第五天:
第五天:
今日一早5:30morning call,真係想死...因為今日我地要搭早機返香港,所以我地一早食完早餐就搭車去機場了...去到機場,我地第一團去到,有好多時間剩,咁我地就周圍同d團友一齊影相,一大班團友影,又用各自既相機影,都影左一段時間,而且仲係由好攪笑既小龍幫我地影....佢成日做一d白痴既行為,真係超級頂癮~~
終於上到機,等左好耐都唔開機,而且巳經過哂時間,joey又開始等得唔耐煩,真係好笑....我地既團友又開始發揮攪笑既本色,都玩得好開心~~之後勁唔掂囉d空姐,當開始ready起飛既時候,竟然唔check下機艙,有好多行李格都未關,最笑死係我地一個團友--咸濕男,扮哂空中少爺,真係勁頂癮~~
開始起飛,我都開始訓了,因為實在太唔夠訓,上左機就不停訓,仲要俾個空姐叫醒,激死~~起完身,食完野,又訓...全程都係到訓...所以覺得d時間好快過,大概3點幾4時先返到香港~~同kk講左兩句,俾佢話左我一樣野,有d心神彷彿咁離開...雖然佢話開玩笑....但我真係有d擔心~~今次既旅程就完畢了~~
後記:
今次旅行,就如同我預期之中好玩~~當然係依次既旅程中,可以識到一班唔同既人係我最開心既事~~而且更有一d自己都估唔到會發生既事情,對我黎講都係一個體驗,姑勿論結果係點,係真係假....我enjoy個過程,先係最重要~~
我諗係依個旅程,令我留下最深刻印象既一定係玩獨木舟既時候,我真係覺得好好玩,係香港一定係唔會玩到既~~同埋我諗係依個trip裡面,我更confirm左一樣野,就係泰國人真係好nice~~~完全唔會有機心,反而係自己會初初用懷疑眼光去睇人或事~~anyway,布吉,我盼望我會有一日重臨,去再一次感受佢獨有既美~~
六個女仔玩得好開心~~
嗲聲嗲氣既情侶~~
大合照~~
臨別的照片~~再見啦小龍~~