自從准同ah Go係埋一齊之後, 佢地變得特別重視對方….
又因為呢個原因, 佢地兩個都會因為一d小事而鬧交……
今日, 佢地又因為報紙既一d傳聞而鬧交….

完成錄影既6個人, 回去樂屋既時候…..
V4就發現有d唔妥, 見到o個兩個人同平時唔同…
氣氛變得好薑…眾人都心知不妙……
masa 就問准一:「你地又….今次又因咩事呀~~快d tum 番佢la」
准一:「因為報紙個d無聊新聞lo….話同佢解釋又唔聽….
       我都唔知可以點呀……」
Go:「岡田准一!!你話我無聊?!……」
准一:「夠la!!我好累, 我唔想同你嘈….你太無理取鬧la」.
Go聽到之後, 一粒聲都無出就獨自離去, 整個樂屋都變得好靜…
准一見到ah Go走o左之後, 好後悔自己點解會講出d 甘既說話…

出面落住好大既雨, 就好似ah Go而家既心情一樣……
佢自己一個係雨中漫無目的o甘行…
行行下, 就行到准既屋企樓下, 可能係因為太熟路既關係….
但硬頸既佢, 最後都係番自己好耐無番既屋企…..

番到屋企之後, ah Go佢就坐係床上面….
諗o左好多o野….諗o左好多自己同准一既o野….
諗番起任性既往往都係自己, 就自己既往往都係准一…..
佢發現自己亦變得脆弱….唔可以失去准一……
又諗番起准一今日個句話….令到佢好心痛…..
因為准一從未試過o甘樣同佢講o野………
眼淚亦不禁慢慢流下….
究竟係咪自己既任性今到准一好累?!
呢個問題不斷出現係佢腦海中….
呢個時候….
Go:「ah, 電話….」
期待住電話裡既係自己最重要既人把聲…
Go:「喂!!」
Ken:「喂!!你有無事呀~~」ah Go感到失望……
Go:「umm..」
Ken:「其實你都應該體諒o下岡田ga!!
同埋你自己都應該諗o下自己有無錯……」

另一方面….
准一同井原仲有外景, 所以井原就趁呢個機會, 做o下和事佬…
井:「岡田!!你有無事呀?!你仲唔打電話比佢….」
准一:「我無事呀~~你放心la…
       得ga la, 我有分數ga la」
井:「你仲嬲緊呀?!」
准一:「……」
井:「你唔出聲即係仲嬲緊la…
     其實ah Go佢係就係任性o左d…
     但係你知佢都係緊你, 所以先會向你發脾氣je..
     而且…好明顯佢今次只不過係harp醋....
     同埋….你係咪真係認為自己無錯?!」
准一:「…….」
井:「你自己慢慢諗o下la….」
聽完井原所講既一番說話, 准一開始諗……
准一亦諗番起自己同ah Go一齊既時候…….
好開心…….
雖然有陣時ah Go係任性o左d….
但係自己從來都無埋怨過……
佢覺得只要同ah Go一齊就會好開心….
發覺…原來ah Go對自己係非常之重要.….
唔可以失去佢……….
諗番自己今日所講既o野….
佢覺得自己真係過份o左d……
所以佢決定去搵ah Go……

每次鬧交, ah Go都會番自己屋企….
呢一點, 准一佢好清楚….
所以佢立刻去ah Go屋企…….

門鍾響起…….
嘈醒o左不知不覺就訓著既Go…
Go:「邊個呀?!o甘夜….
     個頭o甘痛ge…..成個人都無力…...」
好明顯因為今日淋o左成日雨….病o左…..
ah Go用佢有限既力氣去開門….
只係一段好短既路, 而家都變得好遙遠…….
Ah Go開門既一刻……
係眼前既竟然係自己最掛念既人…..
Go:「准一…….」
准一:「Go…你點呀?!」
ah Go再支持唔到la……
暈倒係准一既懷裡…..
准一即刻抱起佢…..
好小心o甘將佢放係床上面……
准一:「好熱呀~~你個額頭…」
Go:「好辛苦呀……….」
見到o甘樣既Go, 准一真係好心痛……
覺得係自己累到ah Go o甘既….
細心既准一就用一條毛巾幫ah Go抹汗…
過o左一陣, ah Go醒o左…..
准一:「點呀….你覺得點呀….」
ah Go崩潰la….再無法強忍淚水……
Go:「准一……對唔住呀….
     你唔好唔理我…….」
准一:「你唔好喊la, 你喊我會好心痛ga…
       其實講對唔住既應該係我……
       我唔應該o甘樣話你…..
       你只不過係harp醋je……..」
Go:「准一…..我係咪真係好任性呀?!」
准一並沒有回答ah Go既問題……
只係緊緊o甘將佢攬住…….
而ah Go亦得到答案…….
知道准一一d都唔介意佢既任性…..
知道准一仲係o甘緊張自己…..

第二日樂屋裡…..
V4一入到樂屋….
見到ah Go訓o左係准一既大腿上…….
而准一就睇緊書…..
見到呢個場面, 大家都鬆一口氣……
而大家亦有同一個問題…
「平時佢地都係最遲個兩個人番, 點解今日o甘早ge?!」







...by tako...