Songs

而要講番我點樣開始作曲，就的確有d長篇……不過都講o下啦。其實我好鍾意聽歌，好緊張d流行曲o既走勢。而幾年前出o左一個叫陳輝陽o既作曲人，佢作d歌真係好好聽，我一下子就迷上o左佢。我唔多唔少都比佢影響o左，就開始試o下作歌啦。初初玩o下玩o下咁，都唔知作o左d咩出o黎，又唔識整background music，所以冇咩人欣賞……而之後我就去o左學結他，而我發覺我學o既唔單止係點樣彈結他，我獲得最多o既係點樣為一首歌執chord，識o左之後對我作歌同整midi好有用。跟住我就為我作o既歌整midi啦，用o黎做background music。開頭都係唔係好得，不過自學都算係咁啦……？
經過呢一、兩年o既苦練，都總算有d起色o掛？不過我都仲會繼續作好多好多歌，大家可以o係呢度聽到我最update o既歌。聽完之後希望大家可以比多d意見我，因為意見的確係對我好重要，thx﹗﹗但係其實我o係小學o既時候就已經有成日哼歌，搵錄音機錄低自己唱歌o既習慣﹗如果問我我最珍惜o既細個玩o既o野係乜，我一定會話係o個廿幾三十盒有自己未變聲唱歌o既錄音帶﹗﹗哈﹗
好開心咁做o左cmidi o既音樂人，其實我好早就已經想加入佢o地，不過o個陣時可能我冇乜好歌。不過而家有一首我同星雨合作o既《愛與不愛》，一直都高企排行榜ga﹗哈哈﹗而我o係中六就做o左校園電視台既音樂總監，負責番cbs入面有關music o既所有o野啦，唔﹗呢份job arm晒我啦﹗我覺得好好玩﹗可以作o下台歌，一d節目o既片頭歌同埋cbs出產o既video o既bg music。而家我就做緊cbs o既一個大project，就係做電影《魔女》o既音樂，要作好多歌，雖然係會好忙，哈﹗鬼叫我鍾意﹗

相中人/承認跟我一起過/降罪/下等人/漸/愛與不愛

24/4/2006

搞好個網，搞番好晒d link，而家又可以好方便咁download歌。
Upload o左cmidi o既2首歌《愛與不愛》同埋《漸》，
大家都可以聽聽﹗

31/8/2005

暑假前upload多首歌先﹗呢首《相中人》arm arm先作完錄好音ga ja﹗不過呢首歌o既概念其實就有o左好耐ga la，係gb o係一個月前左右比我o既，咁我就加以發揮啦。不過大家千萬唔好當o左呢首歌你《夢中人》或者係《二人合照》﹗兩樣o野唔同的﹗
咁講番首歌o既曲風啦，o拿﹗呢首歌並唔係我之前所講o既『新嘗試+突破』呀﹗如果係咁我就真係死o左佢算……呢首都係一首我一貫o既情歌，情歌……我都相信大家聽o左都會冇乜驚喜ga la，只在乎好聽與唔好聽咁解。
咁呢首歌，其實入面個主角係男係女都得，因為我相信所有單戀者都會做歌入面咁低b o既o野，哈哈﹗咁呢，首歌就係講既然自己鍾意o既人，都唔鍾意自己，而自己又受o左咁多苦，不如呀，去愛相入面自己鍾意o個個人仲好啦，咁樣可以咩都唔洗煩，唔洗咁辛苦，唔洗怕佢會對自己強顏歡笑，因為……相入面o既佢永遠都係對自己笑得咁自然。亦唔洗再費盡心思咁設法親近佢……(na，同《二人合照》o既女主角，成日想同心愛o既人一齊拍照係成對比的)。
首歌大概就係講dd o野，希望大家聽o左會鍾意啦，仲有，記住比意見呀﹗唔比意見就唔好聽﹗

16/8/2005

死﹗成8個月都冇upload過歌﹗而家就upload一首《承認跟我一起過》啦﹗唔好誤會，歌名o既意思即係『承認曾經跟我一起』咁解﹗
呢首歌都成個月前o架啦，佢都算係我咁多歌之中音域最廣o既一首，所以唱得唔好請唔好介意……我都發覺我自己作d歌愈來愈難唱……我都唔知點解，可能覺得難唱d就感覺上pro d o掛……哈哈……
講番首歌，首歌都係講個男仔好慘o既故事(又係……)。咁呢，故事最先就係個男仔同女仔拍拖啦，咁個女仔成日都好驚個男仔唔要佢……哈……點不知世事難料，個女仔自己有個第二個男朋友，咁就飛o左個男仔﹗個男仔好hurt，但最hurt o既唔係個女仔飛o左佢，而係個女仔就算飛o左佢，女仔都死唔肯認有同過自己拍拖，仲同佢而家個男朋友講話唔識呢個男仔……wa……你話幾咁慘……

15/12/2004

仲記得我以前有首《雪人與雪》嗎？不過首歌已經係兩年前ga啦。今次作
o左呢首《降罪》，同《雪人與雪》一樣都係講有關o係聖誕時發生o既慘情歌。
首歌講一個男仔o係聖誕本來同班朋友一齊過，仲以為可以過一個唔孤單節日。點知自己鍾意o既人突然出現，身邊仲拖住一個男仔。佢先知道，原來望見自己心愛o既人同第二個人拍拖，呢種感受先至係最孤寂……
我自己最likey『這世界原是靠愛這一句 先會有樂趣』呢兩句歌詞。其實你可能真係好愛你o既伴侶，但從來唔講出口。或者人係鍾意聽到愛人講『我愛你』，先至會更加確認，更加直接感受到你o既愛……所以……將愛化成語言都未嘗唔係一件好事……

3/11/2004

終於錄好首《下等人》，足足錄o左3次﹗而家upload o左上o黎﹗﹗
首歌講一個男仔個女朋友同自己拍拖，但佢就理佢d朋友多過個男仔，就算係對著個男仔都膿口膿面……而個男仔就由初初開始拍拖好好o地，而淪落到下等……但佢唔介意，只希望個女仔施捨d愛比佢，唔好兜路行過就得啦……
哈哈……又係一首我好love o既歌……

22/10/2004

《留心》係李Sir o個一句『留得到個人，都留唔到個心』比到靈感我o既﹗﹗講個女仔雖然仲留o係男朋友身邊，但個心已經再唔係佢度啦~個女仔已經同o左第二個拍拖……初初個男仔聽d朋友講都唔信o既，仲對d朋友發火……後來真相大白，個女仔真係一腳踏兩船……

《尷尬》都算係近期獲得最歌好評o既歌啦，而家upload o左上o黎等大家都可以聽到﹗首歌講一個男仔戀上一個佢自己認為o岩o岩失戀o既女仔，之後仲拍拖。但係個男仔有一晚自己一個人時，發現o左個女仔其仲同佢以前個男朋友一齊，場面尷尬……

因為網業的容量比較小，所以網主不能上載太多歌，但歌曲當然會隨時更換。

《相中人》曲/詞/編/唱~Uncle

《承認跟我一起過》曲/詞/編/唱~Uncle

《降罪》曲/詞/編/唱~Uncle

《下等人》曲/詞/編/唱~Uncle

《漸》曲/編~Uncle‧詞~尹星雨‧唱~ -Me-（Damon）

《愛與不愛》曲/編~Uncle‧詞/唱~尹星雨