９月１９日
諗諗下我嘅人生都幾慘情，今日同個老友記食野嘅時候突然諗到呢個問題，好似無邊件事係令我自豪，又或者係會令我覺得死而無憾嘅事，就好似係活在陰暗面裏面咁，簡單嚟講．．．我唔想自己會咁
唔好睇我無咩性格就以為我無理想ｗｏｒ，其實自從ｆｏｒｍ４果陣，我都有個理想嘅，就係．．．．．ｈｅｅｈｅｅ，唔講得住，不過，問題嚟喇，而家眼前就有一個機會，我好想去把握佢，但係我就會覺得我唔掂ｌａｗ，唔係我睇小自己嘅問題，而係我真係仲未有能力去做，人地話個天好公平，你某ｄ野唔叻，個天就一定會俾某ｄ野你叻，呢個說法我亦都響其他人身上睇得到，但係奇怪地，我搵唔到自己係有野叻！
有個死人頭話我註定會係天煞孤星，我都開始有少少信喇，因為已經係唔到我唔信ｌａｗ．．．
開咗學一排，發覺身邊嘅人有種熟口熟面嘅感覺，朋友嘅樣，明星嘅樣，老師嘅樣，曾經好鍾意嘅人個樣．．．．．．．．．．．．．．．．有時真係似到唔信ｔｉｍ
美麗人生．．．到底係點ｇａ？