另外又有一次……
係我最忙既時候…….
go:「喂….你而家過來OO電視台, 我地有野搵你商量」
我:「可唔可以唔黎呀…..好忙喎…我又唔識路…….」
go:「唔得呀….唔該la…..快d呀…搭的la…」
我又推唔到佢…仲要搭的去…..
去到樂屋見到兩個當事人同4個無奈中既人….
好明顯, 呢兩個又鬧咬……
v4:「你黎左就好la…幫我地睇住佢兩個…我地頂唔順la…..呢度交俾你la…」
我:「下…………..」
眼見兩個勢成水火既人, 我…又可以做得d咩呀…..
我:「…..有咩事…call得我甘急….」
准一:「根本就係佢自己既問題, 冇必要煩到你, 係佢死都要你黎..」
我:「…甘…我唔黎都黎左la…可唔可話俾我知發生左咩事呀….」
go:「哦…甘你(准一)即係話我錯哂la….你一定要幫我評下理」
我:「…..甘你都要話俾我知發生咩事….」
准一:「就算問邊個都唔會係我既問題…..」
go:「我夠覺得唔係我既問題la..」
我:「……究竟你地有冇聽我講野架…」
准一:「成件事根本就係你冇理取鬧…」
go:「下..我幾時有呀….今次好似係你自己發脾氣先架喎…」
准一:「如果唔係你甘既態度, 我都唔會發脾氣la…」
我:「…………….喂….你地再唔理我我就走架la…」
go&准一:「…唔好走住呀…你都仲未話係邊個錯….」
我(心諗):「我終於明白v4既心情…..」
我:「..甘你地又唔講發生咩事….」
准一:「佢呀…又話要食野…我提議左甘多, 佢就ban足甘多個, 俾你都嬲la..」
go:「仲好講, 你提議個d全部唔係快餐就係街邊, 冇d氣氛….仲要全部都唔好食架喎, 俾你都唔去la…」
准一:「甘呀, 我叫你自己諗又唔諗, 咩都旨意我諗…你話la..係唔係佢唔o岩!!」
go:「根本係你自己發脾氣先…你先唔o岩呀!!」
我條理智線已經“拍”一聲斷左…
我:「唔好再嘈la!!!你兩個煩人!!!為左d甘少既事就嘈甘耐, 你地有冇再無聊d呀!!!
仲要我走埋過黎陪你癲!!!你估我好得閒呀!!!最好就唔好食, 唔洗煩呀, 一了百了!!!」
go:「下…唔食唔得架喎..會死架喎….」
准一:「唔得!!唔可以餓親我既ah go架…唔食真係會死架嘛, 甘簡單既野都唔知..」
go:「咪係….枉你讀甘多書…」
我:「我俾你兩個激死la!!!!!我同你地講呀, 我唔會再理你地呀!!!!!!
話知你兩個餓死街頭!!!最好就成世都唔好食野呀!!!
你知唔知呀, 為左你兩個, 我放得哂所有手頭既野, 仲搭的走過黎, 仲要聽埋d無聊野!!!」
go:「准一…佢好恐怖呀…>_<」
准一:「唔洗驚…有我係度…但佢真係好似好嬲喎…點算呀…」
go:「…甘呀…..」
我:「我走la!!!」呢一刻突然有4隻手捉住我兩隻手..
准一&go:「…對唔住呀……係我地唔o岩….我地應該叫你帶埋d野過黎….應該叫你搭巴士過黎…」
我十個無奈…佢地根本唔知自己錯咩….最離譜既係…
准一&go:「但…係你走之前….可唔可以提議我地去邊度食….」
我仲唔即刻fing甩個4隻手咩….
都未見過d甘既人呀!!!!如果一定要我話係邊個錯, 我一定會話係go!!!

冇幾耐, 呢兩隻就話想一齊住….
對於我黎講…都唔知係好定唔好….
當一對情侶要一齊住既時候, 有一樣野係一定要做既….就係添置新既傢俬…..
同時, 亦係一個會容易導致鬧咬既事情….
對於呢兩個人黎講…….鬧咬一定走唔甩….唔好話我黑心…
呢兩個人既style完全唔同……
一個就勁樸素…一個就勁sharp…
一個鍾意自然色…..一個就鍾意黑/紅色…
一個就優雅+勤力….一個就粗鄙+懶散….
我真係好難想像佢地兩個間屋會係點……
果然…不出我所料…

話說有一日, 我俾人脅持左去睇傢俬…
一開始, o個2個人真係好興奮+雀躍, 係度指手晝腳, 又話買呢樣又話買o個樣...
睇你兩個開心得幾耐…
點知俾我講中哂…..
只係入左去第一間傢俬舖….我既預言就發生左la….
頭o個30分鐘都冇咩野既….仲各自各睇+選擇….
當大家見到對方手上既野既時候….
雖然冇鬧交….只係默不作聲….我知道…暴風雨前夕係風平浪靜..
之後, 佢地就一齊睇d大型傢俬…
大戰即張爆發….
第一條導火線…..床
准一所睇中既係一張好樸素既木床…
而ah go就睇中左一張好cyber既鐵床…
准一:「….你唔係唔知我間屋係點架la….鐵床唔係好襯喎…」
go:「…但係我好鍾意喎….木床甘老套….」
准一:「甘我都唔鍾意鐵床….一係睇第二樣先..」
開始有火藥味….
第二條導火線……茶几
准一所睇中既又係一張好樸素+淺木色既茶几..
而ah go就睇中一張全黑色既茶几..
准一:「……..可唔可以唔好搵d唔好甘深色架…」
go:「…你應該知道我好鍾意呢d色….係你搵得淺色…」
准一:「..甘我間屋好淺色架嘛…算..睇另外一樣…」
火藥味變得更重…..
最大既導火線……大衣櫃
兩個好難得睇中左同一款既衣櫃…但..問題又係在於顏色…
准一睇中左既係棕色..
而ah go就又係睇中左黑色…
准一:「我都叫你唔好搵d甘深色架la..」
go:「我都話我鍾意呢d色….」
准一:「但係間屋係我架喎…我都話d色唔襯lok…」
go:「點解你唔可以就我呀!!!換左全間屋既裝修咪得lor!!」
准一:「你唔好打橫黎講喎, 換哂d裝修唔洗錢呀, 再講我而家好鍾意現時既裝修」
go:「甘你而家鍾意我多d定係間屋!!!」
唉….佢地鬧咬咪鬧咬lor…但佢地係人地舖頭…..好似係度幫人趕客甘..
最慘係佢地唔會理會身邊既人….仲搞到我要幫佢地道歉…
道歉事少呀…最慘係拖埋我落水…
准一:「你話la.. d樸素傢俬係唔係好d, 憑良心答呀!!」
go:「唔哂理佢…你話係唔係應該買d深色, 唔洗甘易污糟…」
我:「……甘…你地兩個都有道理…..」
准一&go:「你究竟幫邊個!!!」
我:「..甘..一係買哂兩樣lor……」
准一:「你癲左呀….邊有甘多地方呀..再者..床唔通都買兩張呀..」
go:「咪係!!!只可以買一件!!佢可以就我架」
准一:「你夠可以就我la…」
我:「….你地一人少句la…話哂呢度都係公眾地方…」
佢地兩個好似完全沉醉係佢地自己既世界甘…
我:「夠la!!快d停止呀!!係甘係到嘈, 你知唔知會嘈到人架.. 你唔要面,我都想要架!!!
一係就一人話事一件傢俬, 一係就分房la, 一人一間房, 自己想點就點」
點知…..搞到我成為全場焦點…..因為個兩隻已經好番……仲係甘話自己錯….
總知我以後都唔要同佢地兩個一齊去傢俬舖!!!!

唉…..呢兩個人….對耐d都嘔血呀……
未一齊住都甘….所以當大家睇到佢地住埋之後所發生既事…千萬不要覺得驚訝..








...by tako...