SkyWings - Leon
閒雲
創造奇蹟！努力與毅力！專心與決心！
雖然話可能好耐先打一次，但睇黎我都係一個月就起碼有一次心情低落呢...
真係估唔到自己心情會咁起伏不定...
fez(Fantasy Earth Zero/幻想戰記)已經玩左十個月，差唔多一年
由開始個時係陪朋友玩，到而家因為想玩而玩，都算經歷左唔少野
講真，我覺得同我之前我d經驗差唔多，都係有開始時開心，最後就不斷咁有灰心既心情
第一次，係紫月戰團散既時候，自己d真人朋友都走得7788，因為佢地想玩其他game
可能第一次灰心既關係，可以復原得好快，但個心已經有條刺咁，之後都好唔舒服
係GForce走個時，自己無咩感覺。
到由Blade走個時，只係因為零號無啦啦解左團，我就走左去臨時建立既Reunite
雖然話臨時建立，當Blade好快起返之後，Reunite無解到。
去到臨合ser個日，我去左白騎玩一日，因為合左ser之後，就會變成無團狀態
到合左ser之後，一直做自由人玩，都有識到人，之前ser d團都有人整返出黎
之後因為有兩位前團友邀請，所以去左Return，點知個兩位友人真有心
我入左團之後愈黎愈少玩，無幾耐之後，我自己退左團。又多左一條刺...
之後入左遊騎團，冰雪團，多啦團同神喻。遊騎係因為佢地太無理，所以走團
冰雪係我自己太耐無on，所以被佢地除名。多啦團算係最似紫月既一個團，好自由，團長唔錯
去到神喻，講真，我已經怕又多一條刺，所以無咁認真識人
到而家，我終於灰夠啦！完全移除左fez，雖然無del人，因為有野借人地
都係一開始開開心心同人玩，到最後成日灰心、失望。無理由迫人地跟你玩。只能講，灰。
係度打字，可以令我覺得好d，因為好似講左出黎咁
但講真......呢度無人黎，就好似自己同自己講野咁...會唔會有精神病
發表日期：2009年4月19日
而家係零九年既三月中...高考又黎啦，我之前先考完三個試，
而家又黎個高考...加上面兼職。雖然話時間都算係任我定，
但係我唔想咁多野堆埋一齊做，咁我會好燥，而且我怕會被自己對自己落既壓力太大
最終會唔會迫到自己傻左？定而家已經傻左？
隨住自己大過，自己要負既責任就愈大，呢個我知道，而且我都預左
可惜係呀媽成日返大陸，返到屋企成日同老豆吵交，跟住就一定問我同唔同意佢既講法
相反，考豆都有時會咁話呀媽，不過感覺上少好多。呀妹就成日係間房度...
成日好似第三國咁，不聞不問，不過有時咁做都較為好，起碼唔會再有多一個人糟
之前我講過每做一件事都好似考試咁，會實習返所學既技能。但係，會唔會俾太大壓力？
兼職個度每做完一次工作，如果之後有電話俾上司或者上司有電話到，就會當自己唔合格...
高考同高級文憑個d考試都一樣。好多時都係唔合預期，搞到我咩都唔想做...
以我黎講，失敗雖然係成功之母，但失敗過多，會令人失去希望。而家個世界就係咁
對應呢個情況，好多動漫都會畫到主角處於好有希望既環境，所以愈黎愈多動漫迷出現
而且，動漫既動向唔係讀者決定，而且動向一定會愈黎愈有趣，所以讀者唔洗用心用力就睇到結果
遊戲、電視劇、卡通大熱，好多時都係想睇下有希望既環境。對於我黎講，我都係
有人研究指人類覺得安心、快樂，係因為佢地有安全感、有希望、有目標、有時間
但我就無左兩樣，安全感同希望，兼職好似成日做錯野，令到自己就快被人炒咁
考試上年狂溫書都考唔到好成績，令我對所有考試都無希望，雖然可能係我用錯方法
有時間同目標就大曬？失敗得太多，會令人瘋狂！！玩網上遊戲？搵動漫睇？會上引架！！
當你睇到無動漫睇個時，你就覺得有d野缺少左。好唔自在！而家既我只係一個行屍走肉既人
有人可能會話，要成功，都要努力先得。但我上年何嘗唔努力？一次唔得，下一次？
我考車係考三次合格，但錢個方面呢？就算成功左，都有內疚感，你既成功要建立係人地既煩腦上
只會令到人地係咁話你！話到失望，無安全感。
發表日期：2009年3月18日
而家到左09年既1月啦...我急救證書個邊合格左，可以續證...
另一方面，我報左Unisoft既Advance Dipolma Of Computer Study...
第時可以真接讀海外既TopUp Degree或者拎住個證書去報本地大學...
而我又搵到份兼職技術支援，每星期返兩日都有大約每個月二千蚊洗下...
而且我星期日有去學普通話中級班，之前8月開始既普通話初班已經完左...
重有，我報左09年既AL...加上我High Dipolma個邊考試，由二月到四月都係考試期...
而家重要有功課未做完，好大獲...好想唔理全部野，屋企關係又愈黎愈差咁...
好煩呀！！！網上遊戲都就玩到我唔想玩，動漫個d又無咩好睇，12月尾買左Xbox360...
但係又唔玩得太耐，因為我成日擔心功課。衰就衰在，有部機係度，我就唔想理功課...
好想咩都唔理呀！好想唔煩！有朋友，就無時間；有時間個時，就無咩朋友咁....
我妖！我頂！而家咁既情況又唔係好識到人喎...唔通我以後無方法識到人！？
人人都話我無野做，但我成日就係覺得煩。好煩呀！好煩呀！好煩！
我可能真係無野做，但我煩緊d野，都唔知點同人講。同左人講，人地又唔知點答...
唔通我去搵社工咩？咪傻啦！我寧願自閉好過...而家只有一個字—煩
我而家做緊既野係為緊未來？由我唔洗返學校個時開始，我就覺得就完啦
好快就完啦，我好無現實感。我好似有想自殺feel？其實唔可以講無...
任何一個人都有呢個諗法，差在係咩時候姐。最奇怪係，我係呢個無人睇既網頁裡面發洩...
明知無人睇，都重要打，真係驚我第時唔記得我煩過咩...
係呢個月開始既文章，再唔會以創造奇跡，努力奮鬥為主題...
只會以我自己打既時候既睇法，你地睇左之後有咩不滿唔該吞左佢！
係度同我講話我白痴既，唔該同我死開！話我無聊既，唔該去死！我唔信睇既人無同我一樣既經歷！
對於而家黎講，我同我d fd完全散開曬，陳健朗,李恆,高文傑已經無咩聊絡
主要係大家都唔多得閒，佢地又大多數返緊工。唔好打擾佢地好...
馮梓濠,劉志恆,張浩然個d，又因為佢地返學考試太重要，唔係幾好意思阻住佢地...
Unisoft d同學未fd曬，上年遵理個d直程散左咁...好似係燕京之後識既同學...
我都會有層隔幕保護自己咁...定係唔想再識人？
網上遊戲個d，佢地都有自己既想法，所以同佢地講，佢地只會覺得煩...
總括黎講，家庭關係轉差中，朋友關係疏離中，自我信心下降中
煩悶程度上升中，唔想做野程度上升中，自我隔離都開始緊
失敗,黑夜,失望,無目標，都係而家我有既野，之後要點算...
When time goes by, Sky becomes Dark.
Although the Sky seem close, he is far away at all.
The only thing he had is Darkness.
發表日期：2009年1月19日
今日放榜！結果係…入唔到…竟然衰係英文度- -
中文：E
英文：F
物理：D
化學：E
純數：F
最令我估唔到係化學會E左…不過若果個E去左英文度…我都係上唔到- -
差係差左d…不過好過上年，係大部份好過上年…重諗住英文會好過上年
原來只係假象！？理解好左…速度慢鬼左…最終打算係…出黎做野！
雖然可以同以前既自己講「你既努力係有成果」，但只係唔足夠…
我這樣都算對唔住我爺爺…對唔住我屋企人…佢地對我都有期望…
估唔到就咁就被ko…唉~劉志恆中英文合格，但AL科目中只有bio合格…
馮梓濠係AL科目中拿到唔錯既成績而且中文合格…但英文肥左…
總括黎講…全員失敗…
到急救證書個度…諗住今日去搵課程，好彩重有一個課程係7月14日- -"
同劉志恆講左…點知佢見到重溫課程要一個月之前申請…大鑊！
過硬期…最後就聯絡下聖約翰救護機構個邊…點知過左辦公時間…
所以用左e-mail…唔知有咩答覆…希望有好答覆…
由上年到現在一路都係失敗…點解係咁…考到個車牌個時以為可以有所改變…
點知…原來係假象…到左9月就會有一個全新既我出現掛…
我定期寫月記既習慣就到此為止，之後就睇自己想唔想寫同想唔想理…
講真個句…同劉志恆、馮梓濠佢地d關係疏遠左…無fd！？(因為無曬共同嗜好、習慣)
始終都唔係幾頂得順失敗既壓力…
發表日期：2008年6月30日
終於考曬所有AL科目啦！感覺上過得去啦…應該係偏向差個邊tim…
中化表現一般…耹聽我認為自己唔錯…文化問題,作文同閱讀理解就過得去…
但係口試就真係衰到唔知點咁…要人幫…
英文係Section C同B都覺得唔錯…Section A同D過得去…而E就有少少強差人意…
純數…哇！死到最盡都係得個D…只係感覺上…考學過d野竟然唔識…
失敗…無用…懶人…無腦…都唔係用個心黎做既…我用邊度做數架！
化學算係我較為滿意的科目…唔知係咪個呀sir教得超好呢？(變左博士tim><)
物理同純數一樣都唔係好掂…見到好多題目都呆左…最主要係唔明佢想我答咩…
可能係我修行未夠啦…若果入唔到…都唔會後悔…
因為我已經盡左力(起碼讀書時真係全情投入先)
之後重要考埋急救證書…我個張證書去到7月尾到期…唔想再讀多三十個鐘- -"
約埋班friends去考！練習！互相指點！
重有其他野好想考，例如國際潛水証書(全球潛水必須品)！講到考試…
我係5月23號又再考車！今次我要冷靜！考好佢！唔可以次次因為壓力而失敗！
但講到搵暑期工…咁搞法…又多數搵唔到…「好似」好多野做咁…
無錯…只係「好似」…而唔係真係好多野做…自己又俾左個藉口自己…
會唔會好無用呢？我第時都要出黎做野…點解唔累積經驗先…
最近思考所得既係…每個人都係不斷進行考試同學習…學行…學踩單車…
出世時學呼吸…學用資訊科技…學煮飯…學洗衫…到左考試時…
成功就係自己會學到個樣技能同應用佢…但失敗左個時…可能會無面…
可能會俾人罵…可能會受傷…都可能會「死亡」…
點解咁多人為左考試而自殺…我都有所理解…當學既野愈多…就愈怕自己會答錯…
因為怕自己會錯…所以就真係錯左…最後原諒唔到自己…所以自殺…
而有d人就係考試之前就諗到以上既野…(包括我)所以我係考口試之前…
都好驚會錯誤…最後搞到自己超大壓力……都可能係因為這原因…
所以中化口試差啦(會唔會又係藉口呢…)…但係又因為自己諗到這個原因…
所以自己開解到自己…我試過好多唔同方法…應該有過百種…(已經唔記得點開解)
但琴日考英文口試時開解自己既係
「都已經學左，唔洗怕唔識講。」
我即時壓力指數急速下降。點都好！考完試之後既應用算係壓力最低！
因為考試證明左自己識，所以好放心掛！可能係考試既好處都唔定！
發表日期：2008年5月8日
現在已經考左中化口試…但完全唔得咁…要人幫先講到兩次野…
最多只會去到合格位…總之就唔係好得咁…
現在的心情係糟糕到極點…有d唔想再考試的感覺…可能係唔想再失敗…
都可能係因為打機打得太多或者睇返上年失敗之前睇過的野有關…
好驚唔得呀…一唔得…我會唔會崩潰？我雖然知有問題就應該搵人幫手…
都知唔應該因為怕羞而唔搵人…但真係唔想搵人幫…怕麻煩？可能係啦…
重有成堆筆試等住考架…再咁落去…我會自動失敗…唔會最後先失敗嘛…
就算搵人傾計，感覺上都唔係人人都可以開解我…最好係一個口才好的人…
之先都可行的打機、聽音樂都好似因為上次失敗而無效化左…好慘…
自我開解？試過…不過只係愈諗愈衰…當諗到開解自己的論點時…
又可以好快咁諗到唔好個方面的論點…
現在最壞的諗法係當諗到「讀唔到大學就搵工」時，就諗到「浪費自己父母的血汗錢」
今年都有唔少活動係暑假進行，考車牌、考急救、搵暑期工…
對於現在的我黎講…我係咪承受到？好似白癡左d？我講的係心理上…
好似好重壓力咁，最近又有13歲中二男生話頂唔順而自殺…
現在的社會好似差左d野咁…大自然？滿足感？親戚感？但一定唔係物質…
今年的農曆新年表妹話我變左…唔知係變左咩野…不過原因應該都係「失敗」掛…
我唔信有另一樣野會令我變得咁大…係燕京中六開始…就咩野都失敗…
我好憎失敗，好想好似中五咁成功…好想好似中五考到中六咁…
好想好似中五時考到急救證書咁…好想好似個時一樣同朋友一齊分享自己的快樂…
而唔係好似而家咁…分享自己失敗的經驗…想佢地安慰我…想佢地…
重諗住去到大學先識女朋友…睇黎我成世都唔洗識女朋友…
無悔…因為我去到最大努力都失敗的結果…
努力過後的失敗…係最能夠令人無悔…都係最令人失望的事情…
發表日期：2008年3月22日
2月中…今日係農曆新年的初四。睇落好似重有好多假期…
但係…距離高考的日子愈黎愈接近，休息又好似休息夠咁…
我係咪好應該去繼續溫書…我心裡面已經有個答案…同心裡面相反…
現實中的我…只係好無謂咁浪費時間…有決心，無力量、無行動係唔得…
而無決心，有力量同行動都唔會成功…一定要三者並存先得…
現在的我，只有決心，力量同行動已經無左，我係咪想再迫自己入絕話先開心？
未來的我，我好想知到個答案。如果係你的話，你應該知道答案吧…
農曆新年裡面，我感受到時間流逝的影響。好多舊時有嘅野…令到我開心嘅野…
到左現在，已經無左。若果將時間停流係自己開心的時間，
你話幾好呢…但係…自己開心的時間，唔一定係別人開心的時間！
我唔應該將自己的快樂建立在別人的悲傷上。只要做好自己本份就得…
無人會因為你努力而想去罵你，也無人會因為自己盡左力而後悔！
我到底溫唔溫得切書？考唔考到上大學？我見到希望之光的同時，
都好驚絕望的深淵…所抱住的希望愈大，驚的程度就會愈大…
好驚咁就浪費左父母俾的機會，但上到去又會俾父母一個重擔…
咁我點算好…
發表日期：2008年2月10日
唔知點解突然好想打一打每月小記…聖誕又過左去…聽日又要返學…
今個聖誕好深刻…可能係我最後一個咁開心的聖誕…因為下年可能會無咁的機會…
升唔升到上去都成問題…最好就升到啦…若果唔係的話，就要出黎做野
重有功課未做呀！！！唔知點解覺得今個聖誕已經盡左力去讀書咁…
因為我差唔多日日都唔得閒…連星期一的英文補習時間都記錯左…
超超超大獲…雖然話唔似聖誕，但都好開心！有一個好好的假已經係唔錯
但知識吸收率係差唔多零…好慘…而且這個每月小記可能會變雙週記…
因為我可能每兩個星期就想打一次…最主要睇自己心情…
最近真係凍左…要小心…唔好俾自己病！唔想「林美香」…
發表日期：2008年1月2日
十二月中啦！！又無左一個月啦>.<…狂溫書又唔知溫唔溫得切…
車牌考左兩次都肥左…超玩野…我諗今個聖誕係我有生以黎，
第一個最唔似聖誕節的聖誕節…有似有d玩野嗎？可能啦。
老豆就快無工做…又唔知佢搵工搵成點…好煩呀…
講真個句…我星期六去埋自修室…溫書進度都只係快左好少…
雖然好過唔去…但note都整唔到幾多…真失敗。原本想星期六整note
重諗住可以整起碼兩課半…點知只係整左一課…失敗！！
重要係整自己最識得多的科目-「物理」。認真玩野…估都估唔到…
「化學」都教左唔少…但係整唔切note…「P-Math」更加唔洗講…
都無時間整「化學」note…點會有時間整「P-Math」note…
好在現在搵到有人教我！！yeah！Thank you!My God!(雖然我唔信- -)
車牌個度第一次肥的原因係「我無睇盲區」，我又覺得自己抵死…
而且個師傅都有係考之前提一提我，但我竟然做得唔誇張，
有時甚至係唔記得望…所以係第二次考牌之前都有苦練架！！
只係唔知係唔係苦過頭…集中力差左…轉彎轉慢左…重要次次都係…
最後就係肥左「轉彎位置不正確」- -我一見到就呆左= =
不過係考個時就知道自己肥鬼左…因為個考牌官幫左我踩腳制…
跟住話我入左「白影區」。咁就肥左啦…幾易肥呀…
若果第一次我有望盲區咪好囉…唔洗考咁多次…重要係度曬錢…
老豆做埋今個月就無得做啦…好擔心有d副作用…雖然老豆叫我唔洗擔心
但老豆又話賣樓，又話借錢。話只要我重有機會讀書，就一定會供我讀書
我就係咁樣先擔心…怕會有事發生…但我又唔可以話現在出黎做野…
重讀得，就要盡全力！唔可以浪費這個機會！
發表日期：2007年12月18日
哈哈- -十一月…真快到…部腦重未整返好…考車返…公開試…
多到我都嘔白泡…Online Game…卡通片…差D上癮停唔到…
講進度…講溫習…時間少到好似無…
上面順唔順？差唔多講曬我想講的野…- -講真…時間唔多…
而我現在都唔算放好多時間去玩…星期一到星期五一返到屋企
就係食飯、沖涼、訓覺，有時間就check下e-mail…差唔多成1點先訓
第二日又要早起，其實都幾難頂。另一方面，呀爸又就快無工做…
又驚呀媽頂唔順…現在個屋企都唔知係咪屋企…成日係度吵吵鬧鬧…
一時就話呀妹唔煮菜、唔洗碗、唔煮飯、唔溫書…一時就話呀爸成日嘈…
成日唔滿意…呀媽早上唔返…呀爸就話佢…呀媽無買菜…呀爸又話佢…
我就次次係一邊聽…我好似變左「投訴科」職員咁。
講讀書，其實遵理重讀係唔錯，只要會自己學習；去多d自修室；
問多d野；自己多d思考問題(令自己唔會咁累架)。講就係咁講，
其實無咩人做到…我都算做到小小而已…何況現在開始跟唔上…
主要係唔夠時間俾我自己做note、做題目、預備下一堂所講的野…
計畫係星期六、日都去圖書館自修室溫書，雖然咁會好辛苦…
但都唔係維持多半年！我一定得！我要上香港大學！我的新目標係
2B3C！！
發表日期：2007年11月11日
現在已經返左學一個月…部主機重未整…但咁都未算衰…
竟然連ps2(Play Station2)都壞鬼埋…(太約九月中壞- -)
啊…我的最後娛樂呀…玩玩下轉版時就一直黑畫面…
但係關左佢一陣就開得返…真係唔知點玩好…= =
前日，校長無啦啦入黎。
話咩「聽日開始會查書包，查到有違禁品就記過」
嚇到我班大部份同學昨日都無帶電話= =(包括我~ ~)
講返溫書的進度啦！@@ 我都唔信我可以頂得住@@
九月就日日早d返去溫書，因為有成四日得下午有堂嘛！
返到去係咁做note、做classwork、做past paper、
諗返唔明的野等等。原本諗住早d返都溫得切…點知係溫唔切- -
所以九月中就開始係放學之後去溫書。但次次都係去麥記…
當然無咩讀書氣氛啦…至衰係累時無得小睡嘛(好唔正常架)
就係咁就過左九月啦。到十月開頭，我就開始搵下其他地方溫書
最後先發覺原來元朗圖書館的自修室次次去都有位= =
所以十月頭開始就日日放學去自修室去到9點半！
跟住無幾耐就聽到老豆可能會失業…呀媽話無能力負擔副學士…
我點好…應該點好？讀好d拿獎學金？定畢業之後出去搵工做？
好煩腦…最後決定左要盡力讀好d書先…若果唔得就只有搵工做
已經無其他選擇…咁就要booster全開！無論自己有幾苦，
一定有人會苦過我！努力！專心！專注！學習！
早上早返溫書，晚上留低溫書。
唉~原本有人陪我…但佢話頂唔順…好眼訓…
無時間溫書等等…不過算啦…我要頂落去！
我要「創造奇蹟！」。
我的目標係2B2C1D！香港大學！等我！
發表日期：2007年10月12日
現在暑假過左一半，我部舊主機的主機板壞左…
應該係壞顯示卡部份…跟住連開機都有d問題…
最後用返部舊手提電腦當主機咁用，好在一般應用都無咩問題。
現在上網上Yahoo知識幫下人解決電腦問題時
見到有人想要某個網站d圖，所以我上左那個網站睇一睇
大部份都係一般質素的相片，但我見到有張色彩特別鮮豔
就入左去睇，睇到好多都係好高質料
無論係拍攝角度、光線應用、對焦、model的姿勢方面等等
跟住對比返自己影的相…差好多…雖然有d都唔錯…
搞到我超想買部適合的相機去影風景，同其他人一樣影得咁出色
就好似軟件同硬件咁，某一方面不足都不足以發揮出最大效能
同技術或硬體支援某一方面不足就影唔到最好的相一樣
我要影d人人睇左都覺得靚、知道世界美好一面的相
希望我以後會有咁的機會！
發表日期：2007年8月10日
中七放榜…竟然係全炒…自己都差d接受唔到…
唔知係咪激動左d…所以係果時突然有d暈…
不過全炒就真係好失敗…有人叫我出去做野而唔好重讀都好正常…
但係中六都諗到「若果重讀唔到實死無生…
估都估唔到咁靈…下次都係唔好自己講自己好…- -
最後去左遵理重讀…3540一期…好貴…校服又唔係好睇…
校服唔好睇就當自己的報應…但學費真係好過意唔去…
話曬都係自己父母d錢…俾我就咁用左…下次要考個好成績！
一定要俾呀爸呀媽睇到佢地的付出係有回報！！
發表日期：2007年7月1日
已瀏覽本頁之人數：