小斯歷險記

第四回--收服水高羅

 朝頭早，小露好早起左身，但小斯仍在睡覺
小露：小斯∼∼起身啦
小斯：zzzzzzzzzzzzzzzzz
小露：真係無你辦法
亞查麼：查麼∼∼∼查麼∼∼∼
亞查麼係小斯耳邊狂講查麼呢兩個字，嘈醒左小斯
小斯：亞查麼∼做咩嘈醒我喎，我好累丫
小露：而家朝頭早十點啦，你仲訓
小斯：咦∼係喎∼∼
小露：睇你黎尋晚真係好累，但亞查麼、月伊貝、奇異種子、比卡超好精神啵
小斯：梗係啦，佢地有祖兒照顧嘛
小露：嗯，好啦，出發啦
佢地就黎出發果陣，佢地聽到有班人係度講野
神祕人1：帶齊野未？我地而家要出發，遲左就捉唔到架啦
神祕人2：帶齊啦
神祕人3：都唔明，點解捉一隻水高羅都要帶咁多野
神祕人4：果隻水高羅好鍾意玩架，我地梗係要同佢玩到夠啦，等佢無力果陣先捉佢，平時扔個精靈球過去，佢都輕易避開架。
神祕人1：而家出發啦
小斯：水高羅…我想要丫
小露：想要就跟住佢地去捉啦
小斯：行啦
佢地跟蹤果班人去搵水高羅，見到水高羅訓左係草地到休息
神祕人1：嘿嘿，水高羅，仲唔比我地搵到你（講完之後，果班人各自放出自己既精靈黎攻擊水高羅，分別有催眠獸、鴨嘴火龍、鐵甲貝和大岩蛇）
神祕人3：催眠獸∼去催眠水高羅
但水高羅顧住避開鴨嘴火龍既火焰發射，所以無理會到催眠獸
鐵甲貝同鴨嘴火龍圍住左水高羅，鐵甲貝用水鐵炮射水高羅，鴨嘴火龍再用火焰發射，但水高羅輕輕一跳，就避開左，但無留意到大岩蛇，所以比大岩蛇捲住左
神祕人3：係機會啦，催眠獸，去催眠水高羅
水高羅被催眠了
正當果班神祕人準備用精靈球捉水高羅果陣，月伊貝使出了影子球攻擊大岩蛇，使大岩蛇放開了水高羅
小斯同小露即刻衝去檢查水高羅既傷
小露：要快D送去精靈中心，如果唔係，會好危險架
小斯：水高羅，入去個精靈球先啦
水高羅唔肯入
小斯：快D入去啦，再唔入去，你會無命架
水高羅見小斯眼有淚光，就入左精靈球
小斯：要速戰速決丫，亞查麼，用火焰發射，月伊貝，用影子球
小露：奇異種子，用葉子飛刀啦，比卡超，用十萬伏特丫
由於神祕人之前既小精靈同水高羅對戰過，實力弱左，所以小斯同小露贏左
小斯：快D去精靈中心啦
小露：咁仲唔行
小斯同小露將D小精靈交左比祖兒
祖兒：點解隻水高羅傷得咁重架？
小斯：唔好提啦，佢比班神祕人既精靈打成咁架
祖兒：你等等
等左五小時，祖兒係急症室出番黎
祖兒：水高羅無事架啦
小斯：太好啦
小斯放左水高羅。
小斯：你走啦，番去你既屋企啦
水高羅留低左，唔肯走
小露：佢好似想跟你喎
小斯：好哇∼∼
亞查麼：查麼∼查麼∼
連亞查麼都好開心
佢地又多左一個伙伴