曼城 Manchester City
| │首頁│連結│球會消息│球隊資料│球員資料│球隊相片│超聯排名│關於本網│投票區│留言冊│討論區│ |
超越勝負的生命
 |
有足球名宿曾經講過：足球大過生命，但我絕對唔認同，喀麥隆中場硬漢科爾就此告別人間，確實令人難以接受。
仲記得個晚同堅哥評述呢場比賽既時候，赫然發現科爾倒地不起，大家都已經覺得事有不妙，因為只見佢完全冇動作冇反應，雙眼反晒白，當時只怨旁邊隊醫態度慢條斯理，要花好幾分鐘時間先至能夠抬佢出場邊作進一步治理。節目完結嘅時候，仲未知科爾的情況，只能夠暗暗替佢祝禱……點知，轉眼間就傳來噩耗。
目前仍然未知科爾真正死因，但無論如何，都係相當令人惋惜，而由於今次事件係意外，睇黎亦難以避免。
科爾雖然唔算得係大紅大紫嘅球壇巨星，但正值黃金年齡二十八歲既佢，亦係我頗欣賞的球員，雖然位置上係擔任中場，但係佢嘅射門同入球能力都好強。佢身形高大，相當擅頂，截擊能力更極具效率，加上遠射腳頭重，確實係一名中前場通天佬倌，正如當年車路士嘅烏拉圭中場普耶一樣。
有人提議洲際國杯應該就此腰斬，以示對科爾的哀悼。不過我認為倒不如積極d，畀球賽繼續進行，球員就全力作賽。無論輸贏一方，都可以將榮譽送畀呢位先行一步既好球員。
再見科爾！
(資料來源:www.keymanshow.com)