高GO賽馬資料庫2007-2008-技高一籌-昔日文章

2008年5月12日 沙田C跑道10場賽事~~(秘密行動)

沙田用上C跑道比較公平,加上近日內欄場地用得多且密,預計沿途貼欄馬並無優勢,沿途2疊轉彎走出中檔追反而更好,步速愈慢外疊愈冇問題,直路賽方面5月6日曾試過幾組閘,因此走中疊可能有機會更好,因此都不能輕視內欄馬.泥地方面最近繼續非常公平但少少難追,大家小注好了.

尾場評分拉闊到85-60分,但水準參差,預計高分馬會贏級數,「秘密行動」最近三場都表現出色,雖只得一亞兩落弟,但三場都跑得好好的,先講入位一仗,當日佢初跑谷草1650米,沿途2疊雖唔算太蝕,但當晚沿途貼欄都非常有利的,佢負重形勢不利之下入位表現好出色了.之後個場雖然只跑第6但沿途3疊轉彎4疊,加上當晚偏差大步速係大利貼欄既段段均速,佢沿途走外疊之下跑得好好了.上場轉跑泥地都有貼佢,博泥地偏差唔大都追得到,可惜當晚泥地突然變成大利貼欄而且好難追,而佢沿途2疊轉彎3-4疊之下都追返個第6表現好出色了,今次跑返首本路程1400米排檔,預計有快馬在陣步速會正常,而佢會同大熱門「首飾寶寶」同跑法,預計4檔不用貼欄,沿途可守2疊6-8位,半冷可作膽.

「首飾寶寶」上場有快步速之助但沿途蝕位之下贏馬表現不俗,不過今場排1檔於尾場唔算有利的,而且要負133磅,今場形勢會幾不利,不過對手唔多亦可拖.
「孖寶神駒」「天威」兩匹近仗表現都係不過不失姐,不過C欄尾場有機會利外疊追,形勢會好,級數佔優乃配腳之選.
「大發雄威」前仗賺形勢入位而上場快步速之下表現都唔差,今場3檔如臨場見內欄場地並非太差亦可拖.初出馬「貝利高」留意走勢.

投注策略

第10場「秘密行動」WP
第10場「秘密行動」拖「孖寶神駒」「天威」QQPL

挑戰賽

第6場「鞍山勇馬」「金像太子」
第10場「秘密行動」「天威」

http://blogcity.hkheadline.com/gogolife