?! 我又唔係低能/白痴/細路, 我冇可能話佢一唔鐘意我就唔做, 我有
自由做我想做而唔阻礙 & 傷害其他人嘅嘢ga~ 所以我再一次聽到佢話我呢樣嘢嘅時候我就好扯火, 當佢再叫我嘅時候我根本就
未cool down到自己, 我發脾氣, 我黑住口面對佢, 我真係好想同佢講清講楚------我唔覺得 &唔知 自己有咩問題, anyway, 我都唔想再
聽佢點評論我, 我知佢係因為有小朋友喺度 & 阿媽訓咗覺而冇再同我鬧落去, 我都希望經過呢次唔好再有同樣事情發生, 如果佢
唔再講的話!
而家寫緊daily至一路諗點解今次會有咁嘅反擊, 原來係因為Wendy, 上次俾dora咁講個陣我好唔開心, 同Wendy講, 一邊喊
一邊講, 佢開解我令我開竅咗, 唔洗令自己唔開心呀! 即然肯定地知自己唔會因為佢哋而強迫自己改變令佢哋滿意, 又知自己冇錯
不如唔好放喺心, 當耳邊風, 所以今次冇上次咁sad, 仲識反擊, 都要多謝wendy. 聽日call 佢la~
我與Wendy有咗個秘密, 佢今日問我借咗成皮嘢, 唉......!
聽瘋show快活人時, 知道原來有好多人同我一樣唔鐘意<<楝篤神探>>個大結局, 不過d人就激d, fax去電台話唔like, 又話投訴,
我作為TVB電視劇fans多年, 一向TVB d電視劇都哀結尾ga la~ fax去電台投訴有鬼用咩?!
原本今日要同Wendy一家四口去唱k, 但當然耍咗佢唔去la~ 星期一至星期六都見住佢, 星期日都仲要對住佢?! 唔係呀......?!
為咗睇<<楝篤神探>>大結局我冇出到街呀~ 但個結局太sad la~~ 我決定我呢世都唔會睇呢個監製嘅劇, 除非係黃子華做la~
個結局雖然好會令人記得, 因為sad ma... 但好人應該狼好報ga ma~ 況且我一d都唔鐘意睇慘戲, 就係因為我唔要記住d唔開心嘅嘢,
<<楝篤神探>>係個喜劇, 但竟然有個sad ending, 想唔記得都唔得la~
今年生日同Rebecca & wendy嘅飯局隔咗好耐至食, 都係我問題啫...... 今年食我最鐘意食嘅韓國燒烤, 真係好好味呀! 我好
耐冇食la~ d羊肉先正呀~! wendy請我ga, 佢冇買禮物俾我ma, 不過佢都有送禮俾我呀, 係一杯水-------坐抵冇耐佢就倒瀉咗杯水 ,我
就被佢牽連, 成條褲濕晒. 佢帶咗我哋去梨花園食, 唔平呀, 因為係韓國人開, 係正宗韓國燒烤嚟, 好多韓國人都會去食就可以信佢
正宗la. Rebecca就買咗個Panasonic handphone俾我, 我就用嚟喺電腦聽歌, d聲真係唔同d ga~
同阿媽一齊去佢新工作地點, 都幾好lor~
之後諗住幫EVA去銅鑼灣買嘢, 但我又唔記得帶個地址, 咪冇去law, 去咗旺角睇吓有冇得賣la, 賣就冇得賣呀, 但我反而買
咗好多嘢呢......行行吓, DORA打番嚟話佢撞車, 嚇死我呀, 我以為係好大件事, 原來係撞咗堡主d三輪車, 只係個膀頭有少少痛, 咁
實有ga la~ 個人冇事就得la.
由返工一刻開始就冇停過手做嘢, 都好嘅~ 唔洗我諗嘢同wendy講, 更何況一早就有生意, 仲係大生意添.
都唔知點解唔係好想同wendy講嘢, 可能佢真係好討我厭, 討厭到連講嘢我都唔想同佢講, 成日都咁忙就可以唔洗理佢, 佢
成日都覺得自己啱晒ga la~ 講乜都reject, 佢自己嘅意見就一定啱晒ga la~ 問我都係一心諗住跟自己方向做ga la~ 同佢講咁多咪等於
講廢話......
而令我心情差嘅最大原因係基仔張相俾整機個人洗咗, 因為要成部機set過至整我番, 叱張係我第一張亦係唯一一張自己影
基仔嘅相, 真係哀呀, 都唔知要到幾時至可以見到基仔再影過la~~~
收咗工同阿媽去食泰國嘢, lunch都未食呀, 梗係食餐好la~
黑色星期五我從來都唔覺得會有幾黑, 但今日就唔同law~ 我真係幾感應到黑......
(1)Eva仲未還錢俾我, 佢話今日俾ga, 但又要下次至俾.
(2)做完嘢諗住call定的士冇死, 可以一做完嘢就上車返屋企. 點知又會冇車, 到有車又遇著有road board, 搞到我冇得早d返屋企.
(3)個電話唔係買咗好耐咋, 平時我都有試過鉄佢落地ga la~ 今次好嚴重呀!個screen嘅上半截黑咗, 要攞番去nokia度整, 都唔知要整
幾錢, 又唔知整唔整得到ga?! 我仲未想換電話呀, 基仔張相我映咗冇耐咋...... 喺我揾緊張單要俾阿媽聽日拎去整嘅時候, sharon
咁啱打嚟揾wendy, 我聽到佢喊住講嘢把聲已經扯火, 仲要俾我聽到揾佢阿媽(wendy), 我就無明火起, 第一句就鬧佢:「你唔好次
次打嚟揾阿媽得唔得呀?! 我點知你阿媽喺邊呀!」事後我都諗會唔會太惡, 但冇計la~ 算佢唔好彩, 遇正我心情唔靚又煩嘅時候
打嚟, 俾我恨恨鬧一次都在所難免la~~~
(4)返到屋企唔記得帶鎖匙都算小事, 但竟然冇食水呀!! 今晚唯有嗅住訓la~
今日除咗知咩叫黑之外, 今日仲冇乜mood添, 由wendy今朝返到office之後, 我d心情就好似近排d天氣一樣, 唔好多過好, 我
都唔知點解, 總之見到佢我就好唔想同佢講嘢, 個腦又會不斷諗佢d唔啱聽嘅語錄
23歲生日lu~ 今年咁啱係星期六, 全家人陪我食飯慶祝, 姐夫同kamchoi就加餸, 不過姐夫買隻雞俾我, 咪等於叫我自己食
自己?!
食完飯就當然有下場la~ 我去咗聯誼會打麻雀, 我咁大個女第一次咋, 仲玩個新出洗牌枱, 不過除咗唔洗自己洗牌之外,
都冇乜好, 因為張枱好阻住打d麻雀出去, 唔可以好似平時咁推d牌出去, d麻雀又細隻, 所以玩咗一個鐘之後我哋就轉番普通枱lu~
打到4點幾, 返到屋企訓咗兩個鐘左右就出門, 真係好眼訓, 所以都喺旅途中訓一訓.
「你星期六做乜唔打電話俾我呀? 你梗係好早收工la~ 」呢句就係今日Wendy同我講嘅第一句說話, 我真係覺得好難聽,
好似我所付出嘅努力冇人知不但只, 係直情被抹殺, 我就第一時間話「你唔好咁講lor~ 我都要做埋d嘢, 我都7點半至走ga~」跟住
我盲冇乜同佢講嘢, 因為我真係好嬲, 我嬲到打俾Rebecca, 叫佢幫我謂大話, 話呢個星期唔得閒, 唔出得嚟同我慶祝生日, 因為我唔
想喺今個星期浪費時間對住Wendy, office time我冇辦法, 但放咗工我就有權去約我想見到嘅人la~ 所以令我諗到番大陸做嘢嗰陣就
死得la~ office time見到佢, 放咗工番到屋企又要對住佢, 同番緊工冇分別, 我寧願辛苦d, 番碧桂園住, 早d起身返工好過要我有咁多
時間對住佢.
但話分兩頭, 阿媽&AMY知我又為咗Wendy而唔開心, 都叫我唔好跟佢番大陸做嘢, 費事佢d突然脾氣唔知幾時發出嚟,
今日喺我最嬲嗰刻都係咁諗, 但之後我又諗, 都係做嘢啫~ 試過我真係頂佢唔順我至辭職都未遲呀.
星爺約咗我哋去唱k, 開頭我都有少少想唱一陣就走, 因為星爺同Dora有好多嘢傾, 當然包括king kong la~ 聽佢哋講個黃
大仙睇相佬都幾準, 我都有d想去睇吓, 問吓我番大陸做嘢好唔好ma~ 但今日我嘅決定有少少轉方向------ d外快真係賺得好多lor~
唱k嗰陣有得唱傷追人&好好戀愛合唱版, 好彩有帶DC咋, 可以錄抵我同方力申合唱好好戀愛la~
Wendy又要上大陸la~ 今之係要接番對仔女. 好難得有得早收工呀!
Rebecca問我想唔想佢約埋wendy嚟同我慶祝生日, 其實我就唔係太想ga, 不過俾wendy知道又唔知佢亂諗d乜, 而我唔想約
埋佢只係驚我見到Rebecca嘅時候會有乜想同佢講嘅都講咗出嚟, 連一d Wendy唔應該聽嘅都講埋就"大檸樂"la~~~
lunch time嗰陣我為咗要去買古巨基隻<大雄>CD而蛇咗出去買,
今晚我都夜返屋企la~ Dora仲夜過我, 咁我就可以同阿媽傾吓計, 有佢喺度阻住晒, 俾埋d唔多有建設性嘅意見, 而得我同
阿媽嘅時候, 我哋就會傾好多心事. 可能阿媽今日又俾人炒唔多開心la~ 傾傾吓仲喊起上嚟, 我唔知點呀, 做得幾多得幾多law~ 而
我同佢傾嘅就當然近期令我煩惱嘅事la----番大陸做嘢. 我問佢真係想唔想我番大陸做嘢, 我講咗d我自己對呢件事嘅意見佢聽, 佢
都明我點諗, 佢都同意我諗法, 其實阿媽思想算係好開放, 佢只係想我好, 知唔可以阻我太多, 有佢支持我都放心好多......
而而家我都開始要follow大陸d嘢, 暫時最大嘅問題係我渡識打簡體, 只係一份5頁紙, 我都要打成個幾兩個鐘, 我諗我都
要攞埋個手寫板上去至得la~!
又係為咗跟唔跟Wendy番大陸做嘢而煩, 人工真係一個幾大嘅問題. 同Dora & 阿媽商量過, 佢哋就喺呢個問題諗, 而我就
反而為自己將來諗, "人工", 高定低對我真係唔係好大問題, 夠咪ok law~ 唔衰得過而家就已經係我嘅底線. 好似22號講: 我唔可以
做呢行做成世, 但係跟Wendy番大陸做嘢就可以la, 又學到一d而家學唔到嘅嘢. 阿媽就冇乜意見, 但係就話只返5日工, 逢星期五夜
晚返落嚟; Dora就話要人工加double & 返5日工, 其實我同意佢哋話只返5日工, 逢星期五夜晚返落嚟, 橫掂星期六都做唔到d乜嘢la,
得嗰半日, 但人工加double我就覺得冇乜可能, 唔請我咪請個大陸人law, 大陸人仲平過我幾倍la, 佢兩公婆可以唔洗請埋我ga! 而且
佢兩公婆都可以算係從頭做起, 都唔可能俾到太多我, 不過我對人工呢個問題嘅底線就當然要加埋而家每個月嘅佣金計la~ 我冇
理由又要從頭嚟過啫?! Dora喺俾意見我嘅同時, 又加埋佢自己d個人睇法落去, e.g: 俾起佢23歲嗰陣佢嘅人工都唔只呢個數. 而家
個市道同佢嗰陣差幾遠呀?! 我又唔係一個大學生, 有份前途唔差嘅工都好la~ 我諗而家嘅市道要搵份人工高過呢到嘅唔難, 但要
搵份安定d, 唔洗驚做一頭半個月就俾老闆炒嘅就難law~
截至今日, 我都仲未改變主意跟Wendy番大陸做嘢, 都係嗰句-----「呢半年就要做多d外快, 儲多d錢la~」
個Wendy都痴ga~ 夜麻麻1點打嚟屋企揾我問的士哥哥電話call的士, 搞到Dora & 阿媽都醒咗以為咩事添呀?! 而佢兩個都異
口同聲話俾Wendy個電話整醒咗訓唔番好, 真係麻煩, 我打佢工啫, 要麻煩埋我全家......但我俾佢嗰陣都驚佢會搭正肥哥哥部車ga,
所以我就再call番wendy問佢call成點, 好彩唔係肥哥哥咋, 唔係我就"大檸樂"law~
我尋日聽到佢同我商量嘅事我早就知佢會番落嚟就同我講la~~~ 但學Rebacca講, 我真係上咗去的話, 我就冇得賺外快lor~
計嚟計去做外快點都賺得多過同Wendy上大陸做嘢, 但係上大陸做嘢就學到好多嘢睇到好多嘢, 所以我暫時都諗住大陸做嘢, 呢半
年就要做多d外快, 儲多d錢la~
仲以為wendy 今日會番落嚟la~ 個死嘢朝早就打電話番嚟話今晚至番, 到lunch time就打番嚟問我聽日幾點有客, 話聽日先
番, 佢真係唔洗做ga~~
一年一度嘅書展我今日去, 唔只係因為買書, 仲係為因Roland、Ricky & 阿感今日喺嗰度做teen power, 又要幫Jo Jo攞梁思
浩簽名, 最緊要就係古巨基簽名會la~
由朝早10:30就入咗去, 除咗睇Roland嗰兩、三個字時間有得坐同喺維港餐廳同Kara & Yo食嘢嗰個多鐘頭之外, 就喺場
到行, 三個hall我都有行齊, 總共洗咗差唔多成千蚊, 佢哋問我買咗d乜洗咁多, 哈維 我都想知呀! 但返到屋企計吓又真係差唔多lor~
淨係買KUBI嘅嘢都差唔多$300 la~ 又買咗d劉青雲做封面嘅雜誌, 又買咗d新書, 走嗰陣真係攞到我死死吓呀. 不過, 今日真係值得
去呀! 原本Jo Jo話我知古巨基簽名會d coupon冇晒ga~ 但我今日去反而有, 我都已經好開心, 到真係排隊攞佢簽名la~ 我就好緊張,
佢好好人呀, 因為------(記錄當時我和他首次對話 & 情況)
d工作人員叫我打開橙色嗰頁俾佢簽, 我左手照做, 右手攞住部手提準備映佢, 因為排排吓隊至知我冇入電芯, 好彩仲有部搿提.....
到我la~
TRAMI: 「你可唔可以幫我一個助呀? 望上嚟呀......」
LEO:「當然可以la~」
我仲開緊映相工能, 但已經用緊九秒九嘅速度
LEO:「得未呀?(好有禮貌)」
TRAMI: 「我得ga la~ 我得ga la~」
真係攪掂 & 映埋相
TRAMI: 「唉吔, 唔該晒.」
結果, 佢嘅相即刻成為咗我部手提最新wallpaper lu~ 接住我就行番去梁思浩條link接阿yo幫我排嘅位, 但我啱啱行到番去,
就話要轉地方先繼續簽, 鬼咩! 佢平均要用3 - 5分鐘至簽完一個名, 又要同人合照, 中中中中S要同人傾計. 到我簽嗰陣我就同佢講------
TRAMI: 「你簽名簽咁耐ga?!」
梁思浩: 「我已經好快ga la~」
TRAMI: 「但係你掛住攬阿婆ma~」
梁思浩: 「唔係呀! 你知唔知個阿婆話今朝8:00就嚟排隊, 佢問我可唔可以同佢傾多陣呀?!」
TRAMI: 「啊! (咁啱佢簽完名) CD 呢?」(梁思浩扮出好唔想俾嘅表情)
之後我哋喺維港餐廳差唔多走嗰陣佢入嚟, 我同佢互望1秒, 我就話------
「簽完la!?」
梁思浩: 「簽完la!」
我見佢行去吸煙區, 就話:「吸煙區lor~」
同佢同行嘅其中一個工作人員就話「啱ga la~」
我就同阿yo講"煙剷"
我哋食完嘢, 阿yo就走, 我同Kara就又再行多陣書展, 朝早我買唔到嘅KUBI咕𠱸我終於買到la~ 又買埋KUBI電話繩&環保
袋. 好彩入番去咋~ 唔係都買唔到呀!
行咗成日, 搭車嗰陣就攰到即刻訓咗, 放低d嘢就同dora & 阿媽去九龍城揾埋孻姨 & 阿姨食泰國菜, 我哋去咗間新開到招
牌都未拆紅紙嘅鋪頭, 原本我諗住去番我同joe去過嗰間, 但又冇位, 要我哋坐喺街食, 食得咁唔舒服我哋當然走la~ 而其他鋪頭又
未有位, 我同dora見到有間冇乜人, 招牌又未拆紅紙就覺得奇怪, 間間都冇晒位, 得呢間只係坐咗一張枱, 都冇乜信心, 但我行咗入
去聞到好香煮餸味, 就叫dora入去聞吓, 佢都話ok咪call孻姨 、阿媽 & 阿姨過嚟law~ 都好好味呀~! 可以介紹吓朋友去食, 最緊要又
唔係貴ma.
Wendy日日都問我同一個問題------今日有冇生意. 而今日我真係覺得我所付出嘅努力好似白費, 可能我諗多咗, 但係今
朝早我聽到佢講嘅嘢, 我真係喊咗出嚟, 我唔知點解, 只知當時真係想喊. 我仲諗我就算轉去跟葉生, 呢d事會唔會唔再出現呢?
Wendy放一個星期假, 今日係第一日. 我返到就即刻call客, 費事佢返到嚟又話我ma~ 好彩都好多嘢做, 最衰佢睇唔到la~
但我call完客後又後悔呀......因為call完之後又係咁多嘢做, 仲話今個星期可以休息吓, 唔洗做餐死添......
candy今日嚟咗做facial, 不過佢話聽日至俾番錢我, 都唔知佢真定假. 跟住我就出去中國銀行入cheque, 點知我自己大頭
蝦去錯咗HSBC, 排咗成半個鐘先知錯, 咪跑過去中國銀行law~ 攰到我死, 又驚隻死老嘢會過嚟見我唔到話我蛇咗出去偷懶lor~ 好
彩佢冇返, 都唔知係咪轉死性, 以前Wendy放假佢都會返嚟, 但今日就竟然冇, 太奇la~
我終於恨到la------
打8號風球. 11:45掛, 我10:00返到公司一個鐘後就走. 唉......早d知會掛我就唔返去la~
都好, 我可以
休息一下, 買下餸; 煮下飯; 睇下碟, 唔洗等到星期六、日至做.
Wendy問我幫手跟葉生d嘢好唔好, 佢都幾認真問我ga~ 開頭就問我每個月幫佢去廣州攞盤數返香港好唔好, 跟住就問我
跟葉生一齊做嘢好唔好. 梗係好la~ 我都不知幾恨, 可以走圍去, 又可以學多d嘢, 不過就話要問吓葉生先. 希望葉生話好la~
不出我所料, 今朝返到公司Wendy就捉住我不停話, 我當然有反駁la~ 我唔覺得我錯lor~ 做先嘢唔走, 唔通等佢請消夜呀?!
我咪冇乜理佢law.....
今朝返到公司, Wendy就話要做乜嘢乜嘢, 好似我本身冇乜嘢做咁......anyway, 算! 我冇理佢, 繼續做自己要做嘅嘢.
Eva原本又叫我去佢度開工, 但我又冇去, 我選擇咗返屋企同阿媽食飯, 聽晚至去開工law~ 橫掂聽晚都會夜收工, 點知今晚
都唔得早, 要成9點, 返到去都9:30 lu~ 好彩阿媽都等埋我. 我知問做好 & 做妥自己嘢至走, 費事佢又多嘢講.
Joe今晚約咗我出旺角, 好耐冇見la~! 所以我寧願推Eva都出咗去. 其實出旺角都冇乜特別ga, 佢想買對鞋, 但結果買唔到. 最
後我哋都買咗件衫, 同款ga~ 不過唔同色咋. 7點幾就放工, 咪諗住自己喺旺角行一陣等佢law~ Wendy車我出旺角ga~ 但之後我哋喺
車度傾咗陣計, 雖然內容係關於大陸d公事, 但對話當中我都套到d料, 知Wendy想點.
行咗一陣我哋就去食日本嘢, 佢睇雜誌介紹ga~ $18半磅三文魚, 佢咁鐘意食就當然有order la~ 我哋仲食咗幾多嘢都係$134,
真係唔貴lu~ 有劍魚腩壽司; 海胆壽司; 燒鰻魚飯團; 蕃薯天婦羅; 芝士芒果餃子; 鹽燒三文魚骨, 真係好抵食.
去完街返屋企, 我發現自己冇帶鎖匙, 要阿媽開門俾我, 整醒佢開門俾我, 真係唔好意思......
kamchoi今日31歲生日, 我send咗個message俾佢祝佢生日快樂, 今健係佢第一年同朗朗一齊過嘅生日, 唔知佢感覺係點呢...?!
終於都帶咗小B & 細佬去睇麥兜菠蘿油王子, 又帶咗佢哋行咗陣街至返屋企, 嘩~~! 都已經攰到嘔白泡lu~~ 細佬睇睇吓戲
突然喊晒口話要返屋企, 又話好掛住媽媽, 我就只好打電話俾大家姐叫佢同個仔講幾句頂住先, 王少都睇埋套戲先la~ 但細佬同大
家姐傾完電話就冇事, 我哋咪照原定計劃行街law~
個死老嘢嘅大壽party我終於都冇去到, 原本去Eva度做嘢, 佢又咁啱唔得閒, 我就返咗屋企食飯, 仲諗住冇得同Dora & 阿媽
食飯添......
Wendy今日只係喺鋪頭出現咗10分鐘, 而我亦只係做自己d客, 阿Kane都有嚟ga~ 不過係請嘢我食, 之後我就同Rebacca傾電
話, 講到我有諗過轉跟葉生做嘢, 佢就叫我諗清楚, 佢話驚而家幫Wendy & 葉生做嘅嘢看似好簡單, 但真係做個位就好麻煩, 好多
死貓要食, 吃力不討好. 但有邊份工會保證冇死貓食呀?! 當係學多d嘢冇壞啫?!
收工嗰陣call Wendy, 佢問有冇生意, sorry! 今日冇錢收呀! 佢話佢下星期成個星期上大陸點算, 我點知呀?? 咪唔好上咁耐
law~~
一早返到公司, 我就見到Wendy唔係好妥, 佢好似有少少黑口黑面, 而且離遠都已經望住我行入嚟, 我開頭仲諗係咪我又有
嘢俾佢話呢?! 但跟住就知唔關我事, 佢唔開心嘅原因係關於佢屋企人, 佢話佢d屋企人唔太理佢, 好似同佢哋唔係好夾, 我其實好
想老實同佢講佢d屋企人嘅不是, 但將心比己, 俾朋友話自己d屋企人有幾唔好, 就算係事實都唔係個個人會接受, 所以我就用安慰
嚟令佢心情好d, 話可能係佢自己諗多咗law~ 唔係點lor~
阿玲嚟做facial, 我唔知Wendy係咪親阿玲嚟而玩群眾壓力, 佢當住阿玲面前問我會唔會去佢阿媽大壽party, 我一早都講過唔
想去ga la~ 去到悶到死, 我冇可能成晚跟住Wendy ar?! 我更加冇可能坐佢哋圍枱呀?! 我又唔係佢哋親戚. 我當然知Wendy好想我去
la......我都好想講清楚佢知點解唔想去, 雖然佢都知我唔係好鐘意佢媽咪, 佢都有表示我知佢知, 但另一個原因係我唔想做人情俾
佢媽咪ma~ 點同佢講呀?! 佢阿媽咁死cheap, 年年封利是都係得$20, 我唔介意佢封得多或少, 但我好介意佢以為佢呢$20好多, 好似
Dora話: D人cheap咪同佢鬥cheap law, 就算去做人情只做$200, 少過市費. 但我係連$200都唔想俾lor~ 我出佢糧啫, 點解我要俾番錢
佢當請佢飲茶呀?!
小B7歲生日la~
雖然星期六就同佢&阿姨食咗生日蛋糕吹過蠟燭,
但有邊個人唔想生日正日有人同佢做呢d老套嘢ga?!
尤其係細佬仔. 而且生日一年先得一次, 過咗就係過咗, 所以就算Eva call我叫我做嘢我都推咗, 係有錢賺, 但錢同小B我就要小Bla~
朝早auntie未返到, d嘢就要自己做晒la~ 差唔多做晒la, candy law 就call我哋, 仲以為嚟做facial, 原來佢被人炒咗. 佢話想同Wendy
講番嚟做, 我就分析佢聽Wendy未必肯, 但我就諗: 如果有Candy law頂我個位, 可能有機會好似四哥咁教去做lor~~ 仲話諗住聽四哥
講試吓去幫葉生手, 但我諗都係唔得, 我冇可能忍到Wendy la~ 佢一時就好好, 一時為咗自己煩、多嘢諗、攰就死去發脾氣, 我自
問我真係可以幫到佢兩公婆手, 但如果要我忍埋Wendy小姐嘅"突然脾氣", 佢食A la~!!!
12點我哋幾兄妹去咗寶福山拜大佬, 同四哥講開今次公幹之行, 佢話我應該親有機會博上位, 我都想, 但我做唔出lor~ 不過
諗落遲早d嘢都會係我自己handle晒, 攞多d人工都好呀! 又可能幫到葉生啫~ 之後就帶小B&細佬去睇麥兜. 但我哋最後都冇睇到,
因為太唔合理la~ 我哋原本買咗d嘢食入場食, 個睇場話唔可以帶外來食品入場, ok~ 我哋放晒入背囊law~ 佢原來好醒地見到晒我
哋有d咩嘢食, 話要我哋俾晒佢, 小B叫我同dora算俾嗰條友, 我哋都俾咗佢, 跟住問佢係咪睇完喺度攞, 個死仆街話唔知呀, 唔理得
咁多, 又好冇禮貌地放我d飛喺佢張枱度唔同我哋揻飛, 仲要我哋俾d袋佢睇, 都痴根, 佢以為自己係警察呀?! 俾d袋佢睇~~ 睇套戲
咁受氣咪唔睇law, 馬上退飛, 以後唔去添呀!
去到第二間戲院又冇得做, 咪喺個公園食咗d嘢law~ 我當然親有時間就解釋剛才發生咩事我同dora要咁樣同條仆街鬧交la~
因為佢兩個都有話叫我哋唔好同條仆街鬧交ma~ 我哋解釋佢哋聽我哋唔係因為條仆街唔俾我哋帶嘢食入場而發爛, 而係條仆街
嘅態度太差、間戲院亦冇喺賣飛嗰度寫明唔可以帶外來嘢食入場, 最唔合理就係要我哋俾d袋佢睇, 我哋去開開心心睇"戲", 唔係
揾"氣"受、唔係去偷咗嘢要俾人check袋. 亦要俾小B & 細佬知道唔係人哋話要做咩就要做咩, 自己要去衡量啱定錯、合理定唔合
理至可以做, 要有自己意見、自己立場、自己低線至得!
今晚同小B
&阿姨慶祝生日.
Wendy話今日當我放半日假,
佢話太趕, 我都知對我係冇理, 話晒都係因為公幹至會遲井工,
但冇所謂la~ 費事同佢計.
起身後當然第一件事去開大la. 俾我見到隻死人蚊, 但我打唔到佢呀! 廣州d人古惑連d蚊都古惑過人. 痌痌吓Wendy打
過嚟叫我起身, 尋晚至叫我唔好叫佢起身, 佢自己又死去叫我, 我又算!
去到廣州東站見到有黃奕套新劇有得賣, 但冇廣東話, dora &阿媽唔會睇, 得我一個睇, 我個行李又重, 所以我冇買, 諗
住月中去碧桂園至買.
去到深圳陪wendy去羅湖城試埋衫就走, 番到公司都4點lu~
8點幾就起咗身,
仲驚佢哋要好早就去廣州添......我就出去買嘢&去豪園揾位飲茶,
但最後我都要等咗成粒鐘至見佢
哋出現, 而Wendy第一句就話唔係等佢, 是但la~~~都係等佢哋ga la......
食完早餐我哋又去咗舒適堡按摩, 因為去桂園食完飯就要去廣州開會, 我就喺舒適堡沖埋涼, 化埋妝至行. 但化完妝
後我行步路都細步d, 驚個妝熱得滯未去到廣州就融ma.
葉生office原來喺白雲區好近白雲機場ga. 但去到就覺得似住宅多過商用大廈. 聽wendy講話要近機場至方便葉生做
嘢.個會開始嗰陣都唔係太順利, 嗰個阿蘭好死串ga~ 但到我開始講個main point&教佢哋要點follow我要佢哋做嘅嘢嘅時候d態度就
好好多lu. 由其是佢哋又有嘢出錯要我哋諗辨辦法補鑊開始直頭係一隻死狗la......要教要講嘅嘢都教晒講晒, 佢哋做唔做我就理唔
到咁多lu.
去食飯之前我哋去咗book酒店, 間房都ok嘅, 唔可以同香港比law~ 放抵d行李我哋就去食嘢, 但我哋4個都唔肚餓, 就
去咗北京路行街, 原來上次同孻姨&DORA都冇去咁多地方, 又見識多咗. 最衰唔記得帶相機, 咪唯有去買部紙相機la~ 行到11點左
右先去番稻香飲夜茶, 呢餐飽到我死.
番到酒店就沖涼, 但點知我高估咗間酒店>>>間酒店夜晚冇冷水呀!都唔知有冇搞錯, 只有熱水, 夏天呀大佬~~!熱死
人咩?! 最慘我開頭唔知, 仲走去搽埋bath, 唉! 沖完涼我哋又出去做腳底按摩. 係平過舒適堡呀! 但佢哋連大脾內側都按埋我就唔太
舒服, 按到我幾急尿呀!
又3點幾至訓. 今晚得我自己一個人一間房, 係我要ga~ 我都唔着衫訓, 點同佢哋一家三口一間房呀?! 但成晚都俾蚊
咬, 我都已經蓋裨訓都喺裨窩咬我, 不過我都冇理照訓, 日本腦炎又好, 登隔熱又好, 訓醒先算la!
夜晚就要上去la~
首先我哋會去碧桂園先, 話晒都係放假,
我當然要做少少放假會做嘅嘢la~ 我再勤力都唔會放假
一d保留都冇去開工, 呢個係我嘅低線. 不過都好, 今次公幹嘅洗費全部由葉生包, 除咗香港去深圳嘅車費外, 太抵la~
我哋一去到深圳就行去火車站買車飛搭去廣州, 我第一次搭大陸d火車呀! 因為趕唔切, 我哋上到火車至食嘢, 食
咗雞脾&水餃, 味道都ok la.不過每樣$10, 喺大陸就好貴la~ d水餃個樣&塊皮嘅厚度同上次同孻姨&DORA喺北京路食嘅小籠包一
樣, 不過肚餓起嚟都唔理佢好唔好味lu~
上到廣州東站, 會合埋葉生我哋就揾偉哥舒適堡車番碧桂園. 呢次book舒適堡車太多變掛, 就係因為wendy遲遲都
俾唔到明確指示我去plan個路程我哋要點行. 佢一時話要去廣州車埋葉生, 一時又話葉生約咗客唔洗理佢, 太煩la~ 到碧桂園第一
件事就梗係去巧玲食嘢la~ 但d嘢食差咗, 可能老板娘又自遊行去咗香港la, 因為冇聽到佢嘅"奪命鈴聲"ma. 可能係咁wendy話再要
食粥&炒米粉至去番舒適堡按摩. 見到阿飛我就馬上俾番張相佢lu. Sharon都有做腳底按摩, 我見到就諗: 原本我都有諗過俾小B&
細佬試吓, 但如果佢兩個會好似Sharon咁嘆慣咪死, NO WAY!!!
上到屋企就俾股熱氣包住個身, 熱到死呀, 因為我哋間屋係頂樓, 冇法la~ 我就即刻去房開泠氣俾佢哋一家三口,
又帶佢哋參觀我哋間屋. 佢哋一家三口喺舒適堡都沖咗涼至番上樓, 但都要沖吓身至訓, 咁不如番到屋企至沖涼, 所以我哋都搞到
3點幾至訓, 葉生要睇埋波至訓, 5點幾呀!
原本諗住去Eva度揾多幾舊水至上大陸, 點知失策冇去佢度前call佢, 因為我都諗住冇問題la~ 點知真係有問題, 佢約咗班同
事上佢屋企開party, 當然開唔到工la~ 最後食咗舊家鄉雞就走. 早知就俾懶惰迷住唔去揾錢, 返屋企陪阿媽食飯好過la~
唉! 晨早就攪到我身水身汗. 就係因為要揾個開鎖佬開鎖, 事源係wendy尋晚走去off咗個大制, 佢話驚係俾人偷電所以今個
月電費至咁貴, Irene咪話如果驚咪off咗個大制試吓一個月睇吓會唔會平d, 佢又真係照做, 結果咪令我今朝要行去龍崗道揾個開鎖
佬, 我都覺得攪嘢......
Wendy今日有求於我, 就係叫我7.1陪佢上去stephen office幫佢filing, 唉......放假都要公幹, 我就當然要佢包我食、住、行la~
不過都幾搞嘢, 都唔係我工作範圍, 但係都要我handle埋, 真係麻鬼煩, 如果唔係佢兩公婆我都未必會放假開工.
黃昏時見到隻出世冇耐嘅貓仔喺門口行來行去, 仲諗住出門口同佢玩吓, 但因為要做嘢冇出到去. 到我得閒d, 我就親眼
見住佢俾隔籬車行為因出車而車死咗佢, 真係可惜lu~
我將呢件事話俾EVA知, 佢俾我嘅回應我覺得好反感, 佢話"唔洗可惜la......呢d貓條命好賤ga......"可能真係嘅, 一日都唔知
死幾多隻, 但乜生命有分賤唔賤咩?!
今日好舒服, 剪頭髮、同小B去游水. 我好耐冇用星期日做我自己事lu~
而家逢我走先嗰晚Wendy都黑黑哋面, 我就當睇唔到走咗去, 今晚當然又係咁la~ 我諗佢會以為三家姐嚟我唔會準時走
呱?! 但我都係唔會理佢. 我係等佢炒呀! 佢唔炒我咪繼續做law, 我會做自己要做嘅嘢. 其他嘅佢覺得唔順眼嘅我都冇辦法, 佢得閒
鐘意話我嘅咪話law~ 我已經冇所謂lu~~~!
Wendy叫我朝早同佢食完早餐倍佢去開個股票户口, 冇問題, 咪同佢去law~ 我都知佢一定會遲到, 但我冇諗過佢會遲咁
耐law~ 我當然唔多like la~ office time佢係老闆, 佢當然大過我, 但rest time如果佢當我係朋友, 遲到的話我諗點都應該say sorry呱?! 冇
law......我call佢問佢去到邊la, 佢話去到街市(我哋約好去街市二樓熟食亭), 佢竟然叫我唔好食去咗開個户口先, 我真係好嬲, 我係打
工我唔係做狗呀!! 我當佢係朋友至會早起身倍佢做呢樣做嗰樣, 所以我冇順住佢講話我唔食早餐嚟倍佢開個户口先, 反而話我已
經叫咗嘢食, 佢上到嚟我都冇乜黑面, 但佢仲黑過我law......仲暗示我知佢遲到為做嘢我係應該體諒佢, 佢根本冇錯, 只係d人唔明白
佢遲到係為做嘢, 我唔係嬲佢為做嘢而遲到, 遲到就係佢自己嘅錯, 如果佢打個電話俾我, 話我知要遲d至到, 等我可以食嘢先唔洗
等佢, 仲好過到我打俾佢然後聽到佢叫我唔好食嘢去咗開個户口先嚟得順耳呱?! 但我知佢又係覺得我錯, 我唔體諒佢. 算la! 我只
會means到佢口口聲聲話當我係朋友多過當我係伙計呢d說話只係空口講白話law~
其實呢個幾兩個月以來講嘅嘢都好難聽, 好似我做乜都唔啱, 講乜都會令佢有位插我咁, 我真係唔知發生咩事, 可能佢
真係開始懷疑我去Eva到做嘢, 所以咁樣. 我知呢樣嘢係我理虧, 但我都係好難忍受佢d說話, 我有諗過同佢打開天窗說亮話, 講吓
我聽完佢講嘅嘢之後嘅感覺, 但我而家連應佢都唔想, 又點同佢傾呀......佢仲話上我屋企打邊爐, 放咗工斬仲要對住佢, 唔好la ma!
今日要走lu~ 原本孻姨提議去大良ga~ 不過DORA話唔去, 話想去舒適堡做穴位按摩但我同孻姨就覺得既然三人行,
就去邊都一齊ga la~ 我就話不如區內活動, 去舒適堡租電單車揸, 我開頭識揸, 但係就要由三桂村條大馬路揸番入碧桂園, 到我要
轉彎入去時, 又呂記得收油, 所以向住個"食蕉"車過去, 個"食蕉"驚到跳起, 笑到我哋三個死, 如果有DV錄起佢就好la~~~
我哋揸住電單車四圍去, 幾個會所都齊, 我哋仲去咗豪園區, 平時去豪園都係去會所買嘢, 而今次我哋去睇風景, 嗰度
好靚ga~ 唔怪得好多有錢人住la~ 有幾間屋連圍牆都再起過, 真係有錢......但有些少美中不足就係死咗幾次火, 同唔夠力上斜, 最後
要孻姨等人嚟換車, 我同DORA就去舒適堡先.
緊住我哋去順記食lunch. 我第一次去咋, 但孻姨同DORA就去過. 嘩! 真係好好食呀, d湯冇味精ga;d椒鹽魷魚炸完再炒,
製作好認真; d生炒骨唔係用茄膏炒, 而係用國內鮮茄汁炒, 好有蕃茄味ga~走嗰陣舒適堡打嚟話我知我留抵咗個DC, 我幾驚呀! 我
唔係驚冇咗個DC, 而係驚冇咗呢幾日影嘅相,影唔番ga ma~ 好彩飛哥拾到俾番我, 都抵我次次俾chips佢la~
今日去咗廣州, 亦係我今次旅遊重點, 因為我想去書城買書. 結果呢度亦係我洗得最多錢嘅地方, 成$600幾蚊呀, 仲重到
死, 不過都值嘅, 今之去完都唔知幾時會再上去, 就算上去都好少機會會去廣州,因為太雜la~ 我哋喺書城都俾人跟, 好在嗰度有個
服務員話我哋知有人跟住我哋叫我哋小心d咋~ 個書城我哋都係唔係行咗好多都用咗兩個幾鐘, 如果再有多d時間真係要再睇清
楚, 可能我只洗六佰幾呀! 而呢次洗得最多都係呢度.
我買嘅書本本都厚到死, 但我話買嘅, 唔通要孻姨同DORA幫我咩?! 雖然佢哋都話幫我, 但DORA又唔行得耐, 佢陪我行
咁多地方都好攰ga la~ 孻姨係長輩都唔可以啫......."我買得起就拎得起"
堡主安排我哋今日去瑤池花雨浸温泉. 但到5:00至嚟接我哋, 所以我哋就去咗市橋行. 尋晚成2點至訓, 今朝個個都好好訓,
所以我哋出到市橋至食早餐. 我哋去咗間叫北海魚坊食嘢, 都好好味ga~不過就貴少少, 但大陸地方貴得其多呀! 之前都有去過市
橋, 但對嘅印象只有條十字街.
孻姨 , DORA帶咗我行d我未行過地方, 原本市橋都有好多嘢睇ga~ 其中我哋入咗間VCD鋪睇嘢, 我先知喺碧桂園內間VCD
鋪係好平, 同一套劇集碧桂園賣$110, 市橋賣$230, double lor~~~ 2點幾食埋lunch就撘車番去等堡主車去瑤池花雨. 間瑤池花雨就係
我有次番碧桂園途中話好靚, 唔知d嘢好唔好食, 孻姨就答我呢d地方好睇唔好食ga~ 估唔到終於有得試lu~
入到去都已經覺得好乾淨, 仲冇蚊咬, d服務員都好有禮貌. 最重要係黃昏呢段時間唔係太多人嚟, 所以玩咗好耐都冇其他
人, 好似我哋包場咁. 玩玩吓dora突然發生一個小意外, 佢俾個吸水位吸住個背脊, 痛到佢死, 上水後個位紅晒, 要揾個醫生check一
check, 涂d薬膏, 但佢就唔玩得浸温泉, 不過佢都唔悶呀, 有個羅小姐招呼佢, 帶佢四圍行, 四圍參觀. 我同孻姨就繼續浸温泉.
喺瑤池花雨食埋晚飯至走, d嘢又唔貴(以旅遊區計). 孻姨仲話暑假都要帶阿B同細佬嚟, 我都覺得佢哋都會鐘意呢度啫......
11點前我哋就走lu~ 但都攰到原本諗住浸完温泉去舒適堡按摩都cancel, 實在太眼訓 la~
孻姨幫我買朝早8:00直通車去順德碧桂園join佢哋. 原本我打算6:30起身, 但我阿好媽又點會放過我呀~都未夠6點就叫醒
我lu~ 7:15唔夠就去到旺角等上車, 都不知幾眼訓, 但冇法la~ 車程大約3個小時, 要45分鐘去到皇崗, 我就聽足個司機講粗口電話講
足45分鐘; 過關後要1小時45分鐘左右至去到順德碧桂園, 我就聽足個司機所開嘅番版CD1小時45分鐘, 連我將自己個MP3開到最
大聲都仲好清楚聽到佢隻CD, 佢真係以為d乘客死ga!
到咗順德碧桂園都11點lu~ 朝早又只係食咗5粒曼頭"size只可以用粒嚟形容", 我就話要食lunch, 但佢倆個食咗早餐冇耐,
我就話行一陣至去食巧玲, 之後又去咗三桂市場睇嘢同舒適堡按摩.到5:00, 我哋早前請堡主幫我哋安排嘅第一個自由行程就開始
lu......長隆夜間野生動物園. 一落車就落雨落到好似打颱風咁大, 我哋都有等過一陣, 但最後都係唔理幾大雨照四圍睇動物, 就好似
喺熱帶雨林咁, 而可能我哋行d唔多人行嘅地方, 一路行都見唔到有其他人同我哋一齊. 喺呢度玩咗成5個鐘, 好彩最後都落完雨,
我哋就坐最後一班觀光車睇動物, 呢班車加埋我哋只有7個人, 可能靜好多動物都行得好出, 我哋就睇得清楚好多. 睇完都成11點
幾, 但仲有下場, 就係再去舒適堡按摩同洗頭.
唔知係咪自己越嚟越心有鬼, 我覺得wendy對我d態度唔同咗, 好似唔係好信我, 而且EVA今朝仲特登嚟還錢俾我, 佢都
即刻問我點解, 我咪話係幫佢買嘢囉, 佢又問我買乜、俾咗佢ga la~~~ 跟住成日都好忙冇時間同佢講嘢, 不過我諗佢會開聲講呢樣
嘢.
唉......今日原本好開心, 因為劉青雲有function ma~我當然懷住期代心情等星期日la~ 點知到la, 就晨早同dora鬧交, 搞到冇晒心
機, 其實因為佢一起身就問我去唔去探阿嫂, 原本佢問呢個問題我覺得冇乜問題, 但佢d語氣令我覺得佢話緊我寧願去街都唔去探
阿嫂, 我真係好得太過份, 講到我好似冇乜親情, 對屋企人一D都唔關心, 我自問我對屋企人問心無愧, 我真係估唔到有一日會有我
自己屋企人咁嚟話我. 之後佢仲喺麥記發我睥氣, 我當然唔會忍佢la~ 咪鬧番佢囉!
鬧完之後佢同我都當冇嘢咁, ok~ 佢當冇嘢咪當冇嘢囉! 但我始終個心都有D唔舒服, 所以我就一時之氣話會去joe屋企過夜
唔番. 但最後都冇.
呢件事令我見到劉青雲都唔識得好開心. 我已經盡量同自己講唔好記住呢件事. 但係一番到屋企就好想喊, 最後我都忍唔住
去咗廁所喊, 又打俾joe, 講完就冇晒事lu~~~
kamchoi個仔------李定朗出世la~ 阿嫂要開刀生, 痛咗十幾個鐘呀, 鬼咩成9磅......
winkle成11點幾至嚟到我屋企燒碟, 成1點幾至話去唱k, 我梗係冇所為la~ 唱到5點幾至走, 如果唔係neway要收工我哋可以繼續
ga......我終於攞到neway嗰款"鬼馬狂想曲"揮春la~
訓醒就去咗HMV攞番隻vcd, 返屋企嗰陣我係總站落車, 好彩咋~ 因為我竟然留咗個銀包係車, 好彩個清潔工人睇到冇睇就掃
咗去垃圾桶, 唔係實冇梗la~
終於到年三十晚啦！成個禮拜日日都冇10點唔洗旨意走, 日日我就學朝偉講"過埋聽日就冇事",等到lu~ 原本我7點幾就可以
返屋企食飯ga la....最衰都係wendy兩公婆, 我要8點至返到屋企, 而魚魚就跟我返屋企食飯, 小Ｂ同細佬見到幾開心呀......
食完飯我哋去咗睇戲, 又係"鬼馬狂想曲", 我終於睇埋個結局la~ 之後就去咗旺角行花市&年宵, 行到4點幾成5點, 好眼訓呀~
今晚去咗Time Sq 睇"鬼馬狂想曲"首映, 其實我今晚經已好好彩, 見到劉青雲3次, 雖然呢3次我都冇映相, 因為呢3次都好突然.
第一次係記招未開始前佢行入去後台, 我就整緊部相機; 第二次係喺戲院裡面等佢哋入場; 第三次係我哋喺停車場等佢哋, 佢就喺
正門拖住佢太太走. 我發覺今次都可以叫做出佢function, 個感覺就好似第一次揾梁生咁......
又見到吳鎮宇1次, 我見到佢嗰陣其實我知要映相ga~ 但係俾一個死嘢隻手遮住咗. 都好ga la~
新一年新開始, 今日我出番梁生嘅function, 感覺好唔同, 好明顯冇咗以前好期待見佢嗰種感覺, 不過又唔係唔再like佢lor~ 而
係見佢我知會有好多連鎖反應出現, 所以我至驚出function啫, 但今日睇嚟暫時冇咩大外啫......
婆婆擺生日酒, 幾唔願都要去la~ 我都話同佢八字唔夾ga la.......無端端都會𠝹親隻手, 仲流好鬼多血添.