Diary
14.06.2002
今日我約左我既姨姨去中山玩，晏晝睇完波，就開始準備所有野，五點鐘倒就出門口喇！
我地今次係搭直通車去，架車六點半就開，但係架車開得好慢，要十點幾先到目的地。我地落
左車之後，食左小小野，就返左屋企訓喇！
13.06.2002
今日六點鐘倒，我就已經起身，因為約左人游水嘛，不過約咁早都冇用丫，某某人又遲到呀！
游完水，我地就去左附近既商場行，其實係因為要買禮物俾我既父親大人，父親節又到喇！不
過行左好耐都揀唔到，咁之後我就去左佢屋企食晏，我仲幫手搣粟米添！
食完飯，我就幫朋友整網頁，佢仲幫我影左張騎呢相呀！哈！一段時間之後，永遠都坐唔定既
我終於都發作喇，我開始週圍睇，乜都攪一餐，仲俾我發現有一部GAMEBOY，又有我最鐘意
玩既「頂龜」呀！哇哈~~
09.06.2002
世界盃，已開始了個多星期，由電視台不停地播直播賽事的廣告開始，我已深信看世界盃定會
成為一鼓熱潮。當然，這已成為鐵一般的事實。
看球賽，除了是欣賞球員精湛的技術外，也是為了支持自己喜愛的球隊。你有自己喜愛的球隊
嗎？我有，甚至不止一隊，但全都是歐洲球隊加一支塞內加爾！你或會問︰「那麼中國國家隊
呢？」對！就是沒有中國隊！我還恨不得中國隊快點遠離世界盃！原因？不明，也不必追溯，
你只須為中國感到悲傷，不是嗎？中國人竟然討厭中國人，多可悲啊！
05.06.2002
睇完個天光，我地就慢慢咁行返房，途中見到個好細既樹林，有人問起多年前KCR果個廣告，
唉，又勾起D恐佈既回憶，算啦，「平生不作虧心事，夜半敲門也不驚」嘛，但我又真係做左
好多虧心事喎……都係唔講喇，廢事今晚訓唔著呀。
返到房之後，我地終於都頂唔順喇，全部人訓晒響度，係十一個人訓響間六人房度，好迫呀！
訓到七點鐘倒，要起身喇，但我因為太眼訓既關係，係連早餐都放棄，我要訓覺！再起返身已
經十一點幾，又要執野走……食埋個晏，我地就要離營，個幾鐘之後，我又返到屋企…‥餘下
既時間，大部份都係響睡夢中度過……
04.06.2002
今日一早就要起身，好耐都冇試過咁早起身喇，八點鐘就要食早餐，之後又要聽TALK，慘慘！
到左晏晝，又有集體活動，真係走足全個camp，（支力）到嘔，不過唔緊要啦，好玩咪得囉！
夜晚又有BBQ，好開心呀，不過我個減肥計劃睇黎都係要取消架喇！為食，始終都係我既死穴
。
燒完野食，我就走左去玩班會活動，不過係隔離班呀！好過隱，朦住隻眼，好以玩「耍盲雞」
咁，不過個遊戲名係咩就真係唔記得喇，但係真係好好玩！
大約十一點鐘倒，我同班friend就一齊幫手搬返d食物盤去飯堂，好重呀！不過都應該既……
返到房，沖完涼，又冇野做，跟住就同其他人一齊去「探險」。我地摸黑行到球場，見到有
班男仔響度打波，我地就即刻調頭走，死都唔望佢地，廢事佢地以為自好型呀！哈！（其實
係果度真係黑到咩都睇唔到！）
之後我地就行返房，繼續頹廢。突然之間，亞晶推門入黎，跟住我地就一齊過隔房玩（其實當中
發生左好多趣事，但係就唔響呢度講喇，如果唔係，我手指斷都未打晒呀！），玩到四點倒，我
地就食宵夜（實是早餐），食食下有人提議去睇日出，哇！好主意呀！所以，食完「早餐」之後，
我地就一行八人去睇日出。一路行，一路傾計，同時又驚見到同我地唔同既「物體」，行行下，
咦？點解，點解個天由後面開始光既？噢，我地行錯方向喇！於是就即刻跑返去另一邊，終於趕到
喇！但點知，落雨喎，慘慘！不過唔緊要啦，睇住個天光都己經好好feel啦！
03.06.2002
哈！今日要入camp喇！難得一次既gra camp喎，心情？緊係好緊張啦！直情係「未出發，
先興奮」呀！！
個個入camp之前都買左好多野食，唯獨係我冇，冇計啦，要減肥嘛，食宵夜會好肥架，有正餐
仲唔夠咩！你話我冇癮都係咁話啦！「減肥大過天」！
去到個camp site，首先就聽果度既工作人員講一段廢話，之後就等食飯，好頹廢呀！未過六
點已經發霉喇！慘慘！同我之前諗既係完全唔同既！T_T
不過好采，食完飯，聽左個TALK，沖埋涼，終於搵到野玩，成個camp site周圍走，又過隔
離房玩，十幾人一齊玩兩副UNO，一舖牌玩極都玩唔完……咁就過左一晚喇！
22.05.2002
會考，沒有我想像中難挨﹙看！眨眼間便只剩下英語會話﹚，也沒有別人口中的可怕，幸而
我亦沒有緊張得把所讀的忘掉……或者，是時間不容許我害怕吧 —— 一進試場，便開始埋
首於試卷中，那裡得來這麼多的時間讓我「怯場」呢？
可是，它所帶來的壓力卻是沉重的 —— 擔心考試時不夠時間；擔心考試時未能發揮水準；
擔心考出來的成績未如理想；擔心要讓父母失望，同時也令自己失望……之如此類，種種
的擔心都要令我坐立不安，有時在晚上更會「發惡夢」……
當然，事出必有因，這些惡果都是自己種出來的 —— 一切都只怪當天的我沒有好好把握時
間 —— 但到現在才醒覺，恐怕已經太遲了！
21.05.2002
「呀……」
大叫一聲，會考的上半場終告結束。
雖然心情仍然沉重，但總要吃個豐富的午餐，以作鼓勵。
午飯過後，與友人到書店逛，發現了一本關於「文化大革命」的書。這時候，不知怎的，心裏
突然起了一鼓奇妙的衝動，很想發掘更多有關近代中國的事蹟。早在溫習會考時，每看到中國
的近代史，雖然每件事都令人心寒，但我總會看得津津有味……話說回來，到最後，我當然
是把那本書買下了。也許，這是「會考後遺症」吧！
09.04.2002
哈哈哈...今日派左econ卷喇！竟然可以合格喎，真係好采！仲考得唔錯添，好開心呀！
但當然仲可以考得好d既，希望ce果陣唔會失手啦，如果維持到依家既水準，或者都有機螺D，甚至C既，我諗...
11.03.2002
今朝，我真係想死！
今日考ECON，之前o個晚我將部cal放
o係疊好整齊o既notes上面，諗住朝
早返學時成疊拎走，返到學校就醒起
阿爸掂過我d野…嘿嘿，佢拎開左我部
cal－－我冇cal用！！
對於呢個就黎嫁埋俾部cal gei我，冇
左佢我真係可以連最簡單o既加減乘除
都計唔到！所以，我平時只係用1分鐘
就計好gei MP，我今日係足足用左10
分鐘去計，令我浪費左好多時間，呢
份paper，我肯定衰梗！
所謂「夫戰，勇氣也。一鼓作氣，再
而衰，三而竭。」，唉！依家度氣洩
左，跟住o個幾科真係嗚呼哀哉…
08.03.2002
*睇呢篇前請先看20.02果篇*
（晚上七時十五分）
dad:你今日又溫左幾多個鐘書呀？
me:咁今日有幾多個鐘丫？
dad:唔…八個鐘倒啦！
me:乜你成個牛皮燈籠咁，點極唔明架！都話24個鐘咯！
01.03.2002
今日終於可以俾個網頁人睇喇，整左
咁耐終於有收成，但係始終都覺得個
homepage好怪，不過點都好啦，都
叫做有自己o既網頁ma，唯有等自己
考完會考先轉version啦。你記得到時
再黎睇過呀！
20.02.2002
（晚上七時正）
dad:你今日溫左幾多個鐘書呀？
me:咁今日有幾多個鐘丫？
dad:我7:00出門口…（數緊手指）
me:你做乜咁煩惱o者，梗係24啦！