|
高GO賽馬資料庫2007-2008-技高一籌-昔日文章 |
|
|
2007年12月1日~~(「帝聖龍駒」) 今日沙田跑8泥2草10場賽事,泥地正常黎講大利沿途貼欄跟前馬,但上次夜賽突然一改偏差大利外疊衝既馬,沿途3-4疊更是完全冇問題,今次暫時未能預計偏差,由於今季日賽都係大利貼欄跟前馬,暫時都未肯定偏差如何,因此大家臨場睇清形勢先投注較好,而草地用上C+3跑道,此跑道沿途貼欄跟前大利,而2疊都會蝕少少但唔係大蝕的,由於偏差較穩定,今次精選會係草地第十場賽事. 第十場「帝聖龍駒」今季轉房初出表現不過不失,但當日佢排3檔但沿途走2疊形勢不利的,要知道當日係大利貼欄的,頭5名有4匹馬都係沿途貼欄賺形勢的,佢沿途2疊跑第6,表現一點都不差了.睇返佢上季賽績,雖然最叻都係跑3344,但佢跑4場都無一場係賺形勢的,特別係跑第3個場,沿途步速比頭2馬更不利之下只輸4分3馬位,表現好出色的.今次難得排上2檔,預計會快過1檔既「牛精財星」沿途貼欄3-5位,快馬唔多步速加上貼欄有利,坐位望贏. 對手方面,大冷門「威海歡騰」上場表現大有進步,沿途3疊之下都輸得唔遠而且迫近「帝聖龍駒」,睇返佢賽績,跑左四次,除初出個場谷草有賺形勢之外,其餘三場1400米都係形勢非常不利的,今次排6檔,有機會走1-2疊3-5位,大冷可博.「牛精財星」馬唔叻但表現忠心穩定,今次縮程跑1400米,對佢鬥衝一段既馬唔會太蝕底,今次排1檔預計會沿途貼欄留中後位置,會賺形勢,三甲之選.一對名氣初出馬「爆燈」「喜聚寶」雖未知跑法排外檔,但外地賽績不俗,有票可博埋. 投注策略 第十場「帝聖龍駒」WP 挑戰賽
|
|