2001年5月21日 Mon

今日, 係考完晒試, 做晒project同assignment之後o既第3日......
就要去醫院出placement喇!
總係覺得....點解我個rest得咁短o既?!

今次個block係出QE, 即係 伊利沙伯醫院. 跟黃太, 都唔會太難唶. 嘿嘿!!

第一日, 一個人去到QE個physio department, 見到好多人呀, 無法啦, 成3個team喎! 係喇, 我都仲未介紹d人添:

如果大家都無睇錯o左話, 都會發現IP-2入面, 全部都係男學生呀! 係喇! 無錯喇! 咁就代表o左我o地IP-2可以玩得好勁喇! 嘿嘿!

不過!世事難料...........
就係belief o既時候, 黃太就同我講:「阿Oscar係咪? 你同阿alex都會轉o左過去IP-1, 跟阿Rosanna呀! 因此IP-2太多男仔, 做女patient果時無d女仔係度就唔係咁好.」
o下!!!!!!!!!!!!!!!!唔係呀! 咁都得! 好似...........我仲未答應喎! 結果.......

就係咁, 我就同阿邦、Fannie幾個係一齊出過PW o既人又走埋一齊...........

belief o既section本來係Rosanna做o既, 不過佢就唔係度, 由黃太講埋

最後就係由阿Alex Wong(OPD果面o既)o黎完結o左上半場:
自由發問問題.............................
阿邦問o左有關財政o既o野
我就問o左有關defibration o既o野, 你知啦! 做exercise, 有乜事都唔知o架嘛~ 一問低下, 先知QE d PT有個team 專做暈係gym o既patient!!!

跟手就去o左食飯! 食完飯, 就分開IP同OPD, 自己有自己o既o野做喇! 我o地 IP 就做o下d risk factor(危險因子) o既 summary!

不過係食飯果時, 有個好似 PT學生o既女仔走o左埋o黎! 原來佢係oversea placemet o架!

準時放學!

2001年5月22日 Tue

食飯前, 就到o左成個QE o既旅行團!
由東行都西, 都幾遠架! 我真係好想問, 可唔可以行慢d呀?! 因為阿黃太都行得幾快架!!

Tutorial! 第一日係黃太講, manual muscle testing!

physio都係靠隻手搵飯食! mmt真係好有用!!

又係準時放人!

2001年5月23日Wed

第一日上ward睇case!

一早係Paed ward!

無錯! 係paed呀! 就係要對住聞名不如見面o既 Andrea!!

見到Andrea, 竟然係o係department個大門口, 佢叫住o左我o地, 仲同我o地埋一邊做個beliefing....
佢一o黎就話自己好惡, 唔好激到佢! 嘩! 勁! 一開始就「先小人, 後君子」.......
經過一輪beliefing之後, Winnie問o左佢一個問題, 「可唔可以講得大聲d呀?」

Andrea答曰:「我係咁大聲架喇! 你聽唔到就自己調位啦!」

...........真係搞到Winnie 啤一聲咁.....

跟住又係一輪beliefing..........終於上ward喇! 不過係上ward路上, 阿邦同我已經俾佢話!
事緣係咁: 入lift果時, 我行最尾, 咁架lift又無乜位, 咪要企係門口囉, 點不知佢就話 「阿Oscar, 你咁企, 一陣咪阻住人地出lift囉」.....o下?! 一陣有人出lift , 咪行一行出去囉.....心諗, 梗係無講出口啦, 找死咩!
我心諗都黎得切, 佢就已經好順口咁話埋阿邦: 「阿Jimmy呀, 你企係果個位呢, 就要記得按埋去幾樓喇!」

終於上到ward, 入到去參觀, 就梗係一班人圍住d野o黎睇啦, 佢就話:「你地成班人咁企晒係度, 人地唔駛行呀?」

跟手就叫我地自己睇下牌板先, 自己就行o左去做野...睇就睇啦!

睇完晒就問我地睇o左d乜, 問完就做case! 大家唔好以為就係得呢幾句咁簡單, 中間我o地都唔知幾驚呀......... 做個case果時, 先係Winnie俾人叫o左去assess一下個patient
「喂! 洗手先呀!」大喂一聲!

跟手就叫o左我去聽o下個肺, 好彩係HHH train o左幾個week, 唔成問題!! (大家唔知HHH個placement有乜事, 就要睇番下喇!)

到阿Alex同個仔拍痰喇! 我見到Andrea個面色唔多好睇, 仲用手一下一下咁打阿alex, 叫佢拍快d, 同大力d...... 但係alex未拍得快, 就已經俾人打到死咁......

幫唔到你呀, alex..........

一夠鐘, Andrea就叫我o地走,o 野都唔講多句! 嘿!

落到 ortho ward (骨科) C3, 只係見到nurse同WCA, 但係唔見半個PT喎!! 可以做乜? 等.....寂寞到夜深.....夜已漸滄涼.........
等到咁上下, 我o地決定打個電話call o下ortho ward個in charge staff (補充少少, 因為Kris Wong無返, 所以由人見人愛, 又好人都不得了o既莊姑娘代住先!)
等到佢o黎喇, 把聲都好聽過人, 好似d小妹妹聲咁o架!!
佢同我ward round o左一下, 就叫我o地睇case, 之後report! 無乜事發生, 都只係未慣個setting o者! 一切平安!

到o左neuro ward (神經科) E6, 因為Rosanna無返 (係呀! 仲未返呀!), 就由袁姑娘代住先! 佢都有d惡o架, 惡都係因此我o地睇case睇得唔complete先會話下囉! 又係ward round o左一陣, 咁就走得!!

Lunch! 今日只係見到d IP2 o既同學仔, 點解唔見Out-patient果d o既?!

Lunch之後, 因為Rosanna無返到, 只好跟Wingson先, 今次係落ward果度! Wingson就叫我o地試下用d o野先喎, 周圍自己睇下啦! 睇o左一陣, 見到有部細版shockwave(係shockwave, 唔係short wave!), 不過同PolyU果個唔係好同! 仲有張好大o既跳舞氈!
一路睇, 一路玩, 好快就一個鐘, Wingson就demo o左一次ARJO walker俾我o地睇!!(我係HHH都玩過~)

玩完就要去Surgical ward (外科) E4, 同樣都係咁, Fred Li無返, 由徐姑娘代住先!
都係要等.... 等到喇, 又係ward round一下先, 不過唔知點解徐姑娘連床單都話埋俾我o地知, 真係好細心.
Treat下case啦! 我同阿邦分o左一個case, 係CA rectum, 不過今次係拆除之前個袋o者, 唔係好大既手術! 見佢無乜野, 又唔係有痰, 咪諗住放過佢, 唔駛佢咳痰啦, 只係叫佢做下deep breathing同wound support, 再同佢行下啦. 點知徐姑娘死都要佢咳一下, 點知個patient仲正! 以下係佢地o既對話:

徐: 啦! 你試下咳o下啦, 睇住我咁! (做o左個wound support同咳o左一下)

Patient: 我都話無事囉, 無痰又點咳呀?

徐: 唔係呢, 咳o下啦, 乖! o黎! (又做o左一次wond support coughing)

Patient: 真係無呢, 又好痛, 咁好難架!

徐: 唔係呢, 真係試下啦! 乖! 大力吸一下, 然後咳! (又做一次)

Patient: (吸o左一口), 真係無野痰喎!

(點不知, 呢個時候, patient個喉頭有少少痰聲喎!!)

徐: 啦! 我都話有啦, o黎, 咳一下啦, 有痰唔咳, 好易有肺炎架! 再唔咳就會積好多痰, 好似隔離果個patient咁(coma o左, 昏迷)!!

Patient: 是但囉, 咪當俾o左條命俾佢囉!

徐: 你唔係呀! o黎! 乖! 咳一下! (我呢個時候先知, 有好多ward入面o既人都係度睇緊! 不過再奇o既係個patient都退o左休架喇喎, 仲叫佢乖?!)

個patient終終唔夠徐姑娘講, 咳o左一下, 咁就有料到! 好o野好o野!!!!

之後就落o左 CEU room, 又係見到Wingson, 佢話無o野俾我o地做, 不如俾你o地睇下帶啦! 咁就俾o左餅 gait o既video tape我o地睇! 咁就一個鐘.........

搞掂晒! 準時放工!!!好o野!!!!!

2001年5月24日Thur

一早返到去, 就見到黃太, 黃太講今日Rosanna都係要sick leave, 所以你地繼續特別安排啦! 即係好似尋日咁!

入到changing room, 唔見Arnold喎, 原來佢已經係toliet 大大中! 唔怪無晒人啦!

我以好快p既速度換好uniform, 再出去集合! 見到佢地一班人係度, 講緊Rosanna o既事, 原來佢唔返, 係因為佢俾人撞到個泵把, 跟手就個neck有事, 而家仲休息緊!

8點25分! 先見winnie急急步咁走入o黎. 等佢換, 都仲快過Andrea! 好彩!
Andrea係度寫緊簿, 咁我o地一班人咁係度等囉! 點知見到佢個口郁o左一郁, 原來係佢叫我o地上去先, 但係我o地o既聽覺實在係有d問題, 聽唔到! 結果? 都無乜o既, 又beriefing囉!

上到pead ward, 一黎就開波, 都唔駛佢叫囉! 自動自覺!
又係睇番個bb先, 今日多o左個手架腳架. 過去report俾Andrea聽果時, 見佢做緊o野, 咁就等佢做好先向佢report o左先, 佢問o左我一個問題: 「BB今日有無咩唔同呀?」我一口氣係咁答, 連手托都講埋, 佢就無乜反應. 好彩o者.
今日佢要我做suction(抽痰), 唔驚你! 仲要係做TT Tube!
做完, 無得頂, 講真, 我真係proud of my suction techique!(呢句都係跟佢學o既~) 跟住同個BB做o下 d limb physio果時, 見到流晒口水, 咪同佢抹一抹囉! Andrea就話: 「Oscar好錫BB喎!」喂! 即係乜意思先?!
到winnie喇, 我叫佢唔駛驚, 我會幫下佢! 除o左中途「chi」o左兩聲都無乜事發生.....

去到ortho ward先知, Alex俾Andrea話o左兩句.
又係做o下case啦! 都係果d o野, 無乜特別! 不過係搵o野搵o左過隔離ward之外, 無乜特別!

neuro ward, 我同winnie係度尋日先睇過o既patient 個bednote, 點知成條街都唔見, 原來佢今日就要走!! 唔係呀! 咁快?! 結果要係nursing station先搵到! 同佢check一check, 就同佢行下路啦! 最初諗住同佢行一行, 點知佢仲自己行o左去廁所. 女廁o黎o架喎! 我就問o下winnie可唔可以一個人帶佢去, 我係外邊等. 好彩無乜事o者!

lunch!!!!我同Arnold都帶o左飯~ 住家飯~yeahyeah~
lunch之間, 知道IP2佢o地一早就要去到QE西翼果面treat case, 跟手就要去東翼, 唔怪得佢o地咁趕啦~ QE都好大架! 今日去o左nursing canteen果度食! 不過又係唔見Out patient佢o地喎!

食完lunch! 上o左surgical!
尋日d事, 今日繼續. 我一上到去, 搵到個patient, 咁我就check下個bednote啦, 無乜o野, 問佢有無痰咳o左出o黎, 佢就話好多, 仲一早就俾o左徐姑娘睇. 嘿~
呢個時間徐姑娘咁o岩行過, 個patient仲同徐姑娘講, 今日係唔係好多呀?
我見佢咁精神, 咪俾o左個case俾阿邦同佢walk囉! 點解? 因為徐姑娘見我之前做過下Ward o既o野, 俾多o左一個case我! good!!!!!!!!!
呢個今日係o岩o岩做完operation o既, Day 0!!
我走埋去, 問佢講唔講到o野, 佢好倦咁, 拎o左一下頭就算. 咁倦呀, 咁我同你聽聽個肺啦, 佢點o左一下頭! 個肺都好清, 不過我都remind o左佢一次要做o既o野! 搞掂, 又係report, 無乜問題o既, 不過又串錯o左字! shitshit!!!!

成個ward, 最大件事, 都係alex, 佢唔小心撞到一個patient個尿壺, 大件事, 成褲都係咩. (咩? 你話呢?) QE R房留位呀, 唔該.....佢即時要入 R房搶救自己條褲!

又係Gym section, 今日係wingson教我o地同用o下個tilt table同試多次用個ARJO walker!
Tilt table睇就好易, 但係自己o黎就好煩! winnie做o左subject, 第一個上o既係Fanny! 佢放開個break, 成張Tilt table就彈o左上去, winnie就好似係一架發石機咁............好彩, 無事!
之後到我喇, 我都低估o左佢o既威力, 俾o左彈得快o左, 不過我有o既係多d o既力, tilt table都俾我控制番. 之後佢地都有彈o左少少咁!

都係無乜事, 佢就俾我o地睇埋未睇果d video tape.......

到o左tutorial 喇! 係Andrea hold o既! 不過佢話有個唔知咩surgical o既講座要去, 所以就一輪嘴講o左好多 percussion o既數據俾我o地知, eg. neonatal要用under water 1 cm o既力..........

講完, 走去聽個講座, 點知無喎!!取消o左喎!!
咁唯有返去繼續......不過都無乜o野好講 .........又一日喇!

(不過係走果時, 同阿德, 阿邦行下行下, 就收到個電話, 係Dr Lorisa Law打o黎, 仲話RS上面俾我去參加杭州訓練交流, 話要我停o左而家呢個placement..............o下?!!!! 佢仲話等Rosanna一返o黎就要走....)

2001年5月25日Friday 心情忐忑

俾著你都會忐忑啦, 大佬! 要停o成個placement喎, 咁會好煩架嘛!

因為我實在係好早就起o左身! 8點就返到去, 仲要係第一個, department都未開(以前PW一早就開o左)! 無o野好做.......又係等

等到佢開o左門. 換完衫. 出o左o黎, 見到黃太, 諗住同佢講, 佢仲早開口過我, 同我講: 「阿oscar呀, PolyU果面打o左電話俾我知喇, 咁呢, 等阿周姑娘一返o黎, 你就要去PolyU果面繼續你個placement架喇!」o下? 原來係去PolyU出呀? that's fine! 嚇得我呀!

又係上Paed ward, 又係做BB, 今日仲好玩, 多o左個腳托. 咁做晒野之後, 我就多口問o左句, 好唔好同佢試下個腳托, Andrea就問我係唔係OT姐姐呀? (梗唔係啦, 係都係哥哥嘛~) 學校係咁教喎, 試下都無壞o者!

落到ortho, 今日我俾人轉o左去做個新case, 普遍o野. 不過o岩o岩想同佢做下檢查果時, 佢就開口話佢大大o左, 唔好埋去住. 為o左有多d既時間, 我就問o左 d nurse姐姐伸出佢o地o既援手!

又係neuro呀, (去得好快, 因為無乜好寫) 尋日果個case走o左囉~ 今日接一個, 又係就走o既!!! 玩咩........
又要搵bednote, 又要report一次, 都好o既, 當練下啦!

Half day off!!!!正!!! 第一個week過去了~

2001年5月28日 Monday CE歸來! 綠豆雪條....劉德華....Bobath....好貴....無簿仔....認唔到人....

今日返到去QE, 一入門口, 就見到Rosanna返o左去! Great!! 即係話, 聽日我就要返PolyU, 準備去杭州!!!!!!

搵好衫, 同Rosanna chat o左一陣! 等齊人, 佢就同我o地又beriefing一o下! 佢話唔mind我o地著波鞋, 因為佢都係咁著, 你唔仆親無問題!
又話戴耳環無問題, 戴乜環都唔理你, 不過唔好係suction果時落o左入patient個TT tude就得!
又話唔理你染頭唔染頭, 因為佢自己之前都染, 不過因為抄o左車, 太煩, 無時間打理佢! 亦唔會理有無 patient投訴你unprofessional, 佢話年中俾人話唔少, 都無事, 又如何?!
跟手就講到我果疊, 「你條友仔, 一見到我返黎就走, 你同polyu d人夾好o架? 不過你同佢(alex)就真係唔好彩, 本來就跟黃太, 而家就跟o左我. 你(即係我)都算好彩, 走得快, 你(即係Alex)就慘d, 慢慢捱啦!」

下期待續, 待杭州回來! 不過俾住d相你o地睇先!!!!

Polyu placement!!