這裏介紹了我Panda的一些鎖碎事,可以話係我的遭遇....
24-5-2001
星期四
今日本來可以俾人讚,但係.......唉!千年道行一朝喪......上緊Computer
lesson的時候,我個friend問我一些問題,唉!阿sir又煩住哂啦!話我唔洗聽書,即係全部識哂啦!咁確實我又唔係全部識哂ge......佢就叫我出來示範俾大家睇,但我又唔係好記得,佢就話:「你聽我講乜就做乜!」跟住佢一路教,我一路照他指示做,一路都冇問題,最後佢仲讚我添!當我功成身退,打算返回座位ge時候,俾一條又cheap又阻住哂ge電線"click"到,我差少少就跌低,但都冇事,但係部電腦就......!重新開機呀!真慘!我想住可以認下威,但係......前功盡廢......最後就搵第二位同學做番我之前ge步驟......
30-5-2001 星期三
今日又係好似平時一樣,又係要返學,又要落去操場聽早會.其實聽早會係好慘ga!等於要罰企一樣,企到個個都不耐煩.真係鬼唔望佢快些落雨,咁樣就可以取消早會啦!但係我都習慣了,所以對我呢講都冇乜大問題!當我被人「罰企」大約五分鐘ge時候,身體好唔舒服ar!個肚「砰砰聲」咁痛,真係令我生不如死!好似有個baby打緊我ar!Cher!大肚婆咩!我又唔係女人!隻腳無端端冇哂力,個頭又暈,都唔知發生咩事?!我又唔係食了一些污糟的早餐,又唔係光顧無牌熟食小販,咁早又點會有小販呢!我終於都頂唔住啦!於是求其搵個prefect,佢就帶我去溫習處休息,跟住我問阿sir話想去toilet,噢!冇事了!放下心頭大石!除非是身體非常不適,否則我都唔會茂茂然話唔返學或早退.雖然我唔係幾鍾意返學,但係返學或早退,會令我跟不上成績ga......所以我一定要頂住!
8-6-2001 星期五
等待了這麼久,終於都搵倒人來幫我整電腦了,我部電腦無端端在六月三日開唔倒機,都唔知咩事?!經過「醫生」在「手術室」大概「診斷」了一小時後,「醫生」竟然話我部computer中了病毒!簡直難以置信!「醫生」話試試幫我reset部機,但結果是......!「醫生」話俾「病人」聽:「Certified(證實死亡)」,我真係又悲又喜,悲是痛失了我的computer,喜是更加有藉口話買過部新機。而家呀!所有人都話我玩ICQ連累到部computer中毒,我都唔知點算好......My Ma and my ba 話等我考完試之後就會理一理部computer ga la!唉!都唔知係唔係個天要考驗我,叫我溫書呢?
25-6-2001 星期一
今日係端午節,不過對我來講,就冇乜特別,也沒有特別關係......唉!沒有電腦的日子,真係好辛苦呀!又冇得更新,又冇得玩ICQ,好慘呀!你知唔知呀?我病了呀!好鬼死辛苦呀!我今日先好番咋!Oh!當我飲第一啖冰凍飲品的時候,好cool呀!好感動呀!真係世界上最好飲呀!我仲猛咁食零食tim!
1-7-2001 星期日
今日先至整電腦咋!本來話今日會去旺角睇一睇有咩收穫,但......唔知咩原因,ling俾人整,但佢又話整倒wor!哈!本來要洗大約＄5000-6000去買computer,不過依家只係用了＄200咋!So good!我都知自己窮ga la!放心la!我好快就會更新我個網頁ga la!
27-7-2001 星期五
不知不覺間,暑假已經過o左十幾日啦!日日都係留o係屋企,又冇咩地方好去,真係悶,香港來o黎來去都係得o個o的咩海洋公園、太空館、山頂...真係少o野玩,所以就日日都係留o係屋企玩電腦,而且暑期功課又多,暑假作業都有3本,今年F.3仲要加多一樣無聊功課,做o的唔知乜鬼o既寫Maths讀書報告之類咁o既無聊o野,真係令人煩燥,o的friend又差唔多返哂大陸,大陸有乜好返呢?又污糟又多騙子、賊佬,真係返唔返都罷就!所以都唔知放暑假是好還是壞......
29-7-2001 星期日
今日都未試過咁倦o架!約o左朋友去大圍踩單車,一路踩去大埔,再由大埔踩番o黎大圍,以我咁o既資格,完成到這個路程,實在係奇蹟!更何況我由大圍踩去大埔,我仲未食過o野添!只係食o左一少塊麵包,都算不上是食物。我本來一路踩都冇事o既,但我o也其中一個人話揀錯單車,有o的後悔,所以想同我換,我隨意答應了,點知愈踩愈慢,落後o左好多,我被人呃了!哎呀!條路真係好長呀!仲慘過取西經。踩o左兩個鐘,終於到o左大埔啦!我o也個個都好似o岩o岩參加完饑饉三十咁樣,鬼咁肚餓,食完o野之後,又要踩番去大圍,唉!仲慘過行山!不過我都好順利咁樣返到o黎,我雖然好tired,但係都幾happy~因為我有咁o既能力嗎!統計一o下,原來我飲o左三樽水呀!都未試過咁勁o架!
30-7-2001 星期一
今日我同班friend去睇漫畫節,我諗住都係去睇o下,真係如我所料,我一樣o野都冇買到,朋友都覺得我好奇怪,我都覺得係,因為有好多人都好鍾意睇漫畫,而我就唔係,我對漫畫冇乜興趣,唔係太喜歡睇漫畫,不過咁咪仲好!慳番o的錢!
9-8-2001 星期四
今年暑假冇乜o野做,所以我就買o左一本學日語o既書返屋企睇,點知睇睇o下,原來學日語係好難o架!我好辛苦咁學,先至學o左五十個日語字咋!但係日語發音字係有214個o架!但我係唔會咁而驚o既,因為我真係好想學日語o架!
31-8-2001 星期五
今日一開留言畫板o黎睇,就發現hkflash.com竟然要收錢!我立刻被嚇呆,跟住就睇o下個付款方法,一年俾＄100,半年交一次,雖然每個月俾＄10都唔夠,但係我就覺得唔值得俾,但係唔俾o既話,我o既所有留言都會重新消失!這裡有好多回憶o架!真係有o的唔捨得......經過我o既慎重考慮後,決定唔俾錢!雖然有o的唔捨得,不過都無法啦!留言畫板要摺埋了!Byebye
la......
2-9-2001
星期日
我一來以往咁樣check留言畫板,帶著一點失望的心情,點知去到我個留言畫板時,見到左下角有堆字寫住「留言畫板取消收會員費」,唉!真係開心死我了!唔駛摺埋了!鬆了一口氣......梗係啦!咁多人反對,想唔取消都幾難!