1/7/2003
(TUE)
30/6/2003
(MON)
核突o的都要講……嘔呢o的好過嘔啤酒，真係好辛苦~~~
呢幾晚聽o左好多故仔……
小龍真的要慢慢玩，而家唔好去咁盡……否則真係後悔太遲啦！
仲以為o係AMC睇，自己仲好鬼他調……點知奧海城，搞到我一仆一碌。
或者之前聽你o地講過《千機變》點，所以冇乜咁大期望。不過，我絕對認同你o地所講的……將已經好靚仔o既陳冠希拍得更加靚仔！^_^ 同埋黃秋生真係無得頂。其實結尾真係有o的離譜……結論係四十蚊睇齣笑片都唔錯o既！
由於真係冇胃口的關係，今晚做陪坐小姐。
then 再出去搵Sandra 佢o地……如果我去旅行，我真係情願一個人或者幾個人去……最忌「嘈！」，我真係好怕……我又好怕去人多地方，o個種壓迫感簡直令我好唔舒服，所以就算賺到錢，都未必去東京、漢城咁人多熱鬧o既地方……不過凡事總有例外o既。
我係講feeling 之餘又要講新鮮。所以冇乜邊幾間pub or bar 會去多過一次。我會盡量o係短時間試晒o個間的o野，而唔會成晚飲同一款。^_^
o係Starbucks 坐，望住街景（其實我真係好鐘意，成日幻想自己坐o係露天茶座成日睇人生百態~~~好捨意）。一位盲人路過，用一枝盲人手杖尋找前路。佢o既前方唔知幾時堆積o左一大堆垃圾（我行過去o既時候都唔覺有！），佢身旁一位傾緊電話的女仔拉著他穿過那堆垃圾崗，總算是人間有情。靠近我們的那塊玻璃外面坐著一對外藉人士，佢o地行前幾間咖啡店買下咖啡，在外面坐下。說真的，那條路真的很多人路過，他們時不時向這對外藉人士投下奇異的目光。不過，香港的生活節奏真係好快，眼前經過的人真係好趕時間咁！來去匆匆。
To 大興你o地，我知自己脾氣真係唔多好，thanks 你o地o既容忍。 ^_^
To 六樓o既你o地，有時我覺得自己好衰，對你o地比其他人特別衰，特別野蠻。我媽咪話過咁做唔o岩……但我真係o係你o地面前真係控制唔到。可幸o既係，你o地肯包容我呢個野蠻人。^o^
以前點都好啦，或者我身在福中不知福。而家知你o地咁多個鍚我，我好開心！我會好好珍惜的。 ^_^
沙律，你真係大個女啦！~~~~ 鍚鍚 ^3^
P.S. 好想聽韓片The Classic o既其中一首歌……好正呀！
29/6/2003
(SUN)
忍多我兩日，呢度會load得快 o的。 ^_^
我懶得再打……KT借o黎用丫，唔該！
那間餐廳真係唔錯，BOTH D人Do野食都係！
仲好記得：
「先生幾多位呀？十位是吧。就是知道你們會來，所以我們預留了間VIP房給你們了。」o下？
入到房：
「請各位靜一靜•••殊•••大家細心聽o下(然後"嘟"一聲的開冷氣機聲)，嘩，多麼美妙的聲音哦。」o下？ （補︰佢呢番說話令我諗起碧琪說話……好搞笑！）
介紹餐牌：
「大家請聽聽我介紹今晚最特別的東西•••OK，介紹完，今晚最特別的就是我了。然後不如聽聽次一級特別的東西•••」o下？
仲有個啤酒妹（補︰同許先生好有心靈感應！hahahha……），介紹支筆介紹到跳舞o既侍應，同埋那個爛手哥哥仔：
「唉呀，我中招啦！」全部都係昨晚o既名句呀。
再補︰o個間B字頭餐廳的「火焰森林」同埋「火焰海洋」真係幾惹人注目，唔……係佢o地惹人注目定係我o地食得開心呢？對住街景o既我見好多途人都望入o黎！點都好啦，呢餐飯真係食得好開心同relax。
仲有呀，爛手哥哥仔見我o地輪姦杯dessert 咁開心，唔係，係輪羹……再俾多杯我o地……hahhaha……
飲飽食醉之後，o係海旁企o左陣……好多狗狗聚會，有隻叫「白唐狗」好引人注目，佢好大隻呀同埋真係好白。鯉景灣係一個唔錯o既地方，好正！（見到好多星星呀！^_^）
之後，去o左銅鑼灣百利中心附近飲o野……o個度好好feel……我就係想去呢o的啦！唔需要太嘈，靜靜地幾好~~~不過我冇留意係咩名。今晚先來個ScrewDriver（苦橙汁）、Long Island Iced Tea（試o左一啖好好味，忍唔住嗌o左一杯，呢度真係溝得好好飲……唔似Shooter o個杯），意猶未盡，再來多杯Around the World。Cool~~~今晚真係好爽。途中，有個Elgi（唔識串！）姐姐仔請我o地飲Shooter，我都係第一次見……菠蘿汁……hehhe……
盡興而返啦，我都唔慌唔Around the world la，好彩自己仲返到屋企，但記憶就真係好模糊，正如哥利講過，係一節節的……上o左小巴訓覺，廿五分鐘後，出奇地仲可以清醒落車……但行返屋企樓下o個段路，我就真係完全毫無印象。按密碼，搭Lift（好記得佢停係十三樓，因為平時咁夜返而佢停o係十三樓，我係唔會搭……但因為腳步浮浮的關係，唔搭唔得！）。一入屋，嘔完聽埋阿基電話就訓……好眼訓…zzzzzZZZZzzz
UM……我有冇打返電話俾高迪呢？真係唔記得啦！
KT, 小基基，今晚真係盡興而返，THANKS THANKS ^_^.
28/6/2003
(SAT)
食lunch 時，Daddy 問我讀o左三年都冇男朋友，即時反應係︰「er……」佢︰「男朋友唔一定要有錢o既！人好就已經得。」我︰「哦！」佢︰「有時男人出去玩下好平常，當然唔好沉迷啦！如果唔係，搞到家變。」我︰「知道。」（現實︰我可以當乜事都冇發生過，但越玩越過份，我就會反面。）
好明顯大家o既旅遊目的都唔同。Daddy 唔鼓勵我o地去泰國呢o的落後地方，佢話有乜好睇？咪又係鄉下地方。但我會覺得落後還落後，始終風土人情都係唔同o既！唔去係唔知當地o既生活、文化係點。俾著我點落後我都會去……雖然我或者會覺得好辛苦。^_^……不過，我o地都認同係有錢錢先可以週圍去見識，見識。^o^
呢幾晚發夢，成日見到一包狗糧上面印有一隻鸚鵡，我interpret 係 o的狗糧就係鸚鵡肉，當堂想嘔……雖然唔係我食，但都搞到自己冇胃口！~~~
發夢見到自己、阿麟、仔每人用一條繩o係某座大廈外攀爬到十五樓……不過我爬到十二樓o既時候，就俾人嘈醒啦~~~
今日全日都係得我陪兩位大人，算係咁啦~~~ thanks 佢o地兩個o既體諒。many thanks~~~
其實之前我真係好抗拒寫6500呢個數目，咁同未讀大學時有乜分別？呢三年投資去o左邊？但睇完KT日記，o岩o既，就算五千都做住先囉，你唔做，連五千都冇……係o既，係o既，但會覺得有o的無奈囉！
唔好講笑，酒+藥+茶真係好好訓…… ~.~
27/6/2003
(FRI)
如果呢個世界只有是非黑白，根本就唔需要有法官的存在。
每晚都祈求身邊o既人生活得開開心心~~~唔通真係咁難？定抑或係上天對於「開心」o既定義係有佢一套？體驗多o的、經歷下起落令人生豐富先至叫「開心」？如果係咁o既話，我希望你o地每一個人都可以學懂「珍惜」、「經得起風浪」、「拎得起放得低」。
藉口可以令人舒服，但同時亦都可以俾佢整死！凡人，清醒o的啦，藉口只是逃避。逃避不是最好的方法，實際o的，行動吧！
and that's why I don't want to have a love. 煩~~~ 做朋友舒服好多，至少唔會嘈咁多！唔會煩咁多。~~~ 避？係，我避緊！……有口話人無口話自己，就係我呢類人。
諗下啦，配幅平光鏡，連con 戴，又唔o徙o野之餘，仲可以避桃花劫~~~ 我開始相信桃花命之說。
俾你o地踼穿我當細妹係玩具添，冇法啦鬼叫佢得意咩，成個公仔咁（唔發惡時！），點玩都得！hahha……話說小時候（媽咪話返俾我o地聽，但我一o的印象都冇），細妹仲訓緊BB床，咁我應該都係四、五歲咋喎~~應該，我襯媽咪洗衫o既時候，搵o左張凳（好似係摺凳）企o係床邊抱細妹上o黎！即將得手之際，i mean 抱佢出o黎，俾媽咪睇到，佢即刻叫我放低……時至今日，我細妹時不時同我講︰「家姐，你o個時做咩咁對我？」我媽咪每次講都話︰「估唔到你o個時咁大力抱到細妹上o黎！」雖然我真係冇印象，但幻想返o個時o既情形又真係幾得意。
我o地三兄弟姐妹細個成日打交、嗌交，大個o左當然唔會打交，最多都係嘈、冷戰……不過，我o地三個真係好鍚、關心對方。緣份~~~ hehheh……
短短一個小時（應該冇！），山楂玩變身。^_^
今晚去o左旺角IT飲o野……席間，幾位大男孩講到感情事。出奇地，我明白佢o地立場，俾著我都會咁做。但當問題真正發生o係自己身上時，我會質疑自己會唔會咁理智顧慮到對方立場。
我都係鐘意清吧多o的~~~ ^o^ 今晚謝謝小基基啦！
做人要有限度。
26/6/2003
(THU)
諗住今日返學校，最後都係冇！
正正經經睇晒本書，原來Dreamweaver 真係仲有好多o野玩。
 |
<~~~好精靈o既貓BB~~~ |
25/6/2003
(WED)
件事總算有八成完結啦，點都好啦，識到呢兩個大朋友都係一件唔錯既事。睇多o左o野，諗多o左o野。 ^_^
o拿！你既然話阿偉好仔呢，咁你就要學佢啦，你o地咁friend，近多o的佢啦！正所謂近朱者赤，近墨者黑。~~~然後呢快o的搵個新抱仔俾我就最perfect 啦！
條手鍊似乎有o的o野喎~~~ ^o^
阿Dee 今日講o左一個故仔︰話說中國有一個牙膏生產商想增加銷量一倍，於是就舉行個比賽，贏o左o既當然有相當吸引的獎金。呢次比賽真係吸引o左好多人，縱使每一個business plan、strategy又幾詳盡精彩，但都敵不過一個住在農村又未受過教育小朋友o既意見。小朋友話只要將擠牙膏的地方弄大一點，那麼牙膏便快用完了。咁樣o的人咪多o的買牙膏。
其實，唔係話讀書冇用，只不過係我o地將件事複雜化。
Jando 跳舞好鬼勁呀！Jando 跳舞再加芬蘭國家代表跆拳道簡直係勁呀，效果仲出奇地夾同好正呀！~~~~
信教唔係唔好，但過於沉迷而又影響到人就無謂。信仰只不過是一種精神寄託罷了。~~~~ o的 email 就o黎煩死我啦！ >.<
係喎係喎，安仔唔提起我都唔記得你係我心理醫生喎~~~ ehhehehhe，o拿，咁你希望日日有太陽，咁我就唔需要做你client 住啦！hahhahah……唔好成日「唉！」啦，醫生，你話自己control 得到o者，但係咁喎，煩到人喎！hehehhe……
24/6/2003
(TUE)
都係快手o的KO佢，大家都唔使煩。
北京都除埋名啦，仲要係雙起臨門，旅警同埋疫區Bye Bye.
自問對廿三條有多認識，自問對支持七•一真正目的。不要盲從附和。
前幾晚o係某個電視節目睇到孔長東鋼琴表演，十指尤如脫兔般在鍵琴上灑脫地跳躍。好free 呀！說真的，由細到大都好想擁有一座鋼琴，坐在琴邊彈在自己一首又一首代表自己心情的歌。 ^_^
P.S. 沒有妹的日子•第五天……終於返o黎啦，出奇地冇晒黑，一箱貨咁返。服o左佢！人仔細細就……簡直睇到我目定口呆。好鐘意條手鍊，the luck will come to me. ^_^ THANKS...
23/6/2003
(MON)
香港終於o係疫區張list 除名啦！yeah~~~ 亦都希望香港人重新振作，令到香港再起飛！
前幾日睇明報，有個筆者話內地經SARS一役注重培養國民的衛生健康意識，而唔好似香港咁猛谷經濟咁現實。我想講，冇錢，仲邊有人肯聽你枝笛，顧住自己飯碗最緊要，唔係邊個養？唔通政府養？況且，而家內地同香港o既經濟發展唔可以相提並論，兩個各走一方，自然大家所追求o既o野係唔同o架啦！不過~~~~如果香港想真係想翻生的話，尤其是想發展旅遊業的同時，真係要顧下香港o既形象啦！唔止係環境衛生，仲有o的人o既質素。雖然我都係香港人，但我覺得我o地o既質素真係有待改善。香港人，抖擻精神！
呢幾日都係訓到日上三竿，醫生話要一早起身食o既藥掂都冇掂過，每日要食四次，我就臨訓前先食……有著我o的咁唔聽話o既病人真係激到嘔血。 ^_^
夜晚同Ivan佢o地去o左銅鑼灣一間酒吧仔（真係好細）慶祝生日。地方細細但人多多，搞到個場幾熱鬧。o個度兩個姐姐仔好nice，佢o地唔似其他酒吧o的姐姐仔成個wet look 樣。^_^ 其中一個好似Talie o架！
今晚試o左個Sleepness Town，唔係個個人都受得，真係成陣藥水味！hehhehe……不過我覺得冇問題o既！至於炸蝦（第一次食蝦頭）、同雞真係幾好味！^o^
早前icq識o左個朋友，佢可以話係旅行家，邊度都去過兩次咁滯。o係歐洲踩單車旅行……wow~~~如果我有錢錢同時間會唔會玩到咁盡呢？但問題係到時我仲有冇咁o既魄力呢？ ^_^
每次搭通宵小巴，唔眼訓的話，我一定會週圍望，尤其是吐露港沿岸一帶真係好靚。~~~ ^.^
P.S. 沒有妹的日子•第四天……終於聽日返啦，掛住~~~
22/6/2003
(SUN)
又放飛機，sorry~~~
ViVi就飛啦，希望佢有收獲啦，影多o的相，我都可以開心下，尤其是西班牙，cool~~~
『阿爸話︰「千祈唔好同男仔拖手仔，會發生好恐怖o既事……生BB……都唔明o個時會咁蠢，咁都信。」』婆婆牽著他的丈夫，甜絲絲地憶述。 ^_^
唔知又有幾多人老時仲可以十指緊扣、耍花槍呢？(^_^)唔知金婚會唔會真係好開心呢？但又有幾多人有金婚呢？「地上沒幾多愛侶夠老慶祝到金婚，若愛定了，為何還要等？」~~~ from《簡單而隆重•Shine》
《十面埋伏》好好聽，但總覺得個歌名唔夠貼切。如果千嬅仲未有首歌叫做《向左走，向右走》的話，Eason 呢首歌最適合不過啦！再配合埋幾米的《向左走，向右走》，簡直係正呀！
聞說你時常在下午來這裡寄信件。逢禮拜留連藝術展還是未間斷。何以我來回巡邏，偏仍然和你擦肩，還仍然在各自宇宙錯過了春天。
只差一點點即可以再會面，可惜偏偏剛剛擦過，十面埋伏過，孤單再感赤裸。總差一點點先可以再會面，彷彿應該一早見過，但直行直過，只差一個眼波，將彼此錯過。
遲兩秒搭上地下鐵，能與你碰上麼？如提前十步入電梯，誰又被錯過？如某某從來未預約，為何能見更多？全城來撞你，但最後處處有險阻。
只差一點點即可以再會面， 可惜偏偏剛剛擦過，十面埋伏過，孤單感更赤裸。總差一點點先可以再會面，彷彿慼該一早見過，但直行直過，只等一個眼波，軌跡改變角度交錯，寂寞城市又再探戈。天空閃過燦爛花火，和你不再為愛奔波。
總差一點點先可以再會面，悔不當初輕輕放過，現在懲罰我，分手分錯了麼？分開一千天，天天盼再會面，只怕使你先找到我，但直行直過，天都幫你去躲，躲開不見我。
~~~ from 《十面埋伏•陳奕迅》
P.S. 有魯爾呢個老公真係sweet sweet la~~~ hahahahha…… ^o^
P.S. 沒有妹的日子•第三天……我好悶呀，幾時返o架？
21/6/2003
(SAT)
雖然爛訓，但係做O野都要分輕重O既。 ^_^
一早返學校搞掂埋o的文件，再去目的地。
因為之前聽電話都係聽o的唔聽o的，我真係唔係幾exactly 自己in 乜，最弊係連自己有冇send 信去都唔知，皆因搵勻所有files 都冇呢間公司。可以咁講，今次一去真係諗住吹水。
原來係招聘會（都今日先知）~~~ 諗住閃，但又冇o野做，排下隊都冇所謂啦，比我想像中少人，因為之前已經in 過一大批。見到阿奶、Catherine（到而家都係第一o野就想叫佢︰「Fiona」）、Tracy……由於等候時間頗久，我同排我前面o個兩位姐姐仔同哥哥仔打牙骹，佢o地好nice。^_^ 姐姐仔話我一睇就知fresh graduate，成個細路女咁~~~ (>o<)hehhehe……佢o地話我唔似做hr，因為個樣唔夠惡喎！但我又唔覺得喎，而家HR唔可以always惡o架！hahhah……
期間，有唔少傳媒前來採訪，為了避開不必要的麻煩，呢期仲有o的人氣o既口罩又出動。姐姐仔好快手o係佢個手袋仔拎o左一袋mask，我o地share……又遮、又面壁思過，我覺得好似想見偶像但又唔想上鏡的Fans。
以小組形式進行，真係純粹吹水（好彩）~~~
試前只讀了一次，可說是憑common sense 作答。
做o左一個鐘就閃，去o左《阿貓地攤》食o野，其實主要目的想玩貓貓。不過，我稍嫌人多，冇得盡情玩貓。um……佢o個碗xxxx雞扒烏冬幾好味！
食飽之後又去考，都係做唔夠一粒鐘就閃。
then 陪個仔拎con，嘩下~~~ con case 要用熱水浸？我從來冇做過。死啦，咁我對眼…… ~.~
好tired~~~~~~對腳~~~~~~~~~~~~~~~
話時話，《黑夜彩虹》比我想像中好想好多。
Violet 個 fd 話 send 到 二百封信就會有工o架啦！hehhehe……好似摺夠一千隻紙鶴會令願望實現。嗯，我都希望呢個傳說係真o既！ ^_^
好大舊海星、o係五顏六色o既珊瑚爬來爬去、仲要有成群熱帶魚游過o黎身邊（我真係好難想像香港會有咁o既奇景），Violet 講得好吸引。一件背心再加上腳上下擺動就可以潛水睇呢個咁得意、靚靚o既奇景……講到我都心郁郁。……真係好鬼大隻海星，唔好講笑。
一個唔錯o既starting point，我要加油，快o的搵到工。CONFIDENT, CONFIDENT, and CONFIDENT. ^_^
期待仔仔女女o既bbq（咁又一年啦！^.^）；期待行山，兩個禮拜啦，太陽伯伯，你出下o黎露一露面得唔得呀？！期待工作，我好悶呀！
P.S. 沒有妹的日子•第二天……唔知泰國有冇落雨呢？
20/6/2003
(FRI)
明珠播過幾次《金枝玉葉》（Roman Holiday），今次終於坐定定睇，even 未溫晒書~~~ 柯德利夏萍真係好靚呀！~~~ 與同年代的陳寶珠有得fight。 ^_^
同我想像中o既《金枝玉葉》有o的唔同，其內容描述公主與凡人的一段短暫而深刻的愛情故事。我仲以為會係happy ending 添！
書就讀晒，煩緊見唔見工，乜都未準備好……最後，收集各人意見都係去，見下世面都好嘛。 ^o^
yeah~~~o的藥似乎真係有效喎！o的泡泡謝晒！hahhahah~~~~~~~
P.S. 沒有妹的日子•第一日……唔知有冇晒黑到呢？ ^_^
19/6/2003
(THU)
生日冇蛋糕點得呢？雖則佢話唔食，但人通常都係口不對心……循例都要做o既，食唔食係另一回事。 ^o^
琴晚臨訓前，見到毛巾仔，記起BB 佢o地~~~
左手o的泡泡越o黎越明顯，用十三蚊換個心安。短短四十五秒，醫生不斷重覆這是皮膚敏感。醫生︰「邊度唔舒服？」我︰「我雙手唔知做乜起o左好多泡泡，左手仲越來越明顯。」醫生︰「幾時係咁？」我︰「都有兩三個禮拜。」醫生︰「咁腳有冇呀？」我︰「冇呀！」醫生︰「呢o的係皮膚敏感。」我︰「皮膚敏感？」醫生︰「係呀！」我唔多滿意佢個答案，疑惑地問︰「醫生，真係皮膚敏感？我冇掂過o的刺激o野喎！以前未試過o架喎！」醫生︰「係呀！你呢排係咪成日洗手呀？」我︰「好似平時咁囉，冇特別增加洗手次數。」醫生︰「咁你一定係o係商場用過o個o的消毒濟。」我︰「冇喎，掂都冇掂過。」醫生︰「係皮膚敏感o啦啦！」我︰「……」
打完波，o係課室享用下午茶，哥利同仔仲玩埋古惑仔。唔錯！
之後兵分兩路去深水步，其實邊面快都唔緊要，但係深水步離學校真係好近。天氣好，行下唔錯o架！都唔使上山落山。 ^_^
盡用學生證。
我好唔想溫書……
沙洲，水上漂。我要玩！
 |
 |
 |
18/6/2003
(WED)
唔鬼記得寫添！~~~ 琴日好好天氣呀！闊別多時的太陽，Do u know how i miss u? 但有人說，你將快又離我們而去。你怎可以忍心遺下我們？整天沒心情，呆在家裡，幻想著遊山玩水的日子。你又可知道，沒有你的日子，我多辛苦呀？週身痛呀！我傻了，你再不時常出現，我會更瘋癲。
我要一個太陽，燦爛的，熾熱的。……向日葵
我•要•玩•貓•貓。
唔可以再俾藉口俾自己……死就死啦！加油！^_^
今日睇新聞話有醫生呼籲人o地參加七•一，唔知係咪呢期醫學界曝光率高，醫生都出o黎掂下政治，應該咁講，唔係政治，話晒都係關乎每一個人的切身問題。雖然好似冇乜問題，但感覺上怪怪的。我明白過份的自由是放縱，擾亂社會安寧，但過份抑壓自由，只會惹來民怨。
一個好政府理應弄清楚問題的徵結，不理對錯地立法「箝制思想」是不可真正解決問題。當然市民意見未必一定o岩晒，但問題係市民o係一如往常的管制下發表意見，未曾見過有甚麼大問題（只是有極少數是例外）。意見是可貴的，治國高官，你知道嗎？民•為•本。
我會著黑衫以表支持。
17/6/2003
(TUE)
香港手、主婦手、蒼天炮（唔記得啦！）……唉……點都好啦，呢期唔夠膽亂咁掂o野！亂咁試新o野！ >.<
我係一個荔枝怪，唔怕熱氣。hehheheeh……不過呢，就會肥死啦！糖份高……
miss o左幾集Amazing Race, 玩到剩返四隊。o個隊退休人士依然遊戲進行中，o個對靚仔twins 當然o係度，o個對好好好朋友Ken & Gerard永遠都好fit（開頭仲以為佢o地兩個係同性戀，原來唔係！），Flo & Zach 呢對好朋友雖然ok 多爭執、埋怨，但係合拍。今晚Zach 臨尾表現，正如Flo 所講，將佢比下去。明知最尾，但依然堅持抱住積極o既心態完成賽事。（我睇到都有少少touching！）當佢o地知道the last point is not 淘汰站，o個種喜悅真係難以形容。
今集，你會感受到家人o既力量。^_^
我，好好好好……唔想溫書。
P.S. 大興, THANKS your gift!!! cute~~~ ^o^
16/6/2003
(MON)
今日放飛機，SORRY ar~~~
幾時先有太陽呀？……我好辛苦呀~~~搞到我周身唔舒服。~.~
總算溫完一份paper……仲有一份……
好記得有一集《孖仔孖心肝》o既對白︰「講o野唔中唔英，都唔知想點！」（大概意思~~~）呢個就係香港文化，冇問題，有時如果全中的話，更使人摸不著頭腦。^o^
一個小故事……英航(British Airways)處理下面這件事的方式令人讚許。在一班由約堡起飛的班機上，一名看起來經濟條件不錯的中年白人婦女，被安排坐
在一名黑人旁邊。 她發現了之後馬上把空服員叫來，並且抱怨不已。「請問有什麼問題嗎？」空服員問道。「你沒看到嗎？你們把我安排坐在這裡，我可受不了坐在這種令人倒胃的人旁邊，再給我找個位子！」「請冷靜，女士」空服員回答。「今天班機客滿，但是我可以去為您查查看在頭等艙還有沒有位置。」幾分鐘後，空服員帶著好消息回來了，那名女士沾沾自喜地看著周圍的乘客。空服員說：「女士，很抱歉，經濟艙已經客滿了，我也向機艙服務長報告這個消息，發現只剩頭等艙還有一個空位。」不等那名女士說話，空服員接著又說：「在這種情況下將乘客提升到頭等艙，的確是我們從未遇見的狀況。但是，我已經獲得機艙長的特別許可。然而機艙長考慮到這個特殊狀況，他認為要一名乘客和一個這麼令人厭惡的人同坐，真是太不合情理了。」空服員接著轉向那名黑人，說：「因此，如果您不介意的話，我們已經準備好頭等艙的位置，請您移駕過去。」周圍的乘客這時都起立熱烈地鼓掌，那名黑人就在一片掌聲中移到頭等艙了。
人們可能會忘記你所說的，忘記你所做的，但他們不會忘記你所給他們的感覺。
「永遠有不妥協傷口，有些憾事不放手，若你太刻意淡忘，越會補不到缺口。Why don't you just hug someone, just kiss someone. The best is yet to come. 最好的尚未來臨。」~~~ from AT 17 《The best is yet to come》
15/6/2003
(SUN)
「爸爸是一隻牛。」牛，默默耕耘、辛勤是也，沒怨言。什麼工作不開心只是輕描淡寫，並未見過他因此而大發雷霆。父親節快樂……雖然日日都係父親節，日日都要鍚佢，關心佢，不過話晒今日都係父親節中的父親節。
由於工作關係，我o地好少可可以齊人食飯。um……或者香港父親就係咁掛！以前返中小學時，每日見面時間（唔計訓覺）約十五分鐘，少到可以冇~~~ 而家反而多o左少少啦~~~ um……嚴父慈母……到而家為止，我都係覺得同我Daddy 都係相敬而賓，總覺得爭o的咁！
越o黎越覺得newsgroup 係一個不錯的地方……一個不錯的Photoshop教學網頁。
無端端有一位舊同學send o左 icq o黎，真係好耐啦，畢業過後都未見過面，只不過o係icq 寒暄幾句。但今晚有o的唔同，傾耐o左。大家都苦腦著自己的前途，但我自覺比她幸運。 ^_^
幾米作品真係越o黎越商業化啦~~~佢同一間大型首飾店推出其產品。說真的，說不得上非常漂亮。要是在三個主題選一個喜歡的，我會選擇「遊園」，貪其色彩繽紛。^_^
比想像中容易好多，有o的o係contract law讀過，所以暫時冇乜問題。
呢期天氣涼涼地，鐘意玩煮飯仔（都唔知咩理由？！ ^o^），努力搵菜譜試新o野~~~當然複雜極有限啦，我只是一個初哥~~~
《洗澡》，很久以前想看的一齣戲。雖然全劇並沒有刻意賣弄溫情來賺人熱淚，但是透過一個小小的澡堂樸實地帶出一個又一個毫不起眼而又令人會心微笑的故事。父子之間、兄弟之間、夫婦之間、朋友之間、賓客之間的關係說不上描繪得非常細膩，但會有一種共鳴。^.^
繼早前唔知點解成日覺得有o野咬之後，呢期輪到對手……皮膚敏感？唔係掛，我不嬲都冇事喎~~~ >.<
我要太陽……
14/6/2003
(SAT)
把持不定？係……我認！但係多謝咁多位俾我o既寶貴意見，你o地一定有自己理由。
如果呢個世界是非黑白分明，根本就唔需要法官。
Garrick san懷疑我唔使訓，次次起身都仲見我online。一來自己係貓頭鷹時間，二來自己煩到訓唔著……諗到tired 先訓。
tired la……訓……0645……搵到灰？少少啦~~~但我唔容許自己咁！~~~
總算向覺得最難過關的父親大人講o左自己諗法，好彩冇乜咁大反應。舒服o左好多~~~
今晚落廚，一口氣整o左兩款意粉，再加自己版本的節瓜甫，不過後者就失敗o左啦！唔夠「林」……都係煮非中式o野容易好多，見乜就炒，上菜。
13/6/2003
(FRI)
我總覺得同男仔打交道、工作舒服好多。夠爽快！ ^_^
父母擔心自己子女搵唔到工係人之常情，雖然冇鬧自己、迫自己，但係當佢o地話幫手搭橋搵工o既時候，自己個心係好好……唔舒服，同埋內疚！自己又唔係唔搵…… >.<
今日開會見返阿豬……真係唔記得佢個英文名……hahah，而家記得啦！PA……真係好辛苦！
食完麥當當，好想飲o野……同KT、Ricky 去o左Shooter 飲，閒談間，對於做保險呢行已經冇咁大抗拒，同埋對於自己前途會有一個明確o既方向。懶得再打……照copy from icq……
「um……唔知你有冇聽過一個故仔關於sell 鞋 in developed market and undeveloped market呢？我就將呢個故仔apply 返落香港o既situation。當然發展唔係口講咁易，風險一定有，但係未開發市場o既利潤同發展機會相對已發展的有好多空間。視乎自己肯唔肯去搏。」
「你之前講過，所謂做banking，最後咪又係sell insurance……公司仲要迫你去考返o的試……」
「我o地仲細，再加上咁o既經濟環境，點解我o地唔乜都試呢？青春係本錢，仲輸得起……因為家庭重擔未真正落o係自己身上。問題係，過多幾年，你唔會咁諗，雙親老啦，退休啦，擔子輪到自己揹，到時你唔會輕易話乜都想試…你而家仲可以話劈炮唔撈，但係遲多幾年你唔會咁諗……」
「你之前咪講過話insurance 繼續做上去咪可以有好多「範」o既……每個人都有佢自己個目標，但未必每個人o既path 達到呢個目標係一樣……換句話，如果你想做training，你大可以o係insurce 浸淫下……尤其是我發覺呢個市場對於sales training 越o黎越多，insurance 應該會係一個唔錯o既踏腳石…even 你未必想做返hr o野，但係呢行相對其他行業來說，係會有好多發展空間，正如你所講……當然……當中有一定o既困難。」
「總結係︰「襯而家輸得起就乜都要試。」」
at this moment，我o地兩個人不斷咁說服自己，搵data support 自己，雖然市場係好吸引，再加上我o地呢三年所學過o既o野一定會用得著，esp marketing。但要保持理性，說真的，我會努力去做，但唔會踩到咁深。當我開始真正熟悉、體驗呢個行業o既時候，我先會訓身去做。或者咁講，唔可以話訓身，but put more effort than before，因為我覺得太投入，你會睇漏o左好多o野，尤其是呢個競爭得咁犀利o既商業社會。一句講晒，太投入會埋沒o左自己個創造性，呢個係做business o既大忌。
每人都各有長處，我都唔知自己有乜長處，乜都夠膽試算唔算？KT好似好認真咁諗……最後佢話︰「你適合做e-commerce。」我都唔知，不過對於virtual store, virtual promotion 我都有興趣，所以我都會聽你話，得閒睇o下有關書籍。 ^_^
If your business really set up, please give me a chance to promote your virtual business. ^_^ hehhe……我認真的！
Singapore Sling 唔好飲咩？我覺得ok 喎~~~但都係則魚涌o個間好o的。我o個杯Heart of Asia好靚呀~~~因為係藍色（無聊！hahahahhah），同埋好甜。^o^
P.S. 第一個月出糧，請屋企人、仔女、大興佢o地食飯一定走唔甩。KT、Ricky、高迪（雖然你細過我），我都會請，呢年多佢o地好似大哥哥咁睇住我（我恨有哥哥好耐啦~~~）……hahah。yupyup~~~時間許可的話，我o地會放工聚一聚o既！
P.S. 高迪，Take it easy!!! ^_^
唔記得打添，仔破o左我唔見con o既紀錄！四日咋！hahhahhaha……犀利！……小兒科啦，我左眼o個隻都好似第四隻啦！ ^_^
12/6/2003
(THU)
我覺得每個季節都有佢自己o既氣味，尤其是太陽出o黎o既時候。夏天氣味係好清新，大啖o的吸，人都醒神o的。我最鐘意夏天，因為我係一朵太陽花，好需要太陽伯伯o既照耀。hehhehe~~~
而家係0748，似乎太陽伯伯罷完工~~~
講錯o左，佢仲未復工添！依然陰陰沉沉。
Talie提議唔錯，搵日我o地周街影。^_^
有o的夢有時會隔一段長時間再發，呢期有夢係…
我同一個陌生男仔（um……我都not sure）o係一個類似地牢o既地方跑緊，係逃跑，有o野o係後面追緊，好似係水~~~不容易跑到出口。我o係度抖氣之時，男仔又走返入去，因為佢發現裡面仲有人……第一次發呢個夢時，男仔就係因為咁而升o左天；今次我死扯爛扯，唔俾佢再入，我唔想重滔覆轍……我唔知結果，因為我已經醒o左！
夢o既分析︰地牢象徵秘密和難於解決的問題。被困在地牢反映夢者對事物持悲觀態度。設法逃出地牢表示夢者在現實中正尋求解決方法。從地牢走出來並有海、天空感覺表示夢者是個樂觀的人。陌生人︰象徵你不想別人知道你見不得光另一面。也象徵一些你自己不想面對的決點。（呢個唔知係唔係，因為呢個陌生人似熟，但又好似唔係！）逃走︰是想從工作或學習中逃出來的心理。又或者希望逃避現實。
幾準！~~~
11/6/2003
(WED)捕住電視，目的想睇你o地所講o既廣告。我又唔覺得好笑，不過特別。我覺得呢個廣告有少少駭人，唔怪之得合家歡時間未見過啦~~~
開始溫書……好少好少。um……我諗我o的台詞應該冇問題o既！
um……我諗新hp 要再遲o的先見人啦，考埋試先。 ^o^
呢期醫學界大晒，非典型肺炎、炭疽病毒、天花……
終於出晒成績啦，竟然IM考得最好。至於EP就無謂提，師奶係唔可以理解。
以Talie o既 Candles in Wine 為藍本，edit o左呢o的相相。 ^_^ hehehhe……你o地o的相相就係咁俾我整容啦~~~好玩！
 |
童話式的戀愛， 疑幻疑真。 |
|
 |
Behind the peace, Blood and Iron war was. History is always like that.
|
10/6/2003
(TUE)
好眼訓又落大雨，真係邊度都唔想去……
暫時一切雨過天晴，希望快o的過埋廿四號啦！咁就鬆晒！唔該，Anna。 ^_^
同媽咪鬥氣，落大雨唔帶遮，結果咪又係同錢鬥氣，係左記買o左把遮。
試照考，但做唔做係另一回事，唔應承咁多o野住好使自己多o的位走盞。
你話我大膽，我話我衝動；你話你細膽，我話你謹慎。不過，大膽o既時候要顧及自己輸唔輸得起。仲有，最大敵人係自己。……
上o左一堂配戴cons 堂，點解o個時冇人同過我講o架？頂……好彩今日陪個仔拎，聽下先知……我咁樣戴con法真係隨時死得。下次順路的話試下呢度配先。
食埋飯再返學校陪個女「打自己」，tired la……tired 到我真係想趴o係張凳訓……
再出去尖沙咀食飯……見到BoBo（冇乜特別！）；海傍竟然有隻龜游水？（邊個咁唔識得放生呀？）；岸上竟然有隻毛毛蟹仔？真係有大咀鳥？（個咀好靚，對眼都好靚，戴color-con o架！hahhaha）o個個Teddy Bear商場都冇o野好行，佢o個種經營手法，好快執。
今晚食o左一餐好豐富o既晚餐。席間更發現仔係好似馬騮仔o架，而女就不斷俾「香蕉」佢……lovely 定 ugly……um……視乎表現啦！ ^_^
好鬼大雨呀，又行雷閃電……襯機錄低佢同影，冇幾可咁勁o架！隆隆隆……
其實手信呢家o野，除非有special order，否則最實際都係相相，至少可以俾我share 佢o地開心o野嘛，最緊要o既係可以用佢o地o的相相搞搞震。THANKS！ ^_^
今日真係好tired la……呢期好好好少同阿漢chat；睇o左Yelly 個日記，有o的唔知點形容o既感覺，期待她的hp。^o^
又要溫書啦~~~
P.S. 好鐘意呢兩個構圖配搭，by Talie. 有兩張呀~~~ CLICK 1!!! & CLICK 2!!!
9/6/2003
(MON)
見到肥草做cap，個感覺真係好怪呀~~~老懷安慰 ^_^ 一年時間就咁過o左啦！你望都望我呢個組媽有工返啦，不過咁，未有工返，就繼續去玩！
阿昇……真係搞到我亂晒啦，我會記得你係AP人。^_^ 仲有Jerry，印象中o係Ocamp 見過，冇錯，你係黑社會，我係紅燈區，大家咁話。 ^o^
最衰小文唔玩啦~~~話晒我o地兩年都拍住上！ >.<
決定o左啦，還掂有人俾錢考試同有錢收，無謂o徙，考完先至算，好過乜都唔做，好悶呀~~~認真諗過，administration 呢o的o野真係做唔長，好快俾人淘汱，而家下市場對sales 的需求與日俱增，皆因仲未有機器可以代替。短期內會全情投入，當學多一門手藝，不過我仲未同兩位大人講，先斬後奏……
點樣為之最理想o既hp呢？真係唔知啦，不過我會咁define，只要個end-user 睇得舒服，有自己style 就最perfect。我文字造藝唔多好，所以都係無謂獻醜。少少文字再搭少少圖片，全部自己經手，感覺唔錯。我諗會繼續朝住呢個方向去做。圖片呢家o野就要努力向Talie 學習啦~~~ ^o^
KT, 你得閒繼續教我有關整網頁o既o野！唔……仲有排版……等等，呢o的我都有興趣。THANKS ar~~~KT，算是我的半個老師。 ^.^
8/6/2003
(SUN)
今日做睡寶寶~~~又一日啦！
Garrick San，你幾時先肯帶返個日本妹心抱仔俾我個仔呢？~~~你唔係唔記得呀？hahhahah……
仲有呀！睇下你返o黎香港前學識倉頡未？只要明白o個兩個docs 所講o既o野，你就會識o架啦！^_^
琴晚的部份相相，Talie 操刀，好靚呀！like it very much. ^o^
 |
<-- 杯中倒影，燭光依然美麗。 -->原來成晚我o地冇影到大合照 |
 |
7/6/2003
(SAT)
早知今日著牛仔褲啦~~~落雨天要我著成咁，俾足面。
Times Cafe o的o野唔錯，我叫o個個鮮菇雞籃（好似呢個名！）幾好味，不過就油o左o的。
都係o個一句，我仲未俾到自己百份百去做，但另一方面，我顧慮到正係做Admin好快俾人淘汰、冇新鮮感（已經感受過啦！）、有排先達到我想要o既o野。
夜晚，o係Talie 媽咪度幫安仔慶祝生日。今晚由小雞雞教授教授紅酒和芝士學問，好pro 呀！hhahhaahh……Parama Salad、Tomato Cream Soup（我最鐘意呢個！蕃茄係我o既至愛）、Smoked Pock Tenderloin、芝士（荷蘭帶火腿o個隻好味o的，鹹鹹地，加啖紅酒，正！）、芝士蛋榚（好味！有些少似布甸，我想學整呀~~~）、再加三枝紅酒……飽到嘔！
正如Talie 所講，我o地有幾可會坐定定食飯、飲酒、聽歌？
tired la~~~想玩都冇氣~~~歸家。
諗下諗下，原來我有好多o野要做，但都係冇做到，寧願做其他o野……呢o的就係年青人啦！
有好多ideas出o左o黎，但係需要時間組織下，我唔想咁敷衍整個hp 了事。
P.S. 原來除o左芝士用o黎解酒（其實應該係擋酒）之外，仲有橙o黎解酒。
Nice Day！ ^_^
6/6/2003
(FRI)
一起身見到個天陰陰沉沉，心諗唔會落雨掛~~~
搭火車時見到一個貌似仔o既人（衣著、高度、髮型、眼鏡係出自同一個style），但冇理由o架，佢無理由搭火車o架喎，再將個頭伸出o的望真o的，人有相似o者，不過人o地就好過佢少少啦。
搭巴士入去，見到烏雲蓋頂……都已經心知不妙。結果，三個人一路食早餐，一路睇住個天開水喉，我o地專程入西貢食麥當當早餐，再散下步又出返去旺角唱K。唉~~~失望。 >.<
今日唱K發現o左一樣o野，搞到我笑不攏咀……hahhahahha……
雖然冇行山，但係好tired ar，可能唔夠訓同埋週圍行掛？~.~ 去到食飯都已呆呆滯滯……
去火車站時，冇端端有人拍我搏頭，嚇得我丫！不過，都唔夠優婆o個一o野驚嚇……hahhahah……原來係巨川，個死仔包終於認到我啦，成日話我唔同look，hehhehe……跟住佢就用新買不久o既DC同我o地影相，Alvin San 我真係俾佢激死呀！果然堅持唔做camera man，hehehhe……o係街頭呢種影相法令我諗起o的雜誌做街邊訪問o個o的。 ^_^
好高興識到一個今日開演唱會的朋友—Policeman，hahahh……^o^
呢期雖然覺唔係訓得多，但係多o左戴con ，我一路都擔心會唔會好似舊年暑假咁搞到隻眼睜都睜唔開，好痛o架！>.< 不過到目前為止都仲未有不適。
唔知佢o地o係韓國點樣呢？係呀，爭o的唔記得講，今日見到Jando 雀呀！係呀，係Jando 雀呀。hahhahahh…… ^o^
5/6/2003
(THU)
本來想執個hp，但係結果大部份時間唔係pooling，就係炸板，or searching job，咁又過o左一個下午啦。
連埋今次，第二次冇去interview。究竟繼唔繼續實地考察好呢？ >.<
碧琪入o左o黎大埔做神秘人，同佢食完飯，再沿路行返屋企，陣陣涼風（但我依然覺得好熱！）伴隨著香噴噴的白蘭花味，正呀！^_^
唔知有冇一個地方沿路都係有白蘭花呢？有就好啦，行山都行得更加happy ar！好香呀~~~
一粒荔枝三把火，今晚食o左好多，咁我而家咪有好多把火？ ^_^
太陽伯伯下個星期休息……
4/6/2003
(WED)
眼訓啦，訓啦，早抖！ 0738 ~.~
下個星期差唔多日日落雨？好~~~我等你，我要種怕醜草同小。 ^o^ 我再唔種，媽咪就會強迫性扔o左去。 ^.^
《城大SU口水中心》將會短期內成為我成日去o既地方。 ^_^ 大家又o係度狂炸板啦！
3/6/2003
(TUE)
琴日睇o左《The Matrix: Reloaded》，特技真係唔錯，但個故事真係有點兒那個。同睇第一集一樣，都係諗好多o野，呢套戲真係有好多晢理參透。~.~ 不斷諗，諗，諗。呢集講得最多有關choice，其實好多o野好似係整定，但事實上係自己選擇而定。選擇係有，只不過是多與少的問題。 ^_^
「希望這只是人類的妄想，也是人類最強大的力量，以及最致命的弱點。」~~~from《The Matrix: Reloaded》
今日走o左去實地考察，順路遊車河。舒服~~~ um…… 去唔去好呢？ >.<
玩咁多次，今次玩得最耐……九點打到將近五點（離譜！），中途仲要隔住電話打，簡直係環迴立體咁打呀~~~hahhaha……不過兩母子都俾o左唔少俾哥利。哥利，果然係「近」呀！ahhahahah…… ^_^
有人講過我always 都有貴人扶持。其他我會半信半疑，但呢個我真係會幾相信。 ^o^
乜唔係所有科都係拉Curve 咩？女人講o的成績分佈俾我聽……嚇死人！你下個sem 要俾心機拉返o的分啦。
自己與不少學生將Ied視為水泡之選，故此，未來數十年老師的質素如何，自己心中有數。當然，不排除有些老師們在「學堂」內外得到增值。我認為一個好老師要有學識（至少自己field 學識豐富），而且有一顆樂於教導的心。有心但冇學問，即係乜都學唔到。有學問而 冇心，又係學唔到（領教過好多次啦~~~）。慶幸自己遇上了Miss Wong、黃sir、Miss Luk（一句「退晒步，升唔到，不如唔好讀啦，費事做炮灰」迫使我發奮）同埋李主任（最記得佢小息時迫我做數，冇得玩）。
前幾日肯定o左一樣o野，我冇埋怨過搞學生會o野而影響成績！
2/6/2003
(MON)
壓力總算減輕了不少，真的希望會是個好消息。
今日很多人出席講座，以致演講廳門外擠得水洩不通。進場機會也沒有，倒不如來一個下午茶（還豎今早也沒有吃過甚麼進肚），不過最後與大興會合並移師至旺角Green Box。由於Tea K的價錢不太合理，吃的吃，逛的逛。結果，一家人與Jando油尖旺半天遊。
今天被優婆嚇了一跳……死了幾個細胞。（hahahah……）
不知是否今天太累，這麼少的路也令我雙腳酸痛不堪。 >.<
總覺得一篇文縐縐的日記是怪怪的。^.^
1/6/2003
(SUN)
呢期唔知點解會發埋o的咁o既夢……家庭……原來持家有道真係好難，老公係佢？唔係呀化……夢o黎o架o者！^_^
睇返o的相相，我o地真係有好多快樂o既時光。hahhahah……
Garrick 推介《I can't make you love me》，我覺得幾好聽。 ^o^ CLICK IT!!!
可以o既話，我唔會揀星期六、日公眾假出街……人多車多，真係見到都「蚊」，乜都睇唔到，又嘈。
希望the coming week 能夠settle down 所有o野。
31/5/2003
(SAT)
女，多謝你！many thanks…… ^_^
雖然自己很難接受這個事實，想哭……但我哭不出，因為這相對那個一生的缺憾，無法改變的事實真是小巫見大巫，何況這還有很多的選擇，我為甚麼要哭？別傻了，我不會為這而哭。壓力、不安固然有，但是這些不愉快的感覺相對未知前少了很多，因為至少我可以盡早計劃我的「後路」。
好多o野唔迫到埋身，我係唔會諗。或者今次係一個好好機會。
一如往常……只是想著如何打圓場，如果……。
事情如何發展，謝謝你與你。至少有你們在，我心定了很多。 ^o^
今日去睇行山o野，經濟似乎復甦喎~~~旺角同沙田勁多人，幾多人買o野。
買o左《布瓜的世界》（cool~~~我仲想買埋其他，但係我唔記得邊本未買。）同埋《不想長大》。
終於visit 埋沙田o既 Montbell專門店啦，勁想買o個個袋呀！好靚呀~~~尤其是o個隻紫色。靚爆！最後，仔買o左個袋裝DC（靚靚！）同埋香港島地圖。我諗我會幫你儲夠三十個印花。^_^
tired la, 又多人，搵個地方歇歇，人o地o係公園仔睇報紙就多o者，睇地圖見過未？就等我o地三仔「九母」示範啦！hahhahah……當大家研究緊尋日行過邊度o既時候，眼尾見有一對男女行緊過o黎……原來係大興同Olive，我o地竟然o係度邂逅……hehehhe……
之後又到商務逛逛，原來尋日見到o個個白色十字型的大花球叫做「香港大沙葉（茜木）」，真係好靚o架！ ^o^ 仲有一粒粒紫得好靚o既植物叫做「樟樹」。
俾尋日o的相俾Daddy 睇，佢話我o地o係城市生活o既人對呢o的山呀、石呀、花花草草覺得好奇、得意，咁又係~~~ ^.^ 正所謂少見多怪嘛！
呢期做o左「向日葵」，見陽光就龍精虎猛，冇陽光就謝晒~~~ 雖然成日提醒自己情緒係應該由自己話事……
記得睇《賭聖》（冇記錯的話）裡面秦沛講o野要用個發聲器（？）放o係喉嚨附近講o野……今晚終於明白啦……不過好恐怖呀，喉嚨穿o左個大窿。~.~
憂傷時，天空飄來一朵烏雲，開始下起小雨。快來時，風吹來一朵白雲，撤下美麗的小花。為什麼心情的高低起伏，往往只是因為一朵頑皮的雲，一陣不知名的風呢？
我是風，我是雲，我是閃電，我憤怒時，淒風苦雨。我喜悅時，萬里無雲。我就是我，我要決定我的快樂、我的憂傷、我的一切。但你為何露出疑惑的眼神呢？ ~~~ from 《布瓜的世界》
30/5/2003
(FRI)
始於茶餐廳，終於茶餐廳。……茶餐廳旅行團。 ^_^
由於出發時間正值烈日當空o既中午，先到茶餐廳歇歇先。
 |
一個好心小巴司機幫助下（我成日覺得我o地出門總係有貴人相助
^_^ THANKS ar！）到達土地灣。 |
 |
初段路程，邂逅o左一隻豬。 ^_^ （你話似唔似呀？hehehhe……左邊有隻豬坐o左o係度望天打卦 ^o^） |
 |
雖然今日陽光普照，但係煙霞o既關係，未能夠睇清楚腳下o既石澳同大浪灣，仲有附近o既哥爾夫球場。 |
 |
|
 |
中途見到o的菇菇、sprider man、蝴蝶（勁多！第一次行山見咁多「牛油烏蠅」）、白色樹葉with星星型花、謝o左o既吊鐘花（春天好靚o架！）、白色十字型的大花球（結婚呀！ ^_^）、 熟o左o既蟹（？！！但係條渠係冇水喎~~~）腳下o既柴灣、杏花村（仔係牧童？我正係認得個杏花村咋……同埋o的祖先屋企 ^.^） 終點站係藍灣半島，吹下海風……cool（今日講得最多o既字呀！hahahahh……） o係茶餐廳食埋個tea 就散隊啦！有始有終咪就係呢o的囉！ ^o^邊度o黎就邊度去。話時話喎，提子包（即係我個女！）碗五香肉丁、乍菜麵有加料之嫌，食到high high 地，hahhaha……笑到眼淚水都出埋o黎！ 搭車去搭MTR，路過杏花村，記起個仔山上面o既講解，好得意呀！ ^_^ 今日o既相相，by 大興（THANKS ar），CLICK IT!!! |
 |
遲多幾個鐘返屋企涼都冇得沖，簡直係酷刑。沖完涼舒服晒~~~COOL~~~
當媽咪煮（呢個係要加以強調o架！其他係冇用o架！ ^_^）蕃茄汁時，我就真係失控，覺得自己似一隻鴨仔……食極都唔知飽……結果食到嘔，辛苦到丫！>.< 聞說陳皮可以消滯……下次試下先！
早前post 過呢一句「行山如同處事態度，先計劃好每一步，再勇敢去將之實行。」，再post 過，提醒自己。自從上次閃o左一次腳，都係諗清楚好，見過鬼唔怕黑咩！傷o左就係傷o左……>.< 至於呢個蚺蛇尖，我真係要諗諗啦，我concern 唔係係辛苦，而係怕自己支持唔住……記得o個次行釣魚翁行到腳抽筋，死忍懶忍行返落山（或者真係行得耐掛，連馬鞍山都埋！），抖足我幾日，我都想行埋o個個尖尖，但係我真係驚自己支持唔住……
wanna cry……喊唔出，本來今日仲好好地，就由呢個天堂跌落地獄。仆街！>.< 都唔知衰乜！
29/5/2003
(THU)
麥記o個個雞扒餐試下就算啦，香草味都有o既！但係塊扒「鞋拾拾」…… >.<
今朝又o左Ashley Uncle 度做Attitude Test，我諗今次唔多準，因為做過……最記得第一次做時，導師講話做英文版會準確好多。
之前見過中田，問過佢保險呢行係點，但始終個印象都係好negative，但經過呢兩次「思想強姦」，起碼Ashley Uncle 佢o地解答到我一o的疑問同誤會，但始終未說服到自己要做agent……或者咁講，我係抗拒同sales 有關的工作，就係唔鐘意「哎」人買o野！雖然佢o地話唔係「哎」，係顧自己要做……但始終o係呢方面o既印象依然改唔到。
o係一切不明朗的情形下，再加上耳濡目染，真係想諗住趁呢個空檔考埋o個幾個insurance o既試，理得佢有冇實際用途，至少有o的o野keep o係手。
前途 vs 錢途……查實我真係冇真真正正諗過我前途係點，只係諗過想自己有o的咩生活。今日Gallen 講起「四仔主義」（我都第一次聽，聽到我頭冒水。 ~.~" hahaha……），所謂「四仔主義」即係女朋友仔/老婆仔/男朋友仔/老公仔、屋仔、車仔、同埋BB 仔……um…我諗呢個主義要update 下啦，至少而家唔係個個都會想要BB。除o左車仔（冇諗住考車牌，享受做乘客）、同BB（依然覺得自己都未顧得掂，仲要整多個？），餘下我都想要，最理想o係十年內KO佢。
要得到就要有付出，一舖去盡定係慢慢o黎？我仲諗緊……但肯定我會選擇先苦後甜。
佢o地講得好attractive，但事實又點呢？見到中田而家做緊都唔錯，同埋自由度真係好似好大，o岩晒我！不過，呢o的o野真係要諗清楚。but 呢，試就可以照考o既。 ^o^
狂睇人o地o的hp，好靚，其中一個最令我深刻同埋有感其與別不同，或者hp 的主人翁關係吧！這真是一個不錯的網頁。 ^_^ CLICK IT!!!
呢期唔肥都幾難……訓完就食，食完就訓，Daddy 買o左宵夜返o黎，有我最鐘意食o既叉燒腸~~~hahhaha……食完又訓過……好好味o既「愛心宵夜」。
<-- 足夠兩個人食到飽飽o既宵夜。o的粥軟綿綿，腸粉……嘩！簡直正到暈。 ^o^
28/5/2003
(WED)
冇mood 去玩，所以冇返學校打藍球（雖則我真係好想打！）……呢期做o左放飛機王。sorry~~~
匿o係屋企計劃執個hp，參考好多個hp，好靚呀~~~最衰我唔識畫畫啦，否則真係好多o野玩！ ^_^ 整o左咁多個hp，坦白說，我都係覺得好唔滿意，所以襯而家仲有空檔，諗住大執一次，我真係好想整一個自己滿意o既hp……大執計劃中包括「出賣」朋友 ^_^，依然堅持所有圖像source 自己整……諗緊諗緊。 ^o^
雖然《Band of Brothers》有好多血腥場面，十隻手指蓋過雙眼避開鏡頭，但好奇心作崇，o係手指隙縫偷望。^.^ 英文台節目真好多，尤其是o個o的資訊性節目。正！
死啦，優婆個hp 未起貨……就快……
27/5/2003
(TUE)
著住套大肚衫，駝住個肚，身邊仲有人扶住 ^_^ 感覺好得意，好幸福……發夢，但o個種感覺真係好真。hahha……肚係有，不過係我個大肚腩。
開始真正體會到書係精神食糧o既道理，或者咁講，我會形容佢係一個指南針。當自己感到迷失的時候，儘使書中的一切不代表對，但至少可以會給自己一個啟示、一個反省的機會。
「不要失去對自己人生的主導權……人的一生中應該有各種情況，雖然或許我們每次都被打倒，但正因為這樣，人生才可以向更新、更有希望的方向轉變。……面臨困境時，就是你向命運挑戰的時候，要有拒絕失敗的勇氣……忍耐力、挑戰、以及經常為了要達成目標所必須經歷的迂迴之路。」~~~ from 《一生的忠告—一位外交家爸爸給孩子的信》
羽毛球、同沙律食飯（Jack比我想像中o既黑仲相差好遠喎！^o^ 而你就真係瘦o左啦，傻婆take care!!! ^.^ 仲有呢？你o地講o個個奇人，我真係好想見下！hahahahha……如果有佢剪完頭髮新look 相睇就好lu！)
今日無mood……
26/5/2003
(MON)
訓o左五個鐘，但感覺上好似訓o左好耐。或者頭痛再加兩杯o野飲搞到大覺訓。 ^_^
返屋企現一現身，再入返去游水。唉！都係仲未識浮…… >.<
我覺得好似去o左一日一夜camp呀！麻煩屋主啦~~~
對於自己前途真係有o的迷茫。一、唔理好醜，搵份工做住先！（呢個係我呢個moment o既諗法！）二、 盡快將自己定型（但我想咁早限死自己。）……都唔知想點……匿埋水池底一陣，週圍望下，好似見到自己個前途一望無際。都算係好事o黎，前途無可限量，只要我努力，I can do it!!!
Daddy 病o左……好彩感冒……媽咪講返尋晚個情況，嚇到我丫！冇事！冇事！
呢排隻手唔知係咪敏感，起o左好多瘡瘡……過濾性……唉~~~點解會咁o架？！
無聊望見了猶豫 （誰人沒試過猶豫），達到理想不太易，即使有信心鬥志卻抑止。誰人定我去或留，定我心中的宇宙，只想靠兩手向理想揮手。問句天幾高心中志比天更高，自信打不死的心態活到老。Oh……我有我心底故事，親手寫上每段得失樂與悲與夢兒。Oh……縱有創傷不退避，夢想有日達成找到心底夢想的世界，終可見。Oh……親手寫上每段得失樂與悲與夢兒。Oh……找到心底夢想的世界，終可見。~~~from Beyond 《不再猶豫》
25/5/2003
(SUN)
一起身，就頭痛到不得了…… >.<
同碧琪買o野去仔度……今晚兩母女落廚，分別係由我負責失晒水準o既蒜茸腸仔意粉作為主菜，乖女負責好好味o既生果沙律（yummy yummy）作為甜品。由於時間關係，沙律留待當作宵夜。
出o左銅鑼灣飲o野……原來Shirley o既 BB係個女……我呢個契媽終於見到佢啦！BB…… ^_^ 做呢個契媽都做到幾一頭冒水。hahahhaha……
飲完o野之後，再返粉嶺……o的沙律簡直係「近」呀！hahhahah……同埋碧琪收穫似乎都幾豐富喎！
玩下玩下，玩到將近五點……訓覺lu… ~.~
死啦~~~幾難先撇開o個個磅數，而家又返返o黎……>.<
24/5/2003
(SAT)
成個晏晝對住個mon 好tired……
對下本書……睇下睇下又訓著o左……「事實上，真正能給你帶來領悟、體會和有價值的東西，多少都是有些難處和麻煩的。」
碧琪o的相相終於有得睇啦……Revision period啦、長洲啦、淺水灣啦、塔門啦、23/5啦。唔睇係你o地個損失，hahahha…… CLICK IT!!!
繼琴日撤銷旅遊警告，今日又零感染，確實令人鼓舞。不過，「抗戰尚未結束，同志仍需努力。」
成日都唔記得寫……有一個廣告我真係好touching、好warm，好正！同SARS有關的，兩父女舉起個紙牌，透過一個電話向院中的護士母親傳來一種難以形容的關心……「媽咪，你今日辛唔辛苦呀？」
好想快O的搵到O野做呀，好悶呀~~~
襯而家有空檔，大執下個hp先……我想試多O的新O野……
人要一直往前走，偶然驀然回首可以為自己充一充電向前衝。不要沉醉過去，更美好的東西在前面等著我們。
um...我會一直keep 住寫，繼續寫，我要俾成日唔o係我身邊o既朋友仔知道我o既近況，知道我o既想法。it's a way to keep in touch, right?
P.S. 仔個人網頁，唔使再受時間限制啦！我都話好易整o架啦！~~~ CLICK IT!!!
Shirley，ur hp will come soon, 再俾少少時間我~~~ ^_^ 好掛住你呀！優婆~~~
23/5/2003
(FRI)
check 埋 out，一身輕！check 房o個個人好奇我點解唔quit？ ^_^
唔打唔打，都係打o左一陣壁球……
我……我……我終於買到頂o岩自己戴o既帽……hahhahhaha ^o^
其實，我覺得尋晚食飯好似我o地放完工聚一聚，連Cherry 都以為係。我相信，我o地會o既！ ^_^
22/5/2003
(THU)
瘀到爆呀~~~o係Podium 爭o的趴街，跌又跌唔晒，又一抽二抽，努力保持平衡，非常狼狽……最衰隻高跟鞋……>.<
即刻搵個地方整整佢先！乜整個跟都五十……有點兒那個喎！算~~~鬼叫我趕時間。
今日聽o左個briefing，雖然興趣唔係咁多，但至少啟發o左我份工作應該係為興趣而做，定係為前途而做。到而家為止，我仲未有一個定案。都唔知自己想點……真係十字路口。
之後，一大班人走去影相，好熱鬧！hahhahah……Jando 一take 過搞掂，好似Professor 影o個o的呀！hehehheheheh……而我就要take4 加埋Ashley 協助之下先可以見得下人。對住個鏡頭笑真係好唔慣呀！仲要係正經添！ ^_^
 |
|
|
|
|
|
|
|
| Ashley |
哥利 |
大興 |
Jando |
Ken |
Olive |
王欣 |
碧琪 |
唔係唔想寫日記，我日日都有寫，但係呢期真係好多o野想寫，但又唔知從何入手。 ^o^
日記唔只係屬於自己回憶，亦屬於人o地個回憶。 ^o^
P.S. 大前日的相相 from 大興 CLCIK IT!!!
21/5/2003
(WED)
我知我爛玩，但都不致於唔著緊搵工……今朝就咁頂撞o左Daddy 兩句……我只想講，我唔想人o地幫，尤其是最親o個o的，我知本意係好，但我會覺得好難受。知嘛？
本來心情唔多好，但係見到咁靚o既太陽，乜都放低晒。或者咁講，呢期天氣正好反映呢期心情。
唉~~~結果我都係搞到一塌糊塗~~~下次早一日firm 實所有o野！SORRY to all of you!!!
上個禮拜睇朱翁介紹塔門，於是一行八人就今日去。
講真，咁大個女第一次去黃石碼頭，聽就聽得多啦！o的水真係呢~~~靚到絕！絕無添加……垃圾，應該咁講o的景一流！青山綠水（唔係人呀下！ ^_^）再加藍天白雲，仲唔靚到絕？hhahahahha……等上船期間，見到碼頭邊好多魚毛，係一大群！跟住再望下遠o的，見到個好大個白色膠袋。再望真o的，好大隻水母呀！仲越飄越近……不過，原來佢死o左！
上到船，自不然就係影相啦！（旅行團是也！）哥利仲講笑話開盤估下今日有幾多部機？hahhahaha……四部，1:2 ^_^ 出到海，o的景好正、又舒服，陣陣海風（冷氣都唔好得過佢），半個鐘左右就到o左塔門。
一落船就見到熱鬧鬧的……本地團是也。眼看海邊o既水仲可以清徹見底，但另一方面o係某一角落見到垃圾飄浮，經濟同環境保護看似永遠得唔到平衡。
沿路行上去節目中提到的大草原……由於冇清楚講到點行，望下地圖，又睇下條路就行o左上去…越行越上o既時候，牛糞越o黎越多，人o地祖先亦都越o黎越多。中途殺出一隻黑色狗狗，仲調住我o地尾……
終於到o左我o地認為似樣o既地方，對住個大海、下面係石灘、左手邊就係疊石、而我o地企o係好多牛牛開餐o既地方。
嘩！呢個簡直係靚景呀！唔去一趟，都唔會相信香港仲有呢o的咁靚、未受污染o既地方！好~~~~~~~~~~~~~~~~~靚呀！hahhahha ^o^
午餐過後，我o地落山、行石灘、攀攀爬爬都係想睇疊石（Balanced Rock），雖然陽光好猛，但我並唔感覺特別熱，或者呢o的就係海風o既功勞掛？ ^_^
到啦到啦！有兩米幾高的疊石呀！hhahahhaha……我o地o係o個度逗留o左好一陣子，而隻狗狗亦都跟埋落o黎！如果係遊客的話，可能會以為隻狗狗係我o地！hahahha……
而我o地逗留o既地方，有個阿叔釣緊魚，魚獲簡直豐富，睇住佢拋魚絲落去，跟住又拎返上o黎，又一條魚啦…我o地走埋去望下佢釣o左乜魚，都幾多品種，不過我唔識，我正係識得一種叫「哨牙妹」，佢真係哨牙o架！hahhahah……
回程啦，攀攀爬爬、路過石灘、再上山去碼頭，行下行下……好似唔多對路咁，因為實在太多祖先啦！……我o地繼續一直行，跟住隻狗狗行，出返去lu！我同碧琪都覺得佢狐假虎威呀！恃住有我o地咁多人走去「聊」牛牛。hahhaha……
行到尾尾，先知道隻狗狗係警岡狗狗。送到咁上下，佢bye 都 冇 bye 就走o左lu！真瀟灑！個仔話︰「跟呢o的導遊咪好囉，多o的自由活動，最重要係唔會迫你去買o野。」heheheh……贊成贊成。
一個二個都黑o左，雖然大家都做o左防晒措施。
回航時，有船家話以為塔門附近有好多鮑魚，不過呢幾年俾大陸漁民挖晒。聽完之後反應係同一位先生一樣︰「乜咁都得o架咩？差人唔拉o架？香港水域喎？咁咪非法入境？」船家︰「水警唔理o架，最多話完就算。」o下？……咁都得？~.~"
上岸醫醫個肚，再各自各回家。
今日擺到明係遊船河同遊車河。正呀！
我諗出國旅行都冇影過咁多相……我自己都有一百三十多張…… ^_^
THANK YOU u guys!!! 好彩今日冇搭沉船，呵？Cotanic……hahahhaha……
Photos from 大興 CLICK IT!!!
Photos from 王欣 CLICK IT!!!
我偏心？不得不承認，由細到大，媽咪都話我錫細佬多過細妹。
20/5/2003
(TUE)
人的一生，到底在追求甚麼？
有一個美國商人坐在墨西哥海邊一個小漁村的碼頭上，看著一個墨西哥漁夫划著一艘小船靠岸。小船上有好幾尾大黃鰭鮪魚，這個美國商人對墨西哥漁夫能抓這麼高檔的魚恭維了一番，還問:「要多少時間才能
抓這麼多？」
墨西哥漁夫說，「才一會兒功夫就抓到了。」
美國人再問，「你為甚麼不待久一點，好多抓一些魚？」
墨西哥漁夫覺得不以為然：「這些魚已經足夠我一家人生活所需啦！」
美國人又問：「那麼你一天剩下那麼多時間都在幹甚麼?」
墨西哥漁夫解釋：「我呀？我每天睡到自然醒，出海抓幾條魚，回來後跟孩子們玩一玩，再跟老婆睡個午覺，黃昏時晃到村子裡喝點小酒，哥兒們玩玩吉他，我的日子可過得充滿又忙碌呢！」
美國人不以為然，幫他出主意，他說：「我是美國哈佛大學企管碩士，我倒是可以幫你忙！你應該每天多花一些時間去抓魚，到時候你就有錢去買條大一點的船。自然你就可以抓更多魚，再買更多漁船。然後你就可以擁有一個漁船隊。到時候你就不必把魚賣給魚販子，而是直接賣給加工廠。然後你可以自己開一家罐頭工廠。如此你就可以控制整個生產、加工處理和行銷。然後你可以離開這個小漁村，搬到墨西哥城，再搬到洛杉磯，最後到紐約。在那裡經營你不斷擴充的企業。」
墨西哥漁夫問：「這又花多少時間呢？」
美國人回答：「十五到二十年。」
墨西哥漁夫問：「然後呢？」
美國人大笑著說：「然後你就可以在家當皇帝啦！時機一到，你就可以宣佈股票上市，把你的公司股份賣給投資大眾。到時候你就發啦！你可以幾億幾億地賺！」
墨西哥漁夫問：「然後呢？」
美國人說：「到那個時候你就可以退休啦！你可以搬到海邊的小漁村去住。每天睡到自然醒，出海隨便抓幾條魚，跟孩子們玩一玩，再跟老婆睡個午覺，黃昏時，晃到村子裡喝點小酒，跟哥兒們玩玩吉他囉！」
墨西哥漁夫疑惑的說：「我現在不就是這樣了嗎？」
人的一生，到底在追求甚麼？
價值問題……人生來死去看似一個個戶體，但諗深一層，由母親懷孕一刻，人已經唔係獨立，係互相依賴。人唔單止為自己生存，亦都係為別人而生存。
19/5/2003
(MON)
一訓就訓到兩點，仍然深信Wine Appreciation 三點半先開始。
當哥利、大興一個二個都offline 返校之際，自己仲o係度online。
將近兩點半，先醒起三點開始……
好彩都唔係遲好多……
試酒真係好多學問，唔怪之得有學位讀啦！總括而言，色、香、味。
Champagne 唔係可以亂咁稱呼，今日先知……仲有一隻同佢差唔多o既，叫做 Sparkling Wine。 ^_^
呢一堂學o左唔少法文、用詞……Tark、Tamnin、Dry……
我諗咁大個女飲紅酒最豪係呢次，飲幾啖就倒。當然啦，性質唔同，今次真係純粹試酒。 ^o^ 白酒與紅酒，我寧願選擇後者。
食完飯，返學校進行搬遷行動。輪住o黎搬…… ^_^ 期間，不斷聽到多次的「叮」「叮」聲，誤以為Lift 聲……但係Yellow Zone 課室範圍都係咁，先發現UNO 機未熄。
今日相相 「very LAST day」by 王欣… CLICK IT!!!
Special thanks to KEN, 大興、哥利、碧琪……今次Grad din 真係好正！好正！
我同Lilian 真係相逢恨晚……hahahhah…… ^o^
待人處事，學一世都學唔完。
睇返Grad din o的短片、相，再加埋西貢o個個，this is my Year 3 life.
行山如同處事態度，先計劃好每一步，再勇敢去將之實行。
由頭到尾，我冇擔心過搵唔到工，一切都好視乎自己同o個個工作o既Value。
Shirley，TAKE IT EASY~~~~~~~~~放•鬆！
Graduation Dinner Photos by 大興… CLICK IT!!!
Graduation Dinner Photos by Jando… CLICK IT!!!
|
喂, 呢個係我想同大家grad 之後仲keep contact gee一個地方,
你地覺得有用的話, pls forward out~~ from 大興 |
18/5/2003
(SUN)
Although the happiest thing will come, I want to stop there now. All you guys gave me the happiest memeory of the Ocamp that I have never had before. Special thanks to 阿豪、文仔、山楂，仲有ViVi、肥草、Judy、Jan、女人、Elmend（查實我到而家都未識串。）、傑、Kalvin、Johnny、Jay、Galaxy、Dorothy。U gave me so much energy to participate and enjoy the Ocamp . ^_^
肥草，I believe you can do better than your "parents". ^o^ I believe.
To those will participate the coming Ocamp, hope u all enjoy the great time with partners and ur sons and daughters. ^.^
好耐之前阿聰教過我點樣可以令個email 整靚o的，一直係咁試都係唔得。不過，今日終於俾我試到，原來我一直打漏「<html>」同埋「</html>」。 ^o^
|
今晚Graduation Dinner，原本心情真係唔係幾好，真係唔鬼想去。……或者o的酒發作，先至好返o的……bilabala…… 睇住對面檯食飯真係睇到好多o野！全程未見過Jenny 出過聲、令我體會咩叫奇蹟Benjamin talkative、不斷影相、終於知道邊個係Kwok Leung（唔知點串啦！）、原來Preceillia 係咁大粒、好多staff 我都未見過。 今晚大興諗住in 部長，但都係唔得丫……人o地都睇唔過眼，主動出手相助。hahhahah……試下睇返段片。 ^_^ 我真係估唔到Lilian 會玩得咁癲，真係失覺啦！hehhehe……如果今晚有mood的話，我真係想同你玩晒成個場。 今晚自己失言，sorry, 大興！ John 以一首《半斤八兩》換上新詞勉勵我o地咁多位。說真的，我真的不太聽清楚歌詞，只知道是「一分耕耘，一分收穫。」 ^.^ 之後，去唱K。呢間K房令我記起我好想忘記o既o野……唔鐘意……中途閃o左出去海傍……未試唱K 唱得o個三支歌。 深夜時份行去海傍真係要大膽o的，否則俾訓 / 坐o係角落位o既露宿者嚇親。 香港領導階層或有關人等有冇真正關心過低下層人士？有冇真正關心過露宿者問題？眼看文化中心外面睡著很多露宿者，有些還很年青。有人關心過他們嗎？ 望向彼岸，香港夜景真係好迷人。^o^ 果然係世界四大靚景之一，呢粒東方之珠真係唔o野小。 冇心玩，歸家……冇巴士，索性慢慢行去旺角……出完一身汗，人都清醒o的，舒服o的。不過如果有你o係身邊，我會好好多，至少唔會亂發脾氣、情緒化……but you are not here right now. 冇幾耐之前Ken 仲話唔使買DC，因為我o地多的是，借o黎用都得。結果，尋晚就買o左部玩啦！hahahahh……新機主。 期待coming Thursday o既BBQ。 ^_^ 今晚相相 by 王欣， CLICK IT!!! Other photos will coming soon. ^_^ |
17/5/2003
(SAT)
靜……呢幾日我真係好想靜一靜。
有意無意蓄意俾說話我聽……我唔知啦！……總之我自有分數。
o係德國用英文問路，當地人會好敷衍答你，當你德文問，佢o地會細心地俾指示。don't know it's true or not, I just got from the book and radio. 我會搵機會去證實。
阿John 講到咁鬼吸引，真係想去八下星馬的Bars. ^_^
16/5/2003
(FRI)
冇出街，媽咪擔心我發「毛」……趕我出街…… ^o^
同阿John、仔去買酒，大開眼界。到而家我真係未識得欣賞紅酒……始終覺得o的味唔知點咁！Beer更加唔好講，好難飲。 >.<
跟住阿John 帶我o地去海防街市食好o野……撈乜話？唔記得啦……牛就唔食啦，食雞柳，好滑，唔黏牙！好味！
仲以為香港最少交通費係搭「叮叮」兩蚊，搭船過金鐘仲平，$1.7。
o拿！想撞下久未露面o既人或者等朋友，大可以試下唱歌o架！話說，我o地等女、Hills之際，仔唱起歌，佢仲問我會唔會有人俾錢錢佢……唱下唱下，有人同佢say hi，凝望o左一陣，先記得係中學同學。跟住，我提議佢轉一轉角度唱，睇下橋下邊有冇人應佢……點知！真係有人認，係碧琪……hahahhahaha……
等埋Hills，搭下巴士，入o左淺水灣享受日光浴。雖則尋日同太陽伯伯協議記住唔好匿埋，但係佢好衰囉，擺明叫我o地同佢玩捉迷藏啦，鐘意就閃下出o黎，唔鐘意就匿埋（好似我！hahahhah...）最後，我都唔覺自己有黑到。
Hills 幾好傾喎！^o^ 佢奇怪我o地幾個唔多傾計……係咩？或且呢o的係我o地style；或者大家都想靜下……whatever la！ ^o^
呢幾日已努力清email o架啦，都唔明點解佢仲話91%……再望多次，個email 又唔知幾點收o左一個四千幾K file……永遠要隔好一陣子先收到。............. >.< hahhahaha……係PD last lesson 的合照。 ^_^
《十萬噸情緣》係一個現代化的童話。
雖則話唔黑，我諗我o的皮膚都應該俾太陽伯伯「護理」不少，而家覺得有o的慶，正係手……
P.S. 長洲相相 by 大興。CLICK IT!!!
15/5/2003
(THU)
呢幾日懶o左冇日日update 日記，掛住打桌球、Graffiti……一日最衰Garrick！ ^_^
我右膊好痛……好鬼痛。
14/5/2003
(WED)
終於冒險完啦……好彩有Talie 幫手，否則我真係困死o左個荒島度。 ^_^
之後，又開始另一個探險，但實在太辛苦啦，對o左部腦成日……STOP！
夜晚再續，三仔「九母」煲粥﹐煲到四點幾，你應該多謝我o地兩母女啦，提醒你仲有3- line！hahahhah……搞到我個膊頭好鬼痛呀！ >.<
Yahoo Graffiti 好好玩呀！變相版o既無敵大電視。
跟住又打下麻雀、Pool先訓……我同個女批死佢︰「三點不露。」仲話日光浴丫啦？ ^_^
13/5/2003
(TUE)
今日係Golf's Day, 好好玩呀！終於由雙位數字打到單位數啦！Fantastic ar!!! hahhaha……
12/5/2003
(MON)
一心戒食Tea，但係俾大興搞禍o左……hahhahah… ^_^
去到碼頭，人都未到，我同大興入去長洲先！兩條友一上船就狂影夕陽！真係「夕陽無限好」，好靚呀！CLICK IT!!! ^o^ 到啦到啦，過去沙灘o個邊等佢o地入o黎，今日天氣一流，我覺得個沙灘好靚呀。記得前年o既沙灘一o的都唔靚，因為天陰陰，又落雨。再加上少人o係沙灘，個feel 真係唔同o的，好好好好……舒服。遠處有隻北京狗想玩水但又怕水，結果俾人捉o左落去一齊游水，but 最後都係俾浪沖返上岸！好搞笑！不過講到好笑就唔及o個對母女，服o左佢o地。hahhahahahh……
人齊啦！買完o野食，行半個鐘路程到達位處偏僻o既燒烤地方（西堤o個邊），真係自處一角。爐真係好大，不過我覺得平時o的BBQ 爐好好多，起碼燒得舒服o的。
正所謂眼闊肚窄，食唔晒！送埋俾碧琪做生日禮物。食到尾聲，有隻狗狗週圍走，雖然仲有一段距離，但我都係驚，話晒呢o的咁o既荒山野嶺地方唔係我o地個地頭……好彩，一切相安無事。
今晚我做o左「吉野家」，仔依然係「雞翼王子」，而Jando 就係新鮮出爐o既「香腸王子」。
好多o野真係迫自己做先識o架！尤其係我呢o的大懶人，好似吉雞翼、扒！^.^
撥水節過後，就由壽星女「吹」熄「蠟燭」，今晚燒烤派對暫且告一段落。
六個人急急腳行返出去趕船……結果Miss o左……2345。
警察先生建議我o地租屋住返晚，平喎！~~~ 跟住，去o左沙灘坐，好舒服呀，陣陣海風加浪聲。 ^o^
仔……出事啦，佢毅然挑戰尺度。
等到0220班船，十多人上船，除o左我o地之外，一個二個都訓覺。哥利同仔可能飲多o左，有少少wing wing 地，hehhehe……DCs 東影西影 ^.^
返到屋企都已經差唔多四點，不過今日好開心呀！
我o地挑唔挑戰倒呢個時間表？
| 18/5/2003 (SUN) | 1700-2200 | Graduation Dinner |
| 2200-0600 | 唱K劈酒 | |
| 19/5/2003 (MON) | 0600-0800 | 早茶 |
| 0800-1300 | 晒太陽、訓覺、玩？ | |
| 1300-1500 | 回程返校 | |
| 1500-1800 | Wine Appreciation |
P.S. Garrick, take care!!! ^o^
這裡是香港，這是是我家。
^_^ 香港真係好靚o架！
11/5/2003
(SUN)
10/5/2003
(SAT)
今日勁好天。正！ ^_^
一下子掃晒《Beyond 放暑假》，好好笑！劉德華o個集最好笑！hahhaha……
佢o地o個時o的衣著好「娘」，而且有o的衣不稱身芊C
估唔到我都聽過佢o地咁多歌，識哼但係唔知邊首打邊首，一句講晒︰「正！」
佢o地四個人諗o的主意真係……餿主意！hahahhah…… ^.^
《抗戰二十年》覺得家駒都好似唱埋一份。 ^o^
雖然唔係Beyond Fans，但係所認識o既歌真係好有意思。或者咁講，我覺得本地Band o的歌係有意思。
再睇埋《Matrix》，又係一套好正o既戲，但係次次睇親呢套戲都好頭痛……似乎我諗得太多啦！話時話，Beliving 真係好緊要。 ^.^ 仲有， 知和行是不一樣的，好似幾有道理。
琴晚睇電視教蒜茸炒牛柳，一來貪玩，二來 lum 下細佬，結果衰o左……雖則媽咪同細佬話不過不失 >.< 下次記住落多o的蔥同蒜頭，同埋少o的豉油（查實我都唔知鹹唔鹹，只不過感覺上好似多o左！）um……諗下仲有咩好配搭先，好寡呀~~~
伊戰結束，咁飛碟呢？
9/5/2003
(FRI)
終於考埋最後一科啦~~~鬆晒！
踩單車、踼毽、在班房中起舞、捉迷藏，我o地搵日全部o係學校做晒佢！仲有乜呢？好似好少添……唔…但個捉迷藏真係可以玩好耐喎！
好！我o地一於o係o個晚guaration dinner 完o左之後，重溫我o地Year 1 o既淫亂（淫亂？hahhahah……）生活，由朝玩到晚，唔係，係由晚玩到朝。 ^_^
飲完茶，就入去西貢清水灣一趟，雖然入到去都五點多，太陽伯伯又唔多露面，人又多（諗住冇乜人），但係見到海、青BB o既植物都好舒服。今日好大浪，所以o的浪聲都特別激昂……hehehh…好似慶祝我考完試！
而細妹就陪我呢個傻家姐癲，真係入去走一趟就走，遊巴士河（難為佢要面對暈車浪~~~）。如果時間同太陽伯伯許可的話，我會o係呢度逗留耐o的。
唔……我真係好想見下日頭o個個西貢大浪灣（希望冇記錯！）上次夜晚冇乜光之下，所見o既海灘已經覺得好正，唔知日頭會唔會真係靚到正如David 所講咁o既樣？我真係好想睇呀！
細妹︰「家姐，我覺得你會係揹住個背囊去浪流o既人。（其實，我真係好想揹住個bag 週圍去）失驚無神帶o左個唔知邊度o黎o既男人返屋企就話結o左婚。（我真係唔排除呢個可能性喎！即興嘛！^_^）
我同細妹就走o左去清水灣，大興同Olive 就走o左去白沙灣。我未釣過魚，下次玩下先。根據你今次o既經驗，我o地記住要帶個撈去。 ^_^
仔話我o地要去晒咁多個沙灘，仲要做Beach Boys……唔……你有冇諗到我o地兩母女呢？Beach Boys？ ^_^
yeah~~~原來沙律都玩SIMS，好！好！好！
P.S. 話明二人打氣，天下無敵。我都算OK，唔知今日Shirley 點呢？
P.S. 天陰陰，影o左好少相相。 CLICK IT!!!
|
陰陰天的清水灣二灘……如果天晴就好啦！^_^ |
我o既至愛。
^o^ ……本新到唔新o既Monday 就俾我剪爛o左啦。
8/5/2003
(THU)
《藍鳳凰》
人物說明︰ 個性豪爽，沒有心機的個性，很容易和男生打成一片，身旁男的友人很多，但就獨缺另一半。建議愛就要說出口，開朗的女孩是很受歡迎的哦！只要將心中的話表達出來，才不會讓機會一再擦肩而過呦。雲南苗族美女，喜愛花花綠綠的裝扮一如其名。她擅使蠱，使毒，全身上下都有毒物，令人退避三舍。因日月神教聖姑任盈盈之故，以一教之尊不惜以自身鮮血為令狐沖療傷。為人爽朗，落落大方，堪稱女中英豪。但因任盈盈之故，雖對令狐沖有好感，祇與其以兄妹相稱。《笑傲江湖
》
命格優勢︰積極、有活力。
命格缺點︰情緒不穩定、急躁，容易生氣。
你的信念︰我就是相信 效率為成功之母。
愛情模式︰情侶個性相合最重要！
增進桃花的建議︰男性化是不好的，溫柔是帶來桃花的藥方。
http://jy.chinesegamer.net/live_move/fate/
雖然得個玩字，但我覺得就好準，連大興都話形容得我好o岩。^_^
結果o係呢個hp 玩o左好耐，發覺好多男仔都係喬峰……大興話女仔就好多阿珂，正想我o地想搵個韋小寶，我已經將最有桃花運o既人士計一計數，冇……但原來遠在天邊，近在眼前……Daddy？不過，我又有問題想問，如果改過名，邊個作準？^o^
金督馳馬徑……我o地會o黎探你！ ^_^
唉……結果真係冇乜溫書去考試。 >.<
呢幾日唔知點解覺得成日有o野咬，好痕……
呢幾日我真係好鬼無聊，數下身上o的疤痕……早幾日仲諗緊個下巴幾時撞到咁鬼瘀，邊度撞……終於記得啦！飲醉o個一次，o個時都唔知幾驚o的瘀一直留o係度，過逢仔捐血時，護士又俾o左o的去瘀膏俾佢，我真係諗住問佢拎o黎試下，皆因我真係捽過好多次都係咁！好彩而家冇事……不過我就醒唔起左手邊o既疤痕點整返o黎，但我肯定係舊年暑假時間，因為阿Jack 講過︰「留疤痕。」 ^.^
我要見你o地呀~~~~~好耐冇見啦！人o地BB 個阿媽？hahhahhaha……記住啦！你起孖o既，我呢個契媽就一定幫你湊一個！記住，你起孖先至算！ ^o^
7/5/2003
(WED)
結果都算係溫晒，背晒要背o既o野……不過，有一個美麗的誤會，一直以為佢講o既7-12係Chappter 7-12，到考試過後先知係Session 12。好彩Long Question 冇事，MC 諗住全中，但單憑上堂依稀記憶做最尾o個幾條問題……應該中唔晒！ >.<
回應返先，其實o個次澳門之旅我都有諗過唔去，話晒得我一個女仔，我驚冇話題呀！但我真係冇諗過安全問題喎！斷估你同阿西唔會恰我呀，話晒一場朋友，hahhaha……雖然阿偉第一次見，但話晒係你好朋友喎，都信得過o既！鐘公子 ^_^ 不過呢次澳門之旅真係唔錯！都要多謝下幕後另一個o既鐘公子，雖然佢冇去，但係因為佢令到我呢次行程添上唔少娛樂。hahhahahha……其實呢，到而家依然好怕自己一個人訓酒店房，感覺不大好…… ^o^
如果唔係你，我諗我都唔會實踐去旅行。真o架！拖得就拖。好彩有去o者，仲去埋台灣。一係唔去，一去就去到盡。 ^_^ 我依然覺得識到Shirley 佢o地係我個最好禮物，真o架！^.^ 話時話喎，我好耐冇見過優婆，掛住掛住！你個bag o係我度呀，o係度記住帳先。我真係冇諗過去完旅行可以仲keep……真o架！你個優婆呀（Toby 知道你係優婆啦！）真係好鬼體貼o架！你早前一個電話問我有冇事，我o個邊情況係點，雖然表面睇落去冇乜特別，但係聽o個個，即係我呀！好warm 呀！ ^_^
亦都因為你o地，開始我o既第一次Wild Camp，正呀！搞到喊晒口仲唔話正？我仲記得自己個承諾，你o地呢？我一定會做得到。喂~~~聽講你仲大癮過我喎！你仲帶頭話夾錢錢買露營用品添！不過，我真係享受Wild Camp。
There's always going to be people that hurt you, so what you have to do is keep on trusting and just be more careful about who you trust next time around.
CT 都係唔知點溫……
掛住沙灘與太陽，所以我打算…… ^_^
假如動心 假如認真 不如就早婚
想待妳好 想多相處 想令妳安心
假如著緊 不如別等 既然合襯
不必再 找來和找去 世人前跟妳 熱吻
假如動心 假如認真 不如就早婚
金屬戒指 簡單婚禮 一樣夠窩心
假如著緊 不如別等 既然合襯
早一秒 給旁人知道 有人還相信
那最舊派婚姻 十八直到近百 也是帶著老伴同行
from SHINE《簡單而隆重》 ^.^
6/5/2003
(TUE)
5/5/2003
(MON)
4/5/2003
(SUN)
玩The Sims……鐘意玩係因為可以砌一間自己鐘意o既屋。
好明顯我同我細妹係好唔同style ，我就好鬼清，主要藍白加好多靚靚植物，最緊要花園擺o左個韆鞦！ ^_^而我細妹真係花厘花綠。
 |
要背o野啦……
CT 都唔知點溫好，一係少到唔少o野溫，一係多到趴街……都唔知點算好。
3/5/2003
(SAT)
雖然以前都睇過兩位大人o的相相，但係今日睇唔知點解會有咁多樂趣。um……好襯青春留情影呀！hahhaha……
似乎當時好多年青人鐘意去石澳、淺水灣呢o的地方……媽咪問Daddy︰「點解去咁多次未見過你？」Daddy︰「……」我︰「或者你o地擦身而過都唔知呢？hehhehehhe……」
咦！原來Daady 都有露營o架！hahhahah…… ^.^
o拿！唔好成日話我o地三隻o野咁貪玩，你o地咪又係咁，只不過我o地青出於藍之嘛。 ^o^
媽咪話睇返呢o的相有o的心酸。我就覺得感慨一定有，但唔需要心酸，你感慨，係因為有事令你感慨，亦都證明自己並無虛渡時光，乜都冇做過。
終於俾我搵到最細細個影o既唯一一張相……滿月時影……媽咪話當時o既我有十磅……唔係呀化……雖則我出世時係重過人……hahhah……我真係好想整個BB 面珠dum，實在太脹卜卜啦！
有一段時間我唔鐘意影相，因為我覺得keep in mind 已經足夠。但係而家我唔會咁諗，因為我想同人o地分享自己o既回憶。
2/5/2003
(FRI)
書，終於溫。不過冇返到學校……始終覺得屋企好o的。
短期目標︰聽日溫晒IM 7-12。
《帝女花》個結局令我有o的失望，與其係咁，我寧願佢係經典版結局。
《智勇新警界》個結局都係爭o的~~~
Shine 新出o個隻碟，略略聽o左一次，有o的失望。
1/5/2003
(THU)
尋晚一直訓唔好。
今日終於的起心肝執好份CV、application letter、順手寄埋。原來份o野真係可以執好耐。
書都係冇溫到啦……睇返Jack o個隻VCD，hahahhaha……o個時選莊真係唔知邊度有咁多精力嗌咁大聲，日做夜做！唔知道係咪投入問題，總覺得我o地呢屆之後就靜好多，冇咁好玩。
話時話，而家o的兒童節目真係變o左好多。前日睇「至Net小人類」，我仲以為佢教瑜珈，原來係教緊跳Jazz。
30/4/2003
(WED)
Listening 考試……最後一次。以為佢會入場前探熱，原來唔係，係入到先度，不過o係屋企check o左就唔使……臨入場前，見數個清潔人員入場清洗，清洗過後，方可入場。
入到去見到Alan（應該係，我認得佢，但真係唔記得佢個名啦……肯定A字頭）、再見到Joey，個心定好多。 ^_^
考完之後print 埋 notes，原本我真係諗住一直唔出聲，點知online on 咁耐，女又未online……明明見佢開o左 dl icq~~~咁耐？都係忍唔住叫o左佢一o野……無錯，我一直坐佢後面，但佢冇留意到我，由此證明佢係好專心做佢自己o野。^_^
之後，兩母女出o左旺角睇DC。睇o左好幾間，終於買o左啦，同大興做襯家。如果唔同個女行，我真係唔知Canon會係有咁多functions。
今晚，我o地去o左一間黑店食飯，呢間店簡直係misrepresentation，要sue 佢！ >.<
呢幾晚都係落雨……
29/4/2003
(TUE)
今日係最後的一課，冇乜特別感覺。或者呢一日唔係最後返學，仲有考試，所以冇乜特別感覺。又或者人大o左，呢種感覺冇咁強烈。離離合合都係人生常事。
上完堂，成班友（我啦、女啦、仔啦、Jando啦、哥利啦、Ashley啦、Dee啦、大興啦）o係 Golf場聚聚先。之後再上o左七樓玩，男o既Janga、女o既彈琴。講開彈琴，聽親學琴o既人都話悶、唔好玩，但係由細到大都好想學，或者得唔到o既o野永遠都係最好…《摘星星》摘不到的星星，總是最閃亮的。溜掉的小魚，總是最美麗的。錯過的電影，總是最好看的。失去的情人，總是最懂我的。我始終不明白，這究竟是什麼道理。 ^_^
等埋西西，就落樹記食飯……呢餐飯好似冇乜特別，其實對我o黎講呢餐飯諗返起好多o野。搞莊時，成班人一定會落o黎食飯，因為傳說話唔o黎樹記食就上唔到莊；雖然上唔到莊，但我o地時不時都會落去聚聚，同馬騮哥飲下酒，傾下計，不過我最深刻o既一次，都係莫過於Garrick 第一次到樹記，七點幾食飯，食到凌晨三點多，酒一杯又一杯……好記得！仲有大莊請食飯筳開幾圍。
食完之後，再去Inn Side Out。雖然呢度可以隨處拋花生，但係拋o係人o地o個杯o野飲會開心好多！最衰o個時旺場，否則坐出面真係個feel 好好多！
今次幫o左我至愛Sheltering Sky 影相相…
意猶未盡，成班人再去維園坐坐。臨走時，成班友行石春路，開始時真係唔係幾好受，但行下行下覺得舒服，不過腳跟依然痛。行完之後，好舒服，感覺上醒神o左好多。 ^_^
唔……我始終覺得總有部份Artist 唔係做o個o的……
乜o野叫地區性落雨？一出獅子山，o的雨bilibala……返到屋企，仔話佢o個邊冇落雨，而我o個度真係傾盤大雨。
P.S. 今日o的相相，from 大興……CLICK IT！
P.S. 今日o的相相，都係 from 大興……CLICK IT！
P.S. 今日o的相相，from 自己…… CLICK IT！
P.S. 突然好想買返《聽幾米唱歌》。
P.S. 仲未完全掌握到Stitch Assist Mode技巧，但真係好好玩。Ashley、女同埋我都迷上o左……hahhahah……
28/4/2003
(MON)
結果韓文溫o左一個鐘就去test…
o係CSC用printer真係可以睇到人品，o個o的又唔係print，但又要霸住部機，係冇品。明知繁忙時間，但又要print 好多o野，又唔顧下人o地print 少少o既，都係冇品。
功課KO晒啦，諗住入赤柱 or 西頁一趟，但係太眼訓，最後都係返o左大埔……不過……
又因為Sandra 呢隻魔鬼，結果我係遊車河，又出去搵佢……
雖然通o左頂一晚，以前唔算得係乜，但而家一返屋企就recharge……有朋友問我：我返工時，呢種貓頭鷹生活適唔適應到？佢仲睇得o係我日日玩返工，晚晚玩……真係俾面。 ^_^
27/4/2003
(SUN)
趕PD……雖則話趕PD，但電視係照睇。
原來上次PD行山路過o既赤徑以前係一大遍稻田，原來我成日話o的向上生又紅紅地o既植物係吊鐘花，好靚呀！春天係佢o地開花o既季節，仲有佢o地o的杈係對稱o架！仲有個個龍谷溪（我諗應該o係附近）令我諗返起中六 Geography Fieldtrip 梅窩 o個條清澈到不得了o既小溪。
急智天王真係急智天王，問題即問，答案隨歌附送。唔好理係咪做媒，佢有得呢個名一定有佢原因。寫個服字俾佢！
再睇埋Loving You，呢集真係笑死……我諗專業o既配音員唔會係咁掛？
十一點幾啦，PD 又未做完，韓文又未溫……
雖則今次PD望落去好似好易做，但係做o既時候，真係唔係易，原來自己都唔係幾清楚自己。不過，呢三年真係過得好豐富，學到唔少o野，多到我唔知寫邊o的好。
而今次份PD功課，都係出自唔少diary……終於搵返齊o的Diary 啦……Link返晒！ 幾個HP，各有各風格。 ^o^
26/4/2003
(SAT)
好掛住星加坡……
今日三仔「九母」走o左去銅鑼灣同埋灣仔搵酒樓，酒樓大把，問題係邊間好？同埋要顧好多o野……
灣仔有間叫做「金鳳茶餐廳」，o的蛋撻勁新鮮熱辣！好味好味！
如果我o地當時上到莊的話，表現會唔會好好呢？說真的，我會有所保留。
PD又未做，韓文又要test，全部星期一…… >.<
人係犯賤……當功課無乜scope 俾你，你就會埋怨「即係做乜呀？點寫？」當功課set 定一個題目時，你又會埋怨「即係做乜呀？點寫？」。
「失去才會懂得珍惜。」^_^
話我大唔透？係呀！不過都唔係成日o者~~~叮噹話晒都係陪住我成長，好鐘意好鐘意。
新出o既雪碧Cool唔錯。
25/4/2003
(FRI)
如無意外，晚宴都可以順利舉行。我o地要快手o的籌備啦！^_^
哎！復活節冇得玩！考完試又冇得去番「魚」……呢個SARS 真可惡！
今晚爭o的做錯一樣o野，咁做HR真係死得！切忌切忌！要耳聽八方，多方面諗……記住！
我服o左Shirley，工作之餘又參與社區活動。我真係好欣賞，我都有諗過工作之餘，做義工，幫到人之餘又自己開心，正所謂「助人為快樂之本」，起碼唔會成日埋頭苦幹返工，放假節目永遠唔係唱K，就係行街、訓覺，生活係好鬼枯燥。雖然我依然係學生哥，但係正係返學放學、吃喝玩樂真係覺得自己好頹廢、生活好悶。
雖說大埔係重災區，但係我亦唔見有乜特別。唔同o既係嗌pizza就要自己落樓拎。
溝通永遠係所有問題o既根源。
Communicating goes both ways.
Playing catch goes both ways.
Both parties do the talking and the listening.
**************************************************************
What if one person does all the talking?
You can't talk when you want to which makes it hard to breath.
**************************************************************
What if lots of information come at you all at once.
You feel powerless.
You feel confused.
**************************************************************
What if your balls gets tossed away?
You feel shock.
You feel frightened.
**************************************************************
What if a different color ball comes back?
You feel puzzled.
**************************************************************
What if the other person kicks your ball back?
You feel as if you are not worth existing.
**************************************************************
What if the other person doesn't catch your ball.
You feel ignored.
You feel like you don't belong anywhere.
**************************************************************
What if you get caught in a really rough game of catch?
You feel confused.
You feel fear.
You feel uncertain.
You feel stiff.
**************************************************************
When you're talking to someone, what happens if someone else starts talking to the other person?
You feel all alone.
You feel left out.
**************************************************************
When things like this continue, you're afraid to start new relationships.
You get nervous.
You can't throw the ball.
You can't catch the ball.
You hold on to the ball.
But everyone feels uncomfortable at first.
So, we can start by sharing this feeling of uncomfortableness.
People get strength from relationships with other people. They act on that foundation.
People feel all alone when they stop communicating or have unfavorable communication.
When you're all alone, many symptoms appear. You don't feel like doing anything. You have no peace of mind. You can't believe in people. You become passive. You can't feel anything.
This happens to anyone when they feel lonely. If we want to relate with people, there is always a risk. No matter what, no one can live a life without relationships.
With an understanding of this, we choose to play catch after all.
24/4/2003
(THU)
今日返去上最後一課的PD—學魔術，呢個魔術只需要用一o的字眼就可以令人o既說話變得更加powerful。雖然PD 最後一課未致於話唔捨得，但有一種唔知點形容o既感覺……咁就三年啦！
放學之後即刻返屋企死埋份功課出o黎……我諗我可以考領隊牌帶人遊花園。
好啦，I feel GREAT today, and it's time to RECHARGE. ^_^
P.S. 原來麥當當o既茄醬真係有酸度之分，數字越大就越酸。
十二星座之「最」— 水瓶
1. 最會發生網路戀情 （咁我咪好唔得閒？）
2. 最鐵齒 （唔明點解！）
3. 最貪玩 （呢樣睇得出啦！）
4. 最容易做孤魂野鬼 （都未死，唔知！）
5. 最理性 （視乎情況啦！不過感情就一定好理性。）
6. 最貪睡 （擺到明係啦，就算訓到幾飽都可以再捧頭大睡。）
7. 最愛聊天 （又唔多會係！）
8. 最難理解 （贊成，或者熟識我o既人都未必理解我。）
9. 最能成為應酬專家 （我鐘意接觸唔同人，但係咪應酬專家就唔知啦！）
10. 最有同性戀傾向 （嘩！唔係呀化。）
11. 最會發生一夜情 （有說水瓶座o既人乜都會夠膽做，思想前衛…）
12. 最需要自我空間 （擺到明係，否則我真係會發癲。）
13. 最重視朋友 （朋友我覺得重要，但係我會最重視屋企人，因為我相信做得屋企人都係幾生修道得o黎。）
14. 最愛獨處 （既然需要自我空間，當然愛獨處o既時間。）
15. 最特立獨行 （又o岩喎！唔想煩到人。）
16. 最怕沒有心靈自由 （唔……自由邊個唔鐘意？但問題係我仲未理解到咩叫「心靈自由」。）
17. 最看不起錢 （錢唔係萬能，但冇錢就萬萬不能。）
18. 最我行我素 （都幾o架！）
19. 最會拖時間 （一時時啦！）
20. 最不講義氣 （唔係呀化……我係義氣仔女喎！）
21. 最沒同情心 （反對！）
22. 最能靈肉分離 （咩呀？精神分裂？）
23. 最重視精神層面 （學Marslows 話齋，我o地先滿足自己基本需要，先慢慢再尋求精神生活。）
24. 最可能當黑馬 （一時時啦！）
25. 最敢與眾不同 （視乎情況而定。）
26. 最無性別概念 （幾o岩！）
27. 最會帶領風潮 （我冇咁o既能耐。）
23/4/2003
(WED)
已經專登遲起身、遲出門口、放慢腳步……咁都八點半返到學校……
哈哈……西西套和式睡衣終於可以大派用場啦！呢個時候著又唔焗又唔會話太薄，o岩o岩好！ ^_^
份CT 功課終於有o的頭緒，好彩有家慧提一提我呢個大頭蝦，否則我真係發晒癲，THANKS ar!!! ^o^
今日Louis（現莊MG P）打電話o黎，有o的意外。不過應該係我搵佢先o岩……點都好啦！今日一談，好似傳授武功咁，雖然得o個少少……起碼佢肯打電話問下，好過自己亂o黎！
如無意外，今年應該仲有得玩細O。
9/7/2002，「傻婆，知你多線眼啦！我好乖，冇乜飲酒啦……你話澳洲大，夠我o地一齊發癲！當然啦，不過咁喎，我怕我o地會搞到澳洲天翻地覆，遲早陸沉喎！咁o的教科書就要改書啦！再唔係「七大洲五大洋」，而係「六大洲五大洋」
^_^ …… 仲有一個月，快o的過埋去啦！Miss You! Miss You! Miss You! Miss You! Miss You!
Miss You! Miss You! Miss You! Miss You! Miss You! Miss You! Miss You!
Miss You! Miss You! Miss You! Miss You! Miss You! Miss You! Miss You!
Miss You! Miss You! Miss You! Miss You! Miss You! Miss You! Miss You!............」（雖然而家唔係分開兩地，但我都Miss
You o架，傻婆！我都希望有一日同你o係澳洲發癲呀！）
19/7/2002，「你要乖，唔可以o係會上面亂發脾氣，o的councilors 睇你面色o架！大個女啦……」（自從上o左莊之後，EQ 真係低o左好多！）
各位HRM
Yr.3 同學:
好感激CV COMMITTEE 佢地幫我地攪CV BOOK 同班相以致派發畢業紀念品，雖然我地冇FORMAL 0既
grad. din 不過都想籍著呢個機會同大家及有教過我地 0既教職員聚首一堂，舉行一個晚宴。晚宴會以經濟為原則，希望大家參與及提供意見。亦希望大家可以將呢個message傳俾其他同學。
22/4/2003
(TUE)
心情煩躁……
又話H2O二揀一，Twins 咪又係兩個出晒o黎賣廣告，綽頭！
《The Amazing Race》幾好睇，世界版o既Treasure Hunt，揹住個大大背囊週圍走……唔知幾時玩到香港？ ^_^
有時我會覺得做一個管家婆都唔係好差。 ^o^
|
如何分辨SARS 與一般感冒徵兆及症狀？
|
|||
| 徵兆 | 流行性感冒（Flu） | 普通感冒（Cold） | 嚴重急性呼吸道症候群（SARS） |
| 症狀的開始 | 症狀突然發生且在數小時之內惡化。 | 症狀逐漸發生，從鼻塞開始。 | 發燒（高於攝氏 38 度）。 |
| 喉嚨痛 | 偶有明顯的喉嚨痛。 | 喉嚨沙沙的，較不嚴重。 | 程度不明的喉嚨痛。 |
| 發燒 | 高溫（體溫高於攝氏38 度）。 | 較少見發燒，如果有的話，溫度也只有些微的升高。 | 高溫 2 天以上。（體溫高於攝氏 38 度）。 |
| 頭痛 | 通常伴隨嚴重的頭痛。 | 偶爾會有輕微的頭痛。 | 程度不明的頭痛。 |
| 酸痛 | 會造成全身的關節疼痛，會有明顯且續的疲勞與虛弱。 | 較輕微或少見。 | 頸痛、肌肉僵直或酸痛。 |
| 咳嗽與噴嚏 | 症狀開始之後的頭 1-2天之內通常會咳嗽，打噴嚏則較不常見。 | 通常會有打噴嚏與鼻塞。 | 乾咳。 |
| 病程 | 疾病期為 1-2 周，常有胸腔不適感。 | 短期間可復原。 | 最好的治療方式尚未明朗。死亡率約 3% |
| 併發症 | 嚴重、如肺炎、鼻竇炎、支氣管炎及兒童的中耳炎，也可能造成心冗炎與腦炎。 | 較輕微的。 | 食慾不佳、神智不清、呼吸困難、皮膚疹或下痢、肺部病變等。 |
| 潛伏期 | 感染病毒的 1-3 天發作。 | 2-7 天，最長 10天。 | |
………幾時心情先好返o的？我真係呢期冇乜mood……
21/4/2003
(MON)
食完好好味o既叉燒腸先訓，真係肥死呀！^o^ 哥利講得o岩！「ABCD......E......之後到F ，so.....Eat 之後係 Fat。」hahhahah……
o個o的Employment Oridance 真係又長又複雜，I mean 佢o的句子複雜，睇到我頭都大埋，又at least, not less than……睇返中文仲衰，更加唔明！>.< 咁究竟少唔少呢？……不過呢，睇完之後真係學識好多o野，今日o的fds 講開返工假期、病假，都明佢o地講乜！ ^_^ 有用！
任何時候都係學習時候。今晚同班中學朋友仔食飯時把握機會practice 下o的禮儀先，學o左唔用真係唔記得。 ^_^
好好好耐未玩過貼紙相，五個人就走o左去玩。估唔到而家o的機越來越多花臣。呵呵呵~~~一個二個都美白晒！
你估我o地下次見面時，我同首領有工未呢？小敏又事成未呢？
要改下打字o既手勢，否則真係手尾長啦！……要學「釣手」。
雖然我唔知事情發展成點，但似乎settle down o左。點都好啦，死仔包，抖抖啦！we always beside you and we want you happy. ^o^
20/4/2003
(SUN)
我決定今晚要溫八成EP，聽日出去玩，唔好o徙個太陽。
《Returner》又ok 好睇喎！
朋友？有時我真係唔知點介定，但係我肯定我從來冇當過你係我敵人。睇返你寫俾我o的o野，o個時冇乜特別，但而家有所領悟。^_^ THANKS!!!……遺憾o既係我冇勇氣同你道歉。我真係好想畢業前同你講……
19/4/2003
(SAT)
今日心情也不大好！
頂，o係邊嘔間公司出o黎做CT呀？唔鬼想做！
而家我最擔心係山楂同Eddie。
18/4/2003
(FRI)
今日天氣雖然好靚，但係今日我心情唔多靚，好煩……我都唔知點解！
總之今日好唔開心。>.<
收到沙律message，我感到愕然，我感到心痛。故事好似又再重演……眼中o既強人不支倒地，彷彿聽見你o既哭泣聲。我明白強人都係人，你總有tired、軟弱o既時候。當承受唔到時，會想抽身離開（呢點我非常清楚）。或者咁做確實會舒服好多，但係另一方面會俾人覺得自己不負責任。企o係朋友立場，我當然想你開心，唔好再有咁大壓力。但另一方面，我唔想你俾人認為係一個不負責任、有事就閃o既縮頭烏龜。我真係唔想！我明白你而家覺得好無助，但係你要知道你坐得呢個位，你就要面對臨臨種種o既挑戰。你記唔記得你自己講過要做乜？我依然好記得你o個種躊躇滿志個表現，你仲記唔記得？而家去晒邊？
我知，我知你而家好tired。不如你短休一會再重新開始，好唔好？你要知道我o地仲o係身邊支持你，幫你。
朋友，我真係好心痛，我為你心痛，我為Council 心痛。我而家真係好痛，原來由始至終我都係冇放低過Council。
17/4/2003
(THU)
凌晨四時多，收到一個訊息……
朝早七點睇返個message……一頭冒水。
明明起o左身，但因為實在太眼訓，索性唔返學。……結果仔話「慈母多敗兒」搞到佢都冇返！（咁你認我係慈母啦喎！hahhhahah）
宿舍o個度總算settle 好。保險又settle 好……perfect！又學多一樣o野，有時冇必要就唔好自找麻煩。
失驚無神整單咁o既大單o野出o黎……Eddie 再咁搞，我怕佢捱到病。眼見而家Council真係……唔明朗！你話點算好？Eddie，anytime 搵我o地啦，我o地ready，唔好做壞自己，我o地會幫你。OK？Take care~~~唔好令Iris 同埋我o地擔心。
16/4/2003
(WED)
今日朝早同晏晝真係BULL SHIT！
唔知搞乜鬼，今朝竟然大傷風……仲要返到學先係咁……搞到我都唔知走唔走好，呢個時期咁樣好鬼尷尬。>.<
諗住自己今日都算遲返o架啦……點知一入課室得四個人，我都呆一呆。跟住o的人先至陸續返o黎…
頂唔順，返屋企抖抖先…
抖唔夠一陣，學校打電話o黎話仲唔交學費就term，仆街丫，由一月煩到依家。總之都係一句︰幫人真係要三思。
學校算係唔話得o架啦，驚死你唔記得。打完一次，晏少少宿舍o個邊又打電話提我交，否則就term。……第一個反應都係︰「仆街！」
執屋執到十二點幾，o的肌肉有o的酸痛，不過執完之後有o的滿足感。不過，丟棄唔要o既o野o既時候，我覺得自己真係好o徙o野。咁o岩新聞播緊伊拉克的慘況，物資如何不足，但係我就o係度丟棄……折墮！
等埋細佬放假，清埋最後兩個目標就perfect 啦。不過，我要諗諗佢堆模型，電腦零件擺邊好……成座山咁…… ^_^
15/4/2003
(TUE)
一早返去聽個Talk，雖然唔知聽到幾多，但起碼好過上次ICAC o個個。
雖然食o左碗通粉先返學，但係都抵唔住Canteen 早餐o既誘惑，食o左雞柳腿，今朝真係早晨全餐啦！ ^_^
幫師拉搬完o野之後，佢問我覺得個Talk 點，諗住講完就閃，點知佢仲問我覺得個Course 點，腦海即時閃過︰「請另一個教。」，當然啦，我就冇咁大膽兜口兜面講，我份assignment 同 test 都未完。
返屋企繼續執……不過今日真係執到好少，因為中途太眼訓，訓o左……明日再續。
14/4/2003
(MON)
終於復課啦！^_^
好耐好耐冇上過韓文，我肯定本來上次Last一堂係pre-graduation dinner o個日，但因為貪玩，蹺課。幾驚Miss Kang 唔記得我呢個學生。 ^o^
好耐冇見過CSC咁熱鬧。要搵機print notes……
執屋真係要由朝執到晚先執得完。執o左幾個鐘都係執得o個一個角落，CD、VCD、DVD一大堆，有o的買o左返o黎未拆過，原封不動。跟住細佬放工，又幫手執少少（查實我冇諗住佢會執，話晒放工返o黎都tired… ^_^）。佢見返好鬼耐冇玩過Game Gear，「點解以前我會玩咁大部機？」。嘩，o個兩部Game Boy 鋪晒塵都仲可以玩到，好！……睇返以前o的紀念冊、校刊，話咁快又大學畢業。 ^_^
聽日再續啦……
o的飛碟終於飛到o黎啦！ >.<
13/4/2003
(SUN)
停課的第十六天，聽日復課啦！
苦學韓文打字……本來一份只需十五分鐘做完的功課，足足用o左一個鐘做。
沉默是金 張國榮
夜風凜凜，獨回望舊事前塵。
是以往的我充滿怒憤，誣告與指責，積壓著滿肚氣不忿，對謠言反應甚為著緊。
受了教訓，得了書經的指引，現已看得透，不再自困。
但覺有分數，不再像以往那麼笨，抹眼淚輕快笑著行。
冥冥中都早決定你富或貧，是錯永不對真永是真。
任你怎說安守我本份，始終相信沉默是金，是非有公理，慎言莫冒犯別人。
遇上冷風雨，休太認真。
自信滿心裡，休理會諷刺與質問。
笑罵由人，灑脫地做人。
少年人，灑脫地做人。
繼續行，灑脫地做人。
12/4/2003
(SAT)
停課的第十五天，探班+功課。
凌晨，到處撩人食宵夜。個仔由十二點食到三四點，佢自己都識話自己係「化骨龍」。個女最後都係食o左宵夜，跟住就訓…… ^_^ 我諗住整麵食，但基於大工程同埋食飽就訓會肥上加肥，最後都係以四分一包麥芽酥餅搞掂（都係肥！^o^）。
三個女仔相識於三年前的暑假，相識於工作間。暑假過後，各自為自己的學校生活而忙。雖然沒甚麼聯絡，但彼此總會找機會相約一起返回共渡過那年暑假的工作間回味一番。那裡依然沒甚麼大改變，芬姐嘛……依然心境年青、活潑，我阿頭—興姐……因趕功課的關係，今次緣慳一面。至於細芬的老細……又是緣慳一面…… ^_^
唔再同EP糾纏，千五字了結佢，理得佢明唔明。
自從克服o左暈車浪，就開始鐘意搭巴士週圍去。只要唔係一上車就訓覺，其實搭巴士都可以睇到好多o野。搭西貢、赤柱o既巴士線，沿途風光無媚，真係好靚！再加埋靚靚o既陽光仲靚添！搭市區巴士線雖然冇乜風景睇可言，但係沿途o既廣告牌、櫥窗設計、商舖亦都吸引。窗外景色固然吸引，但係車廂中（車外）o既人生百態都係好吸引。 ^_^ 本來諗住今日入西貢遊下車河，但o的功課…… >.<
我要克服埋暈船浪。根據克服暈車浪的經驗，咁我要搭好次船先得啦。 ^_^
11/4/2003
(FRI)
停課的第十四天……
呢幾晚都係因為睇粵語長片睇到好「早」先訓……
記得細個成日話阿姨冇口齒，大個一定唔可以好似佢咁……但原來……鬼叫我應承靚妹同佢出去，訓唔夠四個鐘，專程同佢出去。then 再返屋企訓過。
今日發覺自己有一樣o野需要改，「做要做得心甘情願」。……呢點我真係要學下我細佬妹。 ^_^
想知咩叫「五時花六時變」，大可以睇下Olivia呢個人。
原來剪頭髮都可以好幸福o架~~~ ^3^ 細細個有Daddy 剪，而家有靚妹。好sweet sweet~~~hehheheh……唔錯o架！ ^o^
P.S. 女，原來間Boathouse 都有露天茶座o架，同埋o個度洗費又ok 喎！ ^_^
10/4/2003
(THU)
停課的第十三天……
Iraq War 打o左21日，到而家戰事似乎已結束，或者用尾聲會適合o的，連BBC o的新聞sub-title 都已經再無標明Iraq Qar Day 幾，隨之而來的新聞將會 focus on reconstructuring of Iraq……講開又講，BBC有個黑人記者幾smart o架！而家仲o係Baghdad 駐守。^_^
梁醒波真係好好笑……訓覺！ ~.~
話就話今日KO 份 EP，但係都係做o左一半。
新聞話德福花園都有飛碟，其實都唔出奇……香港咁細，o的人又唔會話個個都stay at home，香港每一區都有病症不足為奇。不過，聽返o的街邊訪問，我都有少少感動。o個度o的居民話唔會搬走，費事將o的菌週圍傳……暫時唔好懷疑佢o地係咪做到先，起碼佢o地有咁o既諗法，真係要讚一讚。原來香港人仲有公德心。
係郭羨妮演技出色，定係佢形像問題，我所識o既人都係見佢前面憎佢後面。
9/4/2003
(WED)
停課的第十二天……
成日覺得梁醒波同曾智偉好似……演戲、搞笑o個個格。^_^
飛碟令失業數字雪上加霜。Daddy 話有個年青人o係某間大唱片公司做，但因佢家住淘大，公司要求佢放假。一放完假，公司同佢講︰「你以後都唔使返。」聽個年青人口吻，公司應該補足錢俾佢……媽咪聽完之後，第一個反應︰「有冇搞錯！乘機炒人。」
搬出o黎住…我都想！有自己小天地嘛。但係正所謂一闊三大……將呢o的慳埋慳埋買樓，然後租出去，諗下都唔錯！^_^ 做到就最好啦！
美伊之戰第二十日……薩達姆政權似乎已瓦解……佢o既肖像、雕像一一受到破壞。
七點半……訓覺……食飽就訓……肥死！總之唔食早餐啦……>.<……Nite!!!
今晚拉燊請食飯，一行七人o係一間叫青樹的日本料理開餐……嗌到成檯都係……ichiban！至於任食的三文魚都唔錯，好肥美！hahhaha……開頭一小碟一小碟咁上，但係我o地隔幾分鐘又嗌過，搞到人o地越上越大碟。 ^_^ 今餐真係好正，好飽……多謝拉燊！^o^
Garrick 講到間Boathouse o既 pasta 咁正，我都想試……
酒，我係唔會戒，正所謂少飲怡情嘛！ ^_^
8/4/2003
(TUE)
停課的第十一天，訓……與山楂他們食飯。
呢期電視深夜猛播粵語長片，我就差唔多晚晚捧場。話時話，以前o的片o既結局唔會無棱兩可，用辭真係好書面……好似「叫爸爸買架電動汽車」，同埋我發覺好似冇乜恐怖片。 ^_^
"There is an intangible law -- CONSCIENCE." Mister Bush, do you understand?
7/4/2003
(MON)
希望你身體健康（呢個最重要！），事事順利。 ^_^ 鍚晒你！ ^3^
停課的第十天，赤柱一日遊。 ^_^
一起身見個天陰陰天，仲落埋雨，諗住赤柱都係泡湯。不過，風雨不改，三個人照去，哥利話今日係我o地三仔「九母」family day。 ^_^ 雖然個天時不時酒下幾陣雨，但總算仲可以行下睇下o野！（晴天就最perfect 啦！）我好耐好耐未去過赤柱，印象中，都好似有五年（有冇咁多呢？好似有……對上一次仲係學校旅行 ^_^）。今日行o左美利樓、墳場、市集、北帝古廟（冇記錯的話！）……
o個座美利樓（好似立法會大樓），第一次聽過，但好眼熟。o的大理石逐一逐一由中環o個邊搬過o黎呢邊重建而家見到o既美利樓。外面仲有一定歷史o既柱，寫住o的大押寶號……個景幾靚o架！其實成個赤柱都好靚。 ^o^
享受完晚餐，閒談一番就折返。……員工表現同態度係有地區性o既分別。呢度好好多。 ^.^
由西灣河往返赤柱路過一個水壩，晏晝望o既時候，真係好靚。但夜晚就深淵一個。
學校鐵定下星期一復課，終於有學返啦，……但我o的功課未郁過。>.<
似乎香港人對呢個SARS再冇咁在意，數多天前，一個二個做了幪面超人。今日看到很多人已除下裝甲。
P.S. 我覺得海邊生活係好寫意。好似赤柱、梅窩。
P.S. 有時以一個遊客身份去睇呢個香港，確實真係幾吸引、特別。
P.S. Photos of ParisZone8 & Stanley. CLICK IT!!!
|
o係北帝古廟附近影。 ^_^
|
赤柱海旁—美利樓 ^o^
6/4/2003
(SUN)
停課的第九天，尋找ParisZone8 的故事。
之前聽Talie 講過一間樓上舖Cafe，於是同班fds走去八。由於我領會能力真係好低，結果我同女佢o地遊大花園先到……不過個入口都幾隱蔽下。
街兩旁都有這間Cafe（每間分店唔同function就有唔同個名），貪個較為舒服o的環境，我o地揀o左Paris Zone 8，原來呢度for members……好彩，我o地一行六人去，否則以試下、八下心態去睇的話，就真係唔抵啦！
室內設計尚算不錯，由樓梯到室內o既牆上都係掛滿一幅幅充滿法國氣色的畫，真係名符其實的Paris Cafe。廚房是一個小型開放式的，所以別對食物、飲品種類有太多要求。至於食物的美味程度，則沒有給我們太大驚喜。
數張梳發配合柔和光線，再加上茶點及飲料，不失為與三五知己共聚的一個好地方。 ^_^
這間Paris Zone 8最有趣的地方是室內與室外環境真的格格不入。
P.S. 好掛住「紅樓」呀~~~超級無敵大海景（好似叫基隆港），超級好味的Cheese cake，同埋超級好味的玫瑰茶。 ^.^
P.S. 以後聽個仔電話都係小心o的好……佢個收音機電話除時將我/你出賣。hahahhahahha...^o^
5/4/2003
(SAT)
停課的第八天，與腦為伴。
訓得唔多好，可能訓得太多啦。~.~
睇返入U以來o的相相，原來同大興佢o地影o左好少相，唔得！臨尾要狂影我o地大學生活o既相相。……一切都好似發生冇幾耐。
享受o既第一步，身體健康。 ^_^
4/4/2003
(FRI)
停課的第七天，訓覺，訓足成日。
前晚睇完《含淚的玫瑰》先訓，我覺得年青時o既四哥靚仔過檸檬。阿仔話胡楓好木獨，但我覺得佢跳舞時一o的都唔木獨。^_^ 當時o的女演員真係身材窈宨，睇下南紅……嘩！著o左旗袍仲靚！^_^
琴日同仔、John、Karen、阿Ling 打波，同阿John 夾唔離呀！hahhahaha.........又話我前佢後！ ^_^ ……竟然冇水沖涼，too BAD！
之後同Sandra 佢o地燒o野食，o係學校bbq都幾好喎！
Sandra，你以前說我怎樣硬正，但其實你比我仲硬正。
有時睇返你同我寫o既簿簿……好似發生無幾耐咁！仲記唔記得自己寫過咩呢？最印象深刻o既日子竟然係我同你第一年o既日子，亦係我最唔想記得o既日子。
我對哥哥o既印象係︰好靚、好型、好識享受人生、平易近人。可惜o既係……睇唔開！
琴日係咁大個女第一次見咁大個雀巢係o係樹上面，我以為卡通片呃人，hahhahah....^_^
再提下《Because I'm a girl》MV先，真係好鬼正呀！人靚、歌靚、MV好鬼正！當知道對白講乜時，仲正！
Narration: 女：今天，我們分手了，希望我能夠幸福，能夠找到比你更好的人。你也像其他的男人一樣，忘了說過的一切。說實話，我不希望你能夠幸福，
我擔心你能找到比我更漂亮的女孩子幸福的過日子，那你就會真的把我忘記的，我是那麼的難過，心如刀絞，我想我愛你愛的太深了，
不要利用可以為了愛而不惜一切女人善良的本性，生為一個女人，被人愛是如此的難。雖然我在罵你，但我心是那麼的想你，因為把愛視為全部的我-----是女人。
男：有一個我深愛著的女人，雖然我不能和她在一起，不過，我仍然深愛著她。
3/4/2003
(THU)
停課的第六天，打波+BBQ。
今日個diary特別俾阿基同Eddie。^_^
Dear 基、Eddie,
今晚我真係玩得好開心，冇壓力。說真的，我真係好唔鐘意工作以外時間、地方講六樓、學生會，我係好好好好……唔鐘意！
今晚同Sandra 閒談之間，腦海裡面閃出一個又一個昔日o係Council 片段。我覺得唔開心o既日子多過開心o既日子，呢個係真o既！我有時真係好後悔自己個大學生活點解要咁過。
做o左兩年秘書，我真係冇盡過自己責任，尤其係第二年，難為Eddie同拉燊。人要互相體諒，呢點我非常清楚，但係我到而家仲未做得好。亦都因為咁，唔少誤會、唔開心o既事一一發生。係！我認自己做得好辛苦，開頭做o既時候真係特別……辛苦，成日覺得自己幫唔到阿基，但我冇諗過會為工作而喊，o係LuLu 同 阿基 前喊……呢一喊真係令我舒服好多。起碼將自己o既不安、唔開心感受抒發晒出o黎！……之後，太多事發生……我唔想理，對呢個地方越o黎越反感……
Eddie 同阿基都係一個完美主義者，壓力好大！我把心一橫，真係乜都唔理，毫無責任感劈低所有同Council 有關o既事、人唔理，可以話係沽名釣譽。會照開，但工作o既o野已經唔再上心，要Eddie 自己跟返。雖然Eddie 冇怪過我，但我自己良心沒有好過，我都知你好辛苦。
呢兩年多，我要多謝o既人好多，但我最想多謝係兩個俾o左好大壓力我o既兩位主席—阿基同Eddie，感激你o地對我o既容忍、體諒、指導。
一個幫不到手的秘書
2/4/2003
(WED)
停課的第五天，出關啦！
突然對Eddie認識又多o左少少，唔多唔少都係佢diary o既功勞。 ^_^
前幾日冇出街，所以我都係唔知出面情形係點。今日去旺角都好似冇乜特別，最多咪多o左人戴口罩！
早知佢o地踼波（勁多蚊！仲要好大隻。），我o地跑步啦！結果兩母女返o左學校打發時間。
似乎我同學校闊別多時，拉記都變o左樣，我覺得好elegant！
今晚有人贏大錢，請食飯。究竟係足球場個功勞定係我o地呢個陣形咁旺呢？hahhahaahh...^o^
呢期訓又訓到足（應該有餘！），湯水又多，真係充足電返學。^.^
P.S. Eddie個板板，快O的去搗亂啦！CLICK IT!!!
P.S. Eason 《幸福摩天輪》好正呀！輕佻帶點幸福感覺（都唔知自己講乜！^o^），冇睇佢演唱會真係唔底……>.<
1/4/2003
(TUE)
停課的第四天……更加明白造謠生事的威力。
唔係係咪因為今日愚人節的關係，接二連三收到不少謠言。更有青年人冒用明報之名傳出香港是疫埠，搞到一個二個瘋狂地掃貨。擺米o既貨架竟然冇晒！即食麵都就o黎清埋。積殼防飢係o岩，但係係咁掃法會唔會過份o左？諗住落街買o野食，未見過超級市場咁旺……大排長龍，想食雪糕又要等聽日。>.<
雖然而家香港好多負面新聞，香港人都有壓力，但係我o地每一個人都應該要保持清醒o既腦袋，唔好俾造謠者得寸進尺。
淘大花園E座居民今晚被按排遷入渡假屋。
今日愚人節，乜message 都有……
張國榮墮樓亡……it's real.
P.S. 當世界混亂o既時候，我o地係時候要諗下自己，諗下別人，諗下呢個世界。CLICK IT!!!
ｏｏｏｏｏｏ幸幸ｏ幸幸ｏｏｏｏｏｏｏｏｏｏ
ｏｏｏｏｏ
幸幸幸幸幸幸幸ｏｏｏｏｏｏｏｏｏ
幸運草，其實就是酢漿草。
ｏｏｏｏｏ幸幸幸幸幸幸幸ｏｏｏｏｏｏｏｏｏ
ｏｏｏ幸幸ｏ幸幸幸幸幸ｏ運運ｏｏｏｏｏｏｏ
一般的酢漿草只有三葉，
ｏｏ幸幸幸幸ｏ幸幸幸ｏ運運運運ｏｏｏｏｏｏ
ｏｏ幸幸幸幸幸ｏ幸ｏ運運運運運ｏｏｏｏｏｏ
幸運草之所以特別，是因為她有四葉，甚至有五葉的。
ｏｏｏ幸幸幸幸幸ｏ運運運運運ｏｏｏｏｏｏｏ
ｏｏ幸幸幸幸幸ｏ運ｏ運運運運運ｏｏｏｏｏｏ
幸運草純粹是突變而來，所以特別珍貴。
ｏｏ幸幸幸幸ｏ運運運ｏ運運運運ｏｏｏｏｏｏ
ｏｏｏ幸幸ｏ運運運運運ｏ運運ｏｏｏｏｏｏｏ
它的葉片是有涵義的：
ｏｏｏｏｏ運運運運運運運ｏ草ｏｏｏｏｏｏｏ
第一片代表「信仰」，
ｏｏｏｏｏｏ運運ｏ運運ｏｏ草ｏｏｏｏｏｏｏ
ｏｏｏｏｏｏｏｏｏｏｏｏ草ｏｏｏｏｏｏｏｏ
第二片代表「希望」，
ｏｏｏｏｏｏｏｏｏｏｏ草ｏｏｏｏｏｏｏｏｏ
ｏｏｏｏｏｏｏｏｏｏ草ｏｏｏｏｏｏｏｏｏｏ
第三片代表「愛情」；
ｏｏｏｏｏｏｏｏｏ草ｏｏｏｏｏｏｏｏｏｏｏ
ｏｏｏｏｏｏｏｏ草ｏｏｏｏｏｏｏｏｏｏｏｏ第四片則代表「幸運
...」
ｏｏｏｏｏｏｏ草ｏｏｏｏｏｏｏｏｏｏｏｏｏ
ｏｏｏｏｏｏ草ｏｏｏｏｏｏｏｏｏｏｏｏｏｏ現在送你幸運草，希望你幸福！
31/3/2003
(MON)
停課的第三天，留在家中，興腦為伴。^_^ 打破入U 以來的記錄，連續三日不出家門。
結果到朝早七點先訓得著……
一起身就聽到新聞話淘大E座要封鎖，一日三餐政府搞掂。飛碟o係淘大真係橫行，影響晒o個度o的人生活。雖然禁止出入會令o個度o的人暫時冇o左自由，但係長遠o黎講，長痛不如短痛。「捨得」—捨下一陣自由，得回寶貴o既健康。冇健康又點可以享受自由？ ^_^
好多戲都好想睇呀！鋼琴戰曲、Jules and Jim……不過……我諗最後都係o係屋企睇！>.<
結果聽完歌、睇完《嚦咕嚦咕新年財》（原來o係台灣睇o左好多戲……學大興話齋︰「專程去台灣睇戲。」）……夜o的睇埋其他，實行煲戲。^_^ 我諗我o地真係煲晒o個度o的戲。 ^o^
我發覺「Believe」個威力真係好大，好大。
我︰「好熱呀！」Daddy︰「係咪發燒呀？」Mami︰「唔係呀？」我︰「食完飯身慶o者，唔係發燒，放心！」……呢隻飛碟真係入侵o左我o地生活啦！
今日心情本來仲好好地，但…總之我而家好鬼激氣。今次o既教訓係︰「幫人都要三思。」Damn！
P.S. 鄭中基《我代你哭》好正。
什麼是 RSI？
英文全名叫 Repetitive Strain Injury (RSI)。中文釋為重複施緊傷害。其中病害包括手腕神經壓迫症（症狀包括手腕無力，疼痛，無法舉雙肩等），脊椎神經傷害，頸部及 腰部僵硬酸痛等。據勞委會研究指出，每天使用電腦超過六小時可能會造成無力，想睡覺，視力模糊，肩頸部疼痛等症狀。這個網站的目的是要教育大家RSI的危險性及如何培養良好的電腦使用習慣。
如何預防？
大致上，坐的姿勢要端正，不要坐不尋常的角度或姿勢。打鍵盤及使用滑鼠時不要太用力，肌肉儘量放輕鬆，要常休息。每使用電腦一小時應起來休息十分鐘。最好能往遠處看，伸展一下您的手、肩膀、頸部等。平常要仔細聽取您身體的意見。如果您的手感覺酸或痲痺時，他是在跟您講他有點不太對勁，他需要休息。我還要強調一點，預防勝於治療。
打字注意事項﹕
1) 每次上班或打字之前，請先互相摩擦自己的手掌及伸展一下自己的手指、手掌、及手腕。跟運動一樣，熱身動作是用來走更遠的路。
2) 打字時手腕不應該讓它放置在桌面上活任何東西上。應要讓您的手腕架空在一定的高度上，相信這樣會感覺更自然。包括外面有在賣的手腕休息墊，只有在休息的時候才可把手腕完全放下。
3) 鍵盤應該低到肘不需要往上彎。
4) 打字時不要敲的太用力, 對你也沒好處。
5) 打複合鍵鈕時，比如 CTR-C、ALT-F 時，應該要用兩隻手來完成。且儘量用您另隻手最強的手指來完成。
6) 滑鼠也是一樣輕鬆就好，不要太用力。滑鼠的位置因可能手掌輕易操作。最好可儘量用您的手臂來動而不要光憑您手腕的力量。
7) 常常給您的手充分休息。暫時不打字時，可把手放在大腿上休息，或就讓整隻手掛在半空中放鬆十秒鐘，讓您的手有足夠的時間恢復。
8) 每過一個小時，你應該最少休息十分鐘。最好能離開座位活動一下，伸展一下您的手、肩膀及脖子。記得在恢復打字之前要做點手部運動。
坐姿注意事項﹕
1) 銀幕及鍵盤應該在你的正前方，不應該讓脖子及手腕在於斜的狀態。 銀幕的最上方應比您眼睛的水平低，且銀幕因該離您最少一個手臂的距離。
2) 要坐就坐直的，不要半坐半躺。不要讓您的身體坐為角度不正的姿勢。
3) 大腿應儘量保持于前手臂平行的姿勢。
4) 手、手腕及手肘應保持在意條直線上。任何一點都不該彎曲。
5) 腳應能夠輕鬆平平放在地板或腳墊上。
6) 椅座的高度應調到你的手肘有近90度彎曲，而你的手指能夠自然的架在鍵盤的正上方。
7) 如果椅子設計本身沒有護背曲線，請你馬上去買一個護背墊。要記得保持腰到背的那個曲線。現在辦公人員都坐在椅子上太久，算是一種都市病。如果坐歪了那就更糟糕。
30/3/2003
(SUN)
停課的第二天，做睡寶寶。
《暗戰》真係好好睇，劉德華好型，劉青雲好正。 ^_^
一口氣睇埋《暗戰2》，都係《暗戰》好睇好多。
女孩子脾氣十二等級
零級無風：
這時候你完全感覺不到任何女孩子的脾氣，似乎像是處在靜止的空氣中，這種情況通常只會發生在女友不在身邊時，而你的精神就可以處在完全放鬆的狀況下。
一級軟風：
這個時候你會微微感覺到女孩子一點的反應，你會看到女孩子是嘟著嘴笑說討厭，此時你會覺得她就像春天柔軟的微風，讓人感到十分舒服。
二級輕風：
這時候女孩子已經開始表現出一點不悅，通常會輕吐一聲無聊，來代表她的感覺，但是很快的就轉身走開，這個等級可能不會對你造成任何影響。
三級微風：
這時候你會發現女孩子開始表現出更多的不悅，通常是拿個小東西敲打你，讓你知道要制止，但是可能還不能影響你,因為你會以為她在與你開玩笑.
四級和風：
你會發現，女孩子開始使用一些聲音語言來表示不高興的心情。
五級清風：
這時你應該會感到一點寒意了，通常女孩子會狠狠的瞪你一眼，還會說一些風涼話，千萬別以為只是清風而已，如果你還長期處在這種情況中而渾然不知情的話，那我可要提醒你，這個等級與下一級的強風可是一級之隔！
六級強風：
這個等級，通常女孩子已經手插著腰開始罵人，而且聲調已經調高，你應該知道進退了！
七級疾風：
這時候已經開始發飆了，呼呼的咒罵聲不斷，你可以知道什麼叫作「潑婦罵街」與「河東獅吼了」！
八級大風：
這個等級開始就有點恐怖了，除了不斷傳來的咒罵聲之外，還會伴隨著發出一些巨響與噪音，通常就是邊罵邊拍桌子啦!
九級烈風：
這個等級開始會有一些財物的損失，通常是她開始摔一些隨手可拿的小東西，如筆、手機、鞋子啦！往往會造成一些小東西的損毀，記住，這時候你得要有空中接物的能力。
十級暴風：
這時候往往會有大量的東西破裂與傷害的情況發生，這時候你可別故作鎮定或堅強，遇到接踵而來又直指你而來的飛行物，最好先找掩蔽，處理方式就像遇到地震的情況一樣。
十一級狂風：
這個等級就跟名稱一樣，她會像發了狂的衝過來打人，往往會造成人類的一些災害，通常一巴掌是跑不掉的。
十二級颶風：
這個等級也就是我們熟悉的強烈颱風，如果沒有做好防範準備，通常有傷亡與災難。
29/3/2003
(SAT)
停課的第一天，待在家中。
原定今天是賣旗日，因飛碟橫行而取消。>.<
由於飛碟橫行，沒必要也不想出外，閉關修行（^_^)。計劃於這個突然假期完成七至八成功課，好讓自己不會白白浪費這個假期。……但我擔心的是計劃往往給我破壞的。(^.^)"
功課如下︰
(1) Employment Practice.......9/4
(2) Personal Development.....17/4
(3) Current Topics.................25/4
原來閱讀報章雜誌真的可以大開眼界，話題也多了。
「檸檬味的棒棒糖代表下雨，橙味的代表戰車會被轟炸，酸梅味的代表會喪生。」一名美軍說。……外表多堅強，心靈卻很脆弱。
雖然非典型肺炎帶給我們不安，但是它給我們一個關心家人、別人的機會。^_^
靚妹說乖仔似福山雅治……請不要沾沾自起，她說驟眼看似，並不是讚「靚仔」。 ^o^……很想重看《同一屋簷下》呀！
Twins 我們的紀念冊
a.十個有7個祝我地友誼萬歲,咁行既
b.不過，要做到友誼萬歲難D,定係生活快樂難D呢
c.定係百尺竿頭、學業進步、萬事如意、明天會更好
願我們愉快三個 友誼萬歲7個
小馬自稱懷勉我 但無法解釋牽掛我什麼
在這記念冊之中 大傻成熟了很多
他竟祝福我未來要突破
臨別要在這間愉快的班房起舞
願我愉快三個 友誼萬歲七個
小馬自稱懷勉我 但無法解釋牽掛我什麼
在這記念冊之中 大傻成熟了很多
他竟祝福我未來要突破
同學驟變老友 都想有前程錦繡
從前未算老友 也突然想握o下手
誰在悼念 快速接近成年
誰告誡我 課堂不要睡眠
在臨別就似明星給我簽名 對我表演
還未學習怎麼記念從前 便發覺要懂得擁抱明天
祝福都當諾言 以後不知會點 大個當然會善變
就算忘了功課 我們記得怎坐
考試罰抄嘗試過 但誰會記得怎去唱校歌
願你也後悔當初 為何胡亂唱這歌
卡拉OK裏面無法直播
從此怎偷看校草 才深深悔恨常常遲到
他給我們支撐過每個清早
臨別要在這間愉快的班房起舞
28/3/2003
(FRI)
都預o左自己起唔切身同靚妹打氣，臨訓前留個短訊俾佢，包佢一定睇到！ ^_^
少酒怡情，亦都可以令到自己好好訓……一訓就訓到差唔多兩點先起身，媽咪唔叫醒我的話，我真係可以繼續訓。^_^
九間大專院校停課至四月六日。
「既然自己都捱得過，有咩值得同人分享。」仔，記唔記得年幾前你講過呢番說話？記得當時我好認同，但而家我對呢番說話有另一看法，「既然自己捱得過，更加要與別人分享當中的苦與樂，o個種分享係別有一番滋味。」……我諗你而家對呢番當初講過o既說話都有另一看法。對嗎？ ^_^
Eddie, anything I can help you? I'll help and support you! Call me... ^_^
Twins 大紅大紫
若有最難過的 便有快樂的
若有偉大壯觀亦有極細微的
若有最耀眼的 便有暗淡的
若有野蠻角色定有極有善的
喜歡閃閃令的 亦有權欣賞小小角色
銀幕上風光怎麼怕 世界那只黑與白
有人也就有辦法 做到出色的
方式 不只七隻色
大紫大紅 紅人紅事 多姿多彩
但大慨他們亦有暗灰時代
大紫大紅 人人投入角色都可愛
改啊改 改啊改 轉轉轉
眨啊眨 閃閃閃 開開開
愉快繽紛未來
〔…這繽紛舞台 能承受記錄和創造你我的未來〕@
情緒跌蕩過的 才會有回憶
用眼試練過的 才對人世洞悉
能夠壯烈過的 才會有事跡
捱過最沉重的 才會還以顏色
27/3/2003
(THU)
這個非典型肺炎不知不覺漸漸影響了我們的日常生活及活動。
原來父親大人都係貪靚……^.^
聽日全港中、小學停課。
I really enjoyed Today. 本來以為book sharing 會悶到爆，點知唔係，我仲嫌佢短，長o的就好囉！^_^
Self-help book is very interesting book, not only read for once or twice, but for the whole life. You will find different meaning, feeling in different time. You will find someone who looking the same book has ideas different to you. ^o^
我都好想知哥利o既睇法。 ^.^ 佢話好唔同……
呢個Personal Development 唔多唔少真係影響我唔少，起碼我開始學識點同人o地express my feeling, thinking；想法；待人接物；師生關係（說真的，我本以為大學的師生關係真係好疏離，只有上課聽書O既係係。但自從上o左阿John 堂，原來唔係o架！o係呢方面我真係改觀o左！我諗畢業之後，我會好似其他師兄師姐得閒就煩下佢！ ^_^）；同埋未來…… ^o^
完o左上半場，一個二個都要返屋企裝身，扮靚靚，準備夜晚o既下半場。 ^_^
雖然話今晚呢餐學禮儀，但係我就覺得好似Graduation Dinner，正如阿John 咁講，呢餐都可以話係Pre-Graduation Dinner。 ^.^ 本來以為呢餐飯會係好悶o架，又out of my expectation 啦！學o左英美兩種餐桌禮儀，自己比較鐘意英式多o的，方便又冇咁煩。食咁多次飯，食得最斯文o既一次啦！ ^o^
不知不覺咁又三年，雖然呢餐飯唔係全部MGT同學仔食，但係有少少o個種難捨難離o既感覺，尤其是對自己班朋友仔。……我要同你o地Keep落去！
「寬恕」—今日成日諗起錢婆婆一句說話︰「過去的事不會忘記，只是想不起。」
今日我真係好開心！^_^
四點啦~~~ 訓~~~
P.S TONIGHT's photos here!!! CLICK IT!!!
|
今晚的大合照 ^_^ |
|
|
|
Ocamp 同一個House — 英皇 （希望冇記錯！）^.^ |
26/3/2003
(WED)
實話實說，情況轉趨嚴重，大家都要小心，小心。
香港政府o係呢件事處理手法係咪未夠強硬？但係如果一開始強硬的話，香港市民又會怨聲載道，話政府不近人情，埋沒自由。…… 但唔強硬的話，o的菌就開始一發不可收拾。
呢期新聞唔係伊拉克就肺炎，今晚肺炎終於做主角啦……但亦都反映個情況有多壞。
今期TIME都係圍繞呢兩單新聞，原來早在六十年代，香港都有一場恐怖流感期，死o左萬多人。
CSC少o左好多人呀……
P.S. 這段時期，真是要衷心感謝醫務人員奔波勞碌。
P.S. I try to be more optimatic on these news...try, try, try...anyway, THANKS to you guys. ^.^
25/3/2003
(TUE)
不是每個軍人都是希望打仗的。他們也有自己的家人、朋友及其他自己所愛的，誰知道戰場會發生甚麼事。
無辜？不只是人類無辜吧？
KO o左個MPF，但要隔成三個月先有證書拎，我驚自己真係唔鬼記得！
又肺炎、又打仗，心情不大好。
Morrie said, "It's true that it isn't easy to watch someone cry, especially someone you love. But my advice to friends and family is to encourage the person to grieve. The best way to respond to a person who is crying is to be sympathetic and empathic. Be encouraging by saying something like, "It's okay, I'll be here with you," or "I will be here for you to help you in whatever way you need until you stop crying. And if you want to stop and then continue, it's okay with me.".
24/3/2003
(MON)
次次返親星期一真係眼訓到極，成日唔想返……
一落堂，即返屋企訓覺，唔想補習恰眼訓~~~
醫生︰「…之前大陸o個邊搶購白醋…香港人笑佢o地傻、冇腦。……雖然白醋起唔到乜大作用，但至少佢o地有o的咁o既意識……反觀香港……冇乜呢種公共衛生意識……亦都因為咁，大陸有關方面可以控制返個情況……」from《時事沙龍》
復活節去唔去到「番魚」都係一個疑問，雖然兩位大人仲未出到聲……但我自己已經猶豫啦！
P.S. Joey《我的驕傲》新碟好正，首首歌都好好聽。聽完《Lesson One》，接住聽《最後一課》……好正，但有點心酸~~~
23/3/2003
(SUN)
諗住做埋個sharing 就訓，點知同Daddy 睇o左套《行運超人》。梁朝偉好靚仔呀！ ^_^ 我睇親佢拍呢o的愛情小品都係感覺好怪……成日覺得呢o的戲唔係幾o岩佢咁！^o^
好啦！訓覺……今日踩單車。^.^
陰陰天，幾驚佢落雨！今次由大圍踩返入大埔，好彩全程都冇落雨，仲好舒服。^_^
之後去火炭食飯……好好味o既雞粥同乳鴿！^o^
去旺角食埋糖水，咁就perfect啦！
唔知你o地有冇留意旺角金魚街有間寵物版宜家…好鬼正o架！琴日見到隻好鬼得意 o既哥基，真係好想同佢玩呀！我o地四條友企o係個dislpay window 睇o的貓貓，一睇就唔知睇o左幾耐，都好得意呀！^_^不過呢，我都係鐘意狗多o的，平易近人，冇咁cool。
不過，今日最經典都係見到「超人」，真係「超人」。見到佢幾次，但都係影唔到佢相呀~~~>.<
其實而家仲有o的年青人仲好有禮貌，起碼佢o地仲會識「Thank You！」「Sorry！」 ……不可以以貌取人。
我覺得個仔o係Training 呢方面發展絕對係好o岩佢。
今日o的相相…CLICK IT!!!
<-- 「四不像」…… ^_^"
22/3/2003
(SAT)
呢期o的報章雜誌話羊年唔吉利，o的羊仔羊女命苦……唔係掛？咁咪所有羊仔羊女都唔使旨意有成就？o的父母知道之後咪唔o係羊年生BB，咁以後咪無羊仔羊女？寫得o的咁o既o野o既人真係無鬼聊。起碼我呢個羊女覺得自己都事事順利，逢凶化吉。
要是將戰爭的real cost計算在內，每一場仗並沒有真正的勝利者。
Dear all, 之前俾你o地睇到我疲態盡露個衰樣，我冇事喎！ ^_^ 而家充足電啦！ ^.^
Vice, I believe you can restore very soon. TAKE CARE!!!
今晚一口氣睇返呢幾個禮拜o既《新聞透視》、《星期六檔案》。
人口問題，香港o既人口老化問題漸趨嚴重，但年輕一代（好似我呢代咁）又唔多願生。一係話自己養唔起佢o地，一係話自己教唔好佢o地，變成不良青年，一係話自己照顧唔掂自己，做乜要生？（呢個係我唔想有小朋友個原因）……但呢o的通通都係藉口……
家庭=夫婦+兩個小朋友。
「獨行獨斷」永遠係統治者（其實平凡人都係）o既大忌，但偏偏容易犯上。
越o黎越擔心呢個世界o既將來。你爭我奪，明爭暗鬥……其實我最怕未來世界終極一刻係由機械人統治？人？佢o地o既奴隸罷了。或者我亂諗太多o野啦……
呢幾晚不其然為遠方o既無辜平民百姓祈禱祝福，希望佢o地能夠平安無事，一家團聚。……戰事快o的結束。
呢幾日睇得太多伊拉克，對於呢個地方產生好奇，想知佢好多o野…… ^_^
21/3/2003
(FRI)
悠閒o既一日……
染完髮，即返屋企睇大結局……
我都話o架啦，o的阿爸阿媽越o黎越細路啦！ ^_^ 可能佢o地真係太悶啦…… ^o^
哥利好o野，仲有keep 住個email……今次我唔會delete o左佢啦！好好好開心呀！ ^.^
呢期精神真係唔多好，我都係少對電腦為妙。
20/3/2003
(THU)
勁勁勁眼訓…… ~.~
Practice maskes PERFECT 係有佢道理，高下立見。
結果Korean 係有上，但都係訓覺……好辛苦呀！
人應該要「居安思危」。
頭痛！>.<
開戰……
19/3/2003
(WED)
經過一晚挑燈夜讀，算係溫晒去考。o個o的題目真係問得好離譜，o的用字、字眼too bad……學個仔話齋，會考咁樣出法真係俾人轟。
誰人無過？有錯咪改，唔使咁勞嘈，嘈親人就無謂啦！
Pacific Coffee 同 Starbucks 比，我鐘意後者o既氣氛、服務。 ^_^
原來香港真係好細……
來一杯茶，來一杯奶茶，再來一杯茶，再來一杯熱咖啡……好想訓，但又訓唔到！ >.<
18/3/2003
(TUE)
~PEACE~（雖然冇可能做到烏托邦世咁天下太平，但至少唔好咁暴戾……）
我通常發夢都係天馬行空，好少會related to 現實、時事。唔知係咪呢期留意美伊新聞多，搞到連發夢都見到「……within 48 小時內……否則開戰……」。
早晨新聞話布殊九點有重要演說，預計都係講美伊o野……
如果唔係約o左哥利佢o地食早餐，我都唔想返學。
呢期大規模爆發非典型肺炎，搞到想咳下都要諗一諗……但係忍咳係好辛苦呀！今朝搭火車，喉嚨痕想咳下，但又諗起個仔講O個個女人故事喎，我驚一咳，我附近O的人四散，好尷尬……最後死忍都係要咳出O黎先舒服。
早知唔鬼返，正如碧琪所講，講o的o野唔夠深入。
「去滾，唔好唱K。」……O下？……原來係「好多菌，唔好唱K。」……我諗呢段非常時期真係唔好去咁多呢O的密封式地方啦。小心駛得萬年船。
一點多，從乖女口中得知布殊要求薩達姆父子within 四十八小時要離開巴格達……
「Working for living」定係「Living for Working」？而家呢個moment o既我會係前者。會唔會係後者？yup……but in the furure.不過，我覺得人o既生存係有好多意義，not only for working. ^_^
美伊戰爭可算是一觸即發，雖然好似唔多關我事……但事實上我又覺得自己置身其中。……說到底，大家都係活在同一天空下，你同我又點可以置身事外？
記得早前有個時事節目有評論員表示香港人o既國際視野越o黎越窄。你o地認為呢？
Blood & Iron War...難道這是最後的解決方法嗎？……儘管說我幼稚，不切實際，但我依然相信有個冇咁血腥o既解決方法。
貪婪、嫉妒都係罪魁禍首。
唔知，後日o既世界又會變成點呢？
17/3/2003
(MON)
今日韓文臨尾上唱遊班，學識唱韓文版o既「Head and shoulders, knees and toes…」。
好彩阿叔o係度o者……總算甩甩咳咳讀完一篇短文，thanks, 阿叔！ ^_^
又完o左一個test la，星期三o黎個MPF！……
16/3/2003
(SUN)
聽O左一個節目，呢個節目其實都做O左好耐，呢個節目專係邀請CEO o黎演講。今日請o左Motorola o既 vice director，佢提到而家o既管理人acts 4 functions, coach、foreman(hope i don't spell the wrong word. 佢話呢個foreman 好似一個外交官，要有圓滑手腕)、thinker、仲有一個……唔記得啦！……另外，佢特別加以強調「以人為本」……
最後，盆花花都係……唉~~~夏天快o的o黎啦！ >.<
曾幾何時我好追求「知足」。而家我會選擇性知足，人係要不斷進步，我唔應該俾自己停落O黎，滿足現狀。但仲有乜O野我可以知足呢？um......一定有o既！
世界唔會因為你未能配合而改變，但你可以改變自己而配合佢。有時呢種改變未必係自願、開心，但o係堅持自己原則同重新適應兩者擇一，你會揀邊個？又或者學李嘉誠話齋，當發現你自己唔能夠改變呢個世界O既時候，做下阿Q又何妨。當回頭在看，見到有機會時，你又可以配合呢個世界。
運動唔可以解決問題，但運動至少可以減壓，減壓過後再充完電，再解決問題。 ^_^
呢期唔知點解friends用icq sms 呢個function，但我有個疑問，I believe there is NO FREE LUNCH in the world. "How much does the ICQ for SMS service cost?" "A. Whether you're on your computer or your mobile phone, ICQ is absolutely free. Of course, when using the ICQ for SMS service, you're still responsible for usage charges from your mobile service provider according to its charging policy." 如果佢收charge，咁向邊個收？the sender？可能性又冇咁大喎，都冇入過自己number 入去。the receiver？可能性大好多，因為send 時要入number……if so, 咁咪保障唔到o的receivers 囉，佢o地咪無端端交多o的電話費？……但icq 冇理由冇諗過呢方面o既 security o架喎！……um…未清楚之前，我都係對呢個function 有所保留。
P.S. special THANKS to KT. Like this birthday present vey much, and so practical... I have put it as part of my hp. See the below... ^O^
P.S. 極力推介何韻詩o既《我找到了》。好好聽呀！
15/3/2003
(SAT)
結果受盡一切誘惑之後，結果都係要溫書溫到五點收工。雖然本書好似冇乜內容，但係佢講o左唔少地方o既culture，幾得意！ ^_^
用o左半個鐘時間KO 40 題MC，有幾題唔識，但我都已經再冇乜精神同佢鬥……提早離場。
跟住Guest Talk……話時話，香港女人真係比其他地方女人幸福好多，起碼工作待遇算係唔錯。
小菊o既飛機餐真係冇得頂，唔錯！焗飯仲有得揀添！ ^o^
之後，就跟乖女佢o地入元朗site visit。說真的，呢次係我第一次真真正正到元朗，而唔係路過。第一次見輕鐵，我好鬼開心，原來輕鐵都好似叮叮車咁有叮叮聲……但呢佢個現代化設計o既外殼唔多襯叮叮聲喎！
結果，一行幾人site visit 之餘都滿載而歸。
visit 完後，再同仔女返學校做HRIS……我覺得自己好似機械人咁follow the instruction, and output is here……但個purpose 有乜用或者中間有o的乜注意地方自己都唔係幾搞得清楚。
我都想自己精神o的……但我訓足八個鐘都係咁，或者我係越忙越精神o個隻掛？ ^.^
呢期香港受到非典型肺炎侵襲，搞到一o的人都緊張起o黎。而Daddy 亦都叫我小心o的……盡量唔好去埋o的人多地方。^3^
P.S. 西，thanks 呀，o個幾首George Winston o既歌好鐘意呀！好舒服呀！不過，我都係鐘意o個首！好正呀…… ^_^閒時聽下呢o的歌真係好舒服，Cool~~~ ^_^
14/3/2003
(FRI)
off……明知張床引懶人，但自己都仲要中個頭去……結果成床notes，then 溫下溫下又訓著……ZzzzzZzzzz
爭o的唔記得o左約o左人食飯，非去不可！
um……我都想釣蝦……我未試過呀！>.<
13/3/2003
(THU)
唔見o左枝Cookie鉛芯筆，好唔開心。雖然唔係乜值錢o野，但話晒佢都陪我渡過大大小小考試……冇o左佢，好唔慣。
結果都係冇乜溫韓文就test la……
12/3/2003
(WED)
完o左個EP presentation la，算係咁啦！ ^_^
11/3/2003
(TUE)
CSC o的腦超麻煩……呢個OS有呢個software，o個個OS冇喎！…… >.<
雖然我怕悶，但我都ok鐘意去o的乜會物會，有時你會o係o的嘉賓o既speech 得到一o的靈感 for人生、工作。今次係我最後一次參加inauguration，冇乜特別心情，只覺得今年比去年熱鬧好多，同埋個氣氛好relax。 ^o^ 自Professor Leung步出佢o既第一步，一個二個都跟住咁做，台邊o既梯級受到冷落，但亦都因為咁搞到個氣氛好輕鬆。
主人分別叫兩個僕人keep住一筆錢，一年後再拎返。第一個僕人諗住將佢埋o係一個安全地方，另一個就諗住將呢筆錢做小生意。如果你係其中一個僕人，你會係邊個呢？……同樣，你同其他人有一樣咁多時間，你又會點分配時間？安然渡過？定係把握機會闖一闖呢？
Inauguration 完後，同乖女佢o地食飯。望真o的，Andy真係似中國人多過美國人。 ^_^
好難得同老鼠、Joey一齊去飲o野，再加埋仔女、巨川、Andy去o左銅鑼灣一間名叫HOUSE o既樓上舖飲。o個度decoration 正如其店名，好有屋企feel。不過，我都係鐘意Inn Side Out 多o的，free o的。 ^.^
記得今晚有嘉賓講過︰「……高興見到同學o係課餘時間參與學生活動……」有時候，o係學業同學生會工作取得平衡係一件頗難o既事。亦都因為咁，巨川先話呢期先知我讀HR，之前都冇乜見我上堂……~.~ 好彩臨畢業時都知道有我呢個人O係MG存在！
每人對於每人每事都有一個perception，適當的perception是可以的，但過份的則蒙蔽了自己雙眼，蒙蔽了雙耳，看少了，聽少了。……有好多o野都係要試下、接觸下先知o個個人、o個件事o既真面目。
我相信有人會一生一世只愛一人，但我更相信很多人一生會愛多過一個人。 ^.^
「鐘意」同「愛」是兩碼子的事，並不是人人可以分得開，無論你是男是女。
男人最錯係乜？花心？冇上進心？拖泥帶水？一腳踏兩腳？……咁你話呢？咁女人最錯係乜呢？優柔寡斷？
"It is not the ending. It is not the beginning. It is the end of the beginning."
It's nice night. ^o^
今晚試o左三杯新o野，但唔知乜o野名堂……橙色好重橙味，黃色當然好重檸檬味，啡色好重朱古力味，好好味呀，不過都ok好重酒味。最後以一杯好重薄河味o既 Around the world完場，易入口好多。……我好掛住杯Sheltered Sky呀~~~ ^.^
10/3/2003
(MON)
依然都係好眼訓……頭一個鐘韓文堂訓覺，連阿叔走O左入O黎上堂都唔知……好耐冇見佢啦！^O^
唔知點解今日大家都好似食唔飽咁，嗌O左十多籠O野都未飽。^.^
三堂HRIS，最專心都係呢堂啦。好快手做晒o的Task 佢，雖然係手板眼見功夫，但都要做下先識，Practice makes perfect。
我罐花花都仲好似冇乜大進展……>.<
發夢又笑醒，記得模模糊糊O既時候，我細妹仲好似溫緊書，佢問︰「你又發夢見到O的好笑O野？」我都係好迷迷糊糊答︰「係呀，我發夢玩緊孖寶賽車（真人版），但唔知點解有人（大興？……唔記得啦 ^.^）架車係垃圾車（大膠箱、垃圾房推得O個隻…，仲要係滿載垃圾……」um...我好肯定自己玩緊Rainbow o個條賽道。^_^
我諗咁多朋友仔最成功種到o個罐罐頭花非KT莫屬啦，你o地睇下佢盤風信子幾大棵，我相信佢會開花！^_^ KT 同風信子要努力。 ^_^ ……我好期待O個一刻開花呀！
<-- KT 的風信子 ^_^
9/3/2003
(SUN)
訓到十一點多先起身。我發覺自己去到邊訓到邊，唔怕「生保」床，只要有被就得啦！如果有埋個枕頭就好啦~~~可惜冇帶丫！>.< 不過，都係屋企張床好訓好多，就算點高床軟枕都唔及個「狗竇」。 ^O^
剩下一條O既生命麵包被一條牛（初步懷疑）咬O左一大啖（切口非常完整，同埋覆蓋範圍幾大…）。
早餐過後，行返落去梅窩搭船走……
回程中，又再一次深深覺得香港真係一個好靚同好特別O既地方，一個豆腐咁大O既地方堆滿晒大大小小O既積木，但O係呢堆積木以外O既地方竟然有另一個世界。
食埋飯，食埋糖水……散啦！physically 好tired…
係時候停一停，留返四月玩。um...我有提議，不如下次去camp 試下環保o的……我覺得好唔環保，好有罪惡感，我已經要做樹百多世都未還清影印筆債，又o黎一筆？^.^
唱K vs 去Camp，我而家會選擇後者啦，化算好多，同埋真係學o左唔少o野o架（對一o的唔係成日camp o既人o黎講！）！
一杯熱茶，唔該！ ^_^
P.S. 唔該靚妹幫我照顧花花。錫晒你！^3^ 仲要唔該細佬幫我個前途買份報紙返O黎！ ^3^
8/3/2003
(SAT)
好匆忙執o野走~~~結果唔記得帶登仔，最緊要個枕頭都冇帶呀！~~~失敗！ ~.~
今次露營純粹為梳乎，所以冇諗住要行山。一行人購買完十多袋的食物飲品就「打的」到南山營地。
未試過飲咁冰涼（真係名正言順）o既啤酒同可樂，山水加冰，perfect 呀！冰到飛起。 ^_^
今晚o個兩師兄弟做晒王子呀！師兄變o左「鐵面王子」，而師弟變o左「雞翼王子」……因為前者關係，我o地發現錫紙o既萬用之處，乜都得。 ^o^
好耐冇玩過煙花，今晚玩o左穿雲箭（應該係咁叫掛？），this is my first time to play this，以前細個我係唔夠膽玩……
落雨啦，訓覺lu~~~
7/3/2003
(FRI)
<-- 月亮忘記了……我冇忘記，只不過一時記唔起。
^_^
敵唔過寒意，結果o係張床渡過一整個上下晝。^_^
仲爭四課書就可以KO IM啦。
今晚同小文慶祝生日，原來我好耐冇同過佢O地食飯同玩啦！不過，日後大把時間O既！ ^O^ 但係我真係好希望我O地講咁多節目真係可以實行（至少一樣）……提議過O既有︰金地BBQ、歡樂谷、Wild Camp、Camp、Paris 8 Coffee Shop（唔記得乜名……類似啦）、釣墨魚。
高迪乖，我o地遲少少先再去唱K~~~ ^.^
紀念冊……我們的紀念冊…… ^_^
多謝你o地份生日禮物，好鬼靚呀！你o地睇下…… ^o^hehheheheh……