18/2/2005 蘋果日報 萬綺雯黃山合家歡祈福

萬綺雯今年農曆新年與夫婿陳十三到了內地拜佛祈福，希望新一年事事順利，她日前說：「我初二同老公同埋大家o既屋企人去黃山參加禮佛團，去拜佛祈福，希望家人同朋友都順順利利。」原來萬綺雯與陳十三都是虔誠的佛教徒，每逢節日都會齊齊祈福。

無意添丁

問到萬綺雯雞年可有意添丁時，她耍手擰頭說：「暫時都重未有意生BB，我已經有一個契仔，佢就係演《我和殭屍有個約會》電視劇o既童星，佢好乖仔，讀書又叻，我希望佢未來幾年可以唔好拍戲住，專心讀好書，將來前途就更無可限量。

圖一：萬綺雯是虔誠佛教徒，每逢節日都會拜佛祈福。

圖二：萬綺雯表示已有一個契仔，今年暫不打算造人。