Kathy之變身思琦fans故事

係舊年睇<無名天使3D>時先認識思琦，其實初時只係覺得佢可愛，除此之外對佢冇乜特別感覺，只係因為我家姐係佘詩曼fans，所以佢成日上網鬧思琦(尤其係響TVB留言板)，而且仲鬧得好難聽，果時純粹只係因為覺得思琦好可憐囉，好為佢不平，所以就企出黎為佢講野，點知就係因為咁，發覺原來自己對佢幾有好感，而且覺得佢為人絕對唔似佘fans講得咁差。當我第一次上網搵思琦D資料時，映入眼簾既係思琦一張相，當時我第一既感覺就係：思琦真係好靚！佢羅到“網上最上鏡小姐”絕對係名至實歸！但真正吸引我既原因係思琦既性格，佢好親切、好可愛！對人好好、對fans又好關心！而且佢仲好錫狗仔添！有人話佢唔靚，有人話佢演技唔好，有人話佢賤格……我唔在乎！審美觀因人而異，響我眼中思琦係最靚既。演技唔好又點？有邊個一出道演技就已成熟？最重要既係有進步，我相信思琦一定會比心機磨練演技。至於有人話佢賤格，借人上位，由一開始我已經唔認同，如果唔係當初都唔會響TVB留言板為佢講說話，而家當然亦唔會認同。曾經響一本書上睇過一句話：“愛人勿疑，疑人勿愛”我既然愛思琦，當然會相信佢人格。希望思琦都唔好太過傷心，果D鬧妳既人只係因為佢地唔了解妳? A果D人妳亦都無須多理，佢地根本就冇資格做妳fans。

最後，希望思琦會睇到我呢篇文，而對我有小小印象，雖然我唔係住響香港，但希望妳會記得響某一個角落，有一個人，佢第一次咁真心中意一個女藝人，而且以後亦會繼續支持妳既Kathy！

祝妳永遠開心、青春常駐！