|
高GO賽馬資料庫2007-2008-技高一籌-昔日文章 |
|
|
2008年4月20日 快活谷A跑道10場賽事~~(位置Q過關) 明天轉跑谷草用上Ａ跑道，此跑道偏差最細，不過沿途貼欄依然有利，只不過２疊要蝕既情況降低，預計場地將會受影響，跑黏軟地之下有機會出現難追既情況，臨場到我博客留意即場形勢。 今次介紹幾場位置Ｑ，第４場快馬唔多，預計會出現偏慢既步速，「雙喜孖寶」將會跟前，今季佢一再表現非常一般，但上場表現就大幅進步，因當晚偏差大，佢步速雖有利，但沿途２疊轉彎３疊之下，跑第４表現好好了，今次排４檔遇上內側冇快馬，預計會跟前貼欄守好位，有黏地賽續支持，可作膽。老馬「小飛象」近仗表現雖一般，但其實已經連續三場輸在不利形勢的，其實唔算跑得好了，今次雖排９檔，但快馬少如肯跟前會有形勢之助，半冷之選。 第５場「鄉村傳奇」上場賺晒跑盡了，幸好今次排１檔依然會大利，Ｗ唔值博但可作位置Ｑ膽。「威馬加鞭」上場與「鄉村傳奇」沿途２疊之下僅失位置，走勢其實比前者更好的，今次預計都會走２疊，但Ａ跑道形勢會冇咁蝕，三甲之選。「常山鳳寶」跑兩場冇表現，但一場內欄受阻一場沿途外疊，兩場都遇不利形勢的，未證明馬唔得之前不可過早睇死的，加上今場排２檔，預計會沿途貼欄守３－４位有利形勢，要拖。 第７場「金剛小子」今季毫無表現但上場沿途３疊轉彎走４疊再加慢步速不利之下輸得不遠表現唔算差了，今次排２檔預計會守貼欄３－５位有利位置，可博冷門。「萬事喜」大賺入位之後上場沿途大外疊輸得不可作準的，今場雖跑冇根據的２２００米，但冇快馬加上黏地出色，大冷之選。「英明大師」連賺兩場入位，但谷草實在非常出色，今場排９檔但快馬唔多加上黏地有支持，預計會守２疊步速有利，三甲之選。 第十場「加州巔峯」谷草能手，近兩仗谷草都輕勝，上場跑沙田全因出現超快步速不利姐，今場快馬唔多排內檔，會再一次大賺形勢，有黏地賽績支持，可作馬膽。「友誼至上」表現穩定，上場沿途步速非常不利之下都跑第２表現好出色了，今場１檔有利，如能適應場地便好大機會贏馬了。 投注策略 位置Ｑ 第４場「雙喜孖寶」「小飛象」 挑戰賽 第４場「雙喜孖寶」「小飛象」 http://blogcity.hkheadline.com/gogolife |
|