布吉陽光與海灘之旅

第四天:

昨晚我地3點幾先訓,朝早6點幾就起左身,但morning call係8點,都唔知仲咩咁早我地就起身,之後傾左一陣計,再梳洗下,就去左食早餐,見到kk既時候,大家都好尷尬,唔知點咁,小玲同daisy同佢講早晨,佢又無咩野,但我就唔敢望佢,費時俾佢話啦~~但之後都ok啦,佢都同番我地講野,都一齊玩~~
今日其實就係free day,咁我地join左佢地去鳥旦島,之前聽過話依度d水好清好靚...咁我地就坐快艇去,今次坐前面,更感受極速既感覺,不過都無咩大浪,所以唔係好激~~去到看到個海真係好靚,不過由於小玲唔想再游水,咁我地就只係到曬太陽,不過有少少浪費咁好既海灘,我都有d衝動想落水玩~~再加上kk既"邀請"....不過最後小玲點都唔肯落水,所以......
今次曬太陽最主要就係想曬黑對腳,咁我就唔搽太陽油,點知由於太激,最後曬都紅哂,之後同daisy同cindy打排球,但玩左一陣就要食lunch,咁我地就唔玩,今餐真係好唔掂呀...食完之後,我地幾個搵d無聊野玩...kk都join埋....不過佢實在太.....
之後我地無咩野好做,kk就捉左一隻蟹返黎玩,隻蟹好細隻,佢好慘,不斷俾我玩,起初我都唔係好敢玩,但kk話唔會咬人架,佢就放在係我隻手到,之後我就開始發左顛咁玩...小玲同kk都話我變態,因為我成日整佢隻眼,哈哈...我地最後仲白痴到幫佢影相,小玲話仲要set埋個background俾佢,哈哈...kk就攞左毛巾做底色,我同kk就係咁影,唔知隻蟹係咪知道我地影緊佢呢...當我地影既時候,佢真係好乖唔郁俾我地影,影完佢就走開喎...真係勁得意~~
玩完之後,我地就離開這個島了,返到酒店,我地係碼頭講左好耐,都唔知點算好...小龍同kk就問我地想點,我地又唔係好敢講,因為怕佢地又嬲~~之後kk勁好人,可能俾daisy搞掂左,佢幫我地再問下hotel幫我地book去fantasea,我地返到酒店,佢就打電話俾我地,話幫我地攪掂左可以去,我地勁開心,因為我地4個一直都好想去睇依個show,而且仲有埋包車~~
之後我地上左kk房俾錢佢,我地就去左hotel既一間coffee shop飲野,個mood好正,又對海,仲要埋單每人都係十幾蚊,好正...飲完野,我地諗住行埋supermarket就返lobby等kk,點知行下行下,kk同小龍入左黎搵我地,話要即刻走,因為部車黎左接我地...哈哈...最笑死係小龍揸埋架車接我地返lobby,見到佢勁唔純熟既技術,我地都問佢有無牌,點知佢真係話無...天....
見到架車,嘩..好靚呀...我地好開心咁同小龍同kk say bye之後就出發去fantasea了....沿路個司機都問我地去唔去芭東再行夜市,話可以送我地返hotel,個司機都好nice呀....咁daisy好想行,咁我地就約左個司機12:30番去shopping mall等我地...都幾攪笑.....
去到目的地,我真係好開心,因為那裡真係好靚,((奇幻不夜城－此城為布吉島最新落成之旅遊點，耗資33億泰幣興建，綜合泰國文化、藝術及神話於一體。城內共分為三大題區: (嘉年華遊藝村)、(帝王美食館)及(象王宮殿夢劇院)。當中之泰國民俗嘉年華:玩遊戲、手工藝、精品店; 泰式美食及大型表演(夢幻王國); 象群馬戲表演、神奇隱術之不夜城))用左咁多錢黎起,真係有番咁上下呀~~我地見仲未天黑,快快影左相先...再行左一d shop,見到好靚d野,我地4個女仔既又開始crazy shopping了~~哈哈...
行完之後,我地就入左去食dinner,嘩...個佈置真係好勁,首先外牆巳經係金碧輝煌,勁有氣派,入到去,真係好似仙境咁,d食物都唔錯....有一d好nice既waiter~~好cutie~~食飽飽我地就開始入去睇show,嘩...唔俾帶相機架...又要放係佢地既儲物室到~~入到去,嘩,我地勁lucky,原來要坐好後,但最後我地竟然坐第一排,勁正~~這個show分左好多part,有幾part真係好好睇~~掂呀~~睇完10點幾,我地就去芭東行,其實之前我地都行過哂,都無咩想行,不過其實又唔係好多時間,行左一陣個司機接番我地回酒店....好好笑個司機成日同我地講野,又唔用兩隻手揸車,真係嚇死我地~~返到去,執埋d行李,成3點幾先訓~~今日就係最後一日了~~~ ~~