話說准一為左劇集而去左巴黎取景, 從此就出現左一個十個煩既人…..
重點係佢實左係太得閒, 又冇咩野好做, 於是我就成為被佢煩既目標…..
呢個甘煩既人…除左ah go都冇其他人…..
呢個人真係好得閒, 永遠都唔知人地忙架, 只要佢一覺無聊, 就會煩你…
佢個人真係可以欺騙到你, 你可能會話…「佢個樣唔似喎!!」或者「係你誇張jet..」
但…我可以話俾你知…..係真架!!!珍珠都冇甘真呀!!!!
准一係度既時候, 個情況就冇甘嚴重…..只係一個禮拜得一,兩個電話….
只要准一去其他地方做野, 甘我就大件事….
我相信今次會係最頭痛既一次, 因為准一今次係去巴黎…..如果佢係日本做野…o個個人都仲可以打電話俾佢…..但今次….唉….
仲要去成4,5日….我相信我只有兩條路…一係就被人煩死, 一係就cut左個電話或者去第二度寄宿…..
但係我作出任何決定之前…….電話已經殺到la…..實左係太快la…..
我有d唔想去聽電話…….
我:「喂?! 點呀…..」
Go:「喂….我呀…你得唔得閒呀…..」
我:「老實講…..我唔多得閒….有咩就快d講…..冇大件事就係甘先…」
Go:「唔好收線住呀….我有野想同你講..都幾大件事架…」
我:「你係先好講呀…..每次話係大事….咪又係o個d無聊到唔可以再無聊既野…」
Go:「幾時有呀我…..d無聊野….梗係留番同准一講架la…」
我:「(心諗: 係咩…..)…不如等我逐一同你講番你d無聊野…」
Go:「我自問冇講過,怕咩呀我..」
我:「有一次呀….你o個隻只不過去左出外景一日jar…你就係甘打黎….又話悶…又叫我陪你hei……
我邊有甘得閒呀…..我話收線…你又死chur唔放..又話我冷血…冇人情味……」
Go:「我就黎悶死你都唔理我, 仲唔係冷血呀!!!呢次唔算….」
我:「(3個怒)o下..甘都唔算….仲有一次呀…..你唔會唔記得…..又係你o個隻太忙, 冇時間陪你…..你又打黎….仲問我….
    (回想) go:「今晚食咩好呀?!」
          我:「我鬼知你呀….唔好煩我la..」
          go:「唔係呀…..我一陣搵准一食飯呀…唔知食咩好…有咩提議?!」
          我:「你倆個食咩關我咩事呀…又唔係預埋我…..」
          go:「我都係諗唔到先問你jet…梗係唔可以預你la….」
          我:「你…..算…..去OO餐廳la….」
          go:「o下…o個間….准一唔鍾意食架喎..」
          我:「….甘就X餐廳la…」
         go:「唔好食架….我覺得…」
        我:「你唔好問我呀!!!!間間都話唔好!!!麻鬼煩…」
   仲唔麻煩呀你…..」
Go:「咩呀….我唔覺喎….」
我:「(8個怒)…….你知唔知你耗用左我好多分鐘……」
Go:「甘孤寒架你….你唔係唔得閒架咩…」
我:「(10個怒)….你唔好再打黎!!!!!!!!!」
就係甘….我又中左計……同佢爭持左好耐……但都係唔知佢想講咩….
而家先係准一走左既第1日…..仲有排煩…..

准一走左既第2日~~
Go:「好悶呀…….個死凸額….係人地最得閒既時候就甘忙…次次都係甘…激死我la!!!!!
今次仲要去到鬼死甘遠….又唔識打長途電話喎….
唉….不如打俾我個玩具, 煩下佢, 反正佢都甘得閒, 順便問下點打長途電話都好..」
(大家冇估錯…佢口中既玩具就係我…..)
我:「又咩事呀…我都叫左你以後都唔好再打黎…」
Go:「你甘小氣架…..我有件事想請教你」
我:「(甘好口..都唔方係好野..)……快講」
Go:「你知la…准一佢呀..又唔係度喎…我一個人孤伶伶好慘架…..佢每次都係當人地勁得閒就出外景….唉….你知唔知我好悶呀…..我又好掛住佢喎……」
我:「講戲玉la….我唔係有好多時間同你hei…」
Go:「…..好la….你可唔可以教我點打長途電話呀…我好想打俾佢呀..」
我:「o下…算la…你等佢打俾你仲好la…」
Go:「我等左好耐la…..佢都仲未打俾我…死la..會唔會有咩事架…」
我:「牙….甘易有事咩…..而家先過左一日…..」
Go:「唔好la…都係打俾佢好d…你快d教我la…」
我:「甘易都唔洗我教la….你自己鑽研下la…唔好下下問人…」
Go:「下…但係我真係唔識喎….又唔知咩區號….」
我:「下..你連電話都唔識用呀…..自己查下la….」
Go:「你教下我唔洗死架喎….」
我:「教你唔係一問題…..之不過…我都唔識喎…」
Go:「……你早講la…..浪費我d時間…」
我:「…..下…都唔係你浪費我d時間….喂?! 喂?!…cut我線….」
邊有人係甘架…明明問人野…又cut人線…..
都唔明點解有人可以覺得冇問題…….

第3日~~
過左成個下午, 佢都冇打個電話黎, 諗住行運la…
點知…好既唔靈醜既就一定靈….
我:「今次你又想點呀….我今個月又爆架la….」
Go:「有幾貴喎….至多我幫你俾la….今個月…」(我:「甘好死..」)
Go:「不過…..」
我:「都估到你冇甘好死架la….」
Go:「不過……你今晚過黎陪我….」
我:「嘩…去你個度…仲唔俾你煩足一晚呀…我好易死係你屋企架喎…
再講…你幫我俾電話費, 要我陪你…甘我咪變左陪坐……咪搞我…..
我寧願今個月捱麵包….」
Go:「梗係唔係la…你邊會係o個d陪坐呀….人地靚甘多…..你唔想黎我度..一係我去你o個度la…..我真係好悶呀…一個人對住四面牆…..」
我(無奈):「………..你放過我la…..你去搵ah ken la……」
Go:「我都想呀…但係佢又唔得閒喎…..係我d朋友入面,你係最得閒o個個….況且…冇見甘耐, 你唔掛住我咩…」
我:「……想死呀…邊個話我得閒呀…..我都唔知幾忙呀…..唔好意思…我真係唔多掛住你……我掛住准一多d….」
Go:「你做咩掛住佢呀!!!」
我:「梗係掛住佢la…佢借左我本notebook好耐la….」
Go:「係咩?! 一本notebook有幾貴呀….你買過la….」
我:「你冇野呀…..10個貴呀….仲有…我有好多file係裡面架….」
Go:「一本簿要幾多錢呀….file?!薄入面點會有file呀??咩size呀」
我(汗):「牙……我講緊我個手提電腦呀…..baka…..係喎…你有冇見過呀….黑色架」
Go:「…係你講唔清楚….好似見過….」
我:「係?! 係邊度呀?」
Go:「但係准一冇玩好耐la…..呀!!我記得la….我o個日見到momo玩緊….」
我:「下!!!唔係嘛…….我的天呀…..」
Go:「算la…你咪當係送俾momo既禮物lor」
我:「………唔好再講風涼話…..甘我一陣過黎收屍la…..」
最後, 我都係要去佢地o個度….可以話係送死….








...by tako...