|
高GO賽馬資料庫2007-2008-技高一籌-昔日文章 |
|
|
2008年4月27日 沙田A跑道10場賽事~~(確叻星)
大賽日用上A跑道,暫時估計偏差不大,沿途貼欄冇大優勢反而沿途2-3疊未必會蝕,轉彎走外疊後出中外檔衝亦冇問題,近日天陰有雨,場地唔快的話沿途走外疊也不太蝕,步速愈慢外疊愈冇問題,不過由於近次A跑道非常公平,大家要臨場執生,暫時實力馬機會非常突出.執筆時天氣變得天朗氣清,大家一定要留意時間乾唔乾快啊. 第4場「確叻星」曾與「標青」碰頭串Q,今次形勢同上次可以算是一樣,A跑道1400米快馬不多,兩匹馬應可交出好表現,「確叻星」贏馬一場正正是賺了慢步速的,因此表現唔算特別出色,因此上場初遇超快步速加上場地非常不利追之下表現唔算太差了,今場換上韋達,大有機會得到跟前而有留的效果,加上今場快馬不多排5檔,形勢會同前次贏2個幾馬位既情況一樣,預計會沿途1-2疊3-5位,形勢非常有利,可補中.「標青」於A跑道唔算有利的,但今場冇快馬對其有利,如見臨場內欄並非不利,亦有力入位.「信賴」谷草連續兩場入位都跑得好好的,今場雖轉返沙田,但此程未失位置的,近仗表現轉穩定,雖12檔唔算有利,但如走位好有機會爭勝的,預計其會守2-3疊4-6位,會有步速之利.「豁達小子」上場表現唔算好的,因沿途貼欄有利步速有利大賺左形勢的,今場初跑1400米太熱的話唔值博.邊線馬「拔尖兒」3班唔夠跑,近仗表現非常一般但今次小休3個月,4班有利有機會大變身,可拖. 投注策略 第4場「確叻星」W 挑戰賽 步速分析... 第1場~~1-6初跑1200米,預計步速偏向正常未必太快,「銀影激光」上場段速唔快之下贏馬唔算超快,不過今場對手都唔強,可一鬥.「幸運駿駒」上場輸在快馬鬥燒,唔算太超但有邊線馬.「兄弟齊心」上場步速有少少利之下入位,不過都追得幾好,今場8檔冇問題,可爭.大冷博「美極之王」,近仗愈跑愈進步,特別係上場泥地1650米,沿途3疊步速偏快之下都輸得唔遠,今場如大冷可博一博. 第2場~~冇快馬在陣,預計步速會偏慢了,外疊有冇得追就要睇轉彎一段慢唔慢了. 第3場~~都係快馬唔多,得「全勝福星」會放,預計有機會出現頭1200米1分12秒幾既慢步速,跟前將會大利,慢步速外疊應冇問題. 第4場~~又係冇乜快馬既賽事,得「標青」會放,有機會出現返「確叻星」同「標青」上場同場既慢步速情況. 第5場~~12-14會放,步速未必慢,沿途最少會正常.「勝眼光」雖14檔,但形勢未必太差,有機會走入2疊3-5位.近仗太勁難放棄.<星期六14號退出左,少左一匹快馬,預計會變成偏慢步速,大家注意,12機會大增,而「勝眼光」只要唔係沿途3疊望空搶口的話,可再贏> 第6場~~7-11-12會跟前唔慢,預計步速唔慢,今場有半數馬有得爭,難揀. 第9場~~7-11同場,預計唔會慢.「好味皇」預計會走2疊2-3位.同樣近仗太勁了. 第10場~~又係快馬唔多,得「七星仔」可能放,步速要睇佢頭了.「太陽能」已經連賺三場的,仲要愈跑愈賺,不過今場又係會賺,使唔使咁好彩呀?<補上嘉飛,乃機會馬之一黎的> http://blogcity.hkheadline.com/gogolife |
|