我有兩個好朋友, 佢地好恩愛架…
仲要係羨煞旁人個隻(?!)………
佢地對我呢個朋友都算唔話得架啦, 又夠義氣…..
又唔介意我呢個電燈膽….仲俾我知道咩叫做有異性無人性…..
但係我對住佢地….簡直係嘔血呀……仲可能會短幾年命……
點解?!因為佢地每次鬧交都會搞到我…..
重點係…佢地鬧交既次數有如天上繁星之多…
佢地係邊個?!一個係成日做理d癲野又自戀又…既准一…
另外一個就係,笨蛋到無人有….係其他人面前同係准一面前完全係兩個人既Go
呢兩個人成日都為左
一d極度無聊,極度雞毛蒜皮,極度…(下刪一千字)既事而鬧交…
雖然仲未達到三日一小吵, 五日一大吵既地步…..
但係身為中間人既我…..真係想死…….

有一次….
個兩隻野無端端衝黎搵我…..(心知不妙!!)
名義上就話黎陪我玩….我肯定唔止o甘簡單…
頭個15分鐘真係打機架….不過無我份….
之後….開始入直路…
Go:「喂…你知唔知呀…佢…」果然不出我所料…..
我:「佢又點呀!!!又點對你呀?!」
Go:「佢呀……你知唔知呀…….>_<」
我:「係係係!!講啦」
Go:「佢呀….每次都隔梗黎架喎…又無問過我架喎…
     乞人憎到死……又唔顧人地既感受喎….」
我(心諗):「嘩!!!你想講d咩呀!!!」
准一:「車~~我唔隔梗黎點得呀….問你你肯咩…..
      我都想要架喎…o甘你夠無顧我既感受…..」
我(心諗):「嘩嘩嘩!!!兒童不宜呀」
我:「哎呀/////呢d甘私人既野…你地就自己係屋企嘈啦….
    唔好係我屋企…..講d甘既野….呢d野我都幫你唔到架…」
Go:「咩呀….你講咩呀?!」
准一:「咩呀?!我唔明喎…」
我:「下!!有d野唔洗講到甘明呀…../////」
准一:「咩呀….佢講緊我隔梗搶佢d蜜瓜喎…」
我:「下?!原來你地講緊……」
Go:「唔係呢樣…你以為我地想講咩呀…」
我(無奈中):「…….無野啦…你當我無講過野….」
准一(暗笑中):「哦~~我知啦…你一定以為我地講緊…」
Go:「依~~~mud你諗理d甘既野架….」
之後…個兩隻野不斷取笑我….暗寸我….
我想講既係…根本係佢地既表達能力有問題..
仲有…你地唔係鬧交架咩….
簡直想死……

又有一次…
正當我發緊美夢既時候…
突然被一個奪命追魂call嘈醒….
我(睡眼惺忪):「..喂?!邊個呀…..我訓緊覺架….」(好差既語氣)
Go:「…喂!!!你快d黎我地度啦….你快d黎救我…」
我:「下?!你做咩呀…發生咩事呀…准一 “蝦”你呀….」
Go:「…..總之…你而家即刻黎啦……我求下你啦..」
我:「.好好好….我而家飛的黎…你冷靜d等我….」
聽到佢個把聲…再加上個內容….真係令人擔心..
我仲唔即刻飛奔去佢地屋企….
我一入到去..就見到兩個異常冷靜既人…
仲坐得好開…..我開始怯…...仲坐左係佢地既中間…
我(怯中):「喂….你call得我甘急做咩呀….
          唔係發生左d咩事呀…..」
Go:「你問佢啦…哼」
大家無估錯…….又鬧交……..
不過睇黎好似好嚴重個隻…..
我:「….准一…你地又做咩呀….究竟發生咩事呀…」
准一:「根本就係佢無理取鬧….無端端發脾氣…」
我:「Go…係咪你又亂發脾氣呀…(呢點我好清楚阿Go既性格)」
Go:「你即係話我成日都亂發脾氣啦 .\_/.!!
     無理取鬧個個係佢呀….佢唔識就下我架咩…
你做咩幫住佢呀!!」
我:「我無話要幫佢….准一..甘你咪就下佢囉…」(仲未知因咩事鬧交)
准一:「你即係話我唔岩啦…我平時就得佢太多啦….
差唔多每次都係我就佢架啦…佢唔會就我一次既……
點解每次都要我就佢喎…你話啦..我有錯咩?!」
我:「甘…我又無話你唔岩…都無話你錯…大家互相忍讓囉..」
Go:「哦…佢無唔岩..即係話我唔岩啦…我今次真係忍無可忍啦」
我:「我唔係甘既意思…..」
准一&Go:「甘你究竟係幫邊個….」
我無言…正所謂手掌係肉…手背又係肉…
我:「…….你地唔好兩個一齊講…我聽唔到…」
Go:「你話啦…牙膏係唔係應該要由尾擠起…」
准一:「邊個話牙膏一定要由尾擠起架…我都未聽過…
      我由細到大都係係中間擠架喎…係你先甘麻煩…」
我完全崩潰…….
Go:「我麻煩…你甘樣擠先麻煩呀….」
准一:「我唔覺得甘樣有咩問題喎…」
我:「夠啦!!你地嘈完未呀!!只係為左d甘少既事…
    就叫我即刻走過黎..而家仲要係三更半夜…
有無搞錯呀….等我仲甘擔心你地…
為左你地呀..你知唔知我搭左幾多錢的士呀…」
Go:「准一….佢好惡呀…我好驚呀…>_<」
准一:「唔洗驚..有我係度….」
我:「….我俾你地激死啦…我唔再理你地…
    話知你地下次互劈…」
准一&Go:「呀~~~對唔住呀~~~唔好啦…」
我:「唔好拉住我…我要走呀….」
果然….個兩隻真係放手…(無人情味T_T)
不過我梗係無甘蠢, 又搭番的士番屋企…
於是我就霸左佢地間房…由佢地自生自滅!!!

個次都未算係經典呀….
最….都非呢次莫屬….
有一晚….
又係當我訓緊覺既時候, 聽到頻率好高既門鐘聲…
我諗住一開門唔理係邊個就鬧.
點知..一開門..就見到想喊想喊既阿Go…我個念頭即刻被打沉..
我:「Go…你做咩呀…又甘夜…得你一個人?!」
唔洗諗….佢地又鬧交…
Go:「..我….我..佢…我..」
我:「你入黎先啦…..」
之後, 阿Go就入左黎, 
我:「你要唔要飲d野呀…..」
Go:「…..水得啦」
我:「發生左咩事呀….仲搞到你甘夜走過黎…無人陪呀?!」
Go:「你知唔知呀….佢呀….」
我:「係…點呢…」
Go:「佢成日掛住去井原度….都唔理我….
     佢見井原仲多過我…..」
我:「係咪有野做咋….你多心je….」
Go:「唔係呀…係真架….佢番到黎又唔理我喎….」
我:「下..佢係咪好累呀…..」
Go:「佢從來都未試過甘樣架……」
就係甘..我被阿Go足足煩左我成2個鐘….
成個過程都係有佢講, 無我講….
到最後, 我真係頂唔順…..打電話俾個罪魁禍首
我:「喂!!准一…你而家係邊…你快d黎我度帶番你個darling走…..佢好煩呀..
    佢足足煩左我成2個鐘…簡直係疲勞轟炸…
    你做咩唔理佢呀…..」
准一:「哎呀~~原來佢係你個度呀…甘我就放心好多啦….
      麻煩到你真係唔好意思…..我有野做呀….
      我想……麻煩你幫我睇住佢啦…」
我:「下!!!唔係嘛…..甘我咪無得訓…」
准一:「唔該你啦….我真係好忙……」
我:「忙到連darling都唔理…我唔理呀…
    一係你就即刻出現, 一係我就叫阿Go同你講遺言…
    任君選擇….」
准一:「呀~~你甘毒…甘好啦….我而家即刻黎…..」
過左一陣之後…..
我:「你終於都黎啦咩…….」
准一:「嘩….你.你做咩好似就死甘既….阿Go呢…」
我:「你仲好講…..甘遲先黎…..我被佢煩到而家甘濟….佢岩岩訓左….」
准一:「好…我要佢一醒就見到我….」(起雞皮///)
我想死呀……..
你話啦..有無一對情侶係無聊到甘……
最慘既就係佢地兩個係樂在其中……但又唔知會煩到人….
其實…..我諗我成為左佢地既牙籤…….








...by tako...