第三章---迷戀
喜歡歌手, 你會聽他的歌曲, 購買他的唱片;
喜歡演員, 你會看他主演的電視劇或到戲院看電影;
喜歡運動員, 你會購票入場看他比賽, 支持他。
除此之外, 這些大眾偶像的支持者亦可以購買一些相關產品以解「單思之苦」,
例如相片, 海報, 精品等等。
但是愛上了一個新聞節目的主持人, 這個「FANS」又可以做什麼呢?
「得啦! 得啦! 知道你個靜雯好靚啦!」
「唉! 佢SHORT o架, 而家唔俾人睇意大利聯賽, 個個禮拜係度睇樓!」
「JERRY 你唔悶呀, 睇完直播又睇重播?」
自從我愛上看《樓盤傳真》, 不, 應該是說愛上看靜雯主持節目後,
以上的對話便經常出現在我的朋友口中。
「唉! 又做完啦! 又要下個禮拜先見到佢, 有乜方法可以見佢多D呢?」
看完新一集《樓盤傳真》後的我在自言自語著。
「你錄起咪可以成日睇囉!」KENNY 半認真又半說笑地回應。
「唔, 有道理, 一於下星期開始錄!」我又半認真又半說笑地回應。
「唉, 你真係SHORT SHORT地!」MICKEY, 健康和KC一起取笑著。
一星期後……
「嘩! 你真係諗住錄呀?」KC看見我在節目開始前調校錄影機頻道時疑問?
「係呀, 好奇咩?」我反問他。
「你錄完真係會翻睇?」MICKEY, 健康又問。
「我訓唔著時睇得唔得!」我認真地說。
「………………」
「喂, 不如我地估下佢一陣間著乜衫, 係咩色。」我心血來潮地問他們。
「好呀, 等我地諗下先。」……………
如是者, 除了錄影之外, 這個「競猜遊戲」便成為了我們每週收看
《樓盤傳真》前的「指定動作」。至於賽果, 基本上互有勝負, 但要真正猜中「賽果」,
當然是很困難的事情呢!
在這段「初戀期」中, 我和KENNY曾經瀏覽過一些有關新聞報導員的網頁,
不過這些網頁大多是介紹「真正」的新聞報導員, 不論是無線, 亞視, 有線亦然。
像靜雯這一種財經節目的主持人是很少人提及的, 可能是由於樓市一撅不振,
少人「睇樓」的原故吧!
但是我亦從這些網頁中得悉一少撮關於靜雯的資料,
例如她入行前曾經在康怡的一間地產代理當過秘書、現時在業界內有相當高的知名度、
她的洋名叫AGNES等等。(其實最初有網友留言說她的洋名是ALICE,
不過後來經查證及聽到小慧姐姐在節目中多番稱呼她作AGNES, 我才敢肯定AGNES是正確答案。)
「你睇下佢, 電話又AGNES, 八達通又AGNES, 仲有D乜o野冇AGNES呀?」他們又在善意地嘲笑我。
「有呀, 我冇佢o既相呀, 如果有佢幅相就好啦!」
「SAVING 啦!」
「KENNY, 你估我地上網睇到o個D報導員o既相係點整出來的?」
「好似係從網上睇新聞時COPY出來的, 我都唔係好清楚點整。」
「識都冇用呀, 上網都冇得睇《樓盤傳真》, 你地估下用相機對住個電視影得唔得呢?」
「唉! 佢又開始失常啦!」
當一個人沉醉於某個人或某樣東西時, 都不會認為自己所作的行為是有問題的,
縱使是經歷過無數次的失敗。
「你地兩個仲影「電視」呀? 好心你就「SAVING」啦, 邊有可能影得好呢?」
難免他們會這樣說, 由四月中開始至五月中這多個星期內, 不論直播, 重播, 晚上, 下午,
開閃光燈還是關閉全屋電燈來拍攝, 每次的結果都是敗興而歸,
從未試過影到一張稍為令人滿意的作品。
「我都唔係好貪心呀, 你俾我影到一張掂o既我就心足啦!」
「咁你不如索性將上星期《有線週刊》CUT出來那張相放大, 然後放入銀包當2R相咪得囉!」
「唔係呀, 咁都得?」
「橫掂你鍾意佢都鍾意到SHORT SHORT地, 咁又有乜所謂呢!」
「唉, 唔同你講啦!」
不過, 俗語有云:「自古成功在嘗試」, 經歷過無數次的失敗後,
我和KENNY終於影到一張「素質頗佳」的照片,
而我亦把此「作品」放在記事簿內, 至少可以睹物思人呢!
影「電視」, 剪《有線週刊》, 一日看三, 四次重播…… 我想除了這四位好友之外,
其他人是不會明白我置身其中所享受的苦與樂吧!