~~~~~~~~~倉鼠~~~~~~~~~~

1. 簡介

倉鼠，英文名叫 hamster，佢地識得將食物收埋0係腮既兩邊，好似倉庫咁，所以

叫做倉鼠。倉鼠屬齧齒科，最細既倉鼠身長約9cm，最大既身長可達約18cm。倉

鼠係群體生活既，佢地一般都好合群，不過亦有d倉鼠係性格孤僻既。

2. 點樣選擇健康既倉鼠?

健康既倉鼠眼應該係好有神既，冇肚痾跡象，冇甩毛，毛色有光澤，但唔應該

濕，應該活潑咁走黎走去，唔應該遲鈍或呆滯。有d倉鼠比較怕人，選擇時可請

教店員。鼠鼠比較喜歡唔怕人既鼠。

3. 如何和鼠做朋友?

倉鼠大都比較細膽同易受驚(當然有例外)，一般動物對陌生環境都會驚，第一日

返屋企，應該盡量唔好騷擾佢，放個籠o係暗、靜既地方，比佢慢慢適應，唔好

急住要捉佢出黎，佢一驚，要自衛，可能會咬你，以後都唔相信你。以後可以每

日用手餵食，多d同佢講野，用手輕輕咁摸佢，等佢熟悉你把聲同氣味，幾日後

可嘗試放佢係手上玩，但一定要有耐性，如果佢驚就唔好勉強。

4. 餵飼方法

其實倉鼠糧已有足夠營養，但就唔應該只餵瓜子，倉鼠冇定時食既習慣，等佢肚

餓自己搵食。有d倉鼠專用既零食，唔可以食太多，會令佢唔肯食正糧，亦唔可

以食人既零食，因為有防腐劑及味精。水最好係冷開水，可加入「營養水」幾

滴，增加營養。

5. 繁殖

倉鼠懷孕應用膠籠，用鐵籠會易令BB由空隙中跌出。倉鼠一胎可生3至8隻，倉

鼠懷孕期為16日，懷孕期間盡量唔好騷擾佢，佢既脾氣會比較暴躁，可能會咬

人，最好將佢同雄鼠分開。BB一生出黎係粉紅色既，冇毛，未開眼，千萬唔好

用手摸BB，如果媽媽太緊張或聞到BB有人味，會緊張至吞左BB落肚。BB 14日

後開眼，21日後斷奶，等 BB 開眼和有毛後先好換木糠。

thanks to watch

~~~~~~~~~~~~~~~~~~~~~~~`END'~~~~~~~~~~~~~~~~~~~~~~~~~~~