August
August
| ★不再猶豫★ | 30/8 |
 |
我知道你ge夢想!從一開始我已經支持你~係香港實現夢想好難,雖然知道你對玩音樂開始猶豫,但希望你唔好放棄!送給你
無聊望見了猶豫（誰人沒試過猶豫） by beyond |
| ★靈感回來★ | 29/8 |
 |
對唔住~今日可能會有DDDD肉麻~頂唔順者快走haha
尋晚仔細咁諗下,突然發覺以前所謂拍ge拖,真係冇一次令我有今次咁ge感覺,點講呢,我係一個就算唔鐘意一個人但都唔會講分手,或者係安於現狀,身邊果個對我又唔差,就算差我都會等個男仔開口話stop,所以我真係唔知自己係咩心態,所以都試過同一個自己唔鐘意ge男仔差唔多一年,好怪ar! 直至2年多前,我跟他(那時仍是我的朋友)過電了,2年後的今日,我只能夠說:不得了!因為我從他的身上,終於都感受到咩叫做"愛"(2個字分開ga!!唔好諗衰野),感覺到戀愛原來係咁ge一回事,佢令到我不尤得不熱烈咁去談呢埸戀愛,如果可以的話,我希望將呢個愛得轟烈ge第一次叫做初戀,因為以前真係未試過有呢種滋味 今日我又好後悔,後悔以前浪費了太多時間,後悔太遲先跟你一起,如果可以早D識到你就好了!~ |
| ★沒有守諾言★ | 28/8 |
 |
對唔住各位~我好衝動好無知!曾經講過唔會再close呢個小小的網頁,但又因為私人事而close左佢,好自私牙我!不過唔會再有下一次,因為我收到了一封e-mail,是一個未留過言比我的女仔,她對我講了一番我冇諗過會得到的說話,原來這一part--words
to u中,我間接地幫左佢,從呢個網頁出世開始,我純粹想解解悶,但原來從中我幫到人na!好感動好感動
戀愛真係會令人盲目的,未到被人鬧醒的一刻,依然會令人沉醉,所以當一個人醒左之後,往後的日子就會非常清"色",今日我都醒左,祝福其他人會從沉醉中看清楚另一半 |
| ★無題★ | 26/8 |
| 或許男仔都有姨媽到的日子
如果話心淡,不如話習慣,一次又一次的,以為佢今次發完脾氣,下次唔會,所以我忍 忍忍忍忍忍忍,到最後只有變本加厲,你有冇見過一個人發脾氣係一發不可收拾??朋友說:當佢發脾氣的時侯,請不要回應他,他便會停止,我亦試過,但你估有效嗎?? 在他的眼中我可能只是一個出氣袋,隨便la...我唔打算再勉強了,勉強下去只會令他的脾氣更大 |
| ★甜蜜的朱古力火煱★ | 24/8 |
 |
2002年2月14日是我地第二年的情人節,那天的節目不外fu逛街逛街and逛街
與往年一樣,我又自己泡製了好食過蜜提沙的朱古力,亦沒有期望有任向特別事令發生,然後你帶我去食:"特別野", 到底係乜野咁特別????一坐低,你點了點,原來是朱古力火煱,HAHAH~~那一日情人節,甜蜜蜜的蛋糕,入口即溶的士多啤梨我都仍然記得,多謝老公送給我一個甜蜜的情人節~~ 幾時再帶我食多次??呵~ |
| ★全因為你★ | 22/8 |
 |
送比爹爹媽媽,同埋你
常言道：人生像演戲. 全因為你，令我一生都佳美， |
| ★帶我走在陌生的街道★ | 19/8 |
 
 |
我記得有一次陪你搵Oral Center,於是我地走在西環,那是我未曾到過的幾條陌生街道~一直走一直走,鞋帶鬆了,你便替我重新綁上,然後又再繼續走呀走~就這樣,原來你一直怕我悶但我不旦不悶,而且感對很甜蜜,雖然四周的環境我並不熟悉,但我卻更能感到你在我的身旁,沒有其他誘惑的物質,我便更可以享受與你一起的時間,由你帶領我走著每一步,自此之後,我經常要求你帶我去一D你未帶過我去的地方,下次你會準備帶我到哪兒??
<--MeMeSan 呀~~好得意呀老公!!呀~~ >O< |
| ★感謝★ | 17/8 |
 |
整左呢個網頁,有很多得益,由最初1日十幾個人泥到慢慢1日keep住有200個客人,向呢短短ge幾個月(4個零月ar)有咁ge成績我真係好開心!!!唔係因為你地(每一個泥瀏覽ge人),呢個網頁唔會存在,只要仲有一個客人,我都會為呢個客人做好個網頁佢!!整左個網頁出泥之後,識左好多唔同ge朋友,亦同班同學有更深ge友情,仲發覺到有朋友支持ge感覺真係好好,雖然要比D唔識我ge人批評對我唔公平,但係我唔會再當佢地係一回事,因為只有我ge朋友同客人最明白我是好是壞,以後希望呢一part唔再係manman的專利,我亦會將佢送比每一個愛我的你! |
| ★你要的愛★ | 16/8 |
 pic from rainbowexpress |
因為elsie,又令我再記起呢首歌,就好似那一晚收唔到你電話ge心情
我明白 我要的愛 會把我寵壞 雖然經常夢見你 還是毫無頭緒 好討厭,唔知你係咪玩cut線玩上引呢?最近cut人線的頻率好高,唔好以為我真係可以唔出聲算數,我可以忍你一次兩次,第三次我可能會忍唔到,唔好以為cut人線好威,相反可能會令人感到厭惡,一個禮拜幾次算咩意思,曾經有個應承過我唔會咁,結果呢??Ha!既然你鐘意咁做咪繼續law!到時唔好怪我變得冷淡,比人咁樣對待,熱情都可以冷卻的! |
| ★嗌交的那一天★ | 15/8 |
 pic from rainbowexpress |
我仲記得有一晚同你嗌交,第二日覺得好煩,於是一大朝早"郎"起左個電話,果一日我過左自己亂咁諗野ge一天,直至5:00pm......有人氣充充咁拍門,我一開門就見到你上氣唔接下氣咁樣,你開口講第一句:"我驚你有事牙!"
咁樣ge一日,真係令我印象好深刻,可能係因為我好少會睇到你咁樣,同樣地,我終於明白我唔應該自己亂咁諗,亂咁下決定,諗番轉頭,好X愧~ |
| ★Pocky草莓棒★ | 13/8 |
 |
同你一齊ge第一日~我就話比你知我好鐘意食呢隻,之後你就成日買比我食,tum我開心,每一次嗌完交,你都會買一盒比我食,我就唔會再嬲,雖然你唔識用言語去tum我,但係你呢種tum我的方法是十分work,除左因為我為食之外~仲因為你買ge士多啤梨好似特別甜的hoho~ |
| ★謝謝你的關心★ | 12/8 |
 |
最近經常因讀書壓力大,所以成日向你發脾氣,對唔住,本來真係覺得好悶,日日讀到好辛苦,尋晚讀到一點幾,胃都痛la,瘡都多幾粒!陰公!!但係今朝收到你的一個message: "sorry,但我怕你壓力太大會做傻事" 放心la!你地識ge小怡唔係咁懦弱架!我有咩未見過呀!!被人圍幫人出頭被人玩我都可以企硬,A-level je!好快過,只要有你的支持,我知道我可以捱過去ge! |
| ☆★我有say★☆ | 7/8 |
 pic from rainbowexpress |
向今次件事要多謝好多人,冇你地我唔會知道自己一直都有你地保護住我 首先有蚊蚊,Elsie,原來你地超越左我ge估計,你地ge愛真係好大 跟住係小飛子,多謝你陪左我2日 仲有個咀好細ge小咀珊子,多謝你! 仲有艷艷打左好多次電話比我,對我好好ge Holly 另外 保芝,toby,Wanky, 小粉,珍妮花,Lily,豆豆,小Con,Mayee, 小倩, luna, naoki, san*, ting,豬大扒 特別鳴謝良仔(係你牙) ,你問左我一句:你信唔信你男朋友,我答我信,因為呢一句,我終於捱左過去,一直等佢ge電話 仲有Roger同兔仔呢對情侶,Roger你好努力咁tum我,我知道的,而且仲同阿文講左幾句,雖然我唔知你講左D乜,但我真係估唔到你ge好 多謝你地呀!!我冇以為報,唯有努力讀書考入poly U比你地睇! 老公:經過今次之後,希望一日ge冷靜期可以帶一千年的熱戀期! |
| ★多謝你★ | 6/8 |
 |
<---你送比我的小豬2隻,曾經講過黑色係你,粉紅色係我
豬--比人一種懶ge感覺,亦是令你討厭我的原因 多謝你帶比我過去美麗的回憶 |
| ★因為他★ | 5/8 |
 |
今天我看到了前度男友,我又慣常地躲了起來,因為我真係好討厭佢,討厭到連佢個背影我都唔想睇,久違了2年多,討厭看見他的笑臉,討厭自己逃避,因為我好想比佢睇到我比以前靚,我活得比佢好
見到佢即刻變得陰沉,佢令我諗番起自己過去對佢ge同情,因為同情佢,就算唔鐘意都同佢一齊,而家諗番起真係覺得自己浪費時間,美麗ge15,16歲,就此付諸一旦,漸漸地我又諗番起我唔鐘意佢我對佢,佢鐘意我反而對我差,我好蠢牙!好冇用,令自己好冇尊嚴,諗番起佢曾經咁對我,我真係好嬲,好唔開心,但係因為佢,令我發現身邊有一個你存在,因為佢ge差,令我知道你ge好 我慶幸因為佢而有你! |
