| 六月, I'll find my way~
I'll find my way, I want a different way,
Nothing can stop me now, no matter what they say.....
困難要用我的堅強和努力勇敢面對
現在用心去追 感覺就對 I'll find my way
30wed
清晨回家, 幸好有阿Sam跟我聊天, 要不然我便會在巴士上睡著了。
梳洗更衣後, 又再上班。
倦, 但不是不做事的藉口!! 可能我現在只有恨與怒。
30 wed
07:00
多謝某某同事對家人負責任, 有些準時收工, 有些更歸心似箭, 手頭仍有未完的工作便已撒手塵寰了!!
可憐的我, 還要沒完沒了的併命, 加上工作了一整夜, 真的想死!!
不明白為何社工不用留下來, 但我卻要忙足一整夜, 可能是護理計劃牽涉到我吧。不想想太多了...很睏...等不到頭班巴士了, 先到clinic小睡片刻。
29 tue
幸好?有睡得不太晚, 雖說今天沒有booking, 但仍要早起身回公司見ISO督察。所幸的是ISO沒有給太大的壓力, 但各位老闆的要求卻令我們舉步為艱!!
今夜又要併命了...
放工時, 跟大老闆與兩位同事去吃飯, 五食送一湯, 食完白飯再飲湯。席間, 大老闆講了他在加拿大生活時的事,
另一位同事又講了他上一個月頭在加拿大的旅遊時所見的景色, 好生羡慕...ZZZzzzZZZzzz
28 mon
今天的工作像是瘋了一般衝過來, 雖說我每天也是併命似的12小時工作, 但ISO的來訪卻令我求生不得...14小時工作真的要命。
8時多, 記起今天是家中小弟的畢業典禮, send了一個sms作為道賀。
回到家...早點睡吧。
25 fri
St john 夾操!
Vincent也回來了。很久不見了, 你怎麼辦? 聽到他快要到天津做事, 那麼便要走? 小心那地方, 不過男兒志在四方, 願你有所成吧!
晚上到了太子吃火鍋, 還有25仔同阿Sam, 熱鬧得很~
12 sat
被當做patient之後, 返工...
就係橫過馬路上火車站之時, 先發現自己漏o左野係站....正想回頭之際仲要撞到人添...
醒起今日阿sam當值!!
打個電話過去, 請佢o地代為保管, 叫阿sam遲d俾番我~ 哈哈, 行少次~
轉車, 坐小巴返工, 見到前方有位小姐訓到飛o左出o黎....好驚險呀(同果日一樣....)
下晝, 無事做, 早d走人~
11 fri
車站~拍住華航翻機三人組....
今日都多奇怪o野囉....
去落馬洲接patient, 報稱TB, 第一次咁樣入禁區...去到禁區, 報俾POLICE知, 佢o地仲驚過我o地, 佢o地話點知大陸果邊係唔係真TB,
到時SARS咪大件事!!!!最後搞o左好耐, 仲要上晒保護袍上橋。
嘩!! d車係咁係我o地身邊經過, 果條橋又上上下下咁震...你都咪話唔驚, 好似遼寧果條咁咪死...有乜事都唔會有旗喎....平平安安返到北區。無乜事,
不過事後要消毒o者....
第二朝都無乜休息...坐低都可以訓得著, 一訓就聽到以下o既講話.....
A: 你o地知唔知佢之前去過邊?
B: 佢之前去過黃崗果邊接case, 之後返局, 可能太?...
A: 嘩, 你醒o下, patient無反應, GCS111, check pulse, BP, take temp, 佢有無藥物敏感?
B: o下唔知喎...
A: 做blood test, pulse同BP點?
A助手: 開始下降, pluse zero...
A: 落強心針, 240 charge!! first wave! patient有反應....開始清醒, 先生, 你知唔知呢度係咩地方?
親王 : 上水站.... 咦...29??你邊度搵兩個熨斗o黎o架????
10 thur
7點未到就起o左身, 一開眼就見到阿Joe想同我做...CPR...唔好亂o黎呀!!!
返工一味做做做做做做做...
9 wed
好熱呀!!
今日真係好忙呀~ 做到無得停! 仲要面對果d咁o既同事, 真係想死!!
今日佢仲可以係老細面前繼續干涉我o既事, 唉...
六點鐘準時停工, 執埋d「架生」去車站, 理得你死!!
車更拍阿聰、14, 到10點幾先有第一轉車, 來往北區及那打素專車。估唔到我呢個平安大使竟然要走幾車...星期五仲要拍梁29同偉賢, 都唔知點算...
8 tue
1號強風訊號現正懸掛, 唔知o黎緊呢幾日會點, 仲係車更添~
6 sun
呢個星期發生o左好多事, 成個人體力透支...
亦都因為咁, 我作了一個創舉, 就係訓足13個鐘!! 嘿~
5 sat
我當住好多人面前俾o左封通知書俾佢, 我諗佢都會當係警告信, 嘿...
佢即時發難, 話我有咩問題就同老細講, 果個patient係返o黎搵佢, 而唔係做physio, (嘩...你咁講都得...果然係歪曲事實o既高手...好在我一早就同上級報告o左)
唔該阿陳生你同我搞清楚。
嘿, 你唔同我o黎呢一套, 你都唔好同我發脾氣、扮可憐, you just bullshit!
我都費事理佢。
夜晚, 好友約我到荷里活食飯, 噢...我做o野做到好夜...sorry...
隊入面o黎o左個新人, 話係因我o既名而想入尖咀...有咁o既人同咁o既事?! 到底係邊呢??
4 fri
傍晚返公司, 該同事刻意避開我, 6點唔到就走
好在我係門口見到佢, 你唔好做完就當無發生, 你唔好同我o黎呢一套。
嘿! 人善人欺天不欺, 不要這樣安慰我了, 少來這一套被動主義了。
要懲罰人, 永遠都要靠自己。
寧我負天下人 莫教天下人負我
曹阿瞞o既名句, 當時o既佢, 飽讀詩書, 做人做事都可算滿分, 但係處處受人逼迫、受人欺凌, 對身邊周遭事物、整個時代都不滿,
要做大事就要靠自己, 先亂後治, 以成大義。對唔住, 你揀o既。
3 thur
下午3時, 又一件大事發生, 我真係多得一位同事唔小, 咁得閒就做o下自己o既o野啦, 好做唔做管我d patient。話說我個patient係呢度o既舊client,
佢返o黎搵我做運動, 點知一入門口就俾人問長問短, 呀同事!!人o地都唔係搵你, 你理咁多做乜o者!! 我同佢講, 有時間你自己做返自己o野,
我clinic o既o野有assistant跟就ok 。佢一個唔該都無就打過去clinic order我d assistant做o野, 頂你唔住...
我生平有幾樣o野有好大o既反感, 其中之一就係俾人干涉我o既有政, 天王老子都無面俾, 便何況俾你!!
人唔應該俾咁o架, 個世界唔應該係咁o架!
唔好以為自己o野唔做, 就會有人幫你做...
唔好以為, 出幾句聲, 講d o野抵毀同事, 就代表你有能力, 你可以駕馭到人...
唔好以為係老細面前好pro, show自己能力就係一切, 你只係一個隨時可以被替代o既asset, 一個人人都可以做到o既位置。
只恨呢一度係怪獸公司, 可以上discovery channel, 做錯o野唔會有事, 偷o野、呃OT可以無事, 你好彩。
2 wed
返工果時睇到亞視o既「西南開發」, 講到西藏~
西藏係一個宗教色彩好重o既地方, 有達賴, 又有班禪, 原來班禪係我o地叫o既喇嘛教入面係老二, 達賴喇嘛係阿頭!! 而喇嘛教即係藏傳佛教,
教派由宗喀巴創立, 由噶當派後改為宗格魯派，俗稱黃教。藏傳佛教同西方天主教一樣出現過宗教改革,
並且同樣出現係15世紀。
15世紀, 明朝時改革者宗喀巴不滿僧侶o既生活糜爛、放蕩, 因而出現了宗格魯宗,
並規定了僧侶生活不得食肉、飲酒、娶妻生兒, 但自始以後達賴同班禪就要依靠找尋活佛作為接班人。
更得意o既係根據宗喀巴的遺言，達賴在梵語中意思是大海，班禪是大寶師，兩者互為師弟、輪流領導黃教。所以如果達賴或班禪其中有一位仍然在世，就應負起尋覓轉世活佛和教養的責任。新任的轉世活佛於在世聖人的的指揮下，到了成年都已然成為佛學大家，屆時無論學識或成就可以領導黃教了。
西藏出名o既在於佢o既宗教色彩工藝品及醫學, 其中以唐卡最為出名。
唐卡是藏語，意為用彩緞織物裝裱成的卷軸畫，也稱布畫，是西藏佛教特有的一種繪畫藝術。唐卡的品種和質量多種多樣，大的唐卡長達數十米，上面刺繡剪貼了各種佛像。
由珠三角轉o下轉o下, 變成o左泛珠三角。一下子, 我都唔係好知到底自己身處o既地區原來係咁大...
其實泛珠三角指o既地區真係好大, 泛珠三角橫跨中國東、南、西部, 是區域合作與協調發展的新嘗試, 成個珠江流域變成一大經濟區。原意唔錯o既,
但係由兩廣、福建、江西、湖南、四川、雲貴、海南 , 不過將會面對好大o既問題。
「人多好辦事」, 希望無人會講呢句明言。
人多好辦事只會係需要大量密集人手的工作產生作用, 就好似農業社會, 而上一個世紀o既工業時代, 人o既主要勞動角色開始式微, 到o左資源時代(係第三波,
而唔係咩知識型經濟), 人所扮演o既角色只限於決策而非勞動了。
另一個問題亦由此而起, 資訊大於一切, 但係成個泛珠三角o既光纖網絡有幾密? 缺少o左以光纖作為高速傳送o既工具, 經濟效可能會大打折扣。
泛珠三角所在o既華南平原, 地理上又難以跟華中平原分割, 換句話講, 某些地方既可以不計算泛珠三角...下次再講。
1 tue
又到o左一個月o既開始喇, 不過我係呢個月一開始就好倦, 好睏呀...
無法啦, 考試嘛, 溫到好夜先有得訓。
傍晚, 好趕好趕, 終於趕到考試。好彩!!
好耐都無考過呢d要寫咁多essay o既考試, 手好酸呀。
考完試, 派埋之前份功課, 嘩! Presentation同assignment都有B+, 咁我谷都咁「行」、落足心機、捱更抵夜咁做o左兩晚都值得啦!!!!!!
今晚終於有覺好訓lu~
|
這一頁的出現,
是我想藉此說出我心低的所有事....