一個心係咪可以同時容納到兩個人呢？我認為只要唔好傷害到別人,呢個相處方式係應該無問題...

GO擁有我半個心,佢對我好好,我亦好關心佢,好鐘意佢...
我另外半個心就係准到,我一樣咁關心佢,咁鐘意佢...
我絕對想永遠以o甘方式同佢地相處..

我對佢地既情感係一模一樣,不可以分到高低.就好似我摘個月亮俾其中一個既時候,我會順手摘一堆星星俾另一個.
但總有D時候係有一個好Ｄ既...
例如我唔開心既時候,GO會想盡辦法令我開心...

GO:「不如食梳蕉丫?係成梳咁喎,成梳食會開心Ｄ!」
又或者...
GO:「我家momo好似掛住你家既blue & J,成鬼日望住Ｄ相喎.」
其實咁我已經開心番,呢個時候,GO好好...

准可以俾我依賴,係工作既時候,佢永遠幫到我地,呢個時候我又覺得准好好...

佢地兩個始終有分別,分別係邊我唔知,我只係知道我係一樣咁鐘意佢地.
但係又或因為呢個分別,所以我現在同GO係埋一齊.

同GO一齊既時候我有時都會諗住准,但係我絕對無做過一Ｄ傷害GO既事,我亦無想過要同時同准係埋一齊.

呢個時候,准向我告白...
最後我只係同准講我依然會對佢好,但係我唔可以傷害GO.
准好明白,好滿意呢個答案.

但係准向我告白呢件事GO知道左...

GO:「我願意退出, 成全你同准一...」

我感受到GO講得好辛苦.我有作出挽留,向佢解釋,但係佢話需要冷靜...
似乎我傷害左佢...
最後我同GO講我依然會對佢咁好,希望佢唔好介意.
GO好似明白.

我終於知道佢地既分別係邊:
一個係適合既人,唔適當既時間...
一個係唔適合既人,適當既時間...
錯過左無問題,最緊要係無愛錯.

同樣一個心,依然有兩個人.一旦有傷痕存在, 相處方式就要改變...
或者今次變得更好,因為我地三個既感情更好...
我仍然堅守住三個人一齊相處既信念.






...by 小K...