起初見到你個陣,
你俾我既感覺係一個好cool, 好厲害既人,
而且仲係一個難以親近既人.
我有呢d睇法全因我並不認識你….

之後, 因為工作既關係,
我對你既認識深o左,
我覺得你並唔係我想像中o甘cool….
而只係你怕陌生.
我亦覺得你係一個好體貼既人….
我記過有一次, 我係節目中受懲罰…
你仲係當時問我有無事…
我唔知點解會有一種好特別既感覺….

除此之外, 我發現我地既默契比一般人好….
好似我地一齊既時候, 都唔需要講好多o野, 但係都明白對方既需要….
但係, 呢個可能只係我自己既想法…..

後來, 我發現我鍾意o左你….
但係我又唔敢向你告白…
因為我怕…
我怕我講o左之後, 會破壞我地而家既關係…
至少, 係呢一刻, 我都仲可以得到你既關心…
所以我決定維持現狀..

點知, 我始終暪唔過其他人既雙眼…
佢地仲話我…..傻,
話我唔應該將自己既感覺收收埋埋….
應該同你講清楚….

我諗o左好耐…好耐…
我終於決定向你告白…
我發現「我鍾意你」呢四個o甘簡單既字, 
係好難講出口….因為講既對象係你…

最後, 我鼓起最大既勇氣, 同你講…
准一:「…Go..我鍾意你….
      就算你唔接受我, 都唔緊要….
      我講出o黎唔係要你接受我….
      而係我只係想話俾你知我既感覺….
      如果可以既話, 請你俾個機會我….
      如果唔可以既話, 我地仲會唔會好似以前o甘, 係一對好朋友..」
Go:「准一…..我會當你係我最好既朋友….」
得到個o甘既答案, 
我一方面唔開心, 但一方面我又開心…
唔開心係因為你唔接受我..
開心係因為我地仲係朋友….
但我唔會放棄, 我會等你…..
最低限度…都俾我繼續鍾意你…

過o左一段日子之後,
我最唔想發生既事, 終於都發生o左…
你不斷避開我…..
我開始後悔我向你告白…
我覺得個心好痛….

我真係無法再忍受……
我決定問清楚你….
准一:「Go….你點解要避我?!
      唔通我地真係唔可以好似以前o甘…..」
Go:「唔可以….」
准一:「我好後悔我同你講過o個d說話…
      如果可以既話, 我希望可以收番我講過既o野….」
Go:「講o左出o黎既o野, 點可以收得番…..
     o甘..你知唔知點解我要避你?」
准一:「……係因為….你討厭我?!」
Go:「…笨蛋….唔係呀….
     係因為我鍾意o左個笨蛋…」
當我聽到呢句說話既時候, 我仲以為你係講笑…
呢一刻, 我又慶幸我o個時有向你告白….
人真係矛盾….







...by tako...