有一日, 阿Ken好嬲咁走入休息室,
KEN:「岡田准一!!!你有無搞錯呀...咁既野你都講得出...」
阿Go見到咁既Ken, 仲唔那那聲走人咩....
因為佢實在係太驚阿Ken會煩佢...
准一:「呀?!咩事呀?!」
KEN:「你...你點可以咁架...
       你竟然連阿媽都唔回信...….」
准一豎起3隻手指....
KEN:「唔得呀...…你知唔知有D野要付出代價...
       況且...甘做好衰....」
准一:「一梳!!」
KEN(開始動搖):「...…甘好似唔係幾好wo...
                話哂o個個都係你阿媽....」
准一:「一箱!!」
KEN:「............................................
	  ............................................
	  ............................................
.....你阿媽咪即係我阿媽...
...而且我都好耐無問候過伯母...
      等我寫封信俾佢, 順便寫埋你近況.....」
就係甘, 阿Ken俾准一o個一箱蕉所賄賂....
最終, 阿Ken幫准一回信俾佢阿媽....
准一(心諗):「只係一箱蕉就攪掂佢...真係易....
            但係.... 佢日日係咁煩我,
日日都要我一箱箱咁送蕉
遲早真係賣車都唔夠......」

又有一日....
准一就同阿Go係度打緊機....
而阿Ken就係呢個時候, 
同准一講:「岡田呀!!後日我地day off...
           我地不如一齊回信俾fans....」
准一:「好(擋得)!!!」
KEN:「喂!!甘, 不如去你屋企, 好唔好?!」
准一(再一次):「好(殺得)!!!」
KEN:「我個idea係咪好正呢?!」
准一同Go:「勁呀(個殺球)!!!~~」
其實准一根本聽唔到阿Ken同佢講咩...…
准一就同阿Go講:「Go, 後日day off,
     不如去我屋企打機....」
Go:「好呀~~」
准一:「喂!!你記住帶沙灘排球隻碟.....」
Go:「咩呀?!我都冇沙灘排球,
     我地玩D高層次野架ma~」
KEN:「mud 沙灘排球, 真係甘好玩...」
准一:「呀?!我唔玩沙灘排球架喎...
      我剩係玩沙灘排球水著版..」
Go:「你估我地真係咁鍾意玩呀...…
     志在睇架咋....」

話咁快, 就到後日...…
准一一早起身就係屋企等阿Go黎...…一齊打機...
門鐘響起....
准一飛奔走去開門...
一開門, 就見到阿Go捧住一個似曾相識既紙箱.... 
係一個載香蕉既紙箱...
准一好疑惑...就係呢個時候, 傳黎一把鴨聲..
KEN:「早晨~~~!!!」
准一仲見到阿Ken手上又有一個箱...
(心聲傳話)
(Go:「喂!!你仲咩叫埋佢黎呀.....我地點打機....」)
(准一:「呀!!我都唔知喎...做咩你同佢一箱二箱....」)
KEN:「岡田呀...我地快D回信啦....」
准一:「下?!回咩信呀???....」
KEN:「呀?!你唔記得左啦??....
      我前日同你講一齊回信好唔好...
      你話好架....我仲問你去你屋企好唔好...
      你都話好架喎.」
准一:「下.....我幾時有講過呀...…」
Go:「前日....我地好似打緊機.....」

阿Ken二話不說去左餐檯個邊...…為大家準備回信
(Go:「一日至衰都係你啦!!.....我係黎打機架!
     ...唔係黎寫信...」)
(准一:「我都唔知喎...…咁而家可以點呀...
       喂!你做咩捧住個紙箱黎既..... 我唔想玩其他喎...
   沙灘排球咁正...」)
(Go:「唔係我架個箱!.... 頭先係條街撞到佢,
     佢就叫我幫佢捧....
     都唔知咩黎... 咁鬼重...」

KEN:「你地兩個仲企係度...….仲唔快D過黎..」
係准一既面前, 有一包煙, 一杯咖啡, 一支筆, 一張紙,....
係阿Go既面前, 都係有一包煙, 一杯可樂, 一支筆, 一張紙,....
而係阿Ken既面前, 就有一杯烏龍茶, 一盒118色顏色筆,
同一疊信紙, 足足兩尺高...
唔只咁...…佢身邊仲有個兩個香蕉紙箱,
一個箱滿載fans信, 另一個箱滿佈信紙(A4size)...
准一同Go :「..............................」
KEN:「快D寫啦..」
(Go:「喂!!點呀.....真係寫呀......
     我係黎打機架...唔係黎寫信...
     要寫, 我係屋企寫唔好.....」)
(准一:「...唔知呀...拿拿聲寫完佢...打機把啦....」)
(Go:「好...我地一人諗一句...你諗先.....最多陣間打機
俾你揀先...」)
(准一:「你諗先唔好?...我俾你揀先唔好?....」)
(Go:「話哂我年紀黎計都係CC既leader喎,都算係你長輩喎....
      再唔係, 我就將你上次..........話俾masa知!!....」)
准一心諗:「死.....」
(准一:「咁好啦...........
     但係你千祈唔好話俾masa知我整唔見佢o個本...」)
Go心諗:「其實我咩都唔知,嚇下佢咋嘛,咁都信...」

過左15分鐘.....
佢地兩條友依然一個字都未寫...
而阿Ken已經寫左成尺高既信...
(Go:「喂!!諗到未呀?一陣佢見我地一粒字都未寫
     ... 又哦架啦」)
(准一:「唔駛驚.....阿Ken佢有好多信要回....有排啦...」) 
(Go:「喂!!唔係喎!你睇佢寫得幾快....你快d諗啦....」)
(准一:「咪嘈啦!...咁嘈點諗呀....」)
KEN:「嘩!!你地兩個仲未寫完呀...有無搞錯呀.....
      你地真係無野要同fans講架咩????
      你地知唔知, 佢地對我地黎講係好重要架!!
      你地...….....」

十五分鐘又過左,
阿KEN一邊哦一邊睇信一邊回信,
又寫好半尺....
而個兩隻就只係得一個回應:「...哦...」

准一:「得啦....我諗到一句啦...…你唔好再哦啦....」
(Go:「係?!咩黎架.....快d話俾我知....」)
(准一:「"你好嗎?"」)
(Go:「幾好喎!!!!.....繼續....」)
(准一:「諗唔到啦...…...」)
(Go:「喂!!不如打開佢o個d回信睇下...….」)
(准一:「唔得架.....佢會數住架...…你知唔知佢續封睇
     ....封封回信都唔同架...」)
(Go:「咁勁...…但係佢依然回得好快.....真係羨慕...」)

又一陣
(Go:「不如整暈佢...…」)
(准一:「會唔會殘忍左d....
     話哂佢都幫個我回信俾阿媽...…」)
(Go:「奇怪喎.....佢竟然肯幫你回信....」)
(准一:「你睇下o個個箱就知啦...…..」)
(Go:「嘩.....咁下次我都幫你回信啦.....
如果你俾一箱melon我...」)
(准一:「唔好發夢啦...…」)
一個鐘頭之後...…..
阿Ken已經寫左兩尺高...…

又過左3個鐘頭.....
佢地終於寫完...…
但係封信只係得3句...…
問候: 你好嗎? 
內容: 多謝你既來信. 
結尾: 請你繼續支持我...
(准一:「喂!!我終於攪掂啦...….」)
(Go:「仲唔快d講黎聽下...…」)
准一用左2秒係個心讀完俾阿GO聽
(Go:「咦~幾好喎又寫得!!掂呀!!!.....寫完...打機.」)
(准一:「又話一人諗一句....」)
(Go:「諗左啦.....第一句你既.....第二句我既
     ....第三句你既...咪o岩lo..」)
(准一:「算啦...快d打機....」)

佢地兩個立刻衝去電視機...
KEN:「我順便去fan club 拿埋d信....」
准一:「你慢行...…我地都寫完啦...」
當阿Ken走左之後, 准一都阿Go就準備去打機...
Go:「喂~不如睇下佢寫d咩lo....
     嘩!!佢貼曬貼紙既....
     嘩!!佢一封信寫咁多野既...….
     第一句係你好嗎...第二句係多謝你既來信...…
     中間仲有好多...成張A4紙滿曬...…
 最後o個句就係請你繼續支持我地....」
准一:「......你睇我地幾勁....只係三句ja...
  ...就概括哂...」
  唔好理佢d信啦~打機啦...
  你話俾我揀先架...我揀個好睇既~....」
Go:「事但啦...」
當准一揀左之後....門鐘響..
准一就去開門俾阿Ken....
而阿Go就換左佢地兩個既joystick...
准一:「喂!!搞錯呀....」
Go:「下次換番lo.」
KEN:「Go...你寫完啦....俾我睇啦 好唔好呀...」
Go:「好(殺得)!!!」
當阿Ken睇完之後.....好嬲.....
KEN:「森田剛....你有無搞錯...…寫過啦...好唔好...」
准一:「好(擋得)!!!」
於是...阿Ken就走去秤起阿Go....
Go:「做咩呀...打緊機呀...」
KEN:「寫過封信lo....你話好架....」
准一:「好(殺得)!!!」
Go:「幾時有呀....係岡田講架....」
跟住阿Ken又睇埋准一o個封信....又好嬲...
之後就即刻走去息左佢地部機...迫佢地再寫過...

(Go:「點呀.....又再寫呀?!」)
(准一:「唉....不如...…...」)
然後, 佢地兩個就整左杯野俾阿Ken飲....
阿Ken飲完之後...…就訓左....
准一&Go:「yes~~」
原來佢地兩個係杯野度落左安眠藥...…
然後, 佢地兩個繼續打機.....

過左一陣.....
KEN:「呀.....竟然訓著左....你地寫完啦?!」
准一:「係呀!!寫左啦...貼好啦..」

就係咁, o個兩隻就只係打得o個兩三個鐘...…
同佢地原本諗住打成日既計劃, 爭好遠...…
全因阿Ken既出現...








...by tako & 49...