繽紛夢幻樂園 Everland

大約有4-5個海洋公園大la~ 因為係移山而起, 四面都係山, 而且係

漢城郊區, 會特別大風, 要著多件衫至好去呀~!

入到去之後, 每個工作人員都會同你打招呼. 佢哋會雙手舉起係咁

搖. 唔講你唔知, 呢個遊樂場係samsung ga~

就算你唔係太鐘意玩機動遊戲, 但嚟到Everland最好都係買全日通

coupon, 因為呢度有分山上 & 山下, 食肆同玩嘅嘢各有不同, 當中可以使

用兩條釣車上落, 但都係要coupon ga~ 淨係搭釣車上上落落都抵番晒la~

而且, 全日通同BIG 5都係相差廿幾蚊啫......

大門口周圍都整到好似堡壘ga~

入到去都會有不同商鋪ga~ 例如餐廳, Sanrio等......仲有相鋪, 當然裡面賣d相機都係samsung ga la~

唔洗驚Everland係移山起就驚要行斜路行餐死lor~ 因為有兩條釣車方便遊客上落, 但唔係free ga, 都計落機動遊戲ga~~

動物園. 要排隊坐觀光車睇動物, 冇得自己行ga.

獅子老虎個個動物園都有, 但呢兩隻就只有韓國呢度至有---獅虎, 固名思意就係獅子mix老虎law~

呢度d熊熊隻隻都識一樣表演, 只要聽到個觀光車司機order就會做動作.如果想睇佢?表演, 上車時坐左手邊著數d呀!

另外仲有個牧場仔, 可以入去睇ga~ d鴨呀, 羊呀都會係身邊行來行去, 仲可以摸佢添.

大家唔好睇d綿羊好似好溫純, 呢度d綿羊你一摸佢佢就會bair番住你, 好惡ga~ 唔好亂摸呀~!!

有馬仔俾小朋友騎ga~

呢個係正宗過山車, 依山起ga~ 玩個陣真係好似穿過個山咁. 而Everland裡面有兩個過山車, 要睇清楚係咪呢個lor~

認住呢個小童空飛機, 少d腳骨力都唔好玩呀! 因為要用腳踩ga~

坐呢個摩天輪就可以望晒全個Everland, 要影景一流呀!

觀光火車~  要留意佢有開放時段ga. 當露天劇場有表演就會暫停. 睇清楚lor~