第三天:
第三天:
昨晚可能早訓既關係,我地6:30morning call都可以好快攪掂出門,又係食酒店既早餐,開始食厭了,咁我地見無咩野做,咪走出去玩自拍,係依幾日我地都成日玩自拍,所以出黎既效果都有番咁上下~~哈哈...而今日前往既第一站就係----神仙洞,嘩....超喪,個度有好多馬騮呀....都唔係好敢行前~~因為實在太多了,之後入左個洞裡面,見到一個好老既高僧坐左係到,原來聽小龍講,這位高僧會幫人地灑聖水,將d黑運帶走,d好運就會黎...我見kk都拜了,咁我都拜埋一份,都幾驚啦,又唔係好識點做,好彩kk既提點先可以咋,最後那位高僧俾左一條繩綁隻手,ok啦,如果真係可以俾d好運我,我都唔care啦~~
不過有樣野好恐怖,就係個度d僧人唔可以掂到d女仔,因為如果我地掂到佢既話,我地會衰3年架,而那位高僧就會無左60年既修行,攪到我幾鬼緊張呀~~不過佢放條繩既時候真係好小心,咁又係嘛....對大家都咁唔好,唔小心d點得呀~~哈哈...之後我地都無咩興趣行,就番上車,而小玲話想同我地部車影下相,點知個衰人,又黎偷影我,攪到我勁狼狽,都唔知有咩好影~~激死~~跟住我地就前往有中國桂林之稱既攀牙灣,首先要乘坐泰式長尾船遊覽,個view真係好靚,我都影左唔少相~~不過天陰陰,我覺得影響左個view...坐左25分鐘左右,我地上了一個小碼頭,原來係for我地玩獨木舟既~~
我地見到咁得意就報名玩,真係勁值得玩,雖然要成600bht,但一定要試,真係好好玩,因為個船夫會帶我地行一d好矮既石穿去另一個地方,矮到一定要訓哂身,唔可以有少少屹起,如果唔係,一定會毀容,我都驚到忍唔住大嗌,真係勁驚d石會刮到塊面~~不過真係好玩囉,個船夫勁nice,又識講國語,咁我地咪成日同佢講野囉~~真係好好人,咁我又不停影相,仲嘗試攞支扙黎行,點知我一整,隻船改變左方向,嚇到我唔敢再試,都係留番俾船夫自己撐船好了~~我地又好好彩見到人地舉行水上婚禮,個新娘好靚呀,見到一d當地既特色,真係好興奮~~真係不枉此行~~上到岸,d團友係咁問我地好唔好玩,咁我地梗係話好好玩啦...攪到有d團友後悔唔玩~~哈哈~~之後我地又搭船去另一個出名既小島--占士邦島,電影拍攝取景地~鐵釘山,那裡真係好細,不過就好靚,我地都係咁影相,最攪笑個個搶住同小龍影相,佢又好鬼頂癮成日擺個占士邦look出黎,真係笑死我地~~不過kk就好可憐了,我地將所有既毛巾放哂係佢身到,個時巳經大家出哂汗,仲俾我地整到咁都真係好慘呀~~哈哈...
之後我地都有同kk影相,影完之後,佢仲請左我地食雪糕,原來佢係勁鍾意食雪糕的~~不過都多謝佢啦~~我地就係到睇下d檔位,嘩...好多野買,我地都買左唔少,最痴線係,我睇中左一條手錬,佢竟然開價1200bht,喪顛,我梗係第一時間放低啦...點知佢就即刻減價,但減極我都仲覺得好貴,唔肯買,點知都最後佢以100bht買俾我~~哈...同番d團友講,d團友都話我叻女,無俾人呃...不過我覺得即使係100bht,佢都有賺啦~~
之後我地去左一間水上餐廳食lunch,好靚呀,d食物又唔錯,最好就係我地6個女仔終於可以坐埋一齊,好開心,我地都覺得今餐食得好開心,不過能夠咁樣都要多謝kk啦~~
食完之後,我地返番布吉市中心,去左買豬肉干既手信店,但係由於我地巳經用左好多錢,咁我就唔想再買咁多食既野,所以只係買左肉鬆條~亦都嘗試左當地既小食--粟米,好甜呀~~食完上左車,去一個全世界最大既珠寶店,睇左一個好短既movie,就開始行下佢地現成既珠寶,講真我對依家野無咩興趣,不過都好多團友睇得好開心,最攪笑又係小龍佢,佢將d介指帶上手,又係到扮野,真係笑到我地碌地~~而joey又好有興趣想買,原來個店員好勁架,joey講左一句日文,佢即刻跟住講,原來佢精通6個語言....勁呀~~~我係到買左一個火機當手信~~
留大家坐係到等既時候,一位女團友就show佢買左既成卡幾既介指出黎,即時引起哄動,個個都爭住睇...不過真係好閃呀~~不過佢真係勁有錢囉~~個隻介指要5萬幾bht(即係要成萬幾蚊港幣),真係貴到顛~~
由於有多時間,小龍add多一個行程俾我地,係一個shopping mall--big c~~那個商場好大,我地唔夠錢,問左阿龍借2000bht,那裡有一個supermarket,有好多野買,衫褲鞋襪都有,我地起初都無買過野,但之後行下行下,見到好多野都好平,最後買左4件t-shirt,一對拖鞋,一對襪,仲有其他野,都好平咋~~好彩我地都唔使用佢既2000bht~~
行完街,我地就去了食dinner,今餐打邊爐,我地6個又可以坐埋一齊,我地開始討論邊個領隊靚仔d,又話點解會join依個團,真係玩得勁開心,不過最攪笑係daisy,佢原來咁留意人地~~哈哈...我地又飲左酒,個個都好似high high地咁~~呵呵~~最後一站就係好出名既芭東夜市了~~知道原來有converse買,我真係好開心,問左佢地係第幾層,我地都即刻衝上去,最後都好開心買左一對,由於起初以為時間唔係好多,咁我地就行得好快,這裡都真係算好多野買,我地又行左boots既counter,都買左一d,之後開始慢慢行,因為太攰了...哈哈...後來我地見到泰國版既貼紙相,好想影,但眼見就快10點(之前以為10點要走)就叫前面既一對泰國情侶俾我地影先,佢地好nice呀...真係泰國人都係好好的~~影完之後,咁我地係咁跑,以為要集合...出門shopping mall門口,見唔到有車,我地就開始擔心,我地行左成條街都唔見,望下錶只不過遲左一個字,應該唔會唔等我地嘛.....後來我地就開始諗其實係咪10:30呢...最後返到shopping mall門口見到kk,一問之下真係10:30,我地即刻鬆一口氣~~kk問我地仲咩...嘩..我地梗係唔講俾佢知啦...我唔想俾佢笑死呀~~
集合既時候,我地就同daisy,cindy商量聽日既行程,join唔join個d local tour去FANTASEA,不過唔知係咪我講錯野,我想問佢野既時候,佢竟然唔理我地,仲發哂4~~攪到我地都唔知點~~上左車仲唔行過黎....平時都唔會咁~~我地都好無奈~~之後我同小玲搭車回酒店既時候,好攪笑地縮埋一角講秘密,黑麻麻又要好細聲,真係好鬼死鬼殊~~不過最後我地都得出一個結論...當返到酒店既時候,我地就即刻落樓...點知都係失敗~~唉..我地成日都係咁...做埋d野係咁白痴~~結果攪到好鬼夜先訓~~ ~~
神仙洞,有好多馬騮架~
車上既低能照~~//車下既白痴照~~
攀牙灣既景色~~
這就係我地坐緊既長尾艇~~
這些相就係我玩獨木舟時見到既一切~~有一個好靚既泰國新娘~~
這裡就係占士邦島---鐵釘山,個景好靚呀~~係到仲玩得好開心呢~~
水上餐廳,好靚好味好玩~~yeah~~
都算係唯一一個大型shopping mall了~~
今晚係"拾下拾下",隻蟹好味都振呀~~~