我有一個大佬,佢平時好錫我架,
但係只限佢o個隻唔係度o個陣囉...
我大佬咪就係表裡不一,但係就成日俾人睇穿o既ah Go 囉....
佢個隻？佢開心既時候會好親切咁叫佢「准一!」;
發脾氣o個陣就叫佢「死凸額!」既准一.

佢地好好關係架,身為生性阿妹既見到大佬咁鬼幸福,
都應該老懷安慰既...不過想死多Ｄ囉!點解?有一晚...
（隔離房）
准:「喂!睇住睇住,咪亂咁插啦!」
GO:「咁你咪亂郁先啦,唔好搞我!」
准:「其實你識唔識架?」
GO:「咁人地第一次之麻,想點喎...」
准:「呢Ｄ野個個都識架喎,等我黎!」
GO:「唔好呀!痛...痛..痛...痛..」
准:「流血呀!點...算?你好痛呀?下次我輕力Ｄ啦!」

身為一個旁聽者,你會點諗?你會認為佢地搞咩？
我咁八仲唔走去隔離房八八咩...竟然俾我見到----->
佢地係到玩手指!

准:「等我睇下邊到流血？」

我不其然係門口打左個突,仲俾大佬發現左,跟住就慘啦...

GO:「你過黎!」(呢句係好man咁講架下,
又唔見佢咁同准咁講野喎,chur!)
GO:「俾你見到晒,你做番Ｄ野好喎.」

其實就係佢地唔知整爛Ｄ咩,要穿針線縫番佢.兩隻麻甩佬邊識架,
連將條線穿過支針都搞到咁,我大佬仲衰到拮親流血.
係咁我就幫佢地兩佬縫野縫到３ａｍ,
佢地就睇精彩VCD睇到３ａｍ.

又有一晚...

GO:「唔好搶好喎,話明一齊睇架喎！」
准:「無搶呀,擺本漫畫過小小咋麻.」
GO:「你仲擺過小小?欏番黎呀！」(誤解產生)
准:「都唔係好過,擺呢度啦!」
（搶ｉｎｇ）
就係咁一本大好漫畫就撕爛左.

准:「叫你唔好搶.你睇下最精彩個Ｄ爛晒無得睇啦.」
（精彩?點解精彩?）
GO:「你話我？你唔讓下我咕喎？我...嬲！」

大佬就係咁衝返入房.一個大男人,一個小女人,無計.
（１５分鐘後）
准:「點好呢？好想...」
GO:「依...好想...」(你地兩個想啦咩? １５分鐘無見咋喎?)
准:「真係好想...」
GO:「出去問下...好冇呢？」（出啦出啦,小女人.）
准&GO:「一於出去問下有冇第本先,真係好想睇精彩個part.」
（跌晒眼鏡...）

佢地兩個一前一後咁就出左去.４５分鐘之後兩人恩愛歸來.

GO:「你好醒呀！咁都搵到第?本.」
准:「係定啦,今次一齊睇,快Ｄ去精彩個頁啦!!」

大家想唔想像到一個鐘頭之前兩人既狀況係勢成水火既呢？
我都埋去裝裝...
嘩！睇到洗番十次眼都唔夠啦!

之但係今晚,不尋常既事發生左,
一股火藥味係大佬開門既時候已經傳左入屋.開門只見大佬一人,
佢個隻呢？今晚濕滯啦...

我:「依,阿邊個呢？你地...」
GO:「唔好提啦,佢唔會再黎架啦.」
我:「得唔得呀你...地,你地唔見一個鐘都會死咕喎.」
GO:「咩唔得呀?唔見一...一世都仲得呀...我...依家就去沖涼.」

通常大佬講到咁窒都唔會成真既,放心！
以大佬小女人既性格佢今晚一定會同我講咩事.
(沖完涼)

GO:「喂!過黎,你咁得間.」(其實我忙緊架大佬!)
我:「點呀?佢又點對你呀？」(大家留意個又字)
GO:「佢呀,我叫佢佢唔睬我喎!無端端咕喎,你話佢係咪好差?」
(唔係麻?)
我:「咁你有冇問佢點解唔睬你呀？」
GO:「佢仲唔會打黎咕喎...佢根本唔尊重我!我唔會打俾佢架,
等佢打俾我」
(開始唔睬我,我又費事睬佢,不過我又裝到小女人想欏個電話喎)

電話響,大佬搶.不過係搵我.收線之後, 電話又響,大佬又搶.
今次係打錯.電話再響,我成功搶番黎...
准:「um...妹,係你?」
我:「無錯係我,有乜想講？」
准:「我想講話...你今晚食乜?？」
我:「不如我問你今晚搞乜野o丫？」
准:「今晚...今晚有Ｄ野.」(開始一輪嘴講野,我開speaker)
准:「放工之後我叫佢啦,佢頭都唔擰一下過黎,
佢明明聽到我叫佢架. 無端端咕喎,咁我咪又唔睬佢囉,
因為佢根本唔尊重我.我...」
GO:「喂!你好忙架呵,出去做野先啦,唔好八住.」

嘩！我好想八架？不過大家有冇覺得有兩句說話
重覆左兩次咁多呢?誤解又產生啦！
１Ｏ分鐘後有隻野係我家門前出現.

准:「對唔住！係我錯！我應該對你好Ｄ!」
GO:「唔係, 係我錯!」

唉!你話我可以點先得架,根本佢地兩個係「蛋百質」!
邊有人因為人地唔應自己而唔睬人地架?你地好無聊,好燥呀！
大佬、阿准,係時候煲Ｄ下火湯你地飲.
我對住佢地真係poor~人生啦！






...by 小K...