生〕呀！呢個好瀟湘，瀟湘又怕難旺相呀！呢個好纖腰，唔！纖腰非
　　是大富人相。呢個顏容靚，但係鴛鴦腮，點可以共羅帳架？呢個
　　極潮氣，兼風騷，可惜又冇鼻樑。呢個靚女似花艷，可惜目帶一
　　些兇光。呢一位相貌唔錯，青絲太少焉可梳妝呢？呢位大姐像蜜
　　糖，裝飾扮得極在行！哎也！就生壞個口，像血盤大口，定必食
　　窮郎。呢個眉鬢甚長，配襯住賢淑相呀！可惜不足處，鼻哥三寸
　　橫樑。呢個似鬼火，又夠嬌嗲，但係唔多似壽相播！睇真呢一個
　　，論相都理想既！可惜佢又欠端莊，我亦無謂看呀！又見石榴含
　　情，欲語還欲笑，佢生得係福相呀！哎也！我娶岩佢呀，難望命
　　長，雖有艷福亦無命享！呢次實在要黠秋香，怎奈仲未見到秋香
　　，我內心惆悵呀！恐怕誤中人計，令我難下氣，未見秋香到華堂。

∼回主選單∼