第四章--夢想? 妄想?
相信很多人都有一個心願, 就是至少可以近距離見到自己支持的偶像一次或和擁有一張和他的合照.
同樣, 我的心一直幻想著有朝一日可以親眼目睹靜雯真人的風采, 而且可以和她合照就更完美了。
不過又是那個老問題, 明星還可以讓支持者去追蹤, 索取簽名,
但新聞節目主持又怎可能讓你隨意見到, 就算給你見到, 又怎樣可以厚著面皮向她說:
「我很喜歡看你主持節目, 可否跟我合照呢?」
「有乜方法可以見到靜雯呢?」相信這句說話出現於我口中不下數十次。
「星期六晚去有線等佢放工囉!」同樣地他們也回應不下數十次。
「咁又唔得, 做到咁揚, 有線又僻, 星期六晚企係度等人, 唔俾人當變態佬就奇啦!」
「但係你平時做D o野都唔見得你正常呀!」
「頂你……XYZ@……」
正如電視廣告也說 : 「只要有夢想, 凡事可成真。」夢想我倒是有, 但到底何時才會成真?
6月15日星期四的下午, MICKEY, 健康, KENNY和KC四人齊集在我家溫習,
準備翌日舉行的電腦科考試, 原本這科是最後一科的,
但因為之前有一科考試剛巧遇著紅色暴雨, 所以要順延至星期六才舉行。
當大家對著「堆積如山」的NOTES而無從入手的時候,
新聞二台的廣告時間播出一段《今日焦點》的廣告, 傳出一把非常熟識的聲音--是靜雯的聲音。
「喂! 你地覺得把聲似唔似靜雯呀?」雖然我覺得很似, 但也要徵詢一下他們的意見。
「都有D似, 不過唔可以肯定。」
之後我們重複聽了三至四次, 到最後得到一個「共識」--
大家一致肯定廣告內的旁白是靜雯配音的。
「話時話KENNY, 呢個係乜o野節目, 點解會係靜雯配音, 唔通佢會主持呢個節目?」
「呢個節目係星期五晚播, 個題目就多數係星期三, 四SET定,
星期五下晝係中環天星碼頭有線 直播室錄影, 跟住夜晚就播啦!」
KENNY又再次發揮其「長期有線電視客戶」的本色來作出一個詳細的解釋給我們知道,
使我們清楚明白。
「咁佢究竟有冇機會主持呀?」雖然他的解釋詳盡, 但是還未解答到我心中的「核心問題」。
「都唔排除有呢個可能性, 但係有線好多時D節目都唔係由廣告配音o個個人主持,
好似十點有線財經都唔係蔡富華做主持啦!
而且呢個節目一直都係由新聞二台D主持做o既, 我諗唔會無啦啦搵靜雯做主持。」
「但係今次個題目係講樓市喎!」我試圖說服他們。
「咁你唔俾係小慧主持咩!」健康他們又在「搭訕」, 打擊我的信心。
「如果係小慧點解唔係佢配旁白呀?」
「你個心諗住林靜雯梗係咁講啦!」
「你地知就好啦! 我真係想聽日下晝去中環博一博睇下會唔會見到佢呀, 咁你地陪唔陪我呀?」
我的心真的很希望他們可以陪我去。
「唔… 俾我地THINK THINK 先啦, 聽日答你啦!」MICKEY, 健康及KC回應著。
我看出他們還是舉棋不定, 在未敢肯定是否由靜雯主持前, 他們是不想去「白等」的。
「咁KENNY你點呀?」
「我諗我會去的, 況且聽日考完試都冇o野做, 去等下都無妨。」聽到KENNY這樣說,
我的心登時滿懷希望, 因為至少有他陪我去等, 即使可能是「白等」。
「咁你記得帶相機啦!」
「當然啦!」
這晚我如常地很夜才能入睡, 除了因為溫習翌日的考試內容之外,
當然還有在盤算著到底明天是否由靜雯主持節目呢? 是否下午在中環直播室錄影呢?
若果真的見到她, 又如何向她道出我們的由來, 怎樣要求和她合照呢……
無止境的等待, 固然令人相當煎熬, 但是突如其來的等待亦然, 而且還加上一點手足無措。