當J-FRIENDS既演唱會結束之後, 眾人都會番去自己所屬既樂屋.
V4準備入去既時候, 就發現度門反鎖左, 4個人都感到奇怪...
Masa:「依...點解唔見左個2隻既?係咪係入面呀?
頭先一支箭甘走左入黎.」


另一方面, 原來准一就同阿 Go去左買野飲,
准一:「駛唔駛買埋俾TC呀?!」
Go:「唔好啦, 咁重」
行緊番去個陣......
准一:「喂!!我陣間無野做就會去搵tsuyoshi君呀, 你去唔去?!」
Go:「唔去!!要去你自己去!我唔想見個d邪野, 佢簡直
 痴哂線,中哂毒,上哂腦,變態!」
准一:「阿....甘嚴重?!」


井:「等我地聽下入面有無聲.... 依....無聲既.....奇怪喎....
     我都話佢地兩個有d野架拉...兩個成日媚來眼去......
     成日係度扮無野...」
突然,個兩隻終於出現,仲係阿井原後面.....
Go:「你講咩呀?!你講緊邊個?!」
井(心驚):「無......無呀!!我講緊電視劇情ja ma...
          係la, 你兩個去左邊呀....」
准一&Go:「我地去左買o野飲lo」
佢地手上的確各自有一罐咖啡同一罐可樂


突然,
Aiba,Nino,Sho同潤出現問:「唔好意思呀......
你地有無見過我地個leader?」
V6同聲回應:「無喎~」
係咁,Arashi就走o左......


事情仲未告一段落.... 
TC好嬲, 嬲佢地唔幫自己買野飲, 仲鬧到准一同Go狗血淋頭...
Masa:「有無搞錯呀!!又唔幫我地買埋....話哂都係你地長輩喎!!!」
Go:「我都叫你買架拉,又話重...」
准一:「...下......明明係......」
Ken:「連我都唔幫....>__<」
Masa:「你個衰仔!! 你同我企係度...面壁思過!! 
   唔企番兩個零三個鐘你都唔好走!!!」
准一:「呀......係呢度....哦.....」(好慘既准一)
Go:「算la, 准一你聽話la.... Ken, 我同你去幫TC買過啦」
TC:「好拉!我地去搵TOKIO呀」
就係甘, 准一被屈,仲要獨自係走廊面壁.....


企企下, 准一突然醒覺 :「...啊...我做咩真係係度面璧??...
     入樂屋睇書唔好?......啊....開唔到門既......算啦...
     等我去搵tsuyoshi君先... 」
去到KinKi樂屋門口, 准一聽到一陣陣怒吼, 仲有一陣陣慘叫......
准一立刻伸個頭入房睇下發生咩事...
准一眼前係一幕准一從來未想象過既可怕場面:
tsuyoshi成個跪左係度, 佢頭頂俾隻腳踩住...
隻腳係...... 光一既!!!
「你個蠢材!!! 我明明叫左你係可樂加冰!!!
你係咪連本王子講既野都唔聽?!?!?!?!?!?!?!? 」
原來光一將tsuyoshi當做自己既奴隸.......(tsuyoshi真係慘)
仲要係度搣tsuyoshi.......
准一一時來不及反應, 只好細細聲講:「對唔住, 打搞哂......
我都係走先.....你地慢慢la」


關門之後, 准一不禁歎息... 「...原來阿 Go講d野係真架.... 
實在太邪啦...... 死!! 頭先好似俾tsuyoshi君見到!!!」


准一意識到危險, 就向汽水機方向拔足狂奔, 
因為依家救到佢既只有買緊汽水既Go同Ken...
Go:「依?...你唔係面緊壁架咩?!」
准一:「唔好講呢d野住...喂!如果tsuyoshi搵我,
你一定要話我唔係度呀」
Ken:「你點可以甘對你既朋友」
准一:「甘呀!阿 Ken你幫我頂o左佢...」
Ken:「好呀!!你係我朋友黎架ma, 一定會幫你ga」


當准一呢埋之後, tsuyoshi殺到..
Tsuyoshi:「...你地知唔知准一係邊?」
Ken:「唔知呀!!但係有咩野我可以幫到你?」
Tsuyoshi:「...甘你幫我陪下光一, 佢而家好孤單, 好需要朋友,
          最衰我而家要去搵准一, 陪唔到佢... 」
Ken:「好呀」
之後, 佢就去左光一度......送死.....
Tsuyoshi:「Go, 你知唔知准一去o左邊?」
Go:「唔...好似去左ARASHI個度」 


就係o甘, tsuyoshi就走o左.......
Go:「喂!出黎啦...佢走左啦....」
准一:「好彩有你... 重有熱情又偉大既Ken」
Go:「梗係啦~你睇下我對你幾好... 只要其他人唔係度既話... 
     係喎,你做咩要避佢?!」
准一:「算啦, 我唔想講.....(俾你知)」
Go:「話俾我知la.....你都知我好關心你ga
     我見你俾人鬧, 我都覺唔好意思」
准一:「(真係?!)唔好la」
Go:「你唔話俾我知, 我大聲叫tsuyoshi黎架!!!」
准一:「... 唉... 咁好啦, 但係你千祈一定唔可以俾其他人知.」
Go:「我都唔係d咁既人, 你講啦」
之後, 准一就將佢所見到既邪野一五一十話哂俾阿 Go知


Go:「唔..... 其實... 呢d邪野,我真係要話俾TC知!!」
准一:「唔好啦! 你又話唔講!」
Go:「但係我地V6係一個家庭黎架喎, 點可以互相隱瞞呢?
     何況俾Masa知道我地有野瞞住佢,何只面壁,跳崖都有我地份~
     你唔俾我講, 我又會大聲叫tsuyoshi黎架!!!」
准一:「......咁你最多剩係講俾佢地知好啦...」
Go:「你都係番入樂屋先啦, 我拎d野飲俾TC佢地先...
     等我同佢地解釋你點解唔可以面壁.....
     ...都係費事話俾阿 Ken知, 講佢都唔明」


果然,只要當無人係度既時候, 阿 Go真係對准一好好...


正當阿 Go佢拎d野飲俾TC既時候, 
TC亦諗番起要去拎鎖匙開門...
Go:「喂!!唔好話我地唔幫你買o野飲...
     不如我講d好笑o野俾你地知...
     但係....你唔好再怪准一la 」
阿 Go就將准一所講既o野講多一次,...
...除左「你千祈唔好話俾其他人知」呢一句.....


同時,阿 Go番到去樂屋門口既時候, 見到准一好忙碌係度開門....
Go:「你攪緊咩?」
准一:「...度門鎖左lo...不如我地去o羅條後備鎖匙」
Go:「好呀~~」


呢個時候, 佢地撞到阿 Sho, 
准一:「Sho...你地成日都唔見人既, 你地做緊咩?!」
Sho:「無呀!! Nino係樂屋同tsuyoshi前輩彈緊結他,
      Aiba係樂屋訓緊覺, 我係呢度俾阿潤點緊
      阿潤係樂屋點我做緊野咁啦.....」
准一:「哦......但係你地頭先唔係搵緊Ohno架咩?」
Sho:「呀!!!係喎.... 唔怪得知硬係有d野唔記得左咁啦!!
     等Nino重係樂屋同tsuyoshi前輩彈緊結他,
     Aiba重係樂屋訓緊覺, 我重係呢度俾阿潤點緊
     阿潤重係樂屋點我做緊野tim...... 我唔同你講啦
     我有好多野要幫阿潤做...」


阿sho走左之後, 准一同阿Go繼續走去問人拎後備匙,
當路過TOKIO既樂屋時, 就聽到TC把聲, 同埋好多笑聲...
好奇心極重既佢地, 梗係入去睇下發生左咩事.....
准一:「依...你地講緊咩, 咁好笑?!」
長瀨:「哈....我講d好笑o野俾你知...」
然後, 准一發現長瀨所講既, 就係自己頭先所見既邪野...
准一就啤住阿 Go:「你又話剩係講俾TC知ge..」
Go:「...今次唔關我事ga..」
井:「係我講出黎同大家分享既...係咪唔得呀?!」
Go:「咪就係,你剩係叫我唔好同其他人講,
     但係你都無叫井原唔好同其他人講喎~~~」
(究竟阿Go係玩准一, 定係蠢呢?!)
准一係呢個時候十萬個無奈.......-__-



另一方面, 大家唔好忘記熱情又偉大既阿Ken
當tsuyoshi走左之後, 佢就成為光一既奴隸.......(真係慘)


阿 Go同'佢是憤怒'既准一離開左TOKIO樂屋冇幾耐,
又係走廊撞到阿Sho..
Sho:「岡田前輩, 森田前輩, 等我同你地講d好笑o野」
果然, 阿Sho所講既好笑野, 就係自己所見既邪野...
准一好愕然, 又啤住阿Go, 問阿Sho:「點解連你都知........」
阿Go心知不妙,in a rush走左(畏罪潛逃?!)


准一唔理阿 Go去左邊, 自己去問人拎條後備匙...
佢一路行, 一路講:「呢個死人頭, 叫左佢唔好同人講, 
佢諗都諗到要叫埋TC佢地唔好同人講...
攪到依家係人都知... 希望唔好俾tsuyoshi君 
                  聽到...」


當准一拎左條後備匙, 番樂屋開門之後,
就見到阿Go係KinKi既樂屋門口裝下裝下..
准一:「Go, 原來你係度, 你有無搞錯呀..... 我返去一定會撕爛你  
      借俾我個本...」
准一想繼續鬧落去.....
Go:「咮~~唔好嘈住啦...有野睇...」
當然好奇既准一又睇埋一份....
佢地兩個就見到阿Ken既慘況, 阿Ken個頭上面, 
都係光一隻腳......


准一:「...我地真係唔救佢?...好慘」
Go:「......我地都無能為力......
     阿 Ken咁明白事理, 仲熱情加偉大.....
     佢唔會怪我地既.......
     何況幫到人, 佢都會好開心既...」
准一:「.....呢d野, 始終都要有d犧牲...god bless him」
Go:「你死人都要講英文... 唉... 都唔知阿Ken會唔會真係死...」


就係o甘, 佢地就番去開門....
一開門, 就發現地下上面有條橫屍!!!
......居然係失蹤左好耐既Ohno......
佢兩個鼻孔同耳聾各自插左一條黃色物體, 而且滿口血樣液體...
准一見狀, 仲唔即刻去叫ARASHI黎咩.....
其他ARASHImember一見到leader攪成咁, 就四個攬住一齊喊...
Sho:「你唔好死呀~~~你仲要帶領我地架.....」
Aiba:「你唔好死呀~~~我唔應該顧住訓......」
Nino:「你唔好死呀~~~我唔應該顧住彈結他......」
潤:「你唔好死呀~~~我唔應該顧住點阿 Sho......」
Sho:「你唔好死呀~~~我唔應該顧住俾阿潤點......」


係TOKIO房既人聽見咁多喊聲, 就走左入黎....


跟住兩位資深leader, 見到咁既情形, 同埋咁既Ohno
, 依然保持十分既冷靜,商討一陣之就話:
「依我地既經驗o黎講........佢應該係.......訓左」


然後, Sho, Aiba同Nino都異口同聲:「嘩!!你地好叻呀....
俾我跟你地...」
而阿潤聽到之後, 好驚就算ARASHI散左, 都冇得做leader,
就二話不說徒手一把把刮向Ohno...


Ohno被刮數下之後, 慢慢坐起身, 伸左個懶腰之後就話:
「... 呀...做咩咁多人既??...做咩我塊面咁痛既??... 
做咩你地剩係做口型唔講野既??... 做咩我聽唔到聲既??... 
我係咪聾左?!?!?! 快d話俾我聽我係咪聾左?!?!?!...」
Sho聽到之後就同Ohno講:「你個鼻窿同耳窿個幾條黃色野...
        係咪薯條黎架la.......」
阿潤:「一定係食食薯條下目訓著左啦...傻仔黎既,
做乜同d薯條'瑟'住個耳窿呢?... 」


係樂屋既一角......
Go(慫恿准一):「一日至衰都係Ohno啦, 如果唔係你就唔駛俾
Masa罰你面壁, 就唔洗無啦啦去搵tsuyoshi啦, 又唔洗見到個件
邪事,....... 唉...你真係慘慘...」
准一:「...係喎!.....Ohno!! 你做咩要鎖住樂屋度門,攪到我要搵
tsuyoshi, 然後見到tsuyoshi成個跪左係度, 佢頭頂俾光一隻腳踩
住, 仲當tsuyoshi係自己既奴隸呀?!...」


.......... 現場一片寂靜......


Tsuyoshi:「岡田准一!!!!你做咩攪到係人都知?!?!?!.....」
准一:「唔係呀......我剩係話左俾阿Go知咋......」
Go(一臉無辜):「下?!我咩都唔知架喎....我都係而家先知....」
TC(一臉無辜):「係呀.....我地都係而家先知」
全場[除左准一,tsuyo同ohno,](一臉無辜):
「係呀.....我地都係而家先知」


Tsuyoshi:「岡田准一!!!!......」
准一好無奈........
准一既收場...........簡直係慘不忍睹.......


原來阿Ohno係眼訓肚餓交逼之下
誤以為V6間房係ARASHI個間....
仲唔覺意將道門鎖o左, 然後訓著左..........


而家唔知呢件邪事既就只有阿 Ken, 
佢雖然唔知...但係佢體驗緊............








...by tako & 49...