波記
2001 年 >>> 12 月
2002 年 >>> / 1 月 / 2 月 / 3 月 / 4 月
5 月 / 6 月 / 7 月 / 8 月 / END ......
1 / 7 今日下晝即興~ 去左踩單車
比起一年前踩~ 今次踩得好輕鬆
唔知係我體能好左~ 定係吐露港條路短左呢~!?
2 / 7 今朝一早起身番鄉中做球証~!!
之後番屋企一直訓訓訓~!!
3 / 7 今朝番鄉中做球証
之後食完 lunch 行左陣就搵 Miss chow 車我地出荃灣
之後再出屯門先再番屋企~!!
呢幾晚又少訓~ 成個人都好累~!!
4 / 7 今朝番鄉中打波~ 好曬~ 打打下都冇乜心機
lunch 大灰熊請飲茶~ 不過超眼訓~ 冇乜胃口
之後番到屋企唸住訓
不過又想傾電話~ 所以最後都係冇機會訓
又要打好多電話約人星期一同 Miss chow 食 tea~ 好累呀~!!
5 / 7 可能呢幾日都慣左 7 點幾起身
今朝自己都彈左起身
不過醒一醒又訓番~ 好眼訓呀~!!
今日下晝終於收到屯門區比賽既 fax 勒~!! (等左幾日勒~!!)
7月10 抽籤~ 今年錯過左青少盃
希望唔好錯過埋呢個區賽啦~!!
7 / 7 今朝麻麻一早打黎
話叫我地一家五口全部都要去醫院睇爺爺
可能爺爺都老啦~ D大人覺得可能係一個解脫
至少今日爺爺都見過晒我地
但我好驚呀~ 雖然今次冇乜事
但我好驚有一日...... 我真係好驚
唉~ 睇完爺爺之後~ Daddy,Mummy 同 d 親戚打麻雀
兩個阿哥又去左拍拖~ 得我自己一個番大埔
近排有好多野好煩呀~ 一個人唸左好多野呀
夜晚都冇乜胃口~ 之後好想出街行下
搵左 Ho.B 陪我行左陣~ 散下心~!!
8 / 7 今日番鄉中睇人地綵排
到 4:00p.m. Miss Chow 開完會~ 一齊去 Pizza Hut 食 tea
之後去左嘉豪屋企玩~!! 夜晚自己一個食 dinner~!! ~.~
9 / 7 我要的其實不多 但最近我很不快樂
如果能習慣沈默 我或許就不難過
如果不是真的愛過 我又何必太執著
為何你從不懂我想些什麼 你只是太愛閃躲
我要的其實不多 但最近我總覺得
不快樂 我很不快樂 有一種想哭的念頭
卻又說不出那是什麼 我就是覺得
不快樂 我很不快樂 寂寞好像有填不完的缺口
10 / 7 今朝出左灣仔 & 銅鑼灣
有d 無聊~ 乜都買唔到~!!
11 / 7 今日同 Daddy,Mummy,
兩個阿哥仲有佢地既女朋友忙左成日
終於決定左lu~ 9月22 就係消失既一日~ o個晚我一定要通頂~!!
"At the end of the day 我最需要的是你 不是誰
無能力失去你 像快枯死 如像缺氧 我負擔不起"
今晚多謝在乎我既人~!!
12 / 7 雖然今年冇咩難忘~ 但都好開心呀~ 去足成日~!!
朝頭早有你地陪我唱K~ 切蛋糕
夜晚又有另一個你地陪我食飯~ 去海濱傾計~ 劈酒~!!
不過呢唔知會唔會係最後一年有你地陪我過生日lu~!!
P.S. 我仲未擦份禮物~!!
13 / 7 尋晚四點先訓~ 今朝又要早起身勒
唉~ 有好多野要攪~ 原來係咁煩架~!!
14 / 7 今日出左天水圍
唉~無啦啦比婆婆話我游手好閒~ "食失米"~!!
好Q 嬲呀~!! >.<
夜晚去左表妹屋企訓~!!
15 / 7 今朝由天水圍出旺角~ 同舅父, 表妹唱K
晏晝大阿哥車我地去行街
之後我鍾意咩~ 大阿哥都話買
原來佢係咁O錫我架~!! *.*
之後又由旺角送舅父番天水圍~ 再由天水圍出番旺角搵 Daddy
食埋dinner 就番大埔lu~!! 就係咁忙左成日~!!
16 / 7 今日終於可以訓到兩點~ 都仲想繼續訓
之後去左郵局拎掛號~ 原來係份生日禮物
好開心呀~ 原來有人咁在乎我架~ 多謝~!!
17 / 7 今朝出銅鑼灣同d fd食lunch~ 之後行一陣
就出旺角行一陣~ 之後又出堔水(土步)行一陣
再去沙田行一陣~ 就番大埔~ 就係咁行左成日lu~!!
24 / 7 近排實在太忙勒
屋企好多野要執要攪~!!
都冇時間 online~ 冇時間寫日記~ 冇時間食 dinner~ 冇時間訓覺~!! 唉~!!
27 / 7 今日同 Daddy, Mummy 飲完茶~ 行左陣街
之後就番屋企一直online lu~
29 / 7 今日去左心姐屋企
因為有烈火雄心Ⅱ優先睇~!! 唔知點解佢一早就有晒烈火雄心咁多集
但我只係睇左第一集咋~ 今晚再睇多次~!! 太正勒~!!
30 / 7 唉~ 今晚出左街
趕唔切番屋企睇烈火雄心Ⅱ忝~ 不過好彩 mummy 日日都有錄
但睇錄影帶感覺好似麻麻地咁~不過好過冇~!!
31 / 7 今日好無聊
冇街去~ 一直o係 home online
唉~ 時間過得好快呀~ 就黎 8月勒~ 好唔捨得.....
