班長吹水樂園
柔道篇
失禮0既柔道季軍
距離第一次比賽3年後,
再次參賽! 已經係"2001年第四十四屆體育節香港青少年柔道錦
標賽"嘞!
呢次同上一次唔同, 上次打ge係-63kg組別, 仲要係榜尾, 可以話佔左一定優勢, 雖然最後都輸左; 而今次ge係 ~~ 女子公開組(無重量限制組別). 所以, 任何人士都可以參加.
雖然係0甘, 但連我在內........都只係得5個人參加0乍!!! 陰公!!!>.<
第一場對翻3年前ge對手....shit!!!! 我升一級, 佢又升一級. 當年我橙帶..佢啡帶; 如今我綠帶....佢黑帶, 打唔夠10秒就比佢用個"雙手背負投"攞左個一本, 仲打傷埋鎖骨... 入廁所lur血, 幾鬼傷ar!!!
之後, 第二&第三場打啡帶同藍帶, 當然係輸哂la!!! 一路打一路痛, 又發唔到力. 不過, 就算無傷...都會輸ga嘞!! 我最醒ge係壓制技, 而d立技就屎到爆. 試問我唔做低人, 又點樣用壓制技呢?? 係咪??
第4場, 亦即係最後一場, 對住個橙帶. 一睇對手, 無論身形抑或色帶, 我都優勝過佢....心諗今次仲唔可以做翻場好戲! 點知, 當我好靚0甘出招"大外刈"ge時候, 佢竟然自己拗柴! shit! 就係0甘樣, 對方棄權, 我不戰而勝. 妖! 我唔制ar!!!!!!!>0<
雖然贏左一場, 諗住無獎攞ga嘞, 0甘咪走去換衫law. 換完衫一出0黎, 就比ar妹捉住, 話嗌緊我個名, 叫我換翻衫. 喂, 大姐! 點換得切ar!!
點估到佢會有2個季軍先得ga!!!!!!!!
所以, 我就0甘凹翻件道袍上面, 裹面mud都無換到, 就走出去領獎. 又0甘啱比個日本佬頒獎時....發現左我裹面個件唔係白色圓領衫, 而係普通去街衫, 佢個樣話比我知佢唔係0甘高興law!!
全個賽事, 最失禮ge係, 唔洗打, 就有獎. 個獎好似呃翻0黎0甘!! 不過, 都唔理得0甘多嘞, 頒完獎, 影下相, 梗係全體較腳la! 仲要趕住去睇醫生ga ma!!!!!!
個獎我而家仲好好保存緊, 話哂係我柔道第一個獎0黎ga wor; 而呢個獎仲係有血有汗ge tim!!!
~~~ 完 ~~~
back to the top