賽會賽後報告

上半場兩隊都在中場較狂牛果面猜波多，但最有威脅的攻門反而在狂牛身上， 一個禁區外20碼罰球拉西彎去近柱(個西度好有碧咸的影子)... 可惜中楣；之後另一個左路的抽射，被博士隊後位刪倒反而帶有曲墜咁飛向龍門的近柱上角，門將反應快救出；但係咁樣入唔到，博士則由一個簡單的組織同中央突破打開彊局，前鋒在禁區頂控定個波中間推過兩人狂射，門將撲盡但球在柱邊入網，就咁領先一比零。

下半場，狂牛一開始積極搶攻，在開波唔夠一分鐘就得到九碼，大家以為會追番一比一之際，又畀博士門將捉到路救出(可惜)。之後狂牛就一直沉淪，主導權去番博士果面，一次右路傳中，笠過對手最後一個後位，博士隊球員控定抽入領前二比零。到最後十分鐘，狂牛一個簡單的攻勢射入追回一球，由之後在不斷的手榴彈轟炸下，伏兵的狂牛球員搶先在門將前頂入追回二比二；最後兩隊快上快落下以二比二完場。

是場過後各取一分，但博士是上昇一級至第三，而狂牛則是下跌一級至第八。