波 記
2001 年 >>> 12 月
2002 年 >>> 1 月 / 2 月 / 3 月 / 4 月
5 月 / 6 月 / 7 月 / 8 月 / END ......
1 / 12 同左個 friend 大埔一日遊 ~ 行左成日都幾無聊下
順便訂埋星期一巧愛 同 vicky , ada 既兩個蛋糕 ~ 一個芒果味 ~ 一個咖啡味
買埋野飲 ~ 跟住就番屋企畫卡勒
唸左好耐都唔知點畫 ~ 但夜晚又冇啦啦唸到 ~ 畫左少少
2 / 12 又o係屋企畫卡 ~ 畫埋 vicky 同 ada 既生日卡
初初又唸唔到 ~ 但聽日就要送 ~ 所以臨急抱佛腳
最後三張卡畫到 3:00 先訓~!!
3 / 12 今日 lunch 番鄉中 ~ 太多人讚我 ~ 好開心 ~ 呵呵呵 ^.^
但 D 時間好似好快過咁
食下蛋糕 ~ 影下相 咁佢地就要上堂 ~ 好快 ~ 好快 ~!!
張勁大既生日卡終於送左比 Miss Chow ~ 好開心
我畫左好耐架 ~ 好靚 ~ 呵呵 ~ 好開心
4 / 12 今日出左佐敦 ~ 上晝超無聊
之後 Lunch 去左唱 K ~ 跟住行旺角
跟住番屋企就要食自己lu~
5 / 12 今日行路多過跑步
唔知點解無啦啦冇晒心機 ~ 成個人好累咁
又無啦啦唸左好多野 ~ 攪到自己好煩~!!
6 / 12 今日好凍冇去跑步
o係屋企 update 下個 homepage
跟住陪 mummy 行街 ~ 好凍~!!
7 / 12 今日去左跑步 ~ 都仲係冇乜心機 ~ 有少少凍~!!
8 / 12 今日加左好多星座既資料呀
大家快 D 去睇下啦
( 我好迷信架 ~ 我覺得巨蟹座好準架~!! )
9 / 12 今日 Family Day ~
成家人同 D 姨媽姑姐出九龍食火鍋自助餐
10 / 12 今日天氣凍凍 ~ 喉嚨痛痛
仲有少少頭痛痛忝 ~ 好辛苦 ~ 好慘~!!
11 / 12 病!! v_v
12 / 12 少病!! @.@
本來好番少少 ~ 不過尋晚同個 NIGal 傾電話傾到三點
攪到今日醒左喉嚨好痛~!!
13 / 12 康復中!! ~.~
今日終於收到掛號信勒 ~ 係入台証既信呀
不過都仲未知幾時去台灣~!?
14 / 12 康復中!! >.<
仲係有少少傷風 ~ 咳 ~ 喉嚨痛 ~!! 幾時先真正好番~!?
本來病唔想出美孚住 ~ 但最後都比人引誘左 ~ 出去住幾日~!!
15 ~ 17 / 12 去美孚住幾日
18 ~ 22 / 12 去西環住幾日
( o係西環都分別撞到兩個 friend ~ 勁~!! )
23 / 12 終於番大埔住勒
好掛住自己張床~!!
24 / 12 今朝十一點比電話嘈醒左
同個 friend o係大埔行左陣 ~ 跟住佢請我食 lunch ~ (多謝佢先 ^.^ )
跟住番到屋企冇耐又要出去買今晚打邊爐既野食
去左阿 Ling 屋企打邊爐 ~ 食到好飽~!!
食到好飽..... 之後仲要一齊去左食糖水 ~ 跟住一個人番屋企 ~ 好可憐~!!
25 / 12 年年聖誕節都會同 D friend 去下尖咀食風
不過今年就同 Mummy 去左行街 ~ 買左好多衫
睇中左對 nike 波鞋 ~ 不過冇 size ~ 下星期先有貨~!!
26 / 12 今日去左紅磡碼頭o個個香港冬季嘉年華
D 機動遊戲幾刺激 ~ 其實都幾驚下~!!
有個機動遊戲翻轉o個時 ~ 我玩到撞左個頭後面幾野~!!
27 / 12 今日終於比 Mummy 迫左我去睇醫生
因為我又傷風~又感冒~又咳左成兩個禮拜
我怕食藥水 ~ 所以 Mummy 次次叫我去睇醫生
我就即刻走去訓覺
今日我咳得好勁 ~ 比佢整醒我去睇醫生
鳴 ~.~ 真係要食藥水 ~ 好慘~!!
28 / 12 今日嘉豪生日去左BBQ
不過可能食左藥 ~ 冇乜胃口 ~ 所以冇乜燒到 ( 叫人幫我燒~!! )
之後最好玩係夜晚番大埔玩 ~ 個個都好開心 ( 罰人罰到好開心~!! )
29 / 12 今朝七點先訓覺
不過晏晝十二點幾已經自己彈左起身
其實都仲好眼訓~不過又唔想訓wo
跟住就同左思程,瑩瑩三個
去左太和一間酒樓~思程請我地兩個飲茶
嘩~原來三個女人一個墟真係o岩~!!
我地一路飲茶~一路講笑~個feel真係幾正~!!
30 / 12 尋晚去 yahoo 篤波篤到四點好眼訓
跟住今朝十一點就比Daddy叫醒左
出荃灣甚麼飽餃店同D 親戚一齊食中午自助餐
食完之後本來話去香港冬季嘉年華架
仲唸住同屋企去唔洗自己比錢
點知行行下D大人又話剩係睇我地玩佢地悶
最後個個番美孚打麻雀~!! 我輸左百幾蚊呀~!!
好在 Daddy 之後比左二百蚊我o者
唉 ~ 近排用左好多錢呀 ~ 最慘係我個提款機 (大阿哥)
佢去左旅行 ~ 冇得問佢拎錢~!!
31 / 12 前日十二點起身 ~ 尋日十一點起身
今日仲早十點電話響 ~ 同思程 ~ mouse 去尖咀唱K
唱得三粒鐘 ~ D時間超快過~!!
跟住行左陣街就番大埔 ~ 夜晚同嘉豪佢地去大家樂打邊爐
跟住就去嘉豪屋企打麻雀 ~ 倒數~!!
本來約左另一班 Friend 出 Time Square 倒數架
不過之後......... 冇去到 ~ 總之對唔住佢啦~!!
Back To Home