高GO賽馬資料庫2007-2008-技高一籌-昔日文章

2007年12月23日~~(祝大家「齊齊掂)

聖誕前夕今日沙田用上B+2跑道,由於上星期剛用完C+3跑道,因此今次偏差有機會更大,沿途貼欄馬相信會比以往更有利,而2疊都會蝕少少,而2疊蝕得多唔多就要臨場執生了.

今次睇好第4場「齊齊掂」,「齊齊掂」上場爆冷入位不少人覺得意外,但其實有真正睇佢賽績的朋友相信唔會覺得出奇,因「齊齊掂」上賽之前兩仗都係形勢不利之下跑得出色,先說今季初出跑此程,當日雖跑A跑道看似偏差唔大,但當日佢沿途3-4疊望空跑其實形勢非常不利的,因此佢當日跑第4表現非常出色了.之後轉跑谷草雖跑第8表現一般,但當晚佢遇到的形勢比沙田一仗更差,當晚佢排7檔跟前跑,結果唔夠快沿途3疊望空,形勢已經相當不利的,更糟的是當晚步速超快,而佢於步速同場地不利之下都唔大敗表現一點都不差的.因此上賽爆冷入位毫不意外,但上場入位佢並不是賺形勢入位,翻查當晚跑道偏差,雖然唔算偏差嚴重,但沿途貼欄馬依然有優勢,特別係頭幾場及短途賽事,佢當晚排6檔看似有利,但當晚佢都係沿途2疊轉彎走出3疊追,形勢上完全冇賺到的,因此佢跑呢個第2表現非常出色了.

再講講今場形勢,「齊齊掂」今場有幸排得黃金一檔,預計今日偏差大會對佢非常有利,而佢會沿途守貼欄3-6位賺盡形勢,步速快慢都會大賺,形勢大好而且比主要對手形勢上都有利,馬膽之選.

投注策略

第4場「齊齊掂」WP
第4場「
齊齊掂」拖「紅噹噹」「歡歡喜喜」「勁速猛將」「賞心」QQPL

挑戰賽

第4場「齊齊掂」「紅噹噹
第8場「
牛精財星」「新力勁