十月既街道, 橙色既晴空, 吹著微微既秋風……
一盞盞街燈隨著黃昏既來臨, 慢慢亮起…….
不經不覺…….
我已經行到我地成日行既o個條表參道,
呀!!應該係以前既我地……

呢條街並沒有什麼大既改變……
變既就只係我身邊少o左你, 好唔習慣….
眼見街道上就只有潦潦可數既幾對情侶,
再加上o甘既景色, 格外顯得我既寂寞….

然後我入o左去我地以前成日去既coffee shop..
坐o左係我地以前坐開既地方,
叫o左一杯我最喜歡既咖啡,
開始諗番起我地以前好開心既日子….

再而諗番起我地分手o個日…
到而家, 我都仲記得好清楚..
o個日我因為太嬲而一時口快講o左「分手」呢兩個字…
其實….我只係衝口而出.

之後既日子
我記掛著你既一切一切,
你既笑容, 你既小動作, 你獨有既笑聲…
都係我腦海中….
之後, 我仲發現我地之間o個個只係誤會
但硬頸既我始終都無去挽回呢段感情…
我真係好後悔….

如果上天能夠俾多次機會我,
我真係好想你能夠再一次番o黎我身邊….

係呢個時候…..
你突然出現係我眼前….







今日, 我漫無目的o甘係條街度行,
見到一對對既情侶, 突然令我再度想起你..
一路行, 一路諗番起我地以前既日子.
真係好開心….

記得當你講「分手」既時候…
我真係覺得難以置信…
既然你o甘講, 我都唔想去勉強,
我決定同你分開..

自從同你分o左手之後…
我先發現原來你對我o黎講係好重要,
我記掛住你既體貼, 你既笑容….
我仲記得往往就我既都係你…

雖然最後我發現我地之間, 原來有一個誤會,
但我始終無勇氣去同你講一句說話,
但矛盾既我, 又希望能再次回到你身邊….

不知不覺..
我行到去我地以前成日去既coffee shop,
準備行去我地以前坐開既地方,
呢個時候, 上天竟然俾我遇到你…

准一:「……Go….o甘o岩既…..
……坐la 」
Go:「…….係囉…….估唔到會係番呢度見到你….」
Go(心諗):「唔通, 佢都仲未忘記……….我?!
不如同佢講……好無呢?!」
准一(心諗):「我一定要把握呢個機會.」
呢個時候…..
侍應:「呢位先生, 飲d咩?」
准一:「俾杯可樂佢」
Go(心諗):「呀~~~佢都仲記過……」
二人依然沉默…….
直到二人飲完o野…
准一:「Go, 你去邊呀?車埋你」
Go:「呀?!方便咩?」
准一:「點解唔方便呀?!你要去邊度, 我都會車你, 除非….
       你唔俾我車你!!!!」
呢一刻, ah Go唔知點解覺得有一種好溫暖既感覺….
係一種似曾相識既感覺.
Go:「我想番屋企.」

係車上, 二人依然保持沉默….

終於到o左ah Go屋企前…….
准一:「你……到la」
Go:「……係wo…唔該哂你….」
准一:「俾我送埋你入去!!」
Go:「…….好呀…..」
到o左門前…..
准一:「…….Go…..
       Umm …..早抖……」
Go:「….哦…..o甘拜拜la, 早抖」
准一:「……Go…….
      e……都係無o野la 」
Go:「..准一…e…..你….入唔入o黎坐?」
准一:「好呀!!」
准一一入到去, 就感到好舒服,
仲見到放係電視機上面既一張相,
係自己同ah Go既合照…
台面上仲放o左一包糖…
係一包自己最鍾意食既糖.
准一:「Go, 我有d野想同你講…」
同一時間, Go:「准一, 我有d野想同你講…」
准一:「…..不如…你..講先la」
Go:「….唔好….e….都係你講先…」
准一:「你唔講, o甘我講ga la ,
       Go, 不如我地重新開始…..
       好唔好呀?」
呢一刻, ah Go既淚水愋愋流下….
下一秒, 准一已經將佢攬住…..
准一:「…..對唔住呀…我實在係衝動o左d…
…..我好想你能夠番o黎我身邊…
       ….就當係俾個機會我去補償…..」
Go:「…但係….我…值得..你為我o甘做咩?!」
准一:「值得!!!梗係值得…..因為你係我最重要, 最珍惜既人…. 
而且…我唔想失去你…俾個機會我.」
Go:「…唔……..」


如果只係因為一個誤會而分開,
真係好可惜…
而且有d野放係心裡面唔講出o黎,
可能會有好大既影響….
始終我地應該把握機會, 去做自己想做既o野,
仲有, 我地應該要好好珍惜而家有既一切….
因為有好多人要到佢失去o左d野, 先會明白什麼是「珍惜」






...by tako...