|
高GO賽馬資料庫2007-2008-技高一籌-昔日文章 |
|
|
2008年6月25日 快活谷A跑道8場賽事~~(精選位置Q) 上次沙田對場地形勢估計錯誤,結果心水成績一般,希望今次努力努力.今次乃谷草最後一次了,用上A跑道,此跑道偏差最細,但到季尾無論如何都會對貼欄馬非常有利,而近幾次賽事都對跟前馬十分有利的.至於2疊會蝕幾多,就要到臨場觀察先得了,不過預計都會蝕少少但乃蝕得起的偏差. 第3場「虎威將軍」上場雖僅勝,但沿途2疊加上轉彎留唔住差點走3疊蝕位甚多之下贏馬表現出色的,今次雖轉跑1200米,但排2檔預計會比1檔既「好爽」快可沿途貼欄守黃金位,形勢有利可再贏.「好玩」上場跑岩返形勢便入到位了,今場雖排10檔,但內檔真正快馬不多,以佢前速有機會放出的,如放出可再入三甲,半冷可博.正路當取「馬中神駒」,上場場地不利追之下都差點贏馬表現出色,加上前仗亦並非賺形勢贏馬的,今場4檔多會2疊,但機會一樣甚高. 第4場「逍遙派」連續兩場入位,前仗放入位置表現其實唔算好好的,但上場稍留之下沿途2疊轉彎3疊入位表現出色的,因當晚步速大利貼欄的,今場雖排6檔但1-5檔都唔快,預計可夠快貼欄守好位,馬膽之選.「金生麗水」前快雖沿途貼欄之下入位,但當晚轉彎一段偏慢並非大賺形勢的,而上場沿途2疊蝕位之下輸唔算太差,今場2檔有機賺形勢,配腳之選.「真功夫」上場見可跟前跑法會更有殺著,雖然上場都輸,但沿途外疊之下表現有進步了,今場1檔必會大賺,拖一票啦. 第5場「財富之星」近仗跟前表現不過不失啦,但今場加罩排1檔加上快馬唔多,形勢會非常有利,雖然贏馬要進步先得,但位置就幾穩陣.「善風」近仗愈跑愈進步,雖然唔算好超但表現都不俗,上次跑此程雖大敗但沿途外疊敗不足據的,今場2檔預計會守「財富之星」之後賺形勢,可博. 第6場「金獅勇將」今季表現出色,一再形勢不算有利之下入位,今場小休再拖排2檔,預計會貼欄大賺形勢,以近仗形勢非賺都可入位,今場跑出水準可勝.「威海歡騰」馬差唔多了但勝在跑法主動長期可賺,今場排1檔可輕鬆放頭賺形勢,加上快馬唔多入位機會甚高. 第7場「喜富龍」今季表現穩定,不過上到3班就唔係好夠跑了,因此要有形勢之助先可以跑近,但今季正正遇上有利形勢了,今場佢排3檔預計1-2檔都可比佢快,而佢可以輕鬆貼欄守中間位置賺形勢,可拖冷腳.「酒勝」上場賺形勢入位表現不過不失啦,不過今場2檔有機會貼欄放頭再賺,加上主要實力馬都排檔不利,1000首本可博. 投注策略 第3場「虎威將軍」拖「好玩」「馬中神駒」 位置Q 挑戰賽 http://blogcity.hkheadline.com/gogolife |
|