水上飄

有個傳教士黎中國講道,同一個道士,一個少林高僧坐埋同一條船.船將到岸,高僧話:[唔好意思,我趕時間,行先.]之後就好輕盈咁跳起,腳尖係水面點o左幾下,咁就上o左岸.

傳教士心想:[少林功夫果然厲害!]

之後道士又話:[時間唔早,我都唔等喇!]然後一躍而起,腳尖同樣係水面上點o左幾下,又跳埋上岸.

傳教士又諗:[中國道術果然神秘莫測.....如果我唔係佢o地面前露返一手,咪丟晒我o地傳教士既架?]

[兩位等埋!]傳教士即時效法耶穌水上行走既奇蹟,諗住腳尖又點幾下就跳到上岸.

點知佢第一o野就舂o左落水,三爬兩撥先爬返上船.

佢諗:[點解唔得既?唔通我對主既信心唔夠!?]

佢堅定信念之後再試,點知一樣失敗.佢不斷咁試,死都要做到為止.....

同一時間,岸上既道士同高僧講:[大師,使唔使我去講佢知o個幾舊踏腳石係邊度呀?]