喇史記：姑名思議呢一度係記載我地喇星既歷史，”喇星”呢個名既由來，同埋一ｄ閃為人知既秘密！不經不覺”喇星”已經成立左接近十年，起初由一班屯門工業學院既小伙子所成立，而此名字的由來稍後我會同各位慢慢地解釋一番． １９９４年９月 無錯要開始講喇星既野的而且確係要由九四年既九月開始講起，當年網主”我”果陣都重係得十六歲，亂衝亂撞，一心只係想讀一門手藝”電腦”，而好好彩工業學院收生接納我既報名，就係咁，我就從入學開始慢慢踏進喇星既不歸路．１３０２／１係我地班既編號，最尾個一字代表我地係ＹＥＡＲ　ＯＮＥ，即係底年班果隻．第一日返學，一個人都唔識就已經要晌班房介紹自己，聽返亞央憶述，當日我係著住條綠色既牛仔褲返學，呢樣我真係唔記得，估唔到可以咁撚姣！眾多同學自外介紹當中最令人印象深刻係一個叫”公公”既人(佢已經完全脫離左喇星），佢一開口既談吐已經覺得佢有Ｄ串，不過事實佢晌呢方面又真係有料到．講講講講，聽左好多個人講自己既野，好喇！終於聽到個有些小親切感，因為終於搵到個同學係同我住同區，佢個名叫ＶＩＮＣＥＮＴ．第一個真正認識既同學反而唔係ＶＩＮＣＥＮＴ，而係”亞彭”，佢係當時班中數一數二多口既人／淫，亦係因為佢主動問我叫咩名，所以第一件就係識左佢，第二位識既係叫亞綿，不過我地已經較小同佢聯絡！到第二日返學，率先揀返一個有利既坐位，唔好太前亦唔好太後，結果我揀左個尾二位，算係唔錯，可能係工業學院既關係，我地已經再唔使論身形高矮去安排坐位．而我就係左晌班長同泰利前面，當時既坐位表係咁既ＣＬＩＣＫ！講下班長，佢的而且確係天生做班長既人才，就係世上有一Ｄ咁杖義幫老師捧野既人，我地先至可以腳ＵＮ　ＵＮ咁左餉個位度等運到，真係要多謝下佢，亦因為佢做左班長呢一個位，而令到佢日後既感情生活牽起左Ｂ面既故事，當班長有幸睇到呢一段時，希望佢既太太唔晌佢左近，否則我真係難辭其究．泰利，一個極有創作能力既人，我地幾代波衫既會徽都係拜佢所賜，無佢無今日咁精美傑作，黎緊我會幫泰利製作一個專頁，講解下我地會徽同球衣既進化！講下我隔黎呢件，平時唔多出聲既小明絕對係淫在骨子裡既佼佼者，無論平時上堂到群體活動都唔會太多聲氣，但佢對科技產品就異常地瞭如指掌．呢部份待續．．．．．．．．． 第一節足球課 相識了大約幾個星期，意外地我地成班大部份人都好投契．可能由於我地天生都係有小小賤同咸濕，所以傾起偈黎都特別投契，但我要聲明當時大家都只係淫在骨子裡！熟絡左，大家開始講起大家既嗜好，不外乎都係足球籃球排球幾味，而喜歡打足球同籃球既同學比較多，所以慢慢所有人都會約埋一齊打波．第一次同班同學踢波，並唔係太多人識踢，不過最經典既莫過於學校入面果個爛地場，夾雜住沙同雜草，一不小心分分鐘都變成人肉吸塵機，但始終第一次成班去踢波都係晌呢個地方，值得紀念． ”喇星”的傳說 坊間有好多人都錯誤地將喇星掛晌口邊，有Ｄ人鍾意將佢地夾埋個”挑”字黎鬧人，有人就會用個”屌”字，人人各有特色，不過聽左坊間咁多個傳說，呢一個絕對係事實，話說當年喇星並未成立時，電視台仍然盛行一套卡通片叫”龍珠”，卡通內容唔多介紹，入面有個人物叫比 達王子，咁岩比達係住晌比達 星，咁我地既班長”龍仔”當年既其中一個口頭閃就係”挑喇星”（真係爛口），講下講下，連自己個外號都改埋做喇星王子，咁喇星王子梗係要住返晌喇星入面架啦！就係咁無聊地喇星呢個名就係咁創造左出黎！當年仲得到明設計師”泰利”幫喇星王子畫左幅王子圖，不過聽聞此圖已經失傳，若果有人咁好彩執到既話，唔該請囉返去差館，我地遲Ｄ會有紀念品送返比你既！ ５７Ｍ戰隊 呢一段一定要由班長，亞彭同賤波三個過來人自己親手編寫才夠像真，所以呢一部份容後再公佈．