三笑姻緣之佳偶天成(一)

生〕秋香姐!真有幸作鸞鳳配,共諧鴛鴦!我心叩謝情天,盡解痴心
  結,蒙月老,你為我多幫忙!秋香姐,哥真心愛慕秋香,對秋香
  義厚情長。秋香姐,解簽我亦為愛秋香,我追舟更為你情狂。念
  秋香,賣身入華門,慰解相思賬。咁你就應該知道我對你係點架
  啦!

旦〕蒲姿那堪配玉郎,秋香非君理想!

生〕秋香!情花愛果味甜,共證三生最合理想。

旦〕你巧施詭計為騙婚不當,我心火上!

生〕我真心真意為愛秋香你,心一往架!

旦〕你膽包天.居心騙秋香!

生〕非欺騙望你能原諒。你可知夫君身世?今科高舉解元郎,詩書畫
  早有名堂。我係唐伯虎!痴心無用枉,得到秋香!

旦〕下!乜你就係解元公唐伯虎?

生〕乜仲有第二個咩?

旦〕真可笑,冒充伯虎,真可惡,亂打官腔!你狂妄輕佻十足隻豺狼
  。唐伯虎清高,立品更善良!唐伯虎唔係你呢種咁既人!

生〕唉!秋香姐!低首拜秋香,當日你三笑留情,致令我靈魂兒,飛
  天上!我愛秋香,解元紓尊降貴,功名不愛,愛紅妝!念秋香,
  寢食難寧,唐伯虎情絲千萬丈!

旦〕勸你息痴心,何用花言巧語,你輕狂劣行,我盡知其詳!斯文敗
  類強成親。苦命秋香,唉!冤孽賬囉!




∼回主選單∼