4~5
第四回
某日早上
龍一因為病左而請假，事務所派左另一名同事暫代優，而優就留係屋企照顧龍一。
“龍一，食快ｄ啦∼你仲要食藥架！”含催促道。
龍一由細到大最驚既就係食藥，所以佢特登有咁慢就食咁慢，但係ｄ粥點都會食完。
“好喇！食藥啦！”優好似哄小朋友咁說。
“唔食！！！”龍一反抗道。
優見軟唔得就用硬喇∼
“緒方龍一，你好快ｄ同我食藥喇！”優生氣道，並睥住龍一。
龍一終於係優既手上接過藥同水，並係優睥住之下吞藥。
“好苦呀！”龍一說，並轉身訓覺。
優諗：龍一真係好細路仔，好可愛呀！想著想著，優塊面紅哂。
黃昏時，優係廚房準備晚餐。
突然，優被抱住左。
優被嚇呆左，完全不知所措，但係佢覺得好warm同好soft。
突然龍一開口：
“優，我．．．我好鍾意你呀！”
龍一係呢幾晚諗左好耐，搞到佢失眠，趁今日自己病，就羅優命．．．．．．
龍一見優冇反應，沉默左幾秒之後，就更大膽道：
“優，我真係好鍾意你架，做我女朋友呀，好唔好？”
唔知過左幾耐之後，優轉過身，投入龍一既懷抱中。呢個擁抱已經包含哂一切。
----------------------------------------------------------------------------------------------------------------------------------------------------------------------------------
第五回
幾個月後．．．
係一次公司既例行身體檢查中，發現優既胃痛原因可能係患上胃癌。醫生建議優做多次深入既全身檢查。
係優檢查個日，咁岩涼平都要到醫院探朋友。
涼平探完朋友之後，見到優好擔心咁坐埋一邊，佢正要行去打招呼時，醫生突然出現。
“谷內優小姐，你份報告已經出左。你ｄ家人呢？有冇黎呀？”
優搖頭。
“你先入黎啦，我地慢慢傾啦！”
優跟醫生入左醫生房。
“醫生，我究竟乜事呀？”優擔心問。
“谷內小姐，你要有心理準備，我地證實你患上左胃癌，而且仲係末期，大概仲有三、四個月至半年命，你可以接受電療同化療，但照目前既情況黎睇，痊癒既機會好微，而且接受治療會出現嘔吐、甩頭髮等情況，身體會更虛弱。基本上，我並唔建議末期既病人接受治療。不過，如果你想試下，我都可以幫你，你考慮下先答我啦！”醫生說完，便將優送出醫生房。而涼平，就係房門外，一字不漏，全部偷聽。
Supervision
“優，你同瞳去完街喇，好玩嘛？”龍一問。
優利用瞳駛開龍一，自己一個去醫院檢查。
“下．．幾好呀！”優答道。
呢個時候，涼平帶著一臉冇心機既樣返到黎。
“涼平，你個friend冇野呀？”慶太問。
“唉∼佢患左末期胃癌．．．．．．”涼平望住優，將醫生所講過既野，全部講番哂出黎。
“咁．．你個friend接唔接受治療呀？？”優吃驚地問。
“我唔知呀！我等緊佢話我知呀∼”涼干答道。
“係呀∼好呀！”優開始變得語無倫次。
幸好，龍一佢地冇發現優既異樣。
“喂∼行喇！我地就遲到啦！”慶太催促道。
在路上，涼平特登行到最後，優見到後，亦放慢腳步。
“涼平，你乜都知道哂呀？”優問。
涼平點頭。
“咁我應該點做呀？”
“呢件事，我地遲ｄ返屋企至再講啦！”涼平答道。
優ソ家
“你打算點呀？”涼平問。
“我唔知呀∼但係我唔想講俾任何人知呀∼費事佢地擔心啦！”
“你連龍一同瞳佢地都唔講呀？”
“或者我會同涼子佢地講既，但係對住龍一，我講唔出口，我唔想令佢痛苦呀！”優答道。
“你又何嘗唔係咁痛苦呢∼唔好再扮喇，我借個膊頭俾你用啦！”涼平點起支煙說。
“我冇野喎∼”但優說完，卻伏係涼平個膊頭喊。
“喊出黎會好ｄ架喇！”涼平見到優咁樣都好心痛，好無奈咁繼續吞雲吐霧。
w-inds.ソ家
“龍一，我有野同你講，你入黎啦！”涼平認為龍一始終都係優既男朋友，呢件事，點都要俾佢知。
“咩事呀？”
“龍一，你要有心理準備，呢件事係關於優架，你記唔記得我探完friend個日講個ｄ野呀？”
“我記得，你話你個friend患左末期胃癌，係喎，佢點呀？”龍一問。
“其實，個個係優黎架！”涼平答道。
“下．．．咁佢點呀？”龍一好擔心咁問。
“佢話佢唔會接受治療喎∼你都知優最愛靚啦∼佢話只係想同你開開心心過埋呢段日子喎∼用佢最靚既樣，留番個最美好既回憶俾你喎。”
“佢．．．．．．．．．．”龍一無話可說。
最後，佢地搵埋慶太一齊傾下點樣可以令優開心咁過埋呢段日子。臨走前，涼平再三提醒龍一同慶太要扮唔知。