遠足之旅－２
日期：２２－０６－２００３
時間：２：００pm－６：３０pm
地點：金督馳馬徑（港島）－黃泥涌水溏至 鰂魚涌
人物：KEN，WAI，KIU，小蚊子，MAY，TONY
天氣：雨天（大家都決定出發）
呢度就係起點啦！雖然先頭俾雨淋完，但係大家都能夠擺出最佳狀態，算係咁啦！（俾D掌聲，唔該！）
特別介紹：英俊不凡既亞KEN
睇佢一身街頭霸王look，就知道唔簡單啦！
係咪好似Beckham呢？
後面就係超過150年歷史既木球會，有佢做我地背景，果然非同凡韾！
你地唔幸得咁多！
俾人偷影左添！
望向個面，就係灣仔啦！
呢度就係跑馬地，高尚住宅即係高尚住宅，果然唔同D！
沿途都風景幽美，又有樹林，唔怕哂親！
遠望灣仔一帶，真係有氣勢！
出左山路之後，要行一段馬路，不過高尚住宅都唔係咁多車既！
會經過石礦場同無線電發射站！
到左要搵路既時候，行左好定行右呢？但係又俾人偷影o忝！
當我同亞KIU搵緊路既時侯，小蚊子同亞MAY就o親呢個時侯坐低，飲杯茶，食個飽！真係識嘆！
YOHO!我地終於到達紅香爐峰！
不過之前要爬少少石先到，都有D難度！咁辛苦都值得既！
呢度就係我地全日既精要地方！真係有大地在我腳下既感覺！
背景係咪好宏偉呢！左香港，右九龍，下銅鑼灣！YEAH!
（只要用滑鼠停留在左面張相，就可以見到一路都冇出鏡既TONY）
會展！你都有今日啦！仲唔俾我襟到你！睇下亞KIU幾有滿足感！
不過好似有D抄襲成份，咁似o個個K乜B既廣告既！
（用滑鼠移到左圖）
雖然亞MAY冇上到最高峰，但係睇佢個樣，就知道佢巳經好滿足啦！
睇下D風景幾幽美！
唔駛講，大家都知道呢個係會展啦！
呢度就係銅鑼灣避風塘，而遠看，就係文化中心！
好彩都見到政府大球埸，不過唔知見唔見到利物浦既奧雲呢？
我地又要繼續起程啦！行行下經過呢個咁正既山溪，緊係要休息番一陣啦！
睇下隻狗就知道有幾正啦！
你地就唔o岩啦，裝狗沖涼，攪到隻狗o拿o拿淋上番水唔沖！
睇完未呀！又要起行啦！如果唔係，天黑都未落到山！
乜咁多爐灶既，係咪開始煮飯呀！（你就想啦，食懵你！）
其實呢D係大戰後既遺物，睇下左面幅圖片，有講到！
呢一個比其他o個D特別大，我諗唔係用黎煲湯，就係用黎煲飯！
我地都差唔多落到山啦，今日既旅程總算完滿結束！
下次有機會，再同大家分享一下，行山既樂趣！拜拜！