靈實醫院, 係其他人眼中(尤其係物理治療學生), 係一間善終醫院。但, 靈實醫院係一所胸肺科診所!!!

係呢一集入面, 有6個同學同我一齊出placement呀~

Oscar, Terry, Indy, BUTBUT, Mara, Eva, Winkie

第一個星期........

27/12/2000 Wed

一早起身, 仲要係觀塘轉車, 好在guyguy一早就話左俾我知, 要係邊度轉車~yeah!!!

去到觀塘, 原來只需要20分鐘, 正!! 再加上一架亡命小巴, 用多20分鐘就返到醫院!!!! yeah!!!!!

一去到, 仲諗住可以好型咁由大門口入去~ 點知, 就俾一位好好好好好人(其實想寫靚~)既師姐(聲稱唔係畢o左業好多年)叫住, 話入後門會快d。 噢....算啦. 我個好型好型由大門口突破o既計劃就咁告吹.......

個師姐叫 Medlan 姐~

入到department, 就見到CE彭先生~
彭生話等齊人先搵衫啦, 唔駛講, 又係唔見左butbut 呢個遲到人~

講多句先, 靈實係要設8點30分, 不過4點30分就放人...

到左等齊人, 搵好衫, CE就送左一人一份聖誕禮物, 係一個FILE再加一入handout....

跟住, 梗係帶我地去參觀一下成個 department同 ward啦~
department有幾個PT, 都好nice架, 最 nice係 tom師兄、大劉生、Medlan 姐~
不過最特別係介紹MGRC(唔係好記全名), 因為有一個無帶証o既 PT。起初, 仲以為佢係新 PT(都幾後生), 一經介紹, 先知佢就係靈實Physio個manager!!! 嘩嘩!! 勁勁!!!!!! 佢叫陳生呀~(我同terry都係陳生呀~ yeah!!!) 不過成個team都係叫佢做老闆! 哈哈!!

到o左下午, CE就同我地revise一下學過既o野, 都好多野問又好多野傾架! 不過就係 break既時候, CE問o左我o地一個問題:「呀!你o地識唔識得晒你o地班既同學呀?」「唔識得晒架」「咁識唔識 『碌屎王(the king of notes)』呀?」我o地當堂感到 CE彭生既厲害, 好野好野!! 消息靈通!!!!

按: 我係PW第一日, 都無咁多野寫, 點解會咁.....

28/12/2000 Thur

經過尋日之後, 我決定遲d先起身返工, 無謂一早返去等嘛~

不過今日搭車都幾搞笑, 差d俾人check 2次身份證, 哈哈! 第一次係係搭巴士, 出到九龍灣就成車俾人check。第2次係搭小巴, 已經見到有成班 交通部既警察等緊check, 不過今次就唔係我o地....哈哈...

今日都係繼續講o下書先。

午飯過後, 因為食堂d野太好食(雖然阿 but仍然係食唔晒), 所以大家都有d睡意! 就係CE彭生同我o地講緊d technique 既時候, 阿but已經訓著o左..........

突然!! 「叮」一聲.....彭生羅o左個叮叮出o黎!! 哈哈!!

到o左 break, 我地一班人走晒去茶水房傾下計啦, 當然有彭生啦~ 哈哈哈!!不過就係無o左Indy, 彭生問我o地indy係唔係成日訓呀? 真係唔知點答.....

又, 我o地發現o左一個大秘密, 就係我o地果CEU, 有10條魚魚呀!! 即係有5個人都係雙魚呀! 嘩嘩, 勁! 我、terry、eva、winkie、mara都係 雙魚呀(我同winkie都係同一日生日呀!!)

29/12/2000 Fri

今日要上ward睇notes喇, 即係話要企足成日! 好在我訓練有素!!

上到ward, 見到好多case, 有coma(昏迷), COPD(慢性氣道阻塞症)...............都好多case,
有d case真係令人好心酸.....
大部分病人都係bednote都寫o左 "DNR", 唔係Do Not Remave, 而係Do Not Resuscitate, 雖然係就係上堂學過o者, 不過都真係.....聞者傷心, 聽者流淚......唉.....

仲有個patient係bainstem haemorrage 腦幹出血, 昏迷o左, GCS係emergency 係11/15, 同日跌到3/15...見到個patient, 叫佢都係無乜反應.... 真係聞者傷心, 聽者流淚

格拉斯哥昏迷程度計 (Glasgow Coma Scale GCS)

不過講開GCS, 阿indy又係break訓著o左, 仲流埋口水!! 都唔知佢係唔係有OSA obstructive sleep apneoa 睡眠窒息症.......哈哈哈!!

到o左 lunch, 見到d staff係度玩結他, 好開心咁呀~

呀!仲有一句, Indy做o左「鐵鉤船長」

第二個禮拜

02/01/2001 Tue

喂喂~先要講講我平時係點返學先, 首要我係屋村搭車出去觀塘, 再等15min 小巴啦, 再用16-20min就會返到靈實啦~
不過今日, 就係用o左差唔多 10min, 係!!用o左10min就返到........嘩嘩, 個亡命司機......落大斜都踩油........突然, 我見到前面有一重型大貨車......個司機哥哥係50米先煞車......好彩...唔死得.....

今日係真真正正o既第一日做case, 上晝做o左助手, hehe.......真好~

晏晝仲正, 有自己人搞o既大食會, 哈哈~
Mara仲搞o左一大盤沙律..哈哈~
阿butbut就整o左 豉油雞翼...
而我呢, 就整o左.......呵呵......甜品!!!!

butbut係下晝個session要做 trachotomy o既suction (氣管造口抽痰), 個病人一咳, 好多痰由個造口飛出o黎, 阿but梗係走到走唔切啦... 哈哈~ 呢個 sign好正常, 哈哈~ 因為當時係旁邊睇緊既我都閃開左!!

03/01/2001 Wed

今朝等小巴果時, 足足等o左10幾分鐘, 就足足食o左10幾分鐘萬寶路(即係煙).....poor....

朝早就已經有2個case, 嘩嘩, 一係就唔o黎, 一o黎就o黎2個, 哈哈~
不過我就有個唔係咁好o既經驗, 就係做做o下case, 個patient要走去照x ray.......仲有就係, 我第一次suction, 就衰o左.....入幾次都入唔到......嗚嗚........

我o地大學有個lecturer (叫Terence)o黎o左睇我o地做o野, 咁我又唔記得o左喎....
佢就係我做緊o野o既時候閃o左入o黎。我只係眼尾見到有個著白袍o既中國藉男子入o左o黎.....
點知, 個中國藉男子就開口:「咦. oscar, 又係你呀?」

最厲害係mara無返....結果係我同eva要食埋佢個case囉.......

阿but下晝個patient因為要照 x-ray, 所以唔駛做case. 咁咪去睇我o地做case囉~不過梗係有事發生啦!!!

鏡頭一轉, 就見到 terry同winkie, 著晒紫袍咁, 係呀, 係紫色袍呀, 成個紫衫龍王咁~
原因係係 terry 做果個 case係有MRSA Methicillin- Resistant Staphylococcus aureus (二甲氧基苯青黴 素抗藥性金黃色葡萄球菌)
係好勁o既菌呀(係醫院入面, 但係一般人就唔怕!!!), 呢d菌成日係鼻入面都搵到架~

終於放工, 有d好笑o野, 係關於人名架, 又係好似第一次出placement咁!!!!
CE又係叫錯o左一個人既名.... mafa....
都話有事發生啦!! CE係ward 俾人勸籲, 原因係有個同學仔漏o左d野入ward度....

到走喇.... indy好口衰咁講:「Eva, 你飲緊包麥精, 好似sputum呀~」

04/01/2001 Thur

按: 由於本人之生命安全可能受以上言論之影響, 於此對以上內容作出一些更改, 更改如下:

阿but唔係成日遲到!
阿but唔係成日都訓!!

好! 正題開始!!

今日, 又係俾煙燻, 雖然我係有睇「薰衣草」o者, 都唔駛咁「燻」我喎!!!!
件事係咁既--我一去到車站, 梗係要排隊啦! 因為唔想插隊, 哈哈, 原因係我唔知架唔架人打!
排係我前面同我後面合共 4個男人, 都不斷食煙, 我都唔知食o左幾多隻牌子.........嗚嗚......我開始知道「四面楚歌」同「十面埋伏」 o既係點o既事..................

返到去, 好在仲未夠鍾做o野o者~

開始做o野, 尋日要去照X ray o既伯伯今日係度, 咁我就有case做, yeah~ (好似有d天生鍾意做o野咁, 可能係 PW生活o左一排 o既關係.....)
佢係有d COMA(昏迷)架, 不過我叫, 佢都仲知知地咁, 咁我咪同佢check下先囉, 點知佢就好大反應, 唔俾我做野, 我搞左一陣, 都唔得.....嗚嗚.....望住CE彭生, 佢就叫我做唔到就算啦!!! 彭生真好人!!!

之後同個伯伯做suction, 今日好成功, 一抽就抽o左好多, 好o野, 我終於對病人有幫助喇!!!!

下晝, 無o野好做, 幫下mara同eva手啦~
eva有個新case, 係俾人綁住晒架, 仲有# R NOF同 # L TOF(總知係兩個髖關節 hip joint都有事啦!!)
而d 四肢就差唔扭埋一齊................

Tea break, 彭生叫我o地 break陣, 我o地個個都哦o左一聲, 不過就無人郁, 個個都係繼續做o野, 彭生再叫我o地tea break先有人開始放低d o野, 我o地係唔係好勤力呢?! 呵呵呵~

入到茶水房, winkie羅出一紮lunch買架冰棒(只係雪o左一陣o既, 之後梗係有事啦!!!), winkie俾o左一技我, 我諗住將佢「啪」開(即折斷之) o既時候.........一股淡白色o既黏液, 以高速飛向我身後o既......mara.......塊面、頭髮........(有無快感我就唔知, 不過我有好o既罪惡感......嗚嗚) 跟住, mara仲同我講, 有d甜喎........

indy食蛋卷食到成褲都係, eva噴o左d水出o黎, 阿but都有事, 係食生果哽親....全部都係係tea breack果幾個字入面發生o既!!

做完o野, 我o地好快就放好晒d bed sheet, 彭生就同我o地講o左一陣tutorial, 很好的一天!!!

05/01/01 Fri

星期五, 係half day-off o既日子!!

班year1 入o左camp, 我無得去.......嗚嗚...........

日日都係對住 MRSA同 COPD, 呵呵呵~

今日同個 patient做 suction, 好似開o左水喉咁, (我都係跟彭生咁講~不過又真係真o既~)

今日無乜特別o野~ hehe

第三個禮拜

08/01/01 Mon

今日同個COMA既 patient做檢查, 十分順利! 原因係---我講o左客家話..............但係我唔係客家人喎!
點解我會知個病人係客家人? 因為, 有日我係病房寫緊簿o既時間, 見到有個nursing staff同個病人講o左幾句客家話, 個病人就好合作咁, 咁我咪試下囉!!!(衰o左又唔怕o既! 都唔會計分!) 就係咁, 我用o左唔係識好多o既客家話同個patient講o下o野喇!!(我都係聽個nursing staff講以幾多就學幾多!)

就係同一個時間, 有個同學仔做一個新case, 點知就俾個patient毛手毛腳!! 嘩嘩!!!!!!!太可惡喇!!!

Butbut接o左一個新case, 要 on Oxygen(即係要用氧氣o既!)架! 咁阿but想同佢check下行路行成點, 點知個patient就 desat(即係血液含氧量大跌)得好勁! 阿but好驚咁即刻搵CE幫手......成個ward都知..........

晏d喇, 要出第二個ward, 又係阿but d傻 o野!! 佢整跌o左 patient.........個鴨仔(尿壺)!! 跟手仲要呱呱叫!! 不過好彩既係果時CE睇唔到! 不過弊就弊在係清理緊果時, CE就出現o左喇..........

今日食lunch, Mara 整o左壽司返o黎呀! 太感動喇~

到o左下晝, Mara有個case要抽痰喎!! 咁由我o地係星期四睇過之後, 到o左星期一先再睇, 一行到埋去, 就覺得有d奇, 點解個patient無乜痰聲o既? 跟住睇下個suction box, 嘩!!!!好多血呀!!!!
到o左真係幫佢抽下啦! 點知一抽就好多 Blood stain(即係血塊).................
做完個case之後, Mara就係個ward講o左 CE一問句:「個patient咁多blood stain, 係唔係其他人抽得唔好呀?」都講完呢句, CE就暗示佢唔好講.......梗係啦! 成個醫院, 最大勢力梗係d nurses啦! 我o地 PT唔抽痰, 就要d nurse做, 咁實唔夠我o地 profession 既!

09/01/01 Tue

今日又係Butbut有事.........

Butbut個patient係抽痰果時極力爭扎, 話唔肯做 Suction, 到o左肯做果時, 又咬管, 又揮拳....唉....

不過戲肉唔係呢D!! 就係CE幫緊阿Butbut 抽痰既時候, 個patient咳o左啖痰出黎喎!! 阿but就衝口而出咁講:「撤退!」...............唉, 又俾CE發現o左!!!!!!

到o左我個case喇! 又係抽痰! 今日個patient好抗拒......唔係咬管, 係抓人o者!!!

晏少少, 第2個case, 一上到去, pateint唔見o左! 遲o左好多先做case! 同個patient行下樓梯啦~ 點知一行就13層, 仲要係來回果種喎!!! 足足係146級!!!!

呢個係聽返黎! Winkie係搵CE果時差d Pk! 咁Indy咁好衰咁講:「係anteriorly定laterally呀?(向前定向側呀?)」我就話係 laterally定naturally呀? 因為個音好似!

到o左食飯喇! 因為Mara用晒d飯票, 咁就走o左去買飯票, 我o地一眾就係department門口等佢啦(其實係各有各有事做)~ 我一出department門口, 就見到Mara跑得好快咁返黎!! 咁我就好順口咁講o左句:「紅慧星Mara呀!!」跟住就俾人...............(咁Mara用d o野, 好多都係紅色架嘛!)

食完飯, 又係幫手1做o下case, 點知個patient要落去照x ray, 正! 諗住唔駛做啦!! 但係CE話去attach第d 同學啦......噢!!! 蛇王行動失敗.........

呀! 講開行動, 係靈實, 都俾我搵到個phsyio 既中學師兄呀! 哈哈! 大家都係沙田XXX出黎架~yeah~ 所以, 我一早就作出o左認親認戚大行動!!!

係3點, 我o地上o左一個關於OSA(即睡眠窒息症) 既lecture, 但係就搞到我o地個個想訓咁..............

10/01/01 Web

今日返到去, 第一件事就係同阿大劉生(佢叫輝哥, 我都係係Mara度聽返黎)一齊做下gym啦~哈哈~

玩o左一陣, 就入返CEU room(教學組), 知道o左butbut架死車死火, 開唔到, 阿but就要自己返車返.....咁CE就係白板留言俾佢, 但係我o地話佢好大頭蝦呀, 可能會睇唔到, 一係寫大d呀!!! CE就用一枝紅色既水筆 highlight 左佢個名, 仲加o左個大字係前面, 咁佢個名就係「大Diana」啦!! 哈哈!!

上到ward, 今日我有2個patient要同時做喎, 咁我一向都懶嘛, 咪同時進行啦~哈哈!!
點知!!!
CE話我知:「你個patient refuse treatment喎, 一係你再試下啦!」「哦, 好啦!」又會咁既....都無法, 試下啦! 個patient係一定要做, CE講得好o岩, 唔做唔得!
我一行到埋去, o岩o岩介紹完自己個名咋, 個patient就話唔做呀, 日又做, 夜又做(我最初以為佢係上breathing class 既, 點知講CE講佢下晝係做OT咋......), 我條氣都唔順啦, 仲要做, 唔駛抖呀!!! (我心諗, 好彩個patient未講粗口o者......不過點好呢?我未試過有patient refuse我喎, 聽 year3講patient refuse treatment又要填 form喎.........算啦! 都要試下啦!!!!) 就係咁, 我就好似salesman咁, 同個patient痛陳利害.......搞掂........

一路做case, 一面睇住ward個電視, 係我個 department個阿頭上電視, 不過佢講廣東話好唔正:「.....我o地用既治療方法既frequecny, 即係大度(應該係頻率)......」嘩嘩!!

都係做做下case, 身後傳來一把好嬌俏o既一把聲(不過聽真之後, 有d想收番呢句), 原來係butbut返到ward......哈..........

Terence又o黎o左...
佢問o左一句, 你地係學校無練 PTDxC 既 techique? 係呀! 無o架.......
咁Terence就講o左佢以前同自己d同學仔一齊練, 仲搞到流晒鼻血........嘩嘩........

阿but既一句「撤退」, 仲係我o地 peers之間既傳言!!!哈哈!!

下晝做幾個case, 中間有個幾分鐘既 break, CE又叫我o地 take a break(CE真好!), 阿but, Terry, Mara應聲倒地.....(今次無Indy, 係唔係有d奇呢?)....Eva同Winlie 唔知去o左邊....而我就因為用o左 professional writing(即係狂草...哈哈~), 所以有個 break, 但係無訓到, 係度睇書, 因為我買o左本成200幾蚊o既新書....(有d肉痛)

11/01/01 Thur

今日係 half day off(Terence 叫佢做 self directed learning day呀!)
不過一返到去, CE一開口就講:「今日你地個dayoff cancel o左喎!」唔係呀!!! day off都無埋!!!其中以butbut既反應最大!「同你講下咋! 今日放你o地12點走人啦!」CE話係試下我o地喎......

做case, 一上去ward, 我無o野好做, 一d patient就唔見o左人, 有一個就去o左做assessment, 仲有一個就同OT Joseph傾緊(OT即係職業治療).....噢, 我好悶, 等o左足足成30分鍾先有o野做......不過都好, 見到OT Joseph, 就同佢傾o左兩句關於 patient refuse treatment o既事。Joseph真係好人, 叫埋我過去同個 patient講好, 做少d運動, 不過PT同OT都要做呀! 都好過無啦, 個patient終於肯做......(日日都好似salesman咁....)

做做下exercise, 見到有個我o既patient上返ward, 咁就一齊做啦~

一路做, 一路聽d基督教o既VCD(係呀!聽呀, 因為要睇住patient....係講「愛你的仇敵」), 係基督教醫院幾好感覺呀~~~~~~~~~~~~~~~~~~~~~~~~ yeah~

因為我遲o左開始, 所以佢o地做晒case咁滯, 我都仲未寫好牌板, 咁我咪自己一個寫囉, 不過我見到Mara 同butbut 都係度用bed note個 file 掩護自己睇緊o既雜誌......(嘩嘩, 我都好想睇....)

不過butbut好似係睇緊鹹書喎............

做晒case, 有half day off, Mara同Eva都約o左人出街食飯, 但係!! 佢o地係帶o左飯返o黎食喎...........................................

CE彭生今日成日都「咪」住個嘴......因為個嘴仲係爆個嘴.....
咁Indy仲要問彭生一d傻o野, 彭生一笑就知.......弊喇........個嘴再爆......彭生話要「喀」佢個頭.......

12/01/01 Fri

今日係Med-term feedback, 不過無乜好驚.....

又係上ward做o野...一見到果個想做o野o既病人........我一埋到去, 佢就發晒脾氣!!
講晒粗口咁鬧......話PT waste his time, 但係我唔明白, waste你d time, 你又上PT 俾你o既 training class......
我都係第一次俾人用粗口問候完自己, 再問候全家人, 但我都仲係對住佢好好笑容囉!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

個patient refuse o左 treatment, 我就做另一個patient囉!!哼!!! 呢個新patient好nice, 係潮州人, 不過我唔識潮州話, 都得, 因為佢話乜, 我就學佢咁講......呵呵~

食飯果時, Indy又再現出佢驚人o既食量......碗飯好似座山咁.........嘩嘩.....................就係咁, Indy就多o左個名, 叫「癲佬傻」喇!!

下晝, 我同Winkie交換o左個case, 佢個patient係打嘿嚏打到成身都係, 今次我有備而戰!!
不過我一上到ward, petient SaO2只係得88%, 仲有好多痰係個肺度, 我咪即閎同佢做抽痰囉, 一抽就抽到好似開o左水喉咁......................D texture仲好Thick..........不過個patient就係一路抽痰, 一路咳(無定向果隻.....)我只好犧牲我隻手...套, 掩住佢個嘴, 咁我同terry都無事...........
不過都有失算....就係我同佢拍緊痰o既時候....佢咳呀..............弊.....趕唔切.......唯有走開d啦.........

都係引Mara果句,
歡笑指數:13/10 (more than full marks) 今日Indy好攪笑,笑爆咀, 哈哈~!!!!!!!! :D

有人送o左d o野o黎醫院呀!!!

15/01/01 Mon

今日我又有個病人走喇~

勁! Indy係食完飯既時候訓著左呀!!!! 仲訓到成檯都係口水.........都不止呀, 仲用HA d毛巾抹呀.......之後再訓..........

CE彭生入o黎, 佢都仲係訓緊...彭生叫我地唔好叫佢, 我地成班人就咁就上o左ward做o野......

我有個case, 係COMA, 我一去到就見佢唔係好妥, SaO2得88%, 又成個肺都係痰.....咁就自己一個人做啦~ 因為得我一個人係ward, 其他同學都仲做緊第2個ward.......

做晒case, 彭生demo o左次針灸俾我o地睇, 係老闆口中得知, 彭生有外號「聖針彭」!
我同Terry都自動請纓, Terry針o左「足三里」, 腸胃求三里 (可以治腸胃不適, 胃氣多, 因為Winkie佢地成日話terry多胃氣..哈哈~), 而我就針o左「合谷」係止頭痛(不過我無, 只係demo下) 我見terry話針落唔痛, 咁咪好放心囉, 點知!!!!! 彭生一落針, 我就覺得有d痛, 一轉, 我就覺得好「冤」!!!!彭生話血氣強仲要男性就好快有效, 真係好有效......不過d effect last o左成日........

16/01/01 Tue

今日我都好得閒, 無新case入, d舊case唔係唔做, 就係去o左做assessment, 得閒........最後, 我係同mara坐係客廳睇電視~

不過阿but就接o左個新case, 不過有d重聽(即係撞聾), 結果佢要講好大聲先聽到少少, 成個ward都聽到......後來有個男護借左個AMPLIFIER 俾佢, 先無咁慘.....

後來, 借o左o野, 梗係要還啦, 當eva話幫阿but還個amplifier果時.... 阿but初時無乜o野, 之後就好大聲咁叫o左出o黎!! 係呀! 係叫o左出o黎:「俾返魯文傑呀?」 但係, 成個魯文傑就係正佢o地隔離.....

食飯果時, 阿but問我: 「oscar, 知唔知邊個係?」「知, 做閃電傳真機果個嘛~」我答道, 「係呀, 我好鍾意佢呀, 3B有個男護士都幾似佢呀」「哦哦, 係唔係10幾號病床果個呀? 都幾好架!」「係呀係呀! 我好鍾意呢類style架!」呢一句之後, 成檯無人出聲..............因為無人會同佢爭囉..哈哈~

原因係果位魯文傑借左個AMPLIFIER 俾佢囉......但係, 係canteen, 我見到果個男護同一個俏護士, 神情親暱咁.......係ward又成日俾女仔圍住喎!!

今日, 我仲俾人叫o左一個好....唔知點講既夠....叫我做carcar(先入聲後去聲).....嗚呀......好似無人叫過, 成個女仔咁..........

17/01/01 Wed

朝早又係3B做case, 心水清o既朋友, 都會好關心阿but個男護既故事!

好! 今日就先講佢啦! 話說阿but成日都係3B走o黎走去, 仲好似係特登果隻.......不過, 今日阿but無唔記得o左(佢聲稱)同魯文傑搭訕..哈哈~

而我就過o左去3C ward, 仲有d後生o既醫生呀~之後, Mara都過o左o黎....

終於知個男護叫乜名, 係叫「彭子健」哈哈~

係canteen, 又係見到魯文傑俾好多女仔圍住呀~

做下晝個patient果時, 好開心, 因為有一個新既學護入o左o黎, 仲問我:「阿sir, 可唔可以睇下你點拍痰呀?」好~無問題~呵呵~

做晒case, mara佢地計劃Monday既節目, 咁見到Melon姐, 梗係叫佢啦~哈哈~不過Meon姐就好婀娥多姿咁問阿輝哥去唔去, 哈哈~都幾得意架!!!哈哈~

18/01/01 Thur

今日mara一返到o黎, 就一路話indy, 因為indy同佢係車上面有事發生o左呀....
話說indy係小巴上面訓著o左....就係快到靈實既時候, 佢醒o左, 仲踢o左mara一腳, 然後問道:「到o左未呀?」.....就係咁, mara就好想打佢......

到o左做case, terry今日好灰, 上晝做3個patient, 3個都refuse treatment.....

今日都唔見魯文傑!!!so, 無得講....

Lunch time, 我o地成班人係度講緊舊中學d o野, 又講下中學d鬼故...不過, 就係呢個時候, 我o地發現o左 indy同butbut都係訓著o左呀, 諗住走o左都無人知, 點知阿but好醒目咁醒o左喎.......不過我都就留低o左indy係canteen....但係有d MO見到我o地咁做, 都無上前阻止喎..
結果, indy係lunch time完之前剛好返到....哈哈哈~

今日有2個attachment, 係attach stress test同assess柏金遜病人, 仲有一個私下既attachment, 係attach Tom 師兄做case~

臨走搭車, 因為我o地上唔到小巴, 成個小巴站, 只係得我o地5個人(我, terry, eva, mara同butbut)。突然有一部的士出現, 我o地就決定搭的士, 就係呢個時候, terry跨越欄杆時好唔小心咁俾"click"到, 成個人就差d仆係度....好彩!! 不過咁就足以令tmara佢o地笑到肚痛.......

呀! 都唔知邊個定o左要的士後坐乘客要扣好安全帶o既, 搞到今日坐係後面既4位同學非常麻煩!!! butbut仲搞笑到 side lying添...............哈哈~

19/01/01 Fri

星期五, 大家都係睇住仲有2日就出完placement, 不其然感到輕鬆, 不過有一個就好例外。都唔駛講, 大家都知就係我個同學---butbut喇!

上到ward, 我知有個patient會返屋企過年, 真係為佢感到高興!!
今日仲幫o左 d patient做左少少massage, 佢o地話舒服o左好多呀~真係好~

不過今朝有個唔係好高興, 仲發脾氣。 不過佢之後同我道歉, 我就話好明佢o既處境......

Terry 繼續係俾Patient refuse treatment.....

食完飯, 去o左 attach 頤養院, 係一個好好既經驗

睇完野, 上返ward, 做COMA o既patient, 今次仲幫佢地做下limb physiotherapy, 都幾難o下, patient d關節都好耐無郁, 實晒
到o左阿but做果時, 因為我要幫佢手, 唉.....佢唔夠力, 又唔出聲, 成個人壓o左落patient隻腳, 我即刻話:「喂喂喂, 咁樣做, patient會昏迷o左都醒番啦!」

終於放學, 就係走果時, 我o地打算同老闆講monday會有大食會, 老闆就話有個TENS唔見o左(只係得阿but用過)!
唔駛諗, 實係阿but......彭生仲叫我o地去幫手, 怕佢仲係將個TENS駁o左上個patient個身上面......哈哈

放學, 一眾人又係搭小巴......係小巴上, 我同mara傾第日想住乜屋, 哈哈~ 跟住阿but話見到好大個蛋黃(即係日落), mara就講o左一句: 「嘩! 原來呢邊係向南....」 全車靜晒........

22/01/01 Mon

今日係final feedback既日子......不過其他同學都要返多日先得....哈哈

行動代號: 魯文傑攻略戰

動員人員: 全team CEU!

行動內容: 先搵人牽制住彭生, 再搵人去送禮物俾ward manager, 等佢o地兩個都睇唔到阿but做乜, 再等阿but伺機行動........

上到ward, 阿but已經準備o左一份禮物送俾魯文傑, 咁我就按原有計劃, 一邊牽制ward manager, 一邊牽制彭生。戰術好成功, 不過阿but無行動.....車.....
就係11點18分, 差唔多全部人都返晒去department o既時候, 阿but終於有行動喇...

呢個行動, 係魯文傑先同阿but講o野, 阿but先夠膽送出一早預備o左既禮物, 當目標魯文傑收到之後就唔知講o左d乜o野, 之後就走開, 而阿but就面都紅晒, 不過就好似唔係關於魯文傑講o左d乜......係因為成個行動俾我睇到晒!! 哈哈!!!

今日個lunch係食pizza, 袖我o地CEU請客....
期間大劉生(即係輝哥)同Melon姐迫問o左阿but好多o野, 哈哈~ 但係臨尾阿but仲話o左劉生一句, 「你好似金魚佬」......哈哈.....
中間都好多好笑o野, 包括大劉生不斷追問阿but關於花個問題啦, 仲有搵自己做比較啦, 有個staff電o左負離子啦(因為電o左之後係唔可以洗頭, 佐係係ward做o野, 都無乜可能, 佢o地成班staff就諗o到, 叫d patient唔好咳, 一係叫d patinet等佢走o左先好咳, 抽痰要小心d............)

下晝無o野做, 梗係要映o下相啦.......哈哈!
我o地係成個department好多地方都映o左相, 仲好似映硬照咁~

晏dd, 去o左睇老闆(即係陳生)做case, 係 day centre果面d o野....

有個婆婆好可愛, 見到我同eva就問老闆:「呢2個係你d姪仔姪女呀?」??????????雖然我同eva都係姓陳o者, 婆婆........

仲有一個patient仲得意, 佢有少少mental問題, 當阿but同佢做少少assessment果時, 阿but就問佢痛唔痛呀? 個婆婆答:「我唔喊就唔痛架, 我一痛就會喊...............你唔好搞到我痛就得架喇, 不過你唔好喊喎!」??????????????????????????真係唔明!!!!!!!

有個parkinson 既伯伯, eva, terry, mara佢o地做assessment, 只係郁佢隻手, assess一o下佢o既muscle tone....點知到陳生同佢assess果時, 佢打陳生...........嘩嘩......佢話:「你o地成人搞我隻手, 又乜都唔做」連住陳生就好有趣咁講:「係囉, 佢o地淨係識搞隻手, 搞下隻腳呀嘛.....」哈哈哈~

最她笑都唔係呢樣, 係叫果個伯伯走果時, 諗住俾個frame(步行架)佢用啦, 點知佢一起身, 就羅起個frame係咁行, 仲行得好快, 好似聰明笨伯果董輝咁咁........哈哈

如何掉眼淚.....欲哭找不到根據.....這愛情沒你准許....

有一d小插曲, 話說最後一日, 成班女仔入晒去換衫果時, Indy係CEU房搵到一件相信係她們o既外套。Indy就將果件衫著o左上身, 又用自己件大褸遮住...............
女孩子們換完衫入埋o黎, Eva就猛搵o野(多數係搵外套啦~), 搵o左好耐, 就開聲問我o地, Indy話唔見, 咁我o地都係話唔見(hehe), 就係咁, Eva就搵o左好耐先知Indy著住o左佢件衫。當Eva搵返果時, 佢話o左Indy幾句, 又話要成件消毒....哈哈~Indy又係o既............

新年到!!!
我o地一班CEU team返o左去拜年! 一返到去, 就只係見到成個department得2個staff係度, 有一個係Melon姐, 弊!!!!佢o地唔係玩避年呀...........

結果等o左一陣, 見唔係好對路, 就走o左canteen食飯, 實行食完再等。係食完飯飲緊水果陣, 我o地見到CE彭生一個人走向canteen, 「自投羅網」嘿嘿........當然, 彭生一入o黎, 我o地大叫「恭喜發財」啦~嘿嘿~

最後戰績呢~係有2封利事o架, 哈哈~一封係彭生, 一封係大劉生~

今個placement出完喇, 多謝收睇!!多謝多謝!!!

密切期待下一期........ 簽下guest book啦~